"ဘလော့လုပ်ပြီး စာတွေ ရေးစမ်းပါဗျာလို့" တိုက်တွန်းသူတွေက တိုက်တွန်း ခဲ့ကြတာ ကြာခဲ့ပါပြီ။ တိုက်တွန်းကြတဲ့ အရင်းနှီးဆုံးမိတ်ဆွေများထဲက တစ်ဦးကတော့ အမေရိကန်မှာရောက်နေတဲ့ ဒေါက်တာသောင်းတင် (စာရေးဆရာ လူမျိုးနော်)ပါ။ ဇနီးဖြစ်သူက အနီးကပ် အားပေးတိုက်တွန်းခဲ့ သလို သမီးဖြစ်သူကတော့ ယခုဘလော့ကို အစမှအဆုံး လုပ်ပေးခဲ့တာ ဖြစ် တယ်။ ရေးမယ် ရေးမယ်နဲ့ အခုမှပဲ ရေးဖြစ်ပါတော့တယ်။ ကမ္ဘာမှာ အရည် အသွေး အကောင်းဆုံးကျွန်းထွက်ရှိတဲ့ အမိမြန်မာပြည်နဲ့ ကျွန်းပင်တွေ ၀န်း ရံထားလေ့ရှိခဲ့တဲ့ မွေးဇာတိ ကန့်ဘလူမြို့ကို အမှတ်တရ ဂုဏ်ပြု့လျက် ဒီဘလော့၏အမည်ကို 'ကျွန်းသာယာ'လို့ ပေးလိုက်ပါသည်။
Wednesday, January 31, 2024
အင်းလေးမှာစားတဲ့မုန့်ဟင်းခါး
အခုတလောမှာ အိမ်ရှင်မ၏ကျန်းမာရေး အနည်းငယ်မကောင်းတာကြောင့် မိမိခွင့်မကြာခဏယူပြီး
အိမ်မှာအနေများပါတယ်။
ရင်ဘတ်နာလို့ဆရာဝန်ကပေးတဲ့ဆေးက အိပ်ချင်ပြီး လှဲအိပ်နေရတာကြောင့် မိမိက ကိုယ့်အိမ်မှာ
ကိုယ် လူနာစောင့်လုပ်နေရပါတယ်။
အိမ်ထဲမှာ ဟိုနားဒီနားသွားရင်း ခေါင်းမကြည်တာကြောင့် လူကြီးဆိုတော့ လဲကျမှာစိုးလို့ပါ။ တွဲကူ
ပေးဖို့တော့မလိုပါဘူး။ စောင့်ကြည့်ပေးရုံလေးပါ။
မနက်ပိုင်းမှာ နံနက်စာသွားဝယ်ရင်း အိမ်အတွက်စားစရာနဲ့ တခြားလိုအပ်တာလေးတွေလဲ ၀ယ်ခဲ့ရ
ပါသေးတယ်။
ဒီလိုနဲ့ အိမ်ရှင်မခမျာ အပြင်မထွက်ရတာ အတော်လေးကြာသွားခဲ့ပါတယ်။
ဒီနေ့မနက်မှာ အပြင်မသွားဖြစ်တာကြာပြီဖြစ်တဲ့အိမ်ရှင်မကို အပျင်းလဲပြေပြီး အညောင်းအညာလဲ
ပြေစေဖို့ မြန်မာရွာကြီးရှိရာပဲန်နင်းစူးလားပလာဇာကုန်တိုက်(Peninsula Plaza)ကို ပို့ပေးပါတယ်။
နောက်တခုက မြန်မာရွာကြီးက အင်လေးစားသောက်ဆိုင်မှာ မုန့်ဟင်းခါးနဲ့ဗူးသီးကျော်စားချင်တာ
လဲပါပါတယ်။
မုန့်ဟင်းခါးစားချင်လို့ မိမိနေတဲ့စင်ကာပူအနောက်ပိုင်းကနေ မြန်မာရွာကြီးရှိရာ မြို့ လယ်ခေါင်ကို
ကားနှစ်တန်စီးပြီး ၁ နာရီခွဲကြာတကူးတကသွားခဲ့ရပေမယ့် စားတဲ့အခါမှာကျေနပ်မှုရှိတာကြောင့်
သွားရတာတန်တယ်လို့ပြောရမှာပါ။
