 |
ကန့်ဘလူမြို့ ၏ နံနက်ခင်း။
ဒီဇင်ဘာလ ၁၀ ရက် ၂၀၁၂၊ နံနက် ၆ နာရီ ၁၂ မိနစ် (ဓာတ်ပုံ - ဖိုးတာ)။ |
မနှစ်ကလည်း မရည်ရွယ်ထားပါပဲ အမိမြန်မာပြည်သို့ ရောက်သွားခဲ့သည်။
ယခုနှစ်မှာလည်း အမိမြန်မာပြည်သို့ အလည်ပြန်ရန် အစီအစဉ်မရှိပဲ အလည်ပြန်ဖြစ်သွားခဲ့သည်။
ကိုယ့်အမိမြေကို ပြန်သည်ဖြစ်သဖြင့် ရည်ရွယ်ထားသည်ဖြစ်စေ မထားသည်ဖြစ်စေ၊ အစီအစဉ်ရှိသည်ဖြစ်စေ မရှိသည်ဖြစ်စေ ပျော်ရပါသည်။ ကျေနပ်ကြည်နူးရပါသည်။
ကျေးဇူးရှင် မိဖနှစ်ပါး မရှိကြတော့ပြီဖြစ်သော်လည်း ဆွေမျိုးများနှင့် မိတ်ဆွေများကို တွေ့ရသဖြင့် မိမိတို့ဇနီး မောင်နှံမှာ ၀မ်းမြောက်ဝမ်းသာဖြစ်ကြရသည်။
မိမိတို့ စားချင်လှသည့် မြန်မာအစားအစာများ ဟိုနေရာ ဒီနေရာအနှံ့ ရှာစားကြသည်။
မိမိတို့ တွေ့လို မြင်လိုလှသည့် အမိမြန်မာပြည်ကို ကိုယ်တိုင်ကိုယ်ကျ မြင်ရ တွေ့ရသည်။
မိမိတို့ လုပ်ကိုင်ဆောင်ရွက်ချင်သည်များကို တတ်အားသရွေ့  လုပ်နိုင်ခဲ့သည်။
မိမိတို့ အလိုရှိရာများကို ယူလာခဲ့သလို မိမိတို့ ပေးလိုသည်များနှင့် ပေးနိုင်သည်များကိုလည်း ရောက်တုန်း ရောက်ခိုက်မှာ ပေးခဲ့ကြပါသည်။
မိမိတို့၏ မွေးရပ်ဌာနေသို့ ခဏတဖြုတ်သာ ပြန်လည်နိုင်ခဲ့သော်လည်း၊ ကတိုက်ကရိုက်လေးသာ ပြန်သွားရ သော်လည်း မိမိတို့မှာ ကျေနပ်ရပါ၏။ နှစ်သက်ရပါ၏။ အတိုင်းမသိကို ၀မ်းသာကြည်နူးကြရပါ၏။
ဈေးဝယ်ထွက်ကြပြီ
 |
| ဖူနန်းကုန်တိုက်ကြီးမှာ ကင်မရာနှင့် ဗွီဒီယိုကင်မရာများအတွက် ပစ္စည်းဝယ်ခဲ့သည်။ |
မြန်မာပြည်ကို အလည်ပြန်တိုင်း
စင်ကာပူ၌ မလုပ်မဖြစ်သည့်ကိစ္စတစ်ရပ်မှာ ဆွေမျိုးများနှင့်
မိတ်ဆွေအချို့  အား အမှတ်တရပေးရန် လက်ဆောင်ပစ္စည်း ၀ယ်ရခြင်းဖြစ်သည်။ တဖန် ဆေးဝါးပစ္စည်းများ၊ ကင်မရာနှင့် ဗွီဒီယိုကင်မရာများအတွက် memory card (flash card) များ၊ ဒီဇင်ဘာလဖြစ်သဖြင့် အနွေးထည်များ အစ ရှိသည့် မိမိတို့၏ခရီးစဉ်အတွက် လိုအပ်သောပစ္စည်းများကိုလည်း ၀ယ်ရသေး၏။
လက်ဆောင်ပစ္စည်း ၀ယ်ရခြင်းကား အတော်လေး ခေါင်းခြောက်ရသည့် အလုပ်ဖြစ်ပါ၏။
မပါသွား၍ကား လုံးဝမဖြစ်ပါချေ။ ပါသွားခဲ့ ပေးထားခဲ့ပါသော်လည်း အချို
့က ကျေးဇူးမတင်သည့်အပြင် “အရိုးများသလေး ချေးခါးသလေး” ဟု အပြောခံရတတ်သေး၏။ ရသည့်သူက ၀ါးတစ်လုံးသာ
ရတာဖြစ်ပေမယ့် ပေးရသူအ နေက လူတစ်ရာအတွက် ၀ါးတစ်ရာ ကုန်ရသည့်အဖြစ်ကိုမူ သတိမပြုမိလေကြ။
သို့တစေ မိမိတို့မှာ မမှုတော့။ ခံရဖန် ကြုံရဖန်များသဖြင့်
ထုံနေပေပြီ။
မိမိတို့ တတ်အားသ၍ ပေးနိုင်သည်ကိုပင် ၀မ်းသာလှပါ၏။
လူ့အလိုကို နတ်လည်း မလိုက်နိုင်သကဲ့သို့ လူလည်း မလိုက်နိုင်မှန်း
သိထားပြီးဖြစ်ပါ၏။
ရန်ကုန်သို့
ဒီဇင်ဘာလ ၇ ရက်နေ့
နံနက် ၇ နာရီ ၅၅ မိနစ်တွင် စင်ကာပူလေကြောင်းလိုင်းမှ SQ 998 လေယာဉ်ဖြင့် ရန်ကုန်သို့ ထွက်လာခဲ့ကြသည်။
လေယာဉ်ပေါ်၌ ဥရောပတိုက်သားခရီးသည် အတော်များများပါရှိသည်ကို သတိပြုမိသည်။
ရန်ကုန်ကို နံနက်
၉ နာရီခွဲမှာ လေယာဉ်ဆိုက်ခဲ့သည်။
စင်ကာပူလေဆိပ်က လေယာဉ်ထွက်သည်မှာ ၁၅ မိနစ်ခန့် နောက်ကျသဖြင့် ရန်ကုန်အ၀င်တွင် အနည်းငယ် နောက်ကျရသည်။
ရန်ကုန်လေဆိပ်၌ ခရီးဆောင်အိပ်များယူနေစဉ်
လျှပ်စစ်မီးပျက်သွားသဖြင့် ခရီးဆောင်အိပ်များ ပို့ပေးသည့် စက် အလည်ရပ်သွားခဲ့သည်။
၁၀ မိနစ်ခန့်ကြာမှ မီးပြန်လာသဖြင့် မိမိတို့၏ခရီးဆောင်အိပ်များ ယူလို့ ရလေ သည်။
လေယာဉ်ပေါ်တွင် စင်ကာပူနိုင်ငံသားတစ်ဦးနှင့်
ထိုင်ခုံနီးချင်းဖြစ်ပြီး အသိဖြစ်သွားခဲ့သေးသည်။
ဇနီဖြစ်သူ၏ညီမ ခင်မိမိနှင့်
တူတော်မောင် ကိုထွေးတို့ လေဆိပ်တွင်လာကြိုကြသည်။
ဇနီး၏အမအိမ်တွင် နံနက်စာစားရင်း စကားစမြည်ပြောကြသည်။
 |
| မြန်မာအကြောအဆစ်ကုပညာရှင်များအသင်း (Myanmar Physiotherapy Association) မှ အမှုဆောင်ကော်မတီဝင်များနှင့်တွေ့ဆုံဆွေးနွေးခဲ့သည်။ (၇-၁၂-၁၂) |
နေ့လည်စာ စာပြီးသောအခါ ဇနီးက သူ့အမ သူ့ညီမများနှင့် စကားပြောရန်နေခဲ့ပြီး မိမိက မြန်မာအကြောအ ဆစ်ကုပညာရှင်များအသင်း (ဖွဲ့စည်းဆဲ)မှ အမှုဆောင်ကော်မတီဝင်များနှင့် တွေ့ဆုံဆွေးနွေးရန် မြို့ ထဲသို့ သွားပါသည်။
မြန်မာည်ြသို့ မလာခင်ကတည်းက
ဆရာဦးတင်မြင့် (Physiotherapist) နှင့်ကြိုတင်စီစဉ်ထားသည့် အတိုင်း မြန်မာနိုင်ငံ အကြောအဆစ်ကုပညာရှင်များအသင်း (Myanmar Physiotherapy Association) မှ ဥက္ကဌ ဗိုလ်မှူးဦးထွန်းမြင့် (ငြိမ်း)၊ ဒု ဥက္ကဌ ဦးကြီးမောင်၊ အတွင်းရေးမှူး ဦးတင်မြင့်တို့နှင့် အစည်းအဝေးပြုလုပ်ရ သည်။
ထိုအစည်းအဝေးအားတက်နိုင်ရန်
ဆရာဦးတင်မြင့်က ငွေကြာရံသို့ သူ့ကားဖြင့် လာကြိုပေးခဲ့ပါသည်။ ငွေ ကြာရံမှ အရိုးရောဂါအထူးကုဆေးရုံကြီး (ကြည့်မြင်တိုင်) အနီးရှိ ရွိုင်ရယ်အိုအေးစစ် (Royal Oasis) ဆေး ခန်းသို့သွားပြီး ဆရာဦးကြီးမောင်နှင့်
ကိုစိုင်းရာဇာတို့ကိုသွားကြိုကာ ဗိုလ်မှူးဦးထွန်းမြင့်ရှိရာ Green Cross Hospital
ကို သွားကြပါသည်။ တပ်မတော်ဆေးရုံကြီး၌ အကြောအဆစ်ကုပညာ ရှင်အဖြစ် တာဝန်ထမ်း ဆောင်ခဲ့သည့်
ဗိုလ်မှူးဦးထွန်းမြင့်သည် ထိုဆေးရုံတွင် အုပ်ချုပ်ရေးမှူးတာ ၀န်ယူထားလေသည်။
အစည်းအဝေးပြီးသောအခါ
ဆရာဦးတင်မြင့်က မိမိအား ငွေကြာရံသို့ ပြန်ပြီးပို့ပေးခဲ့ပါသည်။ မိမိ၏ဇနီးသည် စောစောကပင်
မြို့ ထဲရှိ “လိုင်းလိုင်းဟိုတယ်”သို့ ပစ္စည်းများယူကာ သွားနှင့်ပြီဆိုသဖြင့်
မိမိက တက္ကစီငှား လျက် လိုင်းလိုင်းဟိုတယ်ရှိရာ ဘုန်းကြီးလမ်းကို လိုက်သွားခဲ့သည်။
ဟိုတယ်သို့ရောက်သောအခါ
ညနေ ၆ နာရီ ထိုးခါနီးပေပြီ။ ရန်ကုန်မြို့ ၏ညနေခင်းသည် ဆောင်းရာသီဖြစ်၍ နေ၀င်ချိန်စောကာ မှောင်စပြုပြီဖြစ်သည်။
တောင်ဥက္ကလာပမှ
ညနေ ၄ နာရီ ၅၂ မိနစ်တွင် ထွက်လာသည့်ကားသည် ပုံမှန်အားဖြင့် မိနစ် ၂၀ ခန့်သာ မောင်းရသည့်ခရီးကို
လမ်းတွေပေါ်၌ ကားများ ကျပ်ညပ်နေသဖြင့်
မြို့ ထဲရောက်ရန် ၁ နာရီနီးပါး မောင်းခဲ့ရ ၏။ လမ်းတွင် ကားဆရာကြီးနှင့် စကားတွေ အတော်ကြီးကို
ပြောဖြစ်ခဲ့လေသည်။ မိမိသည် သူ့ထံက ရန်ကုန် အကြောင်း ဒေသန္တရဗဟုသုတများစွာ ရရှိခဲ့ပါသည်။
သို့နှင့် စာရေးသူက ကားဆရာကြီးအား မူလကပြောခဲ့သောကားခထက်
တစ်ထောင်ကျပ် အပိုထပ်ပြီး ပေး လိုက်ရာ သူက လှိုက်လှိုက်လှဲလှဲ ကျေးဇူးတင်သလို မိမိကလည်း
သူ၏တစ်နာရီကြာ ရင်တွင်းခံစား စကားများ အတွက် ကျေးဇူးပြန်ပြီး တင်မိရသည်အမှန်။
စာရေးသူ ဟိုတယ်ကိုရောက်သောအခါ ဇနီးအားလိုက်ပို့ပေးသော ညီမနှစ်ဦး မိမိတို့အားနှုတ်ဆက်ကာ ပြန် သွားကြ၏။ ဇနီသည်က ခရီးပမ်းသည်ဟုဆိုကာ
အိပ်ယာတွင်လှဲနေသဖြင့် ထိုညက အပြင်သို့ နောက်ထပ် မ ထွက်ဖြစ်လေတော့။ မိမိကမူ ယခင်အခေါက်များကဲ့သို့
မြန်မာပြည်သို့ပြန်ရောက်သည့် ပထမဦးဆုံးနေ့တိုင်း ရွှေတိဂုံဘုရားသို့ သွားဖူးရန်ဆန္ဒရှိသော်လည်း နောက်တစ်နေ့မှသွားမည်ဟုသာ ဆုံးဖြတ်မိသည်။
 |
| လေဖြတ်လူနာအား အကြောအဆစ်ကုဆေးပညာဖြင့် လေ့ကျင့်ကုသပေးခြင်း (Therapeutic Rehabilitation Exercise) ကို ယခုကဲ့သို့ လက်တွေ့သင်တန်း ပို့ချပေးခဲ့။ |
လေဖြတ်လူနာနှင့် သင်တန်းပေးခြင်း
နောက်တစ်နေ့ (ဒီဇင်ဘာ
၈ ရက်) နံနက် ၈ နာရီခွဲ တွင် အကြောအဆစ်ကုပညာရှင် (Physiotherapist) တပည့် မလေး တင်စန္ဒာဝင်း သည် မိမိတည်းခိုရာ ဟိုတယ်သို့ သူ့အဖေလိုက်ပို့သည့်ကားဖြင့် ရောက်လာ သည်။ သူမ၏
လေဖြတ်လူနာအား သွားကြည့်ပေးပြီး အကြောအဆစ်ဆိုင်ရာ လက်တွေ့စမ်းသပ်ကုသနည်း များကို တလက်စာတည်း
သင်ကြားပြသပေးရန် ဖြစ်သည်။
မိမိ၏ တူသားအရင်းအချာကဲ့သို့ဖြစ်နေသော ကိုကြည်ဇော်မိသားစုက
ကားနှင့်မောင်းသူပါ ကူညီထားသဖြင့် တင်စန္ဒာဝင်း၏ဖခင်အား ပြန်လွှတ်ပြီး မိမိတို့ကားဖြင့် လူနာရှိရာ တောင်ဥက္ကလာပသို့ သွားကြသည်။
လူနာအိမ်သို့ ရောက်သောအခါ
အကြောအဆစ်ကုပညာရှင်သမီးငယ်အချို့  ရောက်နှင့်နေကြပြီဖြစ်သည်။
လေဖြတ်လူနာများတွင် ကြုံတွေ့ခံစားရလေ့ရှိသော လှုပ်ရှားမှုဆိုင်ရာ (movement and
