"ဘလော့လုပ်ပြီး စာတွေ ရေးစမ်းပါဗျာလို့" တိုက်တွန်းသူတွေက တိုက်တွန်း ခဲ့ကြတာ ကြာခဲ့ပါပြီ။ တိုက်တွန်းကြတဲ့ အရင်းနှီးဆုံးမိတ်ဆွေများထဲက တစ်ဦးကတော့ အမေရိကန်မှာရောက်နေတဲ့ ဒေါက်တာသောင်းတင် (စာရေးဆရာ လူမျိုးနော်)ပါ။ ဇနီးဖြစ်သူက အနီးကပ် အားပေးတိုက်တွန်းခဲ့ သလို သမီးဖြစ်သူကတော့ ယခုဘလော့ကို အစမှအဆုံး လုပ်ပေးခဲ့တာ ဖြစ် တယ်။ ရေးမယ် ရေးမယ်နဲ့ အခုမှပဲ ရေးဖြစ်ပါတော့တယ်။ ကမ္ဘာမှာ အရည် အသွေး အကောင်းဆုံးကျွန်းထွက်ရှိတဲ့ အမိမြန်မာပြည်နဲ့ ကျွန်းပင်တွေ ၀န်း ရံထားလေ့ရှိခဲ့တဲ့ မွေးဇာတိ ကန့်ဘလူမြို့ကို အမှတ်တရ ဂုဏ်ပြု့လျက် ဒီဘလော့၏အမည်ကို 'ကျွန်းသာယာ'လို့ ပေးလိုက်ပါသည်။

Showing posts with label ခရီးသွား အမှတ်တရများ. Show all posts
Showing posts with label ခရီးသွား အမှတ်တရများ. Show all posts

Sunday, December 1, 2019

ဟယ်(လ)စင်ကီ အလွမ်း





                    မြန်မာဘုန်းတော်ကြီးကျောင်းအ၀င်မုခ်ဦး


ဒီကနေ့ မြန်မာဘုန်းတော်ကြီးကျောင်းကိုရောက်သွားခဲ့သည်။

ထုံးစံအတိုင်း မိမိတုိ့လမ်းထဲမှ အမှတ် ၃၃၄ ဘတ်(စ)ကားစီးသည်။
ထိုနောက် ဂျူရောင်းတောင်းဟောလမ်းမှာ အမှတ် ၅၀၆ အမြန်ကားကိုပြောင်းစီးရသည်။

အမြန်ကားကို နာရီဝက်ကြာစီးပြီးသောအခါ မြန်မာဘုန်းတော်ကြီးကျောင်းအနီးရှိကားမှတ်တိုင်မှာဆင်းကြပါသည်။

နီးသည်ဟုဆိုရသော်လည်း ကားလမ်းမကြီး၏တစ်ဖက်ကို ကုန်းကျော်တံတားမှဖြတ်ကူးရသည်။
ပြီးတော့ တိုက်တွေအောက်မှ အာဟွတ်လမ်းရှိရာသို့ ၇ မိနစ်ခန့်လျှောက်သွားရသည်။

ထိုအခါ လမ်း၏ညာဘက်အခြမ်းရှိ ရာမာဒါဟိုတယ် (Ramada Hotel) ကို မြင်ရသဖြင့် ၁၉၉၆ ခုနှစ်က ဖင်လန်နိုင်ငံ ဟယ်(လ)စင်ကီမြို့ ကိုရောက်ခဲ့သည်ကို အမှတ်ရမိပါသည်။


 ရာမာဒါဟိုတယ်၊ စင်ကာပူ။





ရာမာဒါဟိုတယ်၊ ဟယ်(လ)စင်ကီမြို့ ။


ဟယ်(လ)စင်ကီမြို့ တွင် ထိုစဉ်က မိမိတည်းခိုခဲ့သောဟိုတယ်အမည်မှာလည်း ရာမာဒါဟိုတယ်ပင်ဖြစ်လေသည်။

မြို့ ၏အချက်အခြာကျသောနေရာတွင်ရှိပြီး ပြတိုက်များ၊ ဈေးများ ကုန်တိုက်ကြီးများနှင့်နီးသည်။