ပထမဘတ်(စ)ကားက ဒေသအတွင်းမှာပဲ ခရီးတိုလေးသွားတာဖြစ်လို့ မိနစ် ၂၀ လောက်ပဲစီးရတာ။
ဒုတိယဘတ်(စ)ကားက လမ်းကြောရှည်တာကြောင့် တနာရီကြာစီးရတယ်။
ဒါပေမယ့် နှစ်ထပ်ကားရဲ့ အပေါ်ထပ်ကစီးသွားတာကြောင့် လမ်းဘေးဝဲယာကစိမ်းစိမ်းစိုစိုသစ်ပင်
ပန်းပင်တွေကို တလျှောက်လုံးကြည့်သွားရတာဖြစ်လို့ အနားယူခရီးလေးတခုသွားသလိုခံစားနှစ်
သက်မိတာပါပဲလေ။ အလှအပနေရာတချို့ ကို ဓာတ်ပုံရိုက်ခဲ့သေးတယ်။
မြန်မာရွာကြီးကိုရောက်တော့ မနက် ၁၁ နာရီမထိုးသေးဘူး။ ဆိုင်မဖွင့်သေးလို့အပေါ်ထပ်တွေတက်
ပြီး မြန်မာပစ္စည်းမျိုးစုံရောင်တဲ့ဆိုင်တွေကို ၁၅ မိနစ်ခန့်လျှောက်ကြည့်ဖြစ်ခဲ့ကြတယ်။
မနက် ၁၁ နာရီမှာ အင်းလေးစားသောက်ဆိုင်ရှိတဲ့မြေအောက်ထပ်ကိုပြန်ဆင်းသွားပြီး မုန့်ဟင်းခါး၊
ဘူးသီးကြော်နဲ့ လက်ဘက်ရည်စားသောက်ကြပါတယ်။ အဲဒီမနက်က အင်းလေးဆိုင်ရဲ့ ပထမဆုံး
ဈေးဦးပေါက် ကပ်စတာမာ ၂ ဦးပေါ့။
ပုံမှာတွေ့ရတဲ့အတိုင်း မုန့်ဟင်းခါးက ပန်းကန်ကြီးကြီးနဲ့မို့ စားရတာဗိုက်အပြည့်ပါ။ ဘူးသီးကြော်ကလဲ
ပူပူနွေးနွေးနဲ့ မုန့်ဟင်းခါးထဲမှာပါလာတဲ့ပဲကြော်နဲ့တွဲစားလို့ အဆင်ပြေပါတယ်။ တို့စရာအချဉ်လေးက
အကြော်နဲ့လိုက်ဖက်လို့ပါပဲ။
လက်ဘက်ရည်ကတော့ မိမိအကြိုက် ချိုကျလေးပါ။
Tuesday, January 30, 2024
အကြောဖြေလျှော့ပေးခြင်း
လေ့ကျင့်ခန်း(Exercise) မလုပ်မီနှင့်ပြုလုပ်အပြီးမှာ
အကြောဖြေလျှော့ပေးရန် လိုအပ်ပါသလား
ကျန်းမာရေးအတွက် ကိုယ်လက်လေ့ကျင့်မှုလုပ်ရာမှာ ယင်းသို့မလုပ်မီနှင့်ပြုလုပ်ပြီးသည့်အချိန်တွေ
မှာ အကြောဖြေလျှော့ပေးခြင်း(Stretching) ကိုလုပ်ပေးရန် လူအတော်များများ ငယ်စဉ်ကတည်းက
သင်ကြားနာယူခဲ့ကြသည်။
ထိုသို့ မပြုလုပ်ပေးပါက ထိခိုက်အနာတရဖြစ်ခြင်း၊ နာကျင်ကိုက်ခဲခြင်းနှင့်လေ့ကျင့်မှုကို ပုံမှန်မပြုလုပ်
နိုင်တော့ခြင်း(worse workout) အစရှိသည့်များကြုံတွေ့ လာရဖွယ်ရှိသည်ဟု သတိပေးခဲ့ကြသည်။
ယင်းပြောဆိုချက်ကို သိပ္ပံက လက်တွေ့ အားဖြင့်ထောက်ခံပါသလားဟူသောအမေးရှိလာသည်။
ကိုယ်လက်လေ့ကျင့်မှုတခုမပြုလုပ်မီနှင့်ပြုလုပ်ပြီးတိုင်း အကြောဖြေလျှော့ပေးရန်လိုအပ်သည်ဟု
သင့်အနေနှင့်ကရော ထင်မြင်ပါသလား။
ဒါနဲ့ပတ်သက်ပြီး ယေးဆေးကျောင်းမှာရှိသည့် အရိုးရောဂါကုဌာနနှင့်ပြန်လည်ထူထောင်ရေးကုသမှု
ဌာန(Clinical Orthopaedics and Rehabilitation)မှ လက်ထောက်ပါမောက္ခ ဒေါက်တာ'စက်မဲန်သာ
စမစ်' ကတော့ "မလိုပါဘူး" နိူး(No) ပါတဲ့။ ဒါက အလွယ်ဆုံးအဖြေပါ။
သို့ရာတွင် ကျွမ်းကျင်ပညာရှင်များအနေဖြင့် အရှည်ဖြေရမည်ဆိုပါက အဓိကအချက်(၂)ချက်ကို စဉ်း
စားရန်လိုလေသည်။
ယင်းတို့မှာ၊
၁) ဘယ်လို ကိုယ်လက်လေ့ကျင့်မှုမျိုးလဲ (Type of workout)
၂) ကိုယ်လက်လေ့ကျင့်မှု၏ရည်ရွယ်ချက်ပန်းတိုင်(Fitness goals) က ဘာတွေများလဲ
ကဲ ဆက်ပြီးလေ့လာကြည့်ကြပါဦးစို့။
အကယ်၍ သင့်အနေဖြင့်အဆစ်လှုပ်ရှားမှုကြီးကြီးမားမား/များများစားစား(large range of motion)
မလိုသောလေ့ကျင့်လှုပ်ရှားမှုမျိုး၊ ဥပမာ ရွရွလေးအပြေးလေ့ကျင့်တယ်(jogging)ဆိုကြပါစို့။ သိပ်အ
ဝေးကြီးလဲမဟုတ်ဘူး။ ပုံမှန်နှုန်း(relatively steady pace)လောက်သာပြုလုပ်သည်ဆိုပါက အပြေးမ
လေ့ကျင့်မီတွင် အကြောဖြေလျှော့ပေးရန်မလိုဟု Memorial University of Newfoundland အားက
စားသိပ္ပံသုတေသီ ပါမောက္ခတဦးဖြစ်သူ 'ဒေးဗစ်ဘဲမ်'က ပြောပါသည်။
အကြောဖြေလျှော့ပေးနည်းအမျိုးအစားများစွာ(different types of stretching)ရှိနေသည်။
သို့ရာတွင် ယခုဆောင်းပါးမှာ Static stretching ဟုခေါ်သည့် ကြွက်သားအားရှည်ဆန့်ထားသော
အနေအထားမှာရပ်တန့်ထိန်းထားခြင်း(hold still in a position)အကြောင်းကို အဓိကထားဆွေးနွေး
မည်ဖြစ်သည်။
ဤအမျိုးအစားတွင် ရိုးရိုးသာမန်ကိုယ်လက်လှုပ်ရှားလျက် သွေးပူလေ့ကျင့်ပေးခြင်း(simple warm-
up with dynamic movements ဥပမာ - lunges and squats) ဖြင့် သင်၏ကိုယ်ခန္ဓာသည် လေ့
ကျင့်ခန်းပြုလုပ်ရန်အဆင်သင့်ဖြစ်ပေပြီ။
အချို့ သောတွေ့ရှိမှုနှင့်သတင်းအချက်အလက်များက Static stretching သည် အင်အားသုံးလေ့ကျင့်
ခြင်းများ(strength and power training) အတွက် အကျိုးမရှိသည့်အပြင် လုပ်ဆောင်မှုအားအဟန့်အ
တားပင်ဖြစ်စေသည်ဟုထောက်ပြကြသည်။
အဆစ်လှုပ်ရှားမှုကြီးမားသည့်ကြွက်သားသန်စွမ်းမှုလေ့ကျင့်ခန်းများ(Strength exercises involving
large movements)တွင် ကြွက်သားကြောကိုဖြေလျှော့ပေးသကဲ့သို့ပင် ကြွက်သားများအား ရှည်ဆန့်
မှုဖြစ်စေသည်ဟု ပါမောက္ခ'ဒေးဗစ်ဘဲမ်'က ပြောပါသည်။
ထိုကြောင့် အလေးမလေ့ကျင့်ခြင်းမပြုလုပ်မီတွင် ကြွက်သားကြောဖြေလျှော့ပေးခြင်းဖြင့် အလေးကို
မ,တင်နိုင်သည့်စွမ်းရည်ကို တိုးမြှင့်မပေးနိုင်ဟုဆိုပါသည်။
မှတ်ချက်။ ။ Stretching နှင့် Exercise အကြောင်းကို အကျယ်တ၀င့်ဖတ်ရှုလေ့လာနိုင်စေရန်
ယခုလ ၂၄ ရက်နေ့က The Straits Times သတင်းစာမှာပါရှိသော NYTIMES၏
မူရင်းဆောင်းပါးကို အပြည့်အစုံထည့်သွင်းပေးထားပါသည်။
Monday, January 29, 2024
နိုင်ငံတကာ - ဟိုအကြောင်း ဒီအကြောင်း (၅)
၎-၂-၂၄
ဆွီဒင်နိုင်ငံက ဂါဇာဒေသတွင် ပါလက်စတိုင်းဒုက္ခသည်များအားကယ်ဆယ်ရေးလုပ်ကိုင်ပေးနေသည့်
***
၂၉-၁-၂၄
မနေ့ညပိုင်း ၈ နာရီခွဲခန့်က ဆရာဦးစောကယ်(လ)ဗင်ထံက အထက်ပါဗွီဒီယိုသတင်းလေးတပုဒ်ရရှိ
ခဲ့ပါတယ်။
ဆရာဦးကယ်(လ)ဗင်က သူရလာတဲ့စိတ်ဝင်စားစရာ၊ မှတ်သားစရာ၊ သတိပြုစရာ၊ သတင်းပေးစရာ
(ဥပမာ မြန်မာအကြောအဆစ်ကုပညာရှင်[Physiotherapist]များအကြောင်း) အစရှိတာလေးတွေကို
မိမိထံ မကြာခဏ မျှဝေပို့ပေးလေ့ရှိတာဖြစ်လို့ အထက်ကသတင်းလေးကလဲ တခုအပါအ၀င်ဖြစ်ပါ
တယ်။ ထူးထူးခြားခြာတော့လဲ မဟုတ်ပါဘူး။
ရုတ်တရက်တော့ မနက်ဖန် တဘက်ခါဆိုရင် နယ်သာလန်နိုင်ငံ၏၀န်ကြီးချုပ်ဖြစ်လာမည့်သူတဦးအ
နေနဲ့ အဲဒီလောက်ရှင်းရှင်းလင်းလင်းပဲ ဒဲ့ဒိုးကြီးပြောပါ့မလား၊ မောင်းထုတ်ပါ့မလားလို့ သံသယစိတ်
လေးဖြစ်မိပေမယ့် သူတို့အနောက်နိုင်ငံသားများက ပြောစရာရှိလာခဲ့ရင် အားနာတယ်ဆိုတာမျိုးမရှိ
တတ်ကြဘူး။ ပြောသင့်ပြောထိုက်တာကို ဗွင်းဗွင်းရှင်းရှင်းပဲ ပြောတတ်ဆိုတတ်လေတော့ ဟုတ်မှာ
ပါပေါ့။
သူတို့နိုင်ငံ၊ သူတို့လူမျိုး၊ သူတို့အကြိုက်၊ သူတို့မူ၊ သူတို့ရွေးခြယ်မှု၊ သူတို့စနစ်ဖြစ်နေလေတော့ နား
လည်လက်ခံပေးရမှာပဲလေ။
ဒါနဲ့ မိမိက သတင်းအစအနလိုက်ပြီးရှာဖတ်တဲ့အခါ အောက်ကသတင်းတချို့ ကို ထပ်ပြီးသိရတော့တာ။
အစ္စလန်နိုင်ငံကိုသာ ထွက်သွားကြပါ။
ဒါမှ အစ္စလန်ဥပဒေသတွေအတိုင်း ခင်ဗျားတို့နေထိုင်ခံစားနိုင်ကြမှာဖြစ်တယ်။
အစ္စလန်ဥပဒေသတွေဆိုတာက အစ္စလန်နိုင်ငံတွေရဲ့ ဥပဒေတွေပဲလေ။
ကျုပ်တို့နိုင်ငံရဲ့ ဥပဒေတွေမှ မဟုတ်ကြတာ။ (မစ္စတာ Geert Wilders ၊ Freedom Party-PPV မှ
အောင်ပွဲခံပါတီခေါင်းဆောင်၊ နယ်သာလန်နိုင်ငံ၏၀န်ကြီးချုပ်ဖြစ်လာမည့်သူ)
Sunday, January 28, 2024
အမျိုးသမီးနှင့်ကာယအလှလေ့ကျင့်မှု (၂)
အမှတ် (၁) တွင်
အားကစားလေ့ကျင့်ကြတဲ့ အမျိုးသမီးအများစုမှာ
အောက်ပိုင်းသန်မာပြီး အပေါ်ပိုင်းဘာ့ကြောင့်အားပျော့ကြရတာလဲ?
ဆိုသည့်မေးခွန်းကို မေးထားခဲ့သည်။
ယင်းမေးခွန်း၏အဖြေကို ရှာကြည့်ကြပါစို့။
ခန္ဓာကိုယ်အပေါ်ပိုင်း၏ကြံ့ ခိုင်သန်စွမ်းမှု(Upper body strength)သည် ခန္ဓာကိုယ်အပေါ်ပိုင်းနှင့်
အောက်ပိုင်းတို့၏ကြွက်သားအားမျှခြေ(Muscle balance)ကို ထိန်းညှိထားခြင်းတွင်အဓိကကျနေ
ပါသည်။
သို့ရာတွင် အမျိုးသမီးအတော်များများက ရင်ဘတ်၊ ကျော၊ ပခုံးနှင့်လက်မောင်းအစရှိသည်တို့၏
သန်စွမ်းမှုကို အလေးအနက်ထားရန်သတိမေ့နေတတ်ကြသည်။ ယင်းခန္ဓာကိုယ်အပေါ်ပိုင်းကြွက်
သားများထက် တင်ပါး၊ ပေါင်တံနှင့်ခြေထောက်အစရှိသော ခန္ဓာကိုယ်အောက်ပိုင်းကြွက်သားများ
ကိုသာ ဦးစားပေးလေ့ကျင့်တတ်ကြသည်။
ထိုကဲ့သို့ အမျိုးသမီးများစွာတို့က အောက်ပိုင်းကြွက်သားများကို အလေးထားလေ့ကျင့်ကြခြင်းမှာ
တုတ်တုတ်ခိုင်ခိုင်ဖြစ်နေသည့်ခြေထောက်များ(larger-looking legs) တို့အား သေးသွယ်ကျစ်လစ်
သွားစေရန်(slim down)အတွက် ရည်ရွယ်ဟန်တူပါသည်။
ဤနေရာတွင်သတိပြုသင့်သည့်အချက်မှာ ခန္ဓာကိုယ်တစိတ်တပိုင်းအားကွက်ပြီးလေ့ကျင့်ပေးခြင်း
(Spot reduction) သည် ကိုယ်အလေးချိန်လျှော့ချရေးနှင့်သန်စွမ်းမှုရှိရေးတို့အတွက် မထိရောက်
သည့်လေ့ကျင့်နည်းစနစ်များ (Ineffective method to lose weight and increase strength)ဖြစ်နေ
ခြင်းပင်ဖြစ်သည်။