စိတ်ကျရောဂါနှင့်စိုးရိမ်လွန်မှုကို ကျော်လွှားလိုသော်

 

        

ပြီးခဲ့သည့် မတ်လ ၂၄ ရက်နေ့က စာကြည့်တိုက်နောက်ကျကြေးသွားပေးရင်း စာအုပ် ၂ အုပ်ငှားလာ

ဖြစ်တဲ့အကြောင်းကို 'စာကြည့်တိုက်အကြွေး'ခေါင်းစဉ်နဲ့  ဒီဘလောက်မှာရေးတင်ရင်း  The Feeling 

Good Handbook စာအုပ်ပုံနဲ့အတူ အောက်ပါအတိုင်း မိတ်ဆက်ပေးခဲ့ပါတယ်။။

ဒီစာအုပ်ကို အဓိကစိတ်ဝင်စားမိတာက စာအုပ်ဝေဖန်သူတဦးပြောပြထားသည့်စာအုပ်နဲ့ပတ်သက်တဲ့

သူရဲ့ ကိုယ်တွေ့ခံစားမှုပါ။

လိုရင်းကိုချုပ်ပြီးပြောရရင် "ဒီစာအုပ်က ကိုယ့်အားကိုယ်ကိုးပြီး ကိုယ့်ကြမ္မာကို 

ကိုယ်ဖန်တီးနိုင်တဲ့နည်းလမ်းတွေကို တဆင့်ပြီးတဆင့်ကိုယ်တိုင်ကိုယ်ကျပြော

ပြ(သင်ပြ)ပေးနေသလိုပါပဲ"ဆိုထားလို့ဖြစ်တယ်။ 

"ငါ ဘာဖြစ်လို့ အခု့လိုတွေးမိနေတာလဲ။ ဒီလိုမျိုးကြီးဖြစ်နေရတာပါလဲ။ 

ဒါတွေကို ဘယ်လိုနည်းနဲ့ကျော်လွှားပြီး ငါ့ကိုယ်ကိုကောင်းအောင်နေနိုင်လဲဆိုတာ

တွေကို နားလည်သဘောပေါက်ခဲ့ရပါတယ်" တဲ့။ 

မိမိကိုယ်တိုင်က ယခုအခါ စိတ်ကျန်းမာရေး(Mental health)နယ်ပယ်မှာ Physiotherapy ပညာရပ်

ဖြင့် အလုပ်လုပ်တာဝန်ထမ်းဆောင်နေတာကြောင့် ဒီစာအုပ်ကိုများစွာစိတ်ဝင်တစားဖြစ်မိပါတယ်။

မြန်မာလူမျိုးအတော်များများက စိတ်ကျန်းရေးမကောင်းဘူး(Mental illness)လို့ပြောလိုက်ရင် ရူးသွပ်

တာ အရူးအနှမ်းဖြစ်တာ(Insanity)လို့ပဲ ထင်တတ်ပြောတတ်ကြလေ့ရှိတာ။ 

အဲဒီလို ထင်မှတ်တာ ပြောဆိုသမုတ်တာဟာ မမှန်ကန်ပါဘူး။ လုံးဝ မှားနေပါတယ်။

 ရူးသွပ်တာ အရူးအနှမ်းဖြစ်တာမျိုးသည် စိတ်ကျန်းမာရေးနယ်ပယ်တွင် တစိတ်တပိုင်းအကျုံးဝင်မှုရှိပင်

ရှိနေငြားသော်လည်း စိတ်ကျန်းရေးပြသနာရှိသူတိုင်း မကောင်းသူတိုင်း မရူးသွပ်ကြသည်မှာ သေချာ

လေသည်။

တကယ်က စိတ်ကျန်းရေးဆိုတာကျယ်ဝန်းနက်ရှိုင်းမှုရှိပါတယ်။

သြစတေးလျှနိူင်ငံကhealthdirect ၏အဆိုအရ ..

• နိုင်ငံ၏လူဦးရေတ၀က်ခန့်သည် စိတ်မကျန်းမာခြင်း(mental health disorder)အတွေ့အကြုံအား 

သူတို့ဘ၀သက်တမ်းတလျှောက်တွင် တချိန်မဟုတ်တချိန်ကြုံဖူးကြရသည်။

• စိတ်ကျန်းရေးမကောင်းခြင်း(Mental illness)တွင် အမျိုးအစားများစွာရှိပြီး တမျိုးစီမှာလည်း မတူ

ညီသည့်လက္ခဏာသွင်ပြင်များ သီးသန့်ရှိနေကြသည် (a different set of symptoms)။ 

• အကယ်၍ သင့်မှာ စိတ်မကျန်းမာခြင်းဖြစ်နေသည်ဟု သံသယ သို့မဟုတ် စိ်ုးရိမ်မှုရှိက ဆရာဝန်

နှင့်တွေ့ဆုံတိုင်ပင်ပါ။ 

ထိုသို့ဆရာဝန်နှင့်ပြသတိုင်ပင်ခြင်းသည် လိုအပ်သည့်ကုသမှုရရှိရေးနှင့်ပုံမှန်ကျန်းမာသောစိတ်အခြေ

အနေသို့ပြန်လည်ရောက်ရှိရေးတို့အတွက် အဓိကပထမခြေလှမ်းဖြစ်သည်။

စိတ်ကျန်းရေးမကောင်းခြင်းဟူသည် ရုပ်ပိုင်းကျန်းမာရေးမကောင်းခြင်းကဲ့သို့နှယ် အခြေခံအားဖြင့်လူတို့

၏ကျန်းမာရေးပြသနာ(health issue) တခုပင်ဖြစ်သည်။ 

 

စိတ်ကျန်းရေးမကောင်းခြင်းကြောင့် လူတို့၏

- အတွေးများ(thoughts)၊ 

- စိတ်အခြေအနေသွင်ပြင်(mood)နှင့်

- အပြုအမူများး(behaviour)ကို ထိခိုက်စေနိုင်လေသည်။ 

ထို့အပြင် မိမိတို့၏မြင် ကြား ထိတွေ့ ခံစားမှုအာရုံများမှရရှိလာသည့်သတင်းအရပ်ရပ်တို့အား လက်ခံနား

လည်ခြင်း(the way we interpret the world us)တို့အပေါ်တွင်လည်း ကြီးစွာသောသက်ရောက်မှုရှိနိုင်ပေ

သေး၏။

SOURCE: