ကျွန်တော် Russian စကားပြန်

၁၃၇၅ ခုနှစ်  ကဆုန်လပြည့်     

အင်ဗွိုင်းခန်းမမှာ စကားပြန်လုပ်ခဲ့စဉ်က ရုရှားအသိမိတ်ဆွေများ အမှတ်တရပေးသည့်  ဆိုဗီယက်ယူနီယံအထိမ်းအမှတ် ရင်ထိုးများ။ 

အခုရက်ပိုင်းတွေမှာ ကိုရီးယားဇာတ်လမ်းလေးတစ်ပုဒ်ဖြစ်တဲ့ The Queen of Office ဆိုတဲ့ ယာယီအလုပ် သမားနဲ့အမြဲတမ်းဝန်ထမ်းတွေရဲ့ ဘ၀ကို ရယ်စရာလေးတွေရောပြီး ရိုက်ပြထားတာကို တနင်္လာနဲ့အင်္ဂါနေ့ ည ၉ နာရီမှာ ကြည့်ဖြစ်နေတယ်။ မစ္စကင်း(မ) Ms Kim အမည်နဲ့ သရုပ်ဆောင်တဲ့မင်းသမီး Kim Hye-soo က အဓိကဇာတ်ဆောင်ပါ။ အတော်လေးကို သရုပ်ဆောင်ကောင်းပါတယ်။ ပါးစပ်ပိတ်မထားရလောက်အောင်ပဲ ရယ်နေရတာ။ မျက်နှာကလည်း ခပ်တည်တည်ကြီးနဲ့ ဘာပြောင်သလဲ မပြောပါနဲ့တော့။ 

   

တစ်နေ့မှာတော့ သူတို့ကုမ္ပဏီကို ရုရှားကကုမ္ပဏီအဖွဲ့တစ်ဖွဲ့  ရောက်လာခဲ့ပါတယ်။ အရောင်းအ၀ယ်ကိစ္စ ပြောဖို့ပါ။ ဒီအခါမှာ ရုရှားစကားတတ်တဲ့ ကိုရီးယားဝန်ထမ်းတစ်ဦးက စကားပြန်လုပ်ပါတယ်။ အဲဒီအခန်းမှာ ရုရှားစကားပြောတာနဲ့ပတ်သက်ပြီး ရယ်စရာအကွက်လေး ထည့်ရိုက်ထားတာကြည့်ရတော့ ရုရှားစကား ရေ ရေလည်လည်မတတ်ပဲ မိမိအနေနဲ့ ရုရှားစကားပြန်လုပ်ခဲ့ဖူးတာကို ပြန်လည်အမှတ်ရမိပါတယ်။

၁၉၇၁ ခုနှစ်ကဖြစ်တယ်။

ထိုစဉ်က ဆေးဘက်ပညာသိပ္ပံမှကျောင်းဆင်းပြီးနောက် ကျန်းမာရေးဝန်ကြီးဌာနလက်အောက်ရှိ ကျန်းမာ ရေးဦးစီးမှ အလုပ်ခန့်စာကို စောင့်နေရင်း ဘာမှလုပ်စရာမရှိပဲ အချိန်အားနေတာဖြစ်လို့ မိမိက နိုင်ငံခြားဘာ သာသိပ္ပံ (Institute of Foreign Languages)တွင် ရုရှားဘာသာ (အချိန်ပြည့်) သင်နေခဲ့ပါတယ်။ ပထမ နှစ်မှာပါ။ တက္ကသိုလ်အဆင့် မဟုတ်သေးလို့ အချိန်ပြည့် ၂ နှစ် ဒါမှမဟုတ် အချိန်ပိုင်း ၄ နှစ် တက်ပြီးရင် ဒီပလိုမာပေးပါတယ်။  

အဲဒီအချိန်တုန်းက မိမိတို့ ဆေးဘက်ပညာသိပ္ပံကျောင်းဆင်းတွေဟာ အခုခေတ်မှာလို ကိုယ့်ဖာသာကိုယ် အလုပ်လိုက်ပြီး မရှာကြရပါဘူး။ အလုပ်လျောက်ရတာတို့ ရေးဖြေတို့ လူတွေ့တို့ ဘာမှလုပ်စရာ မလိုပါဘူး။ အစိုးရဆီက ခန့်စာကိုပဲ အငြိမ့်သားလေး ထိုင်စောင့်ကြရပါတယ်။ တစ်နှစ်ကြာရင် ကြာမယ်။ ဒါမှမဟုတ် ၂ နှစ်၊ ၃ နှစ် တန်သည်လည်း ကြာတတ်ပါသေးတယ်။ မိမိတို့အသုတ်က ကံကောင်းလို့ တစ်နှစ်ပဲ စောင့်ခဲ့ရ တာ။ 

မိမိတို့ ရုရှားဘာသာအချိန်ပြည့်သင်တန်းမှာ ကျောင်းသူကျောင်းသားက မိမိအပါအ၀င်မှ ၄ ဦးပဲ ရှိတာပါ။ အချိန်ပိုင်းသင်တန်းမှာတော့  ၁၁ ဦးလောက်ရှိပါတယ်။ သင်တန်းဆရာ ၂ ဦးကတော့ ပါမောက္ခ မစ္စတာ ‘ယာကော့ဗ်လက်’ နဲ့ ကထိက မစ္စ‘လီလီယာ’တို့ ဖြစ်ကြတယ်။ သူတို့ ၂ ဦးက ဇနီးမောင်နှံတွေပါ။ နောက်ပြီး ရုရှားကနေ ပညာတော်သင်ပြန်လာတဲ့ မြန်မာသင်တန်းဆရာ အမျိုးသား ၂ ဦး (ဦးသွင်အေးမောင်၊ ဦးထွန်း ထွန်းမင်း)လည်း ရှိပါသေးတယ်။

နိုင်ငံခြားဘာသာသင်တဲ့ ကျောင်းသူကျောင်းသားတွေအထဲမှာ ရုရှားဘာသာသင်တန်းသားက အနည်းဆုံးပါ။ တရုတ်ဘာသာသင်တန်းသားက ဒုတိယ အနည်းဆုံးဖြစ်ပြီး ဂျပန်နဲ့ပြင်သစ်ဘာသာသင်တန်းသားတွေက အ များဆုံးဖြစ်ကြပါတယ်။ ဂျာမန်ဘာသာသင်သူက တတိယနေရာလောက်ရှိပါတယ်။  

 မိမိနဲ့အတူ ရုရှားဘာသာအချိန်ပြည့်သင်တန်းတက်သူ ၃ ဦးကတော့ အငြိမ်းစား သံတမန်အရာရှိကြီးတစ်ဦး (ဦးမြတ်ထွန်း)၊ ရုရှားက အနုပညာသင်တန်းတက်ခဲ့ပြီး ယဉ်ကျေးမှုကဇာတ်အဖွဲ့မှာလုပ်နေတဲ့ ၀န်ထမ်းတစ်ဦး (ကိုကျော်သာထွန်း)၊ အက်စ်ဘီ (Special Branch) လို့လူသိများတဲ့ ရဲအထူးထောက်လှမ်းရေး (Special Intelligence Department)က အမျိုးသမီးရဲအရာရှိတစ်ဦး (ဒေါ်မြမြ)တို့ ဖြစ်ကြပါတယ်။

ရုရှားဘာသာသင်တန်းတက်လို့ ၅ လခန့်အကြာ တစ်နေ့မှာ ပါမောက္ခ မစ္စတာ‘ယာကော့ဗ်လက်’ က မိမိကို စကားပြန်လုပ်ဖို့ ပြောပါတယ်။ အဲဒီနှစ် ဒီဇင်္ဘာလမှာ ဆိုဗီယက်ကုန်သွယ်ရေးနဲ့စက်မှုလက်မှုပြပွဲကြီးကို ဦးဝိ ဇာရလမ်းက အင် ဗွိုင်းခန်းမမှာ ပြုလုပ်မည့်အကြောင်း၊ ပြပွဲပြင်ဆင်ချိန်က ၁ လ ကြာမြင့်မှာဖြစ်ပြီး ပြပွဲပြသ ချိန်လည်း ၁ လပင်ကြာမယ့်အကြောင်း၊ မိမိအား ရုရှားစကားပြန်အဖြစ် လုပ်စေလိုကြောင်းနဲ့ နေ့တွက်စားစ ရိတ် သွားလာစရိတ်တွေ ပေးမှာဖြစ်ကြောင်း ပြောလာပါတယ်။ 

မိမိက ရုတ်တရက်တော့ ကိုယ့်နားကိုတောင် ယုံရခက်ခက်ဖြစ်မိပါတယ်။

ဘာတဲ့?  စကားပြန်လုပ်ရမှာတဲ့လေ။ အဲဒီလောက်အထိ မတတ်သေးဘူးဆိုတာ ကိုယ့်ကိုယ်ကို မသိတာမှ မဟုတ်တာကလား။

မိမိက ငြင်းပေမယ့် ဆရာက “ရဲရဲသာ သွားတာ သွားပါကွာ။ မင်း လုပ်နိင်မယ်ဆိုတာ ငါသိပါတယ်” လို့ တိုက်တွန်းတာနဲ့ မရဲတရဲနဲ့ အင်ဗွိုင်းခန်းမကြီးထဲကို မယောင်မလယ်ရောက်သွားခဲ့ပါတော့တယ်။ 

အင်ဗွိုင်းခန်းမကြီးကိုရောက်တော့ မိမိကို မြန်မာစာ မြန်မာစကားတတ်တဲ့ ရုရှားလူမျိုးနှစ်ဦးနဲ့ မိတ်ဆက်ပေး ပါတယ်။ ပထမတစ်ဦးက လျဲနာ ဇဗာဒိုးဗား(မြန်မာအမည် မလှကျော့) ဖြစ်ပြီး နောက်တစ်ဦးကတော့ ယန် ဆင်း (မြန်မာအမည် မောင်ဥာဏ်) တို့ ဖြစ်ကြပါတယ်။ မလှကျော့က “သမုဒ္ဒရာနှင့်ရေတစ်စက်” အမည်နဲ့ မြန်မာစာပေဆိုင်ရာဆောင်ပါးများစာအုပ်ကို ရေးသားခဲ့တာကြောင့် မြန်မာစာပေလောကသားများက သိကြ ပါတယ်။ အဲဒီတုန်းက မောင်ဥာဏ်က ရန်ကုန်က ရုရှားသံရုံးမှာ အလုပ်လုပ်နေတယ်လို့ သိရပါတယ်။