function)၊ အာရုံ သိရှိမှုဆိုင်ရာ (sensory)၊ မှတ်ဥာဏ် (cognitive) နှင့် စိတ်ထိခိုက်လှုပ်ရှားမှုဆိုင်ရာ (emotional)၊ ပြောဆို ဆက်ဆံမှုဆိုင်ရာ (communication) များအကြောင်း ရှင်းလင်းပြောပြခြင်းနှင့်
အကြောအဆစ်ဆိုင်ရာ လက်တွေ့စမ်း သပ်ကုသနည်းများကို ၂ နာရီခန့် ပြုလုပ်ပြသခဲ့သည်။
ဆရာမကြီး ဒေါ်ကလျာအိမ်သို့
မနှစ်က ယခုလိုအချိန်မျိုးမှာ ရန်ကုန်ရောက်သည့်အခါ ကလျာမဂ္ဂဇင်း
အယ်ဒီတာချုပ် ဆရာမကြီး ဒေါ်ကလျာ ၏အိမ်သို့ လူမမာမေရင်း ရောက်ခဲ့သည်။ ဆရာမကြီး၏ အာရုံကြောဆိုင်ရာ
သွားလာလှုပ်ရှားမှု အခက်အခဲများ အတွက် လေ့ကျင့်ကုသမှုများ သင်ကြားပြသပေးခဲ့သည်။
ယခုတစ်ခါ
ဆရာမကြီးကို သွားရောက်တွေ့ဆုံနူတ်ဆက်ရင်း ကျန်းမာရေးအခြေအနေများ မေးရသည်။ ဆရာ မကြီးက
မိမိပြသထားသည့် လေ့ကျင့်လှုပ်ရှားမှုပုံများကို နံရံမှာကပ်ထားပြီး ပြုလုပ်လျက်ရှိကြောင်း
ပြောပါ သည်။
ဆရာမကြီး၏ အထွေထွေကျန်းမာရေးမှာ မနှစ်ကထက် ကောင်းမွန်လာသည်ကို
တွေ့ရသဖြင့် ၀မ်းသာမိသည်။ သွားလာလှုပ်ရှားမှု အခက်အခဲမှာမူ ရောဂါ၏သဘောသဘာဝအရ ကျန်ရှိနေဆဲဖြစ်သော်လည်း
ပြီးခဲ့သောနှစ် ကထက် အထိုက်အလျှောက် တည်ငြိမ်မှုရှိလာခဲ့ပါသည်။ ဆရာမကြီးက အခါတိုင်းလို
စာရေးသူအား မဂ္ဂဇင်း စာအုပ်များပေးသောအခါ မိမိအား တောင်းထားသည့် ကျန်းမာရေးစာမူများ တစ်နှစ်လုံး တစ်ပုဒ်မှ
ရေးမပေး ဖြစ်သည့်အတွက် မျက်နှာပူ အားနာမိပါသည်။ မိမိနှင့် ဆရာမကြီးတို့ စကားပြောနေစဉ်
တာဝန်ခံအယ်ဒီတာ ကိုဇူးကျော်လည်း အနားမှာ ရှိနေပါသည်။
စာရေးသူတို့ဇနီးမောင်နှံက ဆရာမကြီးအား နှုတ်ဆက်ခါ တိုက်ပေါ်မှဆင်းလျက်
ကားထွက်သည့်တိုင် ဆရာမ ကြီးက ၀ရံတာမှရပ်ကြည့် ကျန်ရစ်ခဲ့ပါသည်။
မိတ်ဆွေ ဦးလွင်သိန်းအိမ်သို့
ဆရာမကြီးဒေါ်ကလျာအိမ်မှ ဟိုတယ်သို့ပြန်လာကာ ပစ္စည်းများယူပြီး
မိတ်ဆွေ ဦးလွင်သိန်း၏အိမ်သို့ လူမမာ သွားမေးရသည်။ ဦးလွင်သိန်းသည် စာရေးသူ
မြန်မာပြည်မရောက်ခင် တစ်ပတ်အလိုမှာ ကားထိခိုက်မှုဖြစ်သ ဖြင့် သွားလာလှုပ်ရှားမှုမပြုလုပ်ရပဲ