ပို၍အရေးကြီးသည်မှာ မိမိတက်ရောက်သည့်ညီလာခံနေရာဖြစ်သော Finlandia Hall နှင့် ၁၀မိနစ်ခန့်သာလမ်းလျှောက်ရပါသည်။ 

ညနေပိုင်းညီလာခံပြီးသည်နှင့် မိမိနှင့်စင်ကာပူနိုင်ငံသူလုပ်ဖော်ကိုင်ဘက်တို့သည် စတော့(ခ)မန်းကုန်တိုက်ကြီး (Stockmann Helsingin Keskusta) ကို အပြေးအလွှားသွားကြလေ့ရှိပါသည်။ 

၁၅ မိနစ်ကြာခန့် လမ်းလျှောက်ကြရပါသည်။

အဲဒီမှာ ညနေစာစားပြီးသောအခါ ဆိုင်များနှင့်ပစ္စည်းများကို ဟိုကြည့်ဒီကြည့်လုပ်ကြ၏။

ယင်းကုန်တိုက်ကြီးသည် နော်ဝေ၊ ဒိန်းမတ်၊ ဆွီဒင်၊ ဖင်လန် အစရှိသော စကင်ဒီနေးဗီးယားဒေသတွင် အကြီးဆုံးသောကုန်တိုက်ကြီးအဖြစ်ထင်ရှားလေသည်။

ရာမာဒါဟိုတယ်နှင့်ပတ်သက်ပြီး မှတ်မှတ်သားသားတစ်ခုလည်း ကြုံခဲ့ရသေးသည်။

၁၉၉၃ ခုနှစ်က ကိုရီးယားနိုင်ငံ ဆိုး(လ)မြို့ တွင် မိမိနှင့်တွေ့ဆုံရင်းနှီးခဲ့သော ဖင်လန်နိုင်ငံသူ ဒေါက်တာမာရီယာနှင့် အမှတ်မထင်ပြန်တွေ့ကြခြင်းဖြစ်သည်။

သူသည် ဖင်လန်နိုင်ငံအလယ်ပိုင်းဒေသရှိ  အူလူးမြို့ (Oulu) မှ ကလေးအထူးကုဆရာဝန်မတစ်ဦးဖြစ်ပြီး မိမိနှင့် သက်တူရွယ်တူလောက်ရှိမည်ထင်ပါသည်။

သူလည်း ဤဟိုတယ်မှာပင် တည်းပါသည်။ 

ကိုရီးယာနိုင်ငံမှာ ညီလာခံတက်ခဲ့ကြစဉ်က သူနှင့်မိမိတို့သည် သုတေသနစာတမ်းဖတ်ကြားရင်း တွေ့ဆုံခဲ့ကြခြင်းဖြစ်သည်။ 

ဖင်လန်နိုင်ငံမှ အာရှနိုင်ငံကို တစ်ဦးတည်းညီလာခံလာတက်ခဲ့သော ဒေါက်တာမာရီယာက မိမိကိုအကြောင်းပြုလျက် စင်ကာပူမှညီလာခံကိုယ်စားလှယ်အမျိုးသမီးများနှင့်အပေါင်းအသင်းဖြစ်ကာ ဆိုး(လ)မြို့ တွင် အတူတကွ သွားလာလည်ပတ်ခဲ့ကြပါသည်။


























Saturday, November 9, 2019

မြန်မာသင်္ကြန် အလည်ပြန် (၁)


မြန်မာ့သင်္ကြန်၁၃၈၁



              သားမက်နှင့်မြေးအကြီးတို့ရေပက်နေသည်ကို သမီးနှင့်မြေးအငယ်(ချီထား)တို့ကြည့်နေကြ။



ယခုနှစ်ဧပြီလက မြန်မာပြည်ကိုပြန်ဖြစ်ခဲ့သည်။

၁၉၉၀ ခုနှစ်က မြန်မာပြည်မှ မိမိ ထွက်လာပြီးနောက် မြန်မာပြည်ကို နှစ်စဉ်နှစ်တိုင်းလိုလို အလည်ပြန်ဖြစ်သည်။