ပြပွဲကိုပြင်ဆင်ဖို့ ရုရှားလူမျိုးတွေနဲ့ ပြသမယ့် စက်ယန္တရားကြီးတွေ အများကြီးရောက်နေတာ တွေ့ရပါတယ်။ စက်ပစ္စည်းအစိတ်အပိုင်းအချို့ ကို ရုရှားအင်ဂျင်နီယာတွေနဲ့ကျွမ်းကျင်သူပညာရှင်များက မြန်မာအလုပ်သမား များရဲ့ အကူအညီနဲ့ သောတ္တာကြီးတွေထဲမှ ထုတ်နေကြတယ်။ လယ်ထွန်စက်၊ ကောက်ရိတ်စက်၊ မြေတူးစက်၊ ထရပ်ကား အစရှိတဲ့စက်ကြီးများကို အင်ဗွိုင်းခန်းမရှေ့ ကမြေကွက်လပ်မှာထားရှိပြသထားပြီး၊ တွင်ခုံစက်၊ ခြေ အိတ်ထိုးစက်၊ ချည်ယက်စက်အစရှိတဲ့ လုပ်ငန်းသုံးစက်ကရိယာအမျိုးမျိုးတို့ကိုတော့ ခန်းမကြီးအတွင်းမှာ ပြ သထားပြီး ပြပွဲလာပရိသတ်များအား လက်တွေ့လည်း လုပ်ပြကြပါတယ်။

စက်ကရိယာအကြီးစား အလတ်စား အသေးစားအမျိုးမျိုးတို့ကို ရုရှားနိုင်ငံကနေယူလာခဲ့တာဖြစ်လို့ အထုတ် တွေကထုတ်ယူရတာ၊ ပြသထားမယ့်နေရာအထိ သယ်ယူရတာ၊ နောက်ပြီး အစိတ်အပိုင်းအားလုံးကို အသုံး ပြုလို့ရတဲ့အထိ  ရုရှားအင်ဂျင်နီယာတွေနဲ့ကျွမ်းကျင်သူပညာရှင်များက  သေသေချာချာပြန်ပြီး တတ်ဆင်ကြ ရတာဖြစ်လို့ အချိန်အတော်လေး ယူရပါတယ်။ တစ်ချိန်တည်းမှာ စာရေးသူတို့က စက်ပစ္စည်းအမည်များနဲ့ စွမ်းဆောင်ရည်များကို မူရင်းရုရှားဘာသာမှ မြန်မာဘာသာသို့ ပြန်ဆိုရေးသားကြရပါတယ်။ မလှကျော့နဲ့ မောင်ဥာဏ်တို့က အပြင်ရုံးကိစ္စတွေအတွက် သွားလာရတာများလို့ မိမိတစ်ယောက်သာ ပြခန်းမှာ အမြဲရှိနေ ပြီး ဘာသာပြန်တာကော စကားပြန်လုပ်ပေးရတာကော လုပ်ရတယ်။ 

ယခုနှစ်မှာ အနှစ် ၄၀ ရှိသွားပြီးဖြစ်တဲ့ မိမိ၏ Russian-English Dictionary စာအုပ်။

၁၉၇၃ ခုနှစ် ဧပြီလက ဒီစာအုပ်ကို ၂ ကျပ်နဲ့ ပြား ၂၀ ပေးခဲ့ရတယ်။ 

ယခုလိုစာမျက်နှာပေါင်း ၁၈၀ ပါရှိတယ်။

ရုရှား-အင်္ဂလိပ်၊ အင်္ဂလိပ်-ရုရှား အဘိဓာန် စာအုပ်ကလေးကို စာအုပ်ဆိုင်တစ်ဆိုင်က ခါတော်မီ ၀ယ်လို့ရ သည့်အတွက် စာရေးသူမှာ အတော်လေးအဆင်ပြေခဲ့ရတယ်။ ရုရှားလိုမသိသည့် စကားလုံးများကို အင်္ဂလိပ် လိုအရင်တွေးပြီးမှ မိမိသိလိုသောရုရှားစကားလုံးများအား ပြန်ရှာနိုင်လို့ ဖြစ်တယ်။  တစ်ခါတည်းနှင့်တိုက်ရိုက် ရှာမရတဲ့အခါမျိုးမှာ နှစ်ဆင့်သွားပြီး ရှာရတော့တာ။ စာအုပ်ကလေးက ကိုင်ရယူရလွယ်သောအရွယ်ဖြစ်လို့ မိ မိအတွက် ကံကောင်းထောက်မစွာ ပိုပြီးအသုံးတည့်ခဲ့တယ်။ စာအုပ်က စက္ကူပါးပါးလေးနဲ့ စာလုံးဖောင့် (font) သေးသေးသုံးလေးတွေ သုံးထားတာကြောင့် စာလုံးအရေအတွက် များများပါရှိတာဖြစ်တယ်။

ပုံမှာပြထားတဲ့ ရုရှား-အင်္ဂလိပ်အဘိဓာန်က အထက်ကပြောခဲ့တဲ့ ရုရှား-အင်္ဂလိပ်၊ အင်္ဂလိပ်-ရုရှား အဘိဓာန် စာအုပ် မဟုတ်ပါဘူး။ ဒီစာအုပ်လေးက အရွယ်ကြီးပြီး စာမျက်နှာ ပိုနည်းပါတယ်။ ဒါပေမယ့် အသုံးများတဲ့ စကားလုံးတွေရွေးထည့်ထားပြီး စကားလုံးအသုံးအနှုန်းစာကြောင်းလေးတွေပါ နမူနာပေးထားတာကြောင့် မိ မိရဲ့ လက်စွဲစာအုပ်ဖြစ်ခဲ့ပါတယ်။ ရေးဖို့ ပြောဖို့ အသုံးတည့်လှတာဖြစ်တယ်။   

ဒီစာအုပ်လေးသည် မိမိစပြီးဝယ်ခဲ့တဲ့ ၁၉၇၃ ခုနှစ်က ယနေ့အထိ မိမိ၏လက်ထဲတွင် အနှစ် ၄၀ တိတိ ကြာ ခဲ့ပြီဖြစ်တယ်။ စာအုပ်အဖုံးကအနှောင့်ကွာထွက်ပြီး စာရွက်အရောင်ဝါကျင်သွားတာကလွဲလို့ စက္ကူနဲ့စာသား တွေ ကောင်းနေတုန်းပါ။ မိမိလက်ရေးနဲ့ရေးထားတဲ့ မိမိရဲ့ နာမည်နဲ့အတူတွေ့ရတဲ့ စာအုပ်တန်ဖိုးက ၂ကျပ်နဲ့ ပြား၂၀ မို့ ဟိုခေတ်ဟိုအခါက နိုင်ငံခြားကထုတ်တဲ့ အဘိဓာန်စာအုပ်ကို မြန်မာပိုက်ဆံနဲ့ အဲဒီလောက်လေးပဲ ပေးခဲ့ရတာလို့တွေးမိပြီး စာရေးသူတို့ငယ်ငယ်က လူကြီးတွေပြောလေ့ပြောထရှိတဲ့ “ခေတ်ကောင်းတုန်းက ..” ဆိုတဲ့စကားလေးကို ပြေးပြီးအမှတ်ရမိသေးတော့။  

ဆိုဗီယက်ကုန်သွယ်ရေးနဲ့စက်မှုလက်မှုပြပွဲကြီးတွင် စကားပြန်သွားလုပ်ခဲ့ရလို့ ရုရှားနိုင်ငံကနေ ပညာတော် သင်ပြန်လာခဲ့ကြတဲ့ မြန်မာအချို့ နှင့် တွေ့ဆုံခွင့်ရခဲ့ပါတယ်။ ပညာရေးဌာနမှ ဒေါက်တာရဲအောင်၊ ဒေါက်တာ မတင်ဝင်း၊ ဒေါက်တာသန်းနိုင်(သမိုင်း)နှင့်ဆရာဦးဖိုးကျော်မြင့်(မြန်မာစာ)၊ ဦးအေးကို (အင်ဂျင်နီယာ)၊ စာ ရေးဆရာ သိပ္ပံမျိုးအောင်၊ ကိုမျိုးဝင်း (ဆေးကျောင်းပြီးအောင်မတက်ပဲ ပြန်လာခဲ့)၊ ကိုစောနု (ယဉ်ကျေးမှု) စတဲ့သူများဖြစ်ကြတယ်။ ဆရာဦးဖိုးကျော်မြင့်က မြန်မာစာပါမောက္ခတာဝန်နဲ့ သွားတာပါ။ ဒေါက်တာသန်းနိုင်၊ ဦးအေးကို၊ သိပ္ပံမျိုးအောင်နှင့်ကိုမျိုးဝင်းတို့သည် ရုရှားအမျိုးသမီးများနှင့် ဟိုမှာအိမ်ထောင်ပြုခဲ့ပြီး မြန်မာပြည် သို့ ခေါ်လာခဲ့ကြတယ်။

သို့သော် နိုင်ငံခြားသူများသည် မြန်မာပြည်တွင် ကြာရှည်နေရန်အဆင်မပြေကြလေရာ ကိုမျိုးဝင်းမှအပ ကျန်မြန်မာ ၃ ဦးမှာ သူတို့ရဲ့ မိသားစုများနဲ့အတူ ရုရှားနိုင်ငံကို အပြီးပြန်သွားခဲ့ကြပါတယ်။ ကိုမျိုးဝင်း တစ် ယောက်သာ သူ မလိုက်သွားနိုင်တာမို့ သူ့ဇနီးနှင့်သမီး ၂ ယောက်ကို ရုရှားသို့ အပြီး ပြန်လွှတ်လိုက်ရရှာပါ တယ်။ သူတို့မိသားစုနှင့်ရင်းနှီးနေတာဖြစ်လို့ မိမိအနေဖြင့် များစွာစိတ်မကောင်းဖြစ်မိခဲ့ရတယ်။ နောက်ပိုင်း မှာ မိမိသည် ကိုမျိုးဝင်းအား ရွှေတိဂုံဘုရားပေါ်တွင် တစ်ခါတစ်ခါတွေ့မိတတ်၏။ သူ ဘုရားမှာလာပြီး ပုတီး စိပ်တာပါတဲ့။      

