စင်ကာပူရောက်မြန်မာပရဟိတအသင်းရှစ်သင်းစုပေါင်း၍ မြန်မာနိုင်ငံအနှံ့ရှိ မြွေဆိုးပေါသောဒေသများ အ တွက်မြွေဆိပ်ဖြေဆေးနှင့် အသက်ကယ်ဆေးဝါးများကို မေလ ၁၇ ရက် ကဆုန်လပြည့်နေ့ မွန်းလွဲ ၂ နာရီအချိန်တွင် ရန်ကုန်မြို့ စကားဝါလမ်းရှိ မင်းကွန်းတိပိဋ္ဋကနိကာယကျောင်းတော်ကြီး၏ ဓမ္မသဘင်၌ အခမ်းအနားတစ်ရပ်ဖြင့် လှူဒါန်းခဲ့ကြောင်း အလှူရှင်များက ပြောကြားသည်။ စုစုပေါင်းမြန်မာကျပ်ငွေ သိန်း ၅၀ တန်ဖိုးခန့်ရှိသော မြွေဆိပ်ဖြေဆေး ၄၃၆ လုံးနှင့် အသက်ကယ်ဆေးဝါး များကို လှူဒါန်းခဲ့ ကြောင်း၊ နှစ်စဉ်မြွေဆိုးအန္တရာယ်ကြောင့် အသက်ဆုံးရှုံးနေရသည့် ကျေးလက်ပြည်သူများ၏ အသက်ကို ကာကွယ်စောင့်ရှောက်နိုင်ရန်ရည်သန်၍ စနေဓမ္မမိတ်ဆွေများအဖွဲ့၊ ဗုဒ္ဓအလင်းရောင်၊ သာသနာ့ရောင် ခြည်၊ ထားဝယ်မိသားစု၊ အောင်လံသုခိတာ၊ Lotus ဖေါင်ဒေးရှင်း၊ အပြည်ပြည်ဆိုင်ရာအဘိ ဓမ္မာအသင်း ကြီးဟူသောစင်ကာပူရောက် မြန်မာပရဟိတအသင်းရှစ်သင်းစုပေါင်း၍ မြွေဆိုးပေါသောဒေသများသို့
လှူဒါန်းရခြင်းဖြစ်ပါကြောင်း ပရဟိတအဖွဲ့ဝင်တစ်ဦးဖြစ်သူ ဒေါ်ယမင်းသိန်းက The Voice Weekly သို့ ရှင်းပြသည်။
အဆိုပါအလှူသို့ မိတ္ထီလာ၊ သာစည်၊ အထက်မင်းလှ၊ စလင်း၊ တောင်တွင်းကြီး၊ အောင်လံ၊ ပခုက္ကူ၊ ဆိပ် ဖြူ၊ ကန့်ဘလူ၊ ဘုတလင်၊ မြင်းမူ၊ ဒေးဒရဲ၊ အင်္ဂပူ၊ လေးမျက်နှာ၊ ကြို့ပင်ကောက်၊ လက်ပံတန်း၊ ဘိုက လေး၊ မော်လမြိုင်ကျွန်း စသည့်မြို့နယ်တို့ရှိ ကျေးရွာအုပ်စုများမှ သက်ဆိုင်ရာ လူမှုရေး ဦးစီးဦးဆောင်ပြု သူများ တက်ရောက်လက်ခံယူခဲ့ကြောင်း လှူဒါန်းသူများထံမှ သိရသည်။
The Voice Weekly (May 30 - June 5, 2011) မှ ကောက်နှုတ်ဖော်ပြပါတယ်။
No comments:
Post a Comment