အလည်ပြန်တိုင်း နိူဝင်ဘာလနှင့်ဒီဇင်ဘာလတို့တွင်သာ ပြန်တတ်ပါသည်။

မှတ်မှတ်ရရ တစ်ကြိမ်ပဲ ဇွန်လမှာပြန်ဖူးခဲ့သည်။
ဇနီး၏ကြီးမေ ကွယ်လွန်သော ၃ နှစ်မြောက်မှာ ဆွမ်းကျွေးရင်း အလှူသွားလုပ်ကြခြင်းဖြစ်သည်။

သို့သော် မြန်မာပြည်ကို တစ်ခါမှ ဧပြီလမှာ မပြန်ဖြစ်ခဲ့ပါချေ။

ယခုနှစ်တွင်တော့ အနှစ်နှစ်က ဆန္ဒရှိခဲ့သည့်အတိုင်း မြန်မာ့နှစ်သစ်ကူးသင်္ကြန်ကျင်းပသော တံခူးလတွင် သမီးတို့မိသားစုနှင့်အတူ ပျော်ရွှင်စွာပြန်ဖြစ်ခဲ့ကြသည်။


အိမ်ရှေ့ က ရေပက်တဲ့မဏ္ဍပ်လေး
  
   








အိမ်ပေါ်ကတွေ့နေရတဲ့
ရေပက်မဏ္ဍပ်လေး။


                                                    
                                                                             
လွန်ခဲ့သောနှစ်အနည်းကစပြီး သမီးက နှစ်သစ်ကူးသင်္ကြန်တွင်မြန်မာပြည်ကိုအလည်ပြန်လိုကြောင်း မကြာမကြာဆိုသလိုပြောနေခဲ့သည်။

သို့သော် မိမိ၏အလုပ်က  နိူဝင်ဘာလနှင့်ဒီဇင်ဘာလတို့တွင် ခွင့်ယူရန်အဆင်ပြေသဖြင့် ဧပြီလမှာမပြန်ဖြစ်ခဲ့ပေ။

နောက်တစ်ခု မြန်မာပြည်မှာ ဧပြီလက အလွန်ပူသည်။

နှစ်သစ်ကူးသင်္ကြန်ပွဲကို ရက်ရှည်ကျင်းပနေသဖြင့် သွားလာလည်ပတ်လို့မကောင်း။

အသိမိတ်ဆွေများနှင့်တွေ့ရန် အခက်အခဲရှိတတ်သည်။

သမီးက သူ့သမီးများအား မြန်မာ့သင်္ကြန်ပွဲတော်ကို မြင်ဖူး ကြုံဖူး နွှဲဖူး ပျော်ရွှင်ဖူးစေချင်သဖြင့် မိမိတို့က အဖော်ပြုလိုက်ပေးရသည်။

မိမိတို့ အဖိုးအဖွားတွေကိုယ်တိုင်ကလည်း မြန်မာပြည်မှထွက်လာခဲ့သည့်အချိ်န်ကစပြီး နှစ်သစ်ကူးသင်္ကြန်နှင့်ဝေးနေခဲ့သဖြင့် ခေတ်သင်္ကြန်ကိုပြန်ကြည့်ချင်မိပါသည်။















Saturday, August 22, 2015

ယခုတစ်ခေါက် မြန်မာပြည်ခရီး ၂၀၁၅


၁၃၇၇ ခုနှစ်၊ ၀ါခေါင်လဆန်း ၇ ရက်




ချန်ဂီလေဆိပ်။ မေ ၁၅ ရက် ၂၀၁၅။



ပြီးခဲ့သောမေလ ၁၅ ရက်နေ့က မြန်မာပြည်သို့ ခေတ္ထခဏ အလည်ပြန်သောခရီးစဉ်အတွေ့အကြုံများအား ဖေ့စ်ဘွတ်တွင် အချိန်နှင့်တစ်ပြေးတည်း ကြိုးစားပြီးရေးတင်ခဲ့သော်လည်း မြန်မာပြည်က အင်တာနက် အ ခက်အခဲကြောင့် မိမိစိတ်တိုင်းကျမရေးတင်နိုင်ခဲ့ပေ။ အချို့ ကိုကား အချိန် မရသဖြင့် မရေးတင်နိုင်ခဲ့ပေ။

ယခင်အခေါက်များကမူ စင်ကာပူသို့ပြန်ရောက်ပြီးမှသာ ဘလော့တွင် အချိန်ယူရေးခြင်းဖြစ်လေရာ မိမိပြော ပြေချင်သည်များကို အတော်ပြည့်ပြည့်စုံစုံ ရေးနိုင်ခဲ့ပါသည်။

မြန်မာပြည်ကိုပြန်မည့်နေ့ နံနက် ၃ နာရီက “မြန်ဌာနီ ထိုအလွမ်း” အမည်ဖြင့် ခရီးအကြိုစာလေးအား ဖေ့စ် ဘွတ်တွင် ရေးဖြစ်ခဲ့ပါသည်။ ထိုနေ့နံနက် ၁၀ နာရီတွင် မိတ်ဆွေဦးမျိုးဇင်က “မုဒုံ ကန်ကြီးဘုရားမှာ ဆရာ တို့ တွေ့ တဲ့ ဇာတ်လမ်းတော့ စိတ်ဝင်စားလာပြီ ဆရာရေ့ ” ဟု ကော်မန့်မှာ ရေးသဖြင့် မိမိက “မုဒုံကန်ကြီး ကဇာတ်လမ်းကို ‘ကျောက်စိမ်းရတုသို့ တိုင်လေပြီ’ အမည်နဲ့ ကျနော်တို့၏ ၃၅ နှစ်မြောက် မင်္ဂလာအထိမ်း အမှတ်အဖြစ် ကျွန်းသာယာဘလော့ကနေကူးပြီး ဖေ့စ်ဘွတ်မှာတင်ခဲ့ပြီးပါပြီ ဆရာကိုမျိုးဇင်။ မဖတ်လိုက်ရ ဘူးဆိုရင် ပြန်တင်ပေးပါ့မယ်ဗျာ။” ဟု အကြောင်းပြန်ခဲ့ပါသည်။

မြန်မာပြည်ကိုပြန်သည့်နေ့ခင်း ၁ နာရီက ချန်ဂီလေဆိပ်မှာ ရိုက်ထားသောဓာတ်ပုံလေး ၃ ပုံတင်ပြီး ဖေ့စ် ဘွတ်ကနေ မိတ်ဆွေများကို သတင်းပေးနိုင်ခဲ့သည်။

ဖေ့စ်ဘွတ်မှာတင်လိုက်သောဓာတ်ပုံများမှာ မိမိ၏ပုံကို မတွေ့သဖြင့် စင်ကာပူမှ တူမောင်ကိုကြည်ရွှင်က “အန်တီ ပြန်တာလား။ ဦးကော မပါဘူးလား။” ဟု မေးရှာသည်။ မိတ်ဆွေဦးမင်းမောင်ကတော့ “ဗမာပြည် ပြန်တာဆိုရင် အိမ်အလည်လာပါအုံးဗျို့ ။ ဆက်သွယ်ပါအုံးဗျို့ (fb က)” ဟု လှမ်းဖိတ်ခဲ့၏။ တစ်ခါ သံလျင်မှာ နေသော အကြောအဆစ်ကုပညာရှင် သမီးတင်စန္ဒာဝင်းကမူ “Welcome ဆရာ” ဟု နှုတ်ဆက်ခဲ့သေး၏။

လေယာဉ်ထဲမ၀င်မီအထိတော့ အဆင်ပြေခဲ့သည်။  


မြန်မာပြည်ရောက်ပြီး ထိုမေလ ၁၅ ရက်နေ့ညက ဟိုတယ်မှာ အင်တာနက်လုပ်၍ လုံးဝအဆင်မပြေခဲ့ပေ။ 