ပြပွဲပြင်ဆင်နေတုန်းက မြန်မာစကားတတ်တဲ့ မလှကျော့နဲ့မောင်ဥာဏ်တို့ ၂ ဦးပဲရှိပေမယ့် ပြပွဲကြီးပြတဲ့အ ခါမှာတော့ မြန်မာစကားတတ်တဲ့ နောက်ထပ်ရုရှားလူမျိုးတစ်ဦးရောက်လာခဲ့ပါတယ်။ သူ့နာမည်က ဆီရ်ဂဲအိ (မြန်မာအမည် စိုးမြင့်) ဖြစ်တယ်။ သူက ရုရှားကတက္ကသိုလ်တစ်ခုမှာ မြန်မာစာလေ့လာနေတဲ့ နောက်ဆုံးနှစ် ကျောင်းသားလို့သိရပါတယ်။ သူ့အသက်က ၂၀ လောက်ပဲရှိဦးမယ် ထင်ပါတယ်။ မလှကျော့တို့ ၂ ဦးကတော့ အသက် ၂၇ နှစ် ၂၈ နှစ် လောက်ရှိမယ်လို့ ခန့်မှန်းရပါတယ်။ စိုးမြင့်နဲ့မိမိတို့က သက်တူရွယ်တူ လောက်မို့ ပို ပြီးတွဲဖြစ်ပါတယ်။ နေ့လည်စာကို မိမိတို့ ၂ ယောက် မင်းမနိုင်အိမ်ယာတိုက်ခန်းတွေကို လမ်းလျောက်ပြီး အ တူ သွားစားကြပါတယ်။  

ဒီနေရာမှာ စပ်မိလို့ စိတ်ဝင်စားစရာလေးတစ်ခု ပြောပြချင်ပါတယ်။ ရုရှားဘာသာသင်တဲ့ မြန်မာတွေကို ရုရှားဘာသာပြဆရာတွေက ရုရှားနာမည်တွေ ပေးတတ်သလို မြန်မာစာလေ့လာကြတဲ့ရုရှားလူမျိုးတွေက လည်း သူတို့ဖာသာ မြန်မာအမည် ယူတတ်ကြတာပါ။ သူတိုရဲ့ မူလအမည်နဲ့ အသံဆင်တူတာကို အချို့ က ယူတတ်ကြသလို တချို့ ကလည်း အဓိပ္ပါယ်ရှိတဲ့ နာမည်လှလှလေးတွေကို ရွေးယူတတ်တာမျိုးလည်း ရှိ ပါတယ်။ မိမိတို့ရဲ့ ပါမောက္ခ မစ္စတာ‘ယာကော့ဗ်လက်’ က မိမိကို ရုရှားနာမည်‘တီမာဖျေးအိ’(тимафей)လို့ မြန်မာအမည် တင်မောင်အေးအသံနဲ့ ခပ်ဆင်ဆင်လေး ပေးထားခဲ့ပါတယ်။ ‘ဖျေး’အသံက မြင့်သွားပြီး ‘အိ’ အသံက တိမ်ပြီးဆင်းသွားတာမို့ ခပ်မြန်မြန်လေးခေါ်တဲ့အခါ မြန်မာအမည်နဲ့ အသံဆင်နေပါတယ်။ ‘တီ’ အသံကိုလည်း ‘တျီ’ လို့ ခပ်ပျော့ပျော့လေး ထွက်ရတာပါ။  

မြန်မာစာလေ့လာကြတဲ့ ရုရှားလူမျိုးများနဲ့ပတ်သက်ပြီး နောက်ထပ်စိတ်ဝင်စားစရာလေးတစ်ခုကိုလည်း ပြောပြလိုပါသေးတယ်။ ရုရှား-မြန်မာ အဘိဓာန်ကြီး (Russian-Burmese Dictionary Российская бирманский словарь)ကို ရေးသားပြုစုခဲ့ကြသူ ၂ ဦး အကြောင်းပဲ ဖြစ်တယ်။ မိမိ သူတို့ကိုတွေ့တဲ့ အဲ ဒီအချိန်ကတည်းကိုက သူတို့ရဲ့ အသက်က ၅၀ လောက်ရှိ နေကြပြီမို့ မလှကျော့တို့ မောင်ဥာဏ်တို့ စိုးမြင့် တို့လို မြန်မာနိုင်ငံကနေ ရုရှားတက္ကသိုလ်မှာသွားပြီးသင်ကြားပြသပေးတဲ့ မြန်မာစာပါမောက္ခနဲ့ သေသေချာ ချာ သင်ကြားခဲ့ကြပုံ မရပါဘူး။

စာရေးသူ ပထမဦးဆုံး သတိပြုမိတာက မြန်မာစကား နည်းနည်းလေးပဲ ပြောတတ်တာဖြစ်တယ်။ နောက် ပိုပြီးသေချာသွားတာကတော့ သူတို့ရေးသားပြုစုထားတဲ့ ရုရှား-မြန်မာအဘိဓာန်စာအုပ်ကြီးအား မိမိကိုပေး 

ဖို့ အမှတ်တရ စာရေးတဲ့အခါမှာပါ။ အသတ်၊ အပင့်၊ အရစ်တွေမှာ အရေးမှားတာတွေ ကိုယ့်မျက်စိကိုပင် မ ယုံလောက်အောင် တွေ့ရတယ်။  အလွယ်ဆုံးဥပမာတစ်ခုပေးရရင် ‘န’ငယ်ကို ရေးတဲ့အခါမှာ အပေါ်ခေါင်း ကနေစဆွဲပြီး ၀မ်းဗိုက်၊ အဲဒီကနေမှ ခြေထောက်မှာဆုံးရတာ။ အတိုပြောရရင် အပေါ်ကစရေးပြီး အောက်မှာ ဆုံးရတယ်။ ‘င’သတ်ဆိုရင် အောက်ကစရေးပြီး အပေါ်မှာ ဆုံးရတယ်။ သူတို့က ‘န’ငယ်ကို ခြေထောက်ကစ ပြီးရေးတယ်။ ‘င’သတ်ကို အပေါ်ကစပြီး ရေးတယ်။

အမှန်အတိုင်းပြောရရင် ရေးတာမြန်တော့ ဦးနှောက်က သိတာက နောက်မှပါ။ မျက်စိက အရင်ဆုံး သတိပြု မိလိုက်တာ။ အရပ်ထဲကစကားနဲ့ ပြောရရင် မျက်စိထဲ ခရော့စ်(cross) ဖြစ်သွားလို့။      

ဆက်ပြီးရေးပါဦးမယ်။ 

မငယ်လှသော်လည်း အကြွေစောသည့် ကျွန်တော့ဆရာတစ်ဦး

၁၃၇၅ ခုနှစ်  ကဆုန်လဆန်း ၈ ရက်    

 ပါမောက္ခ ဒေါက်တာဦးမျိုးမြင့် ၂၀၀၅ ခုနှစ် စက်တင်ဘာလတွင် မိမိအိမ်သို့ အလည်လာစဉ်က အမှတ်တရဓာတ်ပုံ။ 

မိမိ၏ဆရာအား ရိုသေလေးစားစွာ ကန်တော့ခွင့်ရခဲ့သည်။

ပြီးခဲ့သည့်ဗုဒ္ဓဟူးနေ့ နံနက်ပိုင်းက ရန်ကုန်မှ ဖုန်းဝင်လာခဲ့သည်။

“ဆရာအေးရေ .. ဆရာဦးမျိုးမြင့်တော့ ဒီကနေ့မနက်ကပဲ ဆုံးသွားရှာပြီ” ဟု မိတ်ဆွေဦးတင်မြင့်က စိတ်မ ကောင်းစွာဖြင့် ပြောပါသည်။

လွန်ခဲ့သည့် သုံး လေးရက်လောက်က မိတ်ဆွေဦးကြီးမောင်ထံမှ အီးမေးရထားသဖြင့် ဗဟိုရ်စည်ဆေးရုံပေါ် တွင် သတိလစ်လျက်ရှိနေသော ဆရာ၏ကျန်းမာရေးအခြေအနေမှာ များစွာမကောင်းလှတော့ကြောင်းကိုမူ သိထားပြီးဖြစ်၏။

ယခုတော့ ဆရာ ဆုံးသွားပါပြီတဲ့။   
နှမြောတသ ယူကြုံးမရဖြစ်၍ မဆုံးလေတော့။

ဆရာ့ကို မိမိနောက်ဆုံး ဆုံတွေ့ခဲ့ရသည်မှာ လွန်ခဲ့သော ၂ နှစ်ကျော်ကဖြစ်သည်။ ထိုစဉ်က ဆရာသည် ကျန်း မာရေးစစ်ဆေးရန် စင်ကာပူသို့ ရောက်ရှိနေခြင်းဖြစ်၏။ ဆရာဖုန်းဆက်သဖြင့် မိမိနှင့်မိမိ၏ဇနီးတို့သည် ဆရာ တည်းခိုလျက်ရှိသော ဂေလန်းအရပ်သို့ သွားခဲ့ကြပါသည်။ ဆရာက ဆေးရုံတွင် ဆေးစစ်ရမှုများကို မိမိအား ပြောပြပါသည်။ ကျန်းမာရေးအခြေအနေမှာ ယခင်အခေါက်များကလို ဒေါင်ဒေါင်မြည် မဟုတ်ကြောင်းကို သ တိပြုမိ၏။ ဆရာနှင့်အတူ ဆရာ၏ဇနီးနှင့်သားတို့လည်း လိုက်ပါလာခဲ့ကြသည်။ 