အိပ်ယာပေါ်တွင်လှဲပြီး အနားယူနေရသည်။ အရိုးခွဲ စိတ်အထူးကုဆရာဝန် ကြီးနှင့် ပြသထားပြီးဖြစ်ရာ
မိမိက အကြောအ ဆစ်ကုသမှုဆိုင်ရာ ကိုယ်လက်လှုပ်ရှားမှုများနှင့် ကိုယ်နေကိုယ် ထား စနစ်တကျရှိစေရေးတို့ကို
သင်ပြပေးခဲ့သည်။
ထိုနောက် ညနေ ၃ နာရီတွင် ငွေကြာရံအိမ်သို့သွားကာ မိမိတို့နှင့်အတူခရီးသွားမည့်
ဇနီး၏ညီမ ၃ ဦးကို ခေါ် ပြီး ကန့်ဘလူသို့သွားမည့် အဝေးပြေးကားဂိတ် (အောင်မင်္ဂလာ)သို့ ထွက်ခဲ့ကြတော့၏။
ရန်ကုန်မှ ကန့်ဘလူသို့
ဒီဇင်ဘာ ၈ ရက်နေ့ ညနေ ၅ နာရီတွင် ရန်ကုန် အောင်မင်္ဂလာအဝေးပြေးကားဂိတ်မှ
“အောင်ရတနာ” လေ အေးစက်တပ်ဘတ်စ်ကားသစ်ကြီးဖြင့် ကန့်ဘလူမြို့ သို့ သွားကြသည်။ “အောင်ရတနာ” ဘတ်စ်ကားကြီး သည် ခရီးသည်များကို ကန့်ဘလူမြို
့နှင့်ရန်ကုန်မြို့ များသို့ တိုက်ရိုက်ပြေးဆွဲပေးလျက်ရှိသည့် တစ်ခုတည်း သော ကားလိုင်းဖြစ်သည်။
ယင်းကားလိုင်းရှိကြောင်းကို မကြာခင်က စင်ကာပူနိုင်ငံသို့ အလည်လာသွားကြ သည့် ဦးသောင်းစိန်(ဦးဆောင်ညွှန်ကြားရေးမှူး
- ငြိမ်း၊ ကုန်သွယ်ရေး) မမညိုတို့ ဇနီးမောင်နှံက ပြောပြသ ဖြင့် သိရှိခဲ့ခြင်းဖြစ်သည်။
ထိုသတင်းကို စပြီးကြားသိရကတည်းက ကန့်ဘလူ-ရန်ကုန် ခရီးစဉ်အား စိတ်ဝင်စားလျက် သွားရောက်လို သည့်ဆန္ဒများ
ပြင်းပြစွာ ရှိနေခဲ့မိပါသည်။
 |
| အောင်မင်္ဂလာအဝေးပြေးဂိတ်မှ ဤအောင်ရတနာကားကြီးဖြင့် ကန့်ဘလူမြို့ သို့ သွားခဲ့ကြသည်။ |
 |
| အောင်ရနာဘတ်စ်ကားများက ရေသန့်ဗူးအပြင် သွားပွတ်တံနှင့်သွားတိုက်ဆေးပါ ပေး၏။ |
 |
| ကန့်ဘလူဘူတာရုံအနီးတွင် ခရီးသည်နှင့်ပစ္စည်းများချရင်း ရပ်နားထားစဉ်။ |
ကန့်ဘလူကိုရောက်သောအခါ ညီမ ရီရီမြင့်၊ ထူးထူးဆွေ၊ မ၀ါနှင့်
တူဖြစ်သူ မောင်ဇေကိုတို့ ကားဂိတ်မှာ လာ ကြိုကြသည်။ ဇေကိုက ဒတ်ဆန်းကားဖြင့် ပစ္စည်းနှင့်မိမိတို့အား
ကန့်ဘလူဈေးနှင့်မျက်နှာချင်းဆိုင်မှာရှိသည့် ဦးကိုလေး၏ ရွှေမြန်မာလက်ဘက်ရည်ဆိုင်သို့
ဦးစွာပို့ပေးသည်။