သို့ကြောင့် ရန်ကုန်ရောက်သည့်နေ့က သမိုင်းလမ်းဆုံအနီးတွင်နေသော အကြောအဆစ်ကုပညာရှင် (Physiotherapist) ဆရာမကြီးဒေါ်လှရီအား မြန်မာပြည်ကို ရောက်ရောက်ခြင်း လေဆိပ်ကနေ သွားရောက် တွေ့ဆုံနှုတ်ဆက်ကန်တော့ခြင်းနှင့် ဆရာမကြီး၏အိမ်တွင် အကြောအဆစ်ကုပညာရှင် သမီးဖြိုးသန့်မော်နှင့် တွေ့သည့်အကြောင်များကို မုဒုံကိုရောက်သည့် မေလ ၁၆ ရက်နေ့ ည ၉  နာရီတွင်မှ  ဖြိုးသန့်မော်ရိုက်ပေး သည့် ဓာတ်ပုံ ၃ ပုံနှင့်အတူ ရေးတင်နိုင်ခဲ့ပါတော့သည်။

ဆရာမကြီးအား နှုတ်ဆက်ကန်တော့ပြီးသောအခါ ဖြိုးသန့်မော်နှင့်လမ်းခွဲလျက် မိမိတို့က ဇနီး၏အမရှိရာ ငွေကြာယံသို့သွားကာ ညစာစားကြသည်။ ထို့နောက် မြို့ ထဲရှိဟိုတယ်သို့ ခရီးဆက်ခဲ့ကြရသည်။



စိမ်းစိုအေးချမ်းသော နံနက်ခင်း။ မေ ၁၆ ရက် ၂၀၁၅။




နောက်တစ်နေ့မနက် ၇ နာရီတွင် ဟိုတယ်မှ အောင်မင်္ဂလာအဝေးပြေးကားကြီးဂိတ်သို့အသွား 'ရိုးရိုးလေး ကဖီး'တွင် နံနက်စာ မုံ့တီစားကြ၏။ လမ်းတစ်လျောက်မှာ ရန်ကုန်မြို့ ၏အေးချမ်းသော စိမ်းစိုသော မနက် ခင်းအလှအပများကို ခံစားသွားရင်း ကားကြီးဂိတ်သို့ နံနက် ၈ နာရီ ၄၀ မိနစ်တွင်ရောက်၏။ ပြည်သူ့ရင်ပြင် နှင့်ပြည်သူ့ဥယျာဉ်ရှေ့ မှာ ကျန်းမာရေးလေ့ကျင့်နေကြသူများကို တွေ့ခဲ့ရ၏။










Sunday, July 5, 2015

မုဒုံဝင်းစိန်တောရကျောင်းသို့


၁၃၇၇ ခုနှစ်၊ ပထမ၀ါဆိုလဆုတ် ၃ ရက်၊ 








ပြီးခဲ့သောမေလက မြန်မာပြည်သို့ ခေတ္ထအလည်ပြန်ခဲ့ဖြစ်သည်။

ယင်းခရီးအကြောင်းအတွေ့အကြုံအချို့ အား ဖေ့စ်ဘွတ်တွင် အချိန်နှင့်တစ်ပြေးညီ ခပ်တိုတိုလေးတွေ ဦးစွာရေးခဲ့ပြီးဖြစ်သည်။

ထို့နောက်တွင်မှ တစ်ချို့ ကို ကျွန်းသာယာဘလော့တွင် ပြန်လည်ကူးယူဖော်ပြခဲ့ပါသည်။

ယခုတစ်ခါမူ ဖေ့စ်ဘွတ်တွင် မရေးဖြစ်ခဲ့သော မြန်မာပြည်ခရီးသွားအတွေ့အကြုံများကို ကျွန်းသာယာစာ ဖတ်မိတ်ဆွေများအတွက် အချိန်ရသလို ဆက်လက်ရေးသားသွားပါမည်။




သက်ရှိထင်ရှား မဖူးလိုက်ရသော ၀င်းစိန်တောရဆရာတော်ကြီး



အဘိဓဇအဂ္ဂမဟာသဒ္ဓမ္မဇောတိက ဘွဲ့တံဆိပ်တော်ရ ဒေါက်တာဘဒ္ဒန္တကေသရ (၀င်းစိန်တောရ ဆရာတော်ဘုရားကြီး)
ဓာတ်ပုံ- အင်တာနက်မှ။