ထို့ကြောင့် ဆရာ့၏ကျန်းမာရေးအတွက် အနည်းငယ်တော့ စိုးရိမ်စိတ်ဖြစ်ရပါသည်။

သည့်နောက်တွင် ဆရာနှင့်မတွေ့ရသော်လည်း ဆရာ၏ကျန်းမာရေးနှင့်ပတ်သက်ပြီး ဘာမှပြောသံမကြားရ တော့ပေ။ မြန်မာနိုင်ငံဆေးကောင်စီတွင် ဥက္ကဌတာဝန်ယူထားသည့် ဆရာ၏လှုပ်ရှားမှုသတင်းများကိုသာ တစ်ခါတစ်ခါ ကြားသိနေခဲ့ရသည်။ 

ယခင်အခေါက်များက ဆရာနှင့် စကားစမြည်ပြောခဲ့ဖြစ်သည်များအား အမှတ်ရနေသည်။ 

ဆရာ့မိတ်ဆွေလည်းဖြစ် မိမိ၏မိတ်ဆွေလည်းဖြစ်သော ဆရာဦးစောကယ်(လ)ဗင်နှင့် မိမိတို့ ၃ ဦး ‘ဘူးကစ် ဘာတော့’ဘူတာ(Bukit Batok station)နားက စားသောက်ဆိုင်တစ်ခုတွင် ညစာစားရင်း စကားတွေ ပြောဖြစ် ခဲ့ကြသည်။ ဆရာနှင့်မိမိတို့နှစ်ဦးသည် ဆရာ့ညီဖြစ်သူ ဦးရဲမြင့်၏’ဘူးကစ်ဘာတော့’အိမ်မှ မက်(ခ)ရစ်ချီး ရေ လှောင်ကန်(MacRitchie Reservoir) အထိ သစ်ပင်များ ထူထပ်စွာပေါက်နေသည့် တောအုပ်ကိုဖြတ်ပြီး လမ်း လျောက်ရင်း စကားတွေအများကြီး ပြောဖြစ်ခဲ့ကြပါသည်။ 

ဆရာ၏ညီဖြစ်သူ ဦးရဲမြင့်သည် စင်ကာပူနိုင်ငံတွင်နေထိုင်လျက်ရှိပြီး သူ့ကို မြန်မာပြည်မှာကတည်းက မိမိသိ နေခဲ့၏။ ဦးရဲမြင့်သည် ရဲမြင့်(စက်မှုတက္ကသိုလ်)ဟူသောကလောင်အမည်ဖြင့် သိပ္ပံမဂ္ဂဇင်းတွင် ဆောင်းပါးများ ရေးခဲ့ပြီး ထိုစဉ်က မိမိသည်လည်း ယင်းမဂ္ဂဇင်းမှာ ပင်တိုင်ဆောင်းပါးများ လစဉ်ရေးခဲ့ပါသည်။  

ဆရာသည် စင်ကာပူသို့ရောက်တိုင်း အချိန်ရပါက ဆရာဦးစောကယ်(လ)ဗင်(Senior physiotherapist) နှင့်မိ မိတို့ ၂ ဦးအား ဖုန်းဆက်ပြီး တွေ့ဆုံစကားပြောလေ့ရှိ၏။  

 ဒေါက်တာဦးမျိုးမြင့် ပါမောက္ခချုပ် (ငြိမ်း) (ဓာတ်ပုံ - ဆေးတက္ကသိုလ် ၁၊ ရန်ကုန် Website)။

ဆရာဦးစောကယ်(လ)ဗင်သည် ရန်ကုန်ပြည်သူ့ဆေးရုံကြီးတွင် အကြောအဆစ်ကုပညာရှင်အဖြစ် အလုပ်လုပ် ခဲ့စဉ်က အရိုးခွဲစိတ်အထူးကုဆရာဝန်ကြီးဖြစ်သည့် ဆရာဦးမျိုးမြင့်နှင့် ရင်းနှီးခဲ့ပါသည်။

မိမိကမူ ရန်ကုန်ဆေးရုံကြီးအတွင်းရှိ ဆေးဘက်ပညာသိပ္ပံ (Institute of Para-Medical Sciences)၌ တတိ ယနှစ်မှာ ပညာသင်ကြားခဲ့စဉ်က ဆရာဦးမျိုးမြင့်၏တပည့်ဖြစ်ခဲ့ပါသည်။ ထိုစဉ်က မိမိတို့ အကြောအဆစ်ကု ဆေးပညာဘာသာရပ် (Physiotherapy) ကျောင်းသားများသည် ခန္ဓာဗေဒပညာ (Anatomy)နှင့် ဇီဝကမ္မဗေ ဒပညာ(Physiology)ရပ်များကို ပြည်လမ်းရှိ ဆေးတက္ကသိုလ်(၁)တွင် သင်ကြားကြရပါသည်။ ခန္ဓာဗေဒပညာ ကို ဆရာဦးမျိုးမြင့်က သင်ကြားပေးပြီး ဇီဝကမ္မဗေဒပညာကို ‘ဒေါက်တာမန်ဆာ’က သင်ကြားပေးခဲ့ခြင်းဖြစ် သည်။

ဆေးတက္ကသိုလ်တွင် မိမိတို့အား ခန္ဓာဗေဒပညာကို သင်ကြားပေးစဉ်က ဆရာသည် အက်(ဖ်)အာစီအက်စ် FRCS ၀င်ခွင့်စာမေးပွဲအတွက် ပြင်ဆင်နေချိန်ဖြစ်သည်။ ဆရာသည် လူ့ခန္ဓာကိုယ်ကြီးတွင် အရိုးများ၊ ကြွက် သားများ၊ ကြွက်သားကြောများ၊ အဆစ်များ၊ ရိုးဆက်ရွတ်များ၊ ကိုယ်တွင်းအင်္ဂါအစိတ်အပိုင်းများ မည်သို့ဖွဲ့ စည်း တည်ရှိကြသည်ကိုလည်းကောင်း၊ မည်သို့ အချင်းချင်းဆက်သွယ်မှုရှိကြပြီး မည်သို့မည်နှယ် ပူးပေါင်း ညှိနှိုင်းဆောင်ရွက်လုပ်ကိုင်နေကြသည်တို့ကိုလည်းကောင်း အစရှိသည့်ဘာသာရပ်ဆိုင်ရာစာများကိုသာ သင် ကြားပေးရုံမက မိမိတို့ခွဲစိတ်လေ့လာလျက်ရှိသောလူသေခန္ဓာကိုယ်ကြီးအား လေးစားမှုထားရှိကြရန်နှင့် ယင်း ခွဲစိတ်လေ့လာမှုမှရရှိသည့် အသိပညာများကို နောင်တွင် မိမိတို့က သက်ရှိလူနာများအား စမ်းသပ်စစ်ဆေးကု သကြရာ၌ ကောင်းစွာအသုံးချကြရန်ကိုပါ လေးလေးနက်နက် ဆုံးမလမ်းညွှန် မှာကြားခဲ့သေးသည်။

သေပြီးသူတို့၏ ခန္ဓာကိုယ်အား အရေပြားမှ အဆီလွှာ၊ ထိုမှတဆင့် ကြွက်သားများ သွေးလွှတ်ကြောနှင့် သွေးပြန်ကြောများ အာရုံကြောများ နောက်ဆုံးအရိုး အဆစ်တို့အထိ တစ်လွှာစီ တစ်ပိုင်းစီ သူ့အကန့်နှင့်သူ ဆရာက စိတ်ရှည်လက်ရှည်ဖြင့် ခွဲစိတ်ဖြတ်တောက် သင်ပေးသည်တို့ကို အကြောင်းပြုပြီး စာရေးသူက ငွေတာရီမဂ္ဂဇင်းတွင် အစမ်းစာလေးရေးခဲ့ပါသည်။ ခန္ဓာကိုယ်လှူထားကြသူများအား လေးစားဂုဏ်ပြု ရေး သားထားပြီး ယင်းနှင့်ပတ်သက်သည့် ဆရာ၏ဆုံးမစကားများကိုပါ ကောက်နှုတ်ဖော်ပြခဲ့ပါသည်။ မိမိ၏စာ လေး မဂ္ဂဇင်းတွင်ပါလာသောအခါ ဆရာ့အား အမှတ်တရလက်ဆောင်အဖြစ် မဂ္ဂဇင်းစာအုပ် သွားပြီးပေးရာ ဆရာက “အေးဗျာ၊ နောင်ကို အချိန်ရရင် ခင်ဗျားလိုပဲ စာတွေ ရေးချင်တယ်”ဟု ပြောခဲ့ပါသည်။

သို့သော် ဆရာသည် အလွန်များမြောင်ကြီးမားလှသည့် အလုပ်တာဝန်များ၏ ဖိစီးမှုကြောင့် စာမရေးဖြစ်ခဲ့ပါ။

ဆရာက သူ့တပည့်များနှင့် စကားပြောသည့်အခါ ‘မင်း’နဲ့ ‘ငါ’နဲ့ဟု ခေါ်ဝေါ်သုံးစွဲခြင်းမရှိပဲ ‘ခင်ဗျား’နှင့် ‘ကျွန် တော်’နှင့်ဟုသာ ပြောလေ့ရှိပါသည်။ သည်မျှအထိ ဆရာသည် သူကိုယ်သူ နှိမ့်ချမှုရှိ၏။ ဆရာဂုဏ်လည်း မ မောက်ပါချေ။  

သူသိထား တတ်ထားသမျှကို တပည့်များအား အိတ်သွန်ဖာမှောက် မခြွင်းမချန်သင်ကြားပြသပေးခဲ့ပါသည်။ စာကိုသင်ရင်း စာဖတ်တတ်အောင် စာရှာတတ်အောင် နည်းပေးလမ်းညွှန်ပြု၏။ တပည့်များအနေဖြင့် စာကို စိတ်ဝင်စားကြစေရန် သူ ဖတ်မှတ်လေ့လာ သိရှိထားသည့် အခြားသောဗဟုသုတများဖြင့် သိုင်းဝန်းရှင်းပြ တတ်ပါ၏။   

ဆရာ၏တပည့်များအဖြစ် ဆရာ့ထံတွင် ပညာသင်ကြားခွင့်ရခဲ့ကြသော မိမိတို့သည် အလွန်ကံကောင်းကြ သည်ဟု ဆိုနိုင်ပါသည်။ အဘယ်ကြောင့်ဆိုသော် ဆရာသည် စာတော်ရုံသာတော်သောသူတစ်ဦး မဟုတ်မူပဲ စိတ်နေသဘောထားပြည့်ဝပြီး အနေအထိုင်အပြောအဆိုများပါ တော်သူဖြစ်ပါ၏။ သူပြောသလိုလုပ်ပြီး သူသိ သလို နေထိုင်ကျင့်ကြံအားထုတ်တတ်သူလည်းဖြစ်၏။

မိမိမှတ်မိနေသော ဥပမာတစ်ခု ပေးပါမည်။

ဆရာသည် အရိုးခွဲစိတ်အထူးကုဆရာဝန်ကြီးဖြစ်သည်။ ထို့ကြောင့် ဆရာ၏လူနာအများစုတွင် ထိခိုက်ဒဏ် ရာရလူနာများ ပါရှိနေကြ၏။ တစ်ခါ ယင်းတို့အထဲတွင်မှာမှ ကားနှင့်သက်ဆိုင်သော ထိခိုက်ဒဏ်ရာရလူနာ အတော်များများအား ဆရာတွေ့ရှိပြီး ခွဲစိတ်ကုသပေးခဲ့မည်ဖြစ်သည်။ ဒီတော့ ဆရာသည် ကားနှင့်သက် ဆိုင်သော ထိခိုက်ဒဏ်ရာရမှုတို့၏ အကြောင်းရင်းအမျိုးမျိုးကို သိရှိထားသည်နှင့်အမျှ ကြိုတင်ကာကွယ်နိုင် ခြင်း၏ အရေးပါမှုကို ကောင်းစွာနားသဘောပေါက်ထားသူဖြစ်မှာ သေချာနေသည်။

ထို့ကြောင့်ဖြစ်ပါမည်။ ဆရာသည် သူ၏ကိုယ်ပိုင်ကားကို မောင်းလျက်သွားလာတိုင်း ထိုင်ခုံခါးပတ် (seat belt) ကို အမြဲအသုံးပြုလေ့ရှိသည်ကို မိမိ မကြာခဏ သတိပြုမိခဲ့သည်။ စဉ်းစားကြည့်ကြစေချင်ပါသည်။ လွန်ခဲ့သော အနှစ် ၃၀ ကျော်လောက်က မြန်မာပြည်တွင် ဆရာကဲ့သို့ ထိုင်ခုံခါးပတ်ကို အမြဲတတ်ပြီး ကား မောင်းကြသူ ဘယ်နှစ်ဦး ရှိပါအံ့နည်း။

လာမည့်ဘေးအန္တရာယ်ဆိုးကို သိကားသိထားကြပါလေ၏။ သို့သော် မိမိ၏အန္တရာယ်အတွက်ပင် လက် တွေ့မလုပ်ချင်ကြသူများကား ဒုနှင့်ဒေးရှိချေသည်။

ထိုသူများထဲတွင် ဆရာ မပါရှိခဲ့။ ဆရာသည် အများမိုးခါးရည်သောက်တိုင်း လိုက်ပြီးသောက်တတ်သူ မ ဟုတ်ကြောင်း ထင်ရှားနေပါသည်။  

နောက်မှတ်မိတာတစ်ခု ရှိသေးသည်။

ခန္ဓာဗေဒလက်တွေ့စာသင်ခန်းအတွင်းရှိ လူသေခန္ဓာကိုယ်အစိတ်အပိုင်းတို့ကို ခွဲစိတ်လျက် မိမိတို့အား သင် ကြားနေစဉ် ဆရာ့အိတ်ထောင်တွင်ထိုးထားသည့် ဖောင်တိန်မှ မင်ယိုပြီး အင်္ကျီပေသွားသည်။ ဆရာက မိမိ တို့အား လုပ်စရာသင်ခန်းစာ ပေးထားခဲ့ပြီး လက်ဆေးရေစင်ရှိရာသုိ့ ခပ်သွက်သွက်လေး လျှောက်သွားကာ မင်ပေသွားသည့်နေရာကို လျှော်လေသည်။ ပြီးသောအခါ အင်္ကျီကို ချိတ်တွင်လွှားထားကာ မိမိတို့ထံ ပြန် လာခဲ့ကာ စာဆက်ပြီးသင်ပါသည်။ ဆရာဝတ်ထားသည့်စွပ်ကျယ်မှာ လက်ရှည်ပွပွဖြစ်သဖြင့် အမြင်မတော် ခြင်း မဖြစ်ပါချေ။

ဆရာသည် လုပ်စရာရှိသည့်အလုပ်တို့ကို အကြွေးမထားပဲ ချက်ခြင်းပင် သူကိုယ်တိုင် လုပ်တတ်ကြောင်း မျက်မြင်လက်တွေ့ သိရှိမှတ်သားခွင့် ရခဲ့ပါ၏။

တစ်နေ့မှာတော့ ဆရာသည် မိမိတို့အား ဆေးပညာဘာသာရပ် သင်ပေးနေရင်းက သူအနေဖြင့် အင်္ဂလိပ် စာနှင့်စကားတိုးတက်အောင် (speaking and listening skills) မည်သို့အပတ်တကုတ် လေ့လာခဲ့ကြောင်း နည်းလမ်းကောင်းတစ်ခုကို ပြောပြခဲ့ဖူးပါသည်။ အင်္ဂလိပ်စာနှင့်စကားများကို တတ်ချင်သဖြင့် အင်္ဂလိပ်ရုပ် ရှင်ကားတွေ မလွတ်တမ်း ကြည့်ခဲ့ပါသတဲ့။ ရုပ်ရှင်ကားများများကို ငွေကုန်ကြေးကျနည်းနည်းဖြင့် ကြည့်နိုင် စေရန် ဆရာသည် ပြား ၅၀၊ ၇၅ ပြား ခန့်သာပေးရသော ထိုင်ခုန်မရှိပဲ ဖျာပေါ်မှာထိုင်ကြည့်ရသည့် ရှေ့ ဆုံး အတန်းမှ ခေါင်းကလေးကို တစ်ချိန်လုံးမော့ထားပြီး ကြည့်ခဲ့ရတာပါတဲ့။

အော် - ပညာရှာ ပမာသူဖုန်းစား။

သို့ဖြစ်ပေရာ နောက်ပိုင်းအခါများ၌ ကြီးပွားရေးစာအုပ်များတွင် motivation ၊ inspiration နှင့် role model အကြောင်းများကို ဖတ်ရှုလေ့လာသိရှိသောအခါ မိမိသည် ဆရာနှင့်တွေ့ဆုံခဲ့သည့် ဟိုနှစ်ပေါင်းများစွာက တည်းကပင် motivation ၊ inspiration နှင့် role model တို့အား ကိုယ်တိုင် ထိတွေ့ကြုံကြိုက်ခဲ့ဖူးပြီးဖြစ် ကြောင်း ပြန်လည်စဉ်းစားတွေးတောမိပါသည်။

ဆရာအား ပိုမိုလေးစားကြည်ညိုစွာ သတိရမိခဲ့ပါသည်။ 

၁၉၈၀ ခုနှစ်တွင် ဆရာသည် ပြင်သစ်နိုင်ငံ ပဲရစ်မြို့ မှာရှိသော Raymond Poincare’ Hospital သို့သွား ရောက်ပြီး ထိခိုက်ဒဏ်ရာဆိုင်ရာ ခွဲစိတ်အထူးကုပညာရပ်ကို လေ့လာသင်ကြားခဲ့ပါသည်။ မိမိ မှတ်သား သိရသ၍ ဆရာသည် စက်ရုံအလုပ်သမားတစ်ဦး၏ လုံးဝပြတ်သွားသည့်လက် (severed hand) ကို ခွဲ စိတ်ပြီးပြန်ဆက်ပေးခဲ့သော မြန်မာနိုင်ငံ၏ပထမဦးဆုံး ခွဲစိတ်ကုဆရာဝန်ကြီးဖြစ်ခဲ့လေသည်။ လုံးဝပြတ် သွားသောလက်အားခွဲစိတ်ပြီး ပြန်ဆက်ပေးရသည်မှာ အရေပြား၊ သွေးကြောများ၊ အာရုံကြောများ၊ ကြွက် သားနှင့်ကြွက်သားကြောများ၊ အရိုးများ အစရှိသည်တို့ကို အသေးစိတ် အနုစိတ် စိတ်ရှည်လက်ရှည်ဖြင့် နာရီပေါင်းများစွာ (၁၆ နာရီမှ နာရီ ၂၀ ကျော်ကြာတတ်) ပြုလုပ်ရလေသည်။   

လက်အကြောင်းကိုပြောရင်း လက်၏တည်ဆောက်ဖွဲ့စည်းထားပုံနှင့် လက်ချောင်များ၏လုပ်ဆောင်နိုင်မှုများ (various kinds of movements)ကို မိမိတို့အား ဆရာက အသေးစိတ် သေသေချာချာ သင်ပေးခဲ့သည်ကို သတိတရ ဖြစ်ရသည်။ လက်မ၏ထူးခြားသည့်လှုပ်ရှားနိုင်မှုနှင့်ပတ်သက်ပြီး ဆရာက မိမိတို့ကို မှတ်သားစ ရာတစ်ခု ပြောပြခဲ့ပါသည်။