မိမိတို့ဇနီးမောင်နှံ မြန်မာပြည်သို့မပြန်မီတစ်လခန့်အလိုဖြစ်သော ဧပြီလ ၂၆ ရက်နေ့က ၀င်းစိန်တောရ မွန်ဆရာတော်ဘုရားကြီး အဘိဓဇအဂ္ဂမဟာသဒ္ဓမ္မဇောတိက ဘွဲ့တံဆိပ်တော်ရ ဒေါက်တာဘဒ္ဒန္တကေသရ ပြန်လွန်တော်မူကြောင်း စိတ်မကောင်းစွာ ကြားသိခဲ့ရသည်။

ထိုစဉ်က မိမိတို့သွားမည့်ခရီးသည် ဇနီး၏မွေးရပ်ဇာတိဖြစ်သော မုဒုံမြို့ ဖြစ်လေရာ မိမိတို့ မူလက ဖူးမျှော် ရန်ရည်စူးထားခဲ့သော ဆရာတော်ဘုရားကြီးအား ဖူးမျှော်ခွင့်မရှိတော့ပြီ။

မုဒုံသူဖြစ်သော မိမိ၏ဇနီးပင်လျှင် သူအရွယ်ရောက်စက ဆရာတော်ဘုရားကြီး၏ဇာတိရွာဖြစ်သော လက် တက်ကျေးရွာရှိ ဆွေမျိုးများထံအလည်သွားရင်း ထိုစဉ်က မထင်ရှားသေးသော ဆရာတော်ကြီးအား တစ် ကြိမ်သာဖူးခဲ့ဘူးပါသည်။

ကမ္ဘာ့အကြီးဆုံးလျောင်းတော်မူဘုရားကြီးကို ၀င်းစိန်တောရဆရာတော်ဘုရားကြီးက စတင်ဦးစီးတည်ထား တော်မူစဉ်ဖြစ်သော စောစောပိုင်းနှစ်များ (လွန်ခဲ့သော ၁၈ နှစ်ခန့်ကဟုထင် ပါသည်။) မိမိတို့မိသားစု မုဒုံမြို့ သို့အလည်ပြန်ရောက်ခိုက် ဇနီး၏မောင်ဖြစ်သူကိုဝင်းနိုင်ကလိုက်ပို့သဖြင့် ကျောင်းသို့ရောက်ခဲ့သော်လည်း ဆရာတော်ကြီးမရှိသဖြင့် ထိုစဉ်က မိမိတို့မဖူးခဲ့ရပါချေ။  

ယခုတစ်ခေါက်တွင်မူ ယာယီစံကျောင်းတော်မှာထားရှိသော မှန်အခေါင်းအတွင်းရှိ ဆရာတော်ဘုရားကြီး၏ ဥတုဇရုပ်ကလာပ်အား ဖူးခွင့်ရခဲ့ပါတော့၏။

မိမိတို့ ၀င်းစိန်တောရကျောင်းသို့ ယခုနှစ်မေလ ၁၇ ရက်နေ့ ညနေပိုင်းတွင် ရောက်ရှိသွားခဲ့ပါသည်။ 






ကားက မော်လမြိုင်-မုဒုံလမ်းမကြီးမှ အရှေ့ ဖက်ရှိ ၀င်းစိန်တောရကျောင်းမုခ်ဦးကို ကွေ့ဝင်လိုက်သည်နှင်. တစ်ဖက်တစ်ချက်တွင် စိမ်းစိမ်းစိုစိုသစ်ပင်များနှင့် ဈေးဆိုင်တန်းများရှိသောလမ်းအတိုင်း အနည်းငယ်သာ မောင်းဝင်ရပါသည်။ ကားကို ယာယီစံကျောင်း တော်ရှေ့ မှာရပ်ပြီး အုတ်လှေကားအနီလေးများအတိုင်း တက်လျက် ယာယီစံကျောင်းအထဲ ၀င်ခဲ့ကြ၏။

ဆရာတော်ဘုရားကြီး၏ဥတုဇရုပ်ကလာပ်ထားရှိရာ မှန်လုံခန်းရှေ့ တွင် ဘုရားဖူးများ တန်း စီရပ်နေကြ သဖြင့် မိမိတို့လည်း တန်းဝင်စီကြပါသည်။ ဆရာတော်ဘုရားကြီး ခြေဖ၀ါးတော်ဖက်မှအစပြုပြီး မှန်အ ခေါင်း၏လက်ဝဲဖက်အခြမ်းကို ဖူးကြရပါသည်။ မိမိက ဆရာတော်ကြီးအားဖူးရင်း ယခုဖော်ပြထားသော ဓာတ်ပုံများကို ရနိုင်သမျှရိုက်ယူခဲ့ပါသည်။

ထို့နောက် စံကျောင်းအတွင်း၌ ချိတ်ဆွဲပြသထားသော ဆရာတော်ကြီးလုပ်ငန်းမှတ်တမ်းဓာတ်ပုံများနှင့် ဒကာ-ဒကာမဧည့်သည်တော်မှတ်တမ်းဓာတ်ပုံများကိုကြည့်ရင်း အချို့ အား ရိုက်ယူခဲ့၏။


ဝင်းစိန်တောရမှ မော်လမြိုင်သို့သွားသည့် လမ်းတစ်လျှောက်တွင် မိမိ၏အသိအာရုံမှာ ဆရာတော်ကြီးအား ကြည်ညိုစွာဖူးမျှော်ခဲ့မိပါသည်။   






Saturday, June 13, 2015

မော်လမြိုင်ကိုရောက်ပြီ


၁၃၇၇ ခုနှစ်၊ နယုန်လပြည့်ကျော် ၁၂ ရက်၊ စနေနေ့၊




FB

မော်လမြိုင်ကိုရောက်ပြီ

မော်လမြိုင် ကမ်းနာလမ်းမှာရှိတဲ့ ငွေမိုးဟိုတယ်ကို ညနေခင်း ၃ နာရီခွဲမှာ ရောက်ကတည်းက တယ်လီဖုန်းနဲ့ ရိုက်ထားတဲ့ ဓာတ်ပုံတွေကို အီးမေး attachmentနဲ့ laptop အထဲပြောင်းပြီးပို့နေတာ ပို့တဲ့လိပ်စာတွေဆီကိုတော့ရောက်ပါရဲ့ ။

သို့ပေမယ် connection မကောင်းလို့ ဓာတ်ပုံတွေကို ၁ ပုံမှ ဖွင့်မရလို့ အချိန်တွေသာ ကုန်သွားခဲ့ ရတယ်။ 

ဒါကြောင့် ပုံမတင်သေးပဲ စာကိုအရင်ရေးရပါမယ်။



ရန်ကုန်မှရှိတဲ့ ဇနီး၏တူမဖြစ်သူက မိမိတို့စင်ကာပူမှမထွက်လာမီကတည်းက ငွေမိုးဟိုတယ်ကို ကြိုပြီးအခန်းမှာထားပေးတာေ      ကြောင့် ဟိုတယ်ကိုရောက်တော့ အဆင်ပြေလွယ်ကူခဲ့ပါတယ်။ မုဒုံကလာစဉ်က ဇနီး၏ညီမ ၃ ဦးနဲ့တူမလေး ၁ ယောက်ပါလာခဲ့လို့ သူတို့ကို ငှားလာတဲ့ကားဖြင့် ဇနီး၏မောင်အိမ်ကို ပို့ခိုင်းရတယ်။ သူတို့ထွက်သွားတော့ မိမိက ဟိုတယ်ရှေ့ ကို ဆင်းလာပြီး အခုလိုအမှတ်တရ ဓာတ်ပုံရိုက်ပါတယ်။



ဟိုတယ်မှာ ညစာစားနေတုန်း မိုးက သဲကြီးမဲကြီးရွာချလို့ အေးစိမ့်စိမ့်လေးနဲ့ နေလို့ကောင်းပါတယ်။


ခရီးသွားလို့ တစ်နေရာကိုရောက်တိုင်း အိမ်ရှင်မက ထုံးစံအတိုင်း ပစ္စည်းထုတ်သိမ်းလုပ်လေ့ရှိတယ်။