ယင်းမှာ .. လက်ချောင်း ၅ ချောင်းရှိသည့်အနက် လက်မတစ်ချောင်းသာ ကျန်သောလက်ချောင်းများနှင့် မျက်နှာချင်ဆိုင်ပြုနိုင်ခြင်း (opposition of the thumb) – တစ်နည်း လက်မထိပ်နှင့် လက်ချောင်းထိပ် လေးများထိလျက် ‘၀’လုံးပြုလုပ်နိုင်ခြင်းဖြစ်ပါ၏။ အကယ်၍သာ လက်မသည် ထိုသို့မပြုလုပ်နိုင်ပါက ပစ္စည်း များအား ဆုတ်ကိုင်နိုင်မည် စာရေးခြင်းပြုလုပ်နိုင်မည် မဟုတ်ပါချေ။ လက်မ၏ ဤထူးခြားချက်ကြောင့်သာ လူသည် ပစ္စည်များကို ကိုင်တွယ်ဖန်တီးနိုင်လျက် တိရစ္ဆာန်နှင့်ကွဲပြားလာခြင်းဖြစ်သည်ဟု ဆရာက ရှင်းပြ ပါသည်။

နောက်ပြီး လက်မနှင့်ပတ်သက်ပြီး ဆရာက ဟောကိန်းတစ်ခု ထုတ်ခဲ့ပါသေးသည်။

“နောင်ကျရင် လက်မတစ်မျိုးထဲကိုပဲ အထူးကုသပေးတဲ့ ခွဲစိတ်အထူးကုဆရာဝန်ဆိုတာ ရှိလာနိုင်တယ်” လို့။       

  

ဆက်ပြီးရေးပါဦးမည်။



 

မြန်မာပြည်မှ သတင်းများ (မေလ)

၁၃၇၅ ခုနှစ်  ကဆုန်လဆန်း ၃ ရက်    

● မဟာစင် (MAHASEN) ဆိုင်ကလုန်း ရခိုင်ပြည်သို့ ၀င်ရောက်နိုင်

ဘင်္ဂလားပင်လယ်အော်တွင်ဖြစ်ပေါ်နေသော မဟာစင် (MAHASEN) ဆိုင်ကလုန်းသည် မေလ ၁၆ ရက်နေ့ နံနက်ပိုင်းလောက်တွင် ရခိုင်ကမ်းရိုးတန်းမြောက်ပိုင်းကမ်းခြေသို့ ၀င်ရောက်နိုင်ကြောင်း မိုးလေသ၀သနှင့်ဇ လဗေဒညွှန်ကြားမှုဦးစီးဌာနမှ မုန်တိုင်းသတင်း ထုတ်ပြန်ထားသည်။

စစ်တွေ မိုးလေသ၀သနှင့် ဇလဗေဒညွှန်ကြားမှုဦးစီးဌာနကလည်း ရခိုင်ကမ်းရိုးတန်းအခြေအနေကို အမြဲ စောင့်ကြပ်တိုင်းထွာနေကြောင်း၊ ယခုအခြေအနေအထိ စိုးရိမ်ဖွယ်ရာမရှိကြောင်းနှင့် မြန်မာ့ရုပ်မြင်သံကြား၊ ရေဒီယို၊ FM တို့မှ ကြေညာချက်များကို အမြဲမပြတ်နားထောင်ကြရန် အသိပေးထားကြောင်းသိရှိရသည်။ 

● ကျောက်ဖြူ-ကူမင်း ရထားလမ်းစီမံကိန်း မလုပ်သင့်

မေလ ၇ ရက်နေ့ထုတ် The Daily Eleven သတင်းစာ၏ အယ်ဒီတာ့အာဘော်ကို အောက်မှာကူးယူဖော်ပြ လိုက်ပါသည်။ 

● မော်လမြိုင် အမှတ် (၃) အထက ရွှေရတုမဂ္ဂဇင်းထုတ်ဝေမည်

၁၉၆၃ ခုနှစ်တွင် အထက (၁)ကျောင်းမှ ကျောင်းသူများကိုခေါ်ယူ၍ အထက (၃) ကို အမျိုးသမီးကျောင်းအ ဖြစ် စတင်တည်ထောင်ခဲ့ရာ ၂၀၁၃ ခုနှစ်တွင် နှစ် ((၅၀) ရွှေရတုအထိမ်းအမှတ် မဂ္ဂဇင်းထုတ်ဝေမည်ဖြစ်ပြီး ရွှေရတုအထိမ်းအမှတ် စာကြည့်တိုက်ကိုလည်း ဆောက်လုပ်မည်ဖြစ်ရာ အဝေးရောက်ကျောင်းသူဟောင်း များနှင့် အလှူရှင်များ လှူဒါန်းနိုင်ကြောင်းသိရှိရသည်။

● ပုဂ္ဂလိကသတင်းစာများနှင့်ဈေးကွက်

လွန်ခဲ့သည့် ဧပြီလမှစပြီး ပုဂ္ဂလိကသတင်းစာ ၂၆ စောင်ကို ပြန်ကြားရေးဝန်ကြီးဌာနက ထုတ်ဝေခွင့်ပြုခဲ့ သည်။ မြန်မာဘာသာဖြင့် ထုတ်ဝေသော သတင်းစာ ၂၄ စောင်ရှိပြီး အင်္ဂလိပ်ဘာသာဖြင့်ထုတ်ဝေသည့်သ တင်းစာ ၂ စောင်ရှိသည်။ အဆိုပါခွင့်ပြုချက်ကျပြီးသတင်စာများအနက်မှ ၁၀ စောင်သာ ဈေးကွက်သို့ ရောက်ရှိလာသော်လည်း ပြည့်မီအောင်ထုတ်လုပ်လာခြင်း မတွေ့ရကြောင်းနှင့်အချို့ သောသတင်းစာများမှာ ထွက်ရှိရန် ပြင်ဆင်နေကြဆဲဖြစ်ကြောင်း သိရသည်။  

ကျောက်စိမ်းရတုသို့ တိုင်လေပြီ

၁၃၇၅ ခုနှစ်၊ တန်ခူးလပြည့်ကျော် ၉ ရက်။

   

စင်ကာပူမြို့ လယ်တစ်နေရာမှာ အမှတ်တရရိုက်ထားတဲ့ အကြင်တို့လင်မယား။

၃၅ နှစ်တာခရီး။

ယင်းအချိန်ကာလသည် လူ့သက်တမ်းအနေဖြင့်ဆိုက သုံးချိုးတစ်ချိုးခန့်ရှိပြီဖြစ်သည်။  

လူတိုင်း အသက် ၁၀၀ နှစ်ရှိသည့်တိုင် မနေကြရသော်လည်း လူ့သက်တမ်းကိုမူ အနှစ် ၁၀၀ ဟု လက်ခံ ထားခဲ့ကြသည်။

သို့တစေ ..

၃၅ နှစ်ကို အိမ်ထောင်သက်တမ်းအနေဖြင့် တွက်ယူရသော် မနည်းလှဟု ဆိုရပေမည်။ အဘယ့်ကြောင့်ဆိုမူ လူတို့၏အိမ်ထောင်သက်တမ်းတွင် ရွှေရတုဖြစ်သည့် အနှစ် ၅၀ ကိုရောက်ရှိသူ မများလှ၍ ဖြစ်ပါလေ၏။ 

မိမိတို့ဇနီးမောင်နှံသည် မော်လမြိုင်မြို့ တရားရုံးတော်တွင် လက်မှတ်ရေးထိုးပြီး မင်္ဂလာအခမ်းအနားလေးဖြင့် လက်ထပ်ထိမ်းမြားလျက် အကြင်လင်မယားဘ၀သို့ ရောက်ခဲ့ကြသည်မှာ ယနေ့ဆိုလျှင် ၃၅ နှစ်ရှိခဲ့ပေပြီ။ 

တရားရုံးမှ မင်္ဂလာကျမ်းကျိန်လွှာ။ 

ထိုစဉ်က မိမိသည် အသက် ၂၉ နှစ်။ မိမိ၏ဇနီးဖြစ်သူမှာ ၂၂ နှစ်။ မိမိက မော်လမြိုင်မြို့  ပြည်နယ်ပြည်သူ့ဆေး ရုံကြီးတွင် အကြောအဆစ်ကုပညာရှင် (physiotherapist) အဖြစ်တာဝန်ထမ်းဆောင်လျက်ရှိပြီး ဇနီးမှာ သူ့ဇာ တိမြို့ ဖြစ်သည့် မုဒုံက မြို့ နယ်စိုက်ပျိုးရေးရုံးမှာပင် အလုပ်လုပ်နေခဲ့သည်။    

မော်လမြိုင်မှာနေသူနှင့်မုဒုံမှာနေသူတို့ မုဒုံမြို့ ၏အထင်ကရဖြစ်သည့် ကန်ကြီးဘုရားပွဲတွင် သင်္ကြန်အကြပ်နေ့ မှာ အမှတ်မထင် တွေ့ဆုံခဲ့ကြပါသည်။ ယင်းကဲ့သို့ တစ်ဦးနှင့်တစ်ဦး ပထမဆုံး စ,ပြီးတွေ့ဖူး မြင်ဖူးခဲ့သည့်နေ့မှ နောက်ရက်နှစ်ဆယ်ကျော်အကြာတွင် မြို့ နယ်တရားရုံးမှာ လက်မှတ်ရေးထိုးကြပြီး မင်္ဂလာဧည့်ခံပွဲလေးကို ပြု လုပ်ခဲ့ကြသည်။ 

မိမိတို့နှစ်ဦး၏ အမှတ်မထင် ဆုံဆည်းမှုလေးသည် ကျော်ရဲအောင် ချစ်စနိုးဦးနှင့်မေကဗျာတို့၏ ရုပ်ရှင် ဇာတ် ကားအမည်လို  “တရံတခါဆီက ဒဏ္ဏာရီ” ဟု မဆိုချင်သော်လည်း သူငယ်ချင်းများ မိတ်ဆွေများနှင့် ဆွေမျိုး သားချင်းများအကြားတွင် ပြောစမှတ်ဖြစ်ခဲ့ရသည်ကတော့ အမှန်။

၃၅ နှစ်တာဆိုသော အတိတ်ကားလိပ်ကြီးကို ဆွဲတင်လိုက်ပြီး ပစ္စုပ္ပန်၏နာရီလက်တံများအား နောက်သို့ ဒရ ဇတ်ပြန်လှည့်ပစ်လိုက်သောအခါ ……

မွန်ပြည်နယ်ထဲမှ မြန်မာ့ရိုးရာယက္ကန်းလုပ်ငန်းများဖြင့် ထင်ရှားသည့်မြို့ နယ်တစ်ခုဖြစ်သော မုဒုံမြို့ သို့ မော် လမြိုင်မှ သူငယ်ချင်းသုံးဦး ရောက်လာခဲ့ကြ၏။ တစ်ဦးက ရန်ကုန်မြို့ ရှိ အောင်ဆန်းအားကစားကွင်း ဆေး ကုဌာနတွင် အကြောအဆစ်ကုပညာရှင်အဖြစ် တာဝန်ထမ်းဆောင်နေသည့် မုဒုံမြို့ သား။ နောက်တစ်ဦးက မော်လမြိုင် ပြည်နယ်ပြည်သူ့ဆေးရုံကြီးတွင် ဓာတ်မှန်ပညာရှင်အဖြစ် တာဝန်ထမ်းဆောင်လျက်ရှိသော ထားဝယ်မြို့ သား။ နောက်တစ်ယောက်က မိမိဖြစ်သည်။

ထိုနေ့သည် သင်္ကြန်အကြပ်နေ့ဖြစ်သည်။

မုဒုံမြို့ ၏ကျက်သရေဆောင် ကန်ကြီးစေတီတော်၌  နှစ်စဉ်သင်္ကြန်အကြပ်နေ့တိုင်းကျင်းပလေ့ရှိသော ဘုရားပွဲ ရှိသဖြင့် အနယ်နယ်အရပ်ရပ်မှဘုရားဖူးလာကြသူများ သင်္ကြန်ပွဲပျော်ပါးကြသူများဖြင့် ကြိတ်ကြိတ်တိုးအောင် စည်ကားလျက်ရှိ၏။

ကန်ကြီးစေတီတော်အ၀င်ဝမှ မုဒ်ဦးကြီးနှင့်ဆောင်းတန်းအလှ။

မုဒုံမြို့ ၏ကျက်သရေဆောင် ကန်ကြီးစေတီတော်။ (ဓာတ်ပုံ - ဖိုးတာ၊ ၂၀၁၁)

၁၉၇၈ ခုနှစ်က မိမိနှင့်ဇနီးဖြစ်သူတို့ ပထမဆုံး ဆုံတွေ့ခဲ့ကြသည့် ကန်ကြီးဘုရားမှ တန်ဆောင်း။ (အောက်)
ငုနှင့်သူ့ငယ်သူငယ်ချင်း ၂ ဦး ယင်းတန်ဆောင်းအတွင်း ဘုရားကန်တော့ကြရင်း ..(အပေါ်)။ (ဓာတ်ပုံ - ဖိုးတာ၊ ၂၀၁၁) 

ငုတို့ ငယ်သူငယ်ချင်းများ ကန်ကြီးဘုရားရင်ပြင်တွင် ရှေးဟောင်းနှောင်းဖြစ်များ ပြောဖြစ်ခဲ့ကြသည်။(၀ဲမှ - မအုန်းသန်း၊ ငု၊ မခင်ဝင်းမြင့်၊ မဖြူ။)

ဘုရားရင်ပြင်ပေါ်နှင့် ဘုရားတန်ဆောင်း လေးခုတို့တွင် ဘုရားဖူးများ၊ စတုဒီသာ အလှူဒါနပြုကျွေးမွေးကြ သူများဖြင့် ပြည့်နှက်နေကြ၏။ ကန်ပတ်လမ်းတလျှောက်မှာလည်း လူတွေက ဖွေးဖွေးလှုပ်မျှ။ ကမ်းစပ်ရှိ ခြေတံရှည်ဇရပ်ပေါ်မှ ကန်ထဲသို့ ခုန်ချသူ ခုန်ချ၊ ဒိုင်ဗင်ထိုးသူထိုး၊ ကန်အတွင်း ရေကူးသူကူးကြဖြင့် ရှိနေ လေသည်။

ကန်ကြီးဘုရားဈေးဆိုင်များက ထိုင်ခုံများတွင် လူများ အမောဖြေ အနားယူရင်း အစားအစာများ မှာယူစား သောက်လျက်ရှိကြသည်။ ကန်ကြီးဘုရားအ၀င် မုဒ်ဦးနားက ကားလမ်းဘေး၌ မြန်မာ့ရိုးရာလက်ဝှေ့ပြိုင် ပွဲရှိသဖြင့် ဗေထိ ဗေထိဆိုင်းသံကို အသံချဲ့ စက်မှ ကျယ်ကျယ်လောင်လောင်ကြီး ကြားနေရသည်။

မုဒုံဇာတိဖြစ်သော သူငယ်ချင်းမှတစ်ပါး မိမိတို့နှစ်ဦးမှာ ဤကန်ကြီးဘုရားပွဲတော်နှင့်ရေသဘင်ပွဲသို့ ယခုမှ ရောက်ဖူးကြခြင်းဖြစ်၏။  

စာရေးသူတို့သူငယ်ချင်းသုံးယောက်သည် ဟိုလျောက်ကြည့် ဒီလျောက်ကြည့်ဖြင့် နေကလည်းပူ ဆာက လည်းဆာပြီး ခြေထောက်တွေကလည်းညောင်ညာလာသောကြောင့် အရိပ်ကောင်းသည့် ဘုရားဆောင်း တန်းတစ်ခုတွင် အနားယူရင်း ထိုင်လိုက်ကြသည်။

ထိုအချိန်တွင် မိမိတို့၏ရှေ့ က ငုပင်အောက်မှာ အမျိုးသမီးငယ်တချို့  တံချူတစ်ချောင်းဖြင့် ငုပန်းများ ခူး နေကြ၏။  

ဒီတွင် မုဒုံသားကဦးဆောင်လျက် အမျိုးသမီးငယ်များရှိရာ ငုပင်ဆီသို့ မိမိတို့ လျောက်သွားကြသည်။ ထား ၀ယ်သားက အမျိုးသမီးတစ်ယောက်ထံမှ တံချူကိုယူကာ ငုပန်းများဝိုင်းကူပြီး ခူးပေးနေသည်။ နောင်တွင် မိမိနှင့်အကြောင်းပါမည့် အမျိုးသမီးက ချူချထားသည့် ငုကိုင်းများမှ အရွက်များကို ခြွေနေသည်။ 

ခဏကြာတော့ သူတို့ထဲမှတစ်ယောက်က “အကိုတို့ ဟောဟိုကတန်ဆောင်းမှာ ပဲလက်သုတ်လာစားကြ ပါ လား”ဟု ပြောပြီး သူတို့ ငါးဦးလုံး ငုပန်းတပွေ့တပိုက်ဖြင့် ပဲလက်သုတ်ကျွေးသည့်တန်ဆောင်းသို့ ပြန်သွား ကြသည်။

သူတို့ထွက်သွားပြီးနောက် မိမိတို့က ဗိုက်ဆာနေသဖြင့် ဟန်လေးပန်လေးပင် မဆောင်နိုင်စွာ ပဲလက်သုတ် စားရန် ကောက်ကောက်ပါအောင် လိုက်သွားခဲ့ကြတော့သည်။

တန်ဆောင်းထဲတွင် နောင်တွင် မိမိ၏အဖွားတော်စပ်ရမည့် အဖွားအချို့  ကြမ်းပေါ်မှာထိုင်ရင်း စကားပြော နေကြသည်။ ထောင့်တနေရာက ပဲလက်သုတ်အိုးကြီးအနားတွင် အဒေါ်ကြီးနှစ်ဦး ပဲလက်သုတ်ပန်းကန်များ ပြင်ပေးလျက်ရှိသည်။ စောစောကအမျိုးသမီးများက မိမိတို့အား နေရာပေးပြီး ပဲလက်သုတ်နှင့်ရေနွေးပန်း ကန်များ လာချပေးကြပါသည်။   

ပဲလက်သုတ်စားရင်း မုဒုံသားက “ကျနော်က ကွမ်တုံအရပ်မှာ နေပါတယ်”ဟု ဆွေမျိုးစပ်ကာ အဖွားများနှင့် စကားဖော၊စကားရော လုပ်ပါလေသည်။ ပြီး သူက မိမိတို့အား အဖွားများနှင့်မိတ်ဆက်ပေးပါသည်။ 

မိမိကမူ ဘာစကားကိုမှ ဟုတ်တိပတ်တိ စိတ်မ၀င်စားနိုင်ပဲ မိမိစိတ်ဝင်စားသူလေးတစ်ဦးတည်းကိုသာ လူ လစ်လေတိုင်း ခိုးချောင်ခိုးဝှက်ငေးမောကြည့်နေမိခဲ့သည်။    

ငုပင်အောက်မှာ မမျှော်လင့်ပဲ ဆုံဆည်းခဲ့ရသူလေးပေမို့ မိမိရေးခဲ့သော ရည်းစားစာများထဲတွင် ‘ငု’ဟုလည်း ကောင်း၊ တခါတခါတော့ ‘ငုမ’ဟုလည်းကောင်း တင်စားခေါ်ခဲ့ပါသည်။ 

  

နေမြင့်လာပြီဖြစ်သဖြင့် ပဲလက်သုတ်လာစားကြသူများနည်းလာသလို သုတ်ထားသောပဲလက်သုတ်လည်း ကုန်လုနီးပေပြီ။ မိမိတို့ ကံကောင်းထောက်မလို့ အချိန်မီရုံလေး စားလိုက်ရခြင်းဖြစ်သည်။ ဗိုက်ပြည့်သောအ ခါတွင်မှ မိမိတို့သည် ဘုရားမဖူးကြရသေးမှန်းသတိရပြီး ဘုရားကြီးကို လက်ယာရစ်လား လက်ဝဲရစ်လား မ မှတ်မိ၊ လှည့်ပတ်တော့ ဖူးဖြစ်လိုက်ကြပါသည်။

ဘုရားကြီးကို လှည့်ပတ်ကြည်ညိုနေစဉ် ဘိုးဘိုးကြီးစင်နားသို့ရောက်သောအခါ စောစောကတွေ့သည့်အ မျိုးသမီးများထဲမှ နှစ်ဦးကို အဝေးမှ လှမ်းမြင်ရသည်။ နှစ်ယောက်ထဲက တစ်ယောက်က ‘ငု’ ဖြစ်နေသဖြင့် စိတ်ထဲမှာ ပျော်သွားမိ၏။  သူတို့နှစ်ယောက်က စောစောကခူးထားသည့် ငုပန်းများကို ဘိုးဘိုးကြီးစင်မှာ သွားဆက်ပြီး ပြန်လာကြခြင်း ဖြစ်သည်။
  

မိမိက ငုကို စိတ်ဝင်စားနေမှန်သိသဖြင့် သူငယ်ချင်းနှစ်ယောက်က သွားပြီးစကားပြောရန် မိမိအား တိုက် တွန်းကြ၏။ သူတို့တွေက ကာယကံရှင်ထက်ပင် ပိုလို့တက်ကြွနေပုံရသည်။

ဒါကလည်း အကြောင်းရှိပါလေ၏။

သူတို့နှစ်ဦးမှာက ရည်းစားကိုယ်စီနှင့်။ မုဒုံသား၏ရည်းစားက မုဒုံမြို့ မှာ။ ဒါကြောင့်မို့ သူ အခု မုဒုံကို ရောက် နေခြင်းဖြစ်သည်။ ထားဝယ်သား၏ရည်းစားက ရန်ကုန်မှာ။ မကြာမကြာ သူက သွားလည်တတ်သလို သူရှိရာ မော်လမြိုင်ကို သူ့ရည်းစား အလည်လာဖူးသည်။ မိမိတစ်ယောက်သာ ကံကွက်ကြားပြီး ရည်းစားမရှိဖြစ်နေ သည်။ သူတို့အမြင်မှာ အပေါင်းအသင်းချင်းအတူတူ မိမိက ဘက်ပဲ့လို့နေသည်။ သင့်တော်သည့်မိန်းက လေးကို တွေ့တုန်း ဒီငနဲကို မြန်မြန်စွံအောင် လုပ်ပေးကြအံ့။ မုဒုံသားကိုယ်တိုင်ကလည်း သူတို့မုဒုံသူနှင့် မိမိ အား အကြောင်းပါစေချင်ပုံရသည်။

မိမိမှာက မ၀ံ့မရဲရှိနေခဲ့၏။ ဘာကစလို့ ဘာပြောရမည်မသိဖြစ်နေသည်။ သို့တစေ မြှောက်ပေးသူတွေက လည်း မြှောက်ပေးနေ၊ မိမိကလည်း စိတ်ပါနေသဖြင့် ငုတို့ရှိရာသို့ အရဲစွံ့ပြီး သွားလိုက်သည်။ 

ငုအနားသို့ရောက်သောအခါ နှုတ်ဆက်ပြီး သူ့နာမည်ကို မေးသည်။ ကျောင်းနေသလား အလုပ်လုပ်လားဟု မေးသည်။ ဘယ်မှာနေလဲဆိုတာလည်း မေးသည်။ နောက်ပြီး မိမိနာမည်နှင့်အလုပ်ကိုပြောပြပြီး ခပ်သုတ် သုတ်လေး ပြန်လာခဲ့တော့၏။ အဲ အဲ .. နောက်အရေးကြီးတာတစ်ခု မေးခဲ့ပါသေးသည်။

“အိမ်ကို အလယ်လာလို့ ရလား” လို့လေ။ ငုက ပြောရှာပါတယ်။ အိမ်ကို လာလယ်လို့ ရပါတယ်တဲ့။

တစ်နေရာကနေ မိမိတို့၏အရိပ်အကဲကိုစောင့်ကြည့်နေသော သူငယ်ချင်းနှစ်ယောက်အားပြောပြတော့ သူ တို့က မိမိအား ပင့်ပေးလိုက်ကြသည်။ ဘယ်ဆိုးလို့တုန်း တဲ့။

ထိုညက မုဒုံသား၏ကွမ်တုံရပ်ကအိမ်မှာ အိပ်ကြသည်။ ညဦးပိုင်းက အဲဒီအိမ်တွင် လသာသာနှင့် တွင်းရေ အေးစိမ့်စိမ့်ချိုးခဲ့ရသည့်အရသာကို မှတ်မိနေသေးသည်။

နောက်တနေ့ သင်္ကြန်အတက်နေ့တွင် ထားဝယ်သားနှင့်မိမိတို့ မော်လမြိုင်သို့ ပြန်တက်သွားခဲ့ကြပါသည်။ မု ဒုံသားကမူ သူ့ချစ်သူရှိရာ မုဒုံမှာပဲ နေရစ်ခဲ့၏။

မိမိ၏ခန္ဓာကိုယ်ကြီးက မော်လမြိုင်သို့ ပြန်ရောက်လာခဲ့သော်လည်း မိမိ၏စိတ်တို့သည်ကား မုဒုံသူလေးထံမှာ တိတ်တခိုး ကျန်နေခဲ့ချေပြီ။  

ဒီတော့ မိမိ၏ခန္ဓာကိုယ်ကြီးသည် သူ၏အရင်းနှီးဆုံးအဖော်ဖြစ်သည့် စိတ်မရှိလေသောအခါ သူ့တကိုယ် တည်း ဆောက်တည်ရာမရဖြစ်လျက် မနေနိုင်မထိုင်နိုင် ဖြစ်ရလေသည်။ မိမိအဖို့ သင်္ကြန်အတက်နေ့က ည သည် ရှည်ကြာလွန်းလှပေစွ။

သို့မို့ကြောင့် ငုက သူတို့အိမ်ကို လာလယ်လို့ရပါတယ်ဟု ပြောထားသဖြင့် သူငယ်ချင်းကိုဖေသက် (ထား ၀ယ်သား)အား မုဒုံသို့ အဖော်လိုက်ပေးရန် အကူအညီတောင်းရသည်။ သူကလည်း လိုလိုလားလားကြီးပင် အဖော်လိုက်ပေးရှာပါသည်။ မော်လမြိုင်နှင့်မုဒုံကို ပုံမှန်အားဖြင့် ဒတ်ဆန်းလိုင်းကားလေးများ သို့မဟုတ် ကိုယ်ပိုင်ကားဖြင့် သွားကြလေ့ရှိသော်လည်း မိမိ၏ပထမဦးဆုံး အချစ်ခရီးကို စက်ဘီးဖြင့်သွားချင်သဖြင့် ၁၈ မိုင်ကွာဝေးသည့်ခရီးအား စက်ဘီးတစ်ယောက်တစ်စီးနင်းလျက် မောရပန်းရမှန်းမသိ သွားခဲ့ကြပါသည်။

ထိုနေ့က နှစ်ဆန်း ၁ ရက်နေ့ကြီးဖြစ်သည်။

၁၃၇၅ ခုနှစ် ကဆုန်လပြည့်ကျော် ၈ ရက် စနေနေ့၊ နံနက် ၁ နာရီ ၃၀ မိနစ်တွင် ဆက်ရေးပါသည်။

မုဒုံကိုရောက်သောအခါ ငုတို့အိမ်ရှေ့ မှဖြတ်စီးပြီး ဆရာမကြီးဒေါ်စိန်ညွန့်၏အိမ်သို့ ၀င်လိုက်ကြသည်။ ငု၏ အိမ်မှာ ဆရာမကြီး၏အိမ်နှင့် ဓားလွယ်ခုတ်ရှိနေလေရာ မိမိအဖို့ အလွန်အဆင်ပြေလေသည်။ ဆရာမကြီး သည် မုဒုံမြို့ ရှိ မိခင်နှင့်ကလေးစောင့်ရှောက်ရေးဌာနမှ သူနာပြုဖြစ်ပြီး လည်ပင်းအာရုံကြောဖိညပ်ဝေဒနာ (cervical spondylosis) ခံစားနေ၍ မိမိထံတွင် အကြောအဆစ်ဆေးကုသမှု(physiotherapy treatment ) ယူလျက် ရှိပါသည်။ သူ၏ခင်ပွန်းမှာ မော်လမြိုင်မြို့ ရှိ ပြည်နယ်ကျန်းမာရေးဦးစီးရုံးတွင် အလုပ်လုပ်နေပြီး ယူနီဆက်(UNICEF)မှပေးထာသည့် ဂျစ်ကားအဖြူလေးဖြင့် မုဒုံနှင့်မော်လမြိုင် ရုံးအတက်အဆင်း သွားပါ သည်။

ငုတို့၏အိမ်မှာ ပျဉ်ထောင်နှစ်ထပ်အိမ်ဖြစ်သည်။ ဆရာမကြီး၏အိမ်အောက်ထပ်မှ ငုတို့ အိမ်ကို ကောင်းစွာ မြင်နေရသည်။ ဆရာမကြီးဧည့်ခံသည့်မုန့်နှင့်လက်ဘက်ရည်တို့ကို စားသောက်ရင်း ငုကိုမြင်ရလိုမြင်ရငြား ကြည့်မိသည်။ မိမိတို့လာသည်ကိုတော့ သိတန် မြင်တန်ကောင်း၏ဟု ထင်ပါသည်။ ငု၏အိမ်ရှေ့ နားမှဖြတ် သွားစဉ် ငု၏အဒေါ်ငယ်က မိမိတို့အား တွေ့လိုက်ပါသည်။

သို့သော် မကြာလှပါ။ ငုတို့အိမ်အပေါ်ထပ်မှ တံခါးချပ်လေးပွင့်လာပြီး ငုကို ဖြတ်ကနဲတစ်ချက် မြင်လိုက်ရ၏။ မိမိတို့လာသည်ကို သေချာအောင်ကြည့်ခြင်းပေလားဟု တွေးမိသည်။ နောက်ကြာမှ ငုပြောပြ၍ သိရသည်မှာ ဇာတ်လမ်းတိုလေးတစ်ပုဒ်ပါပေ။

ဒီလိုပါ။

ဆက်ပြီးရေးပါဦးမယ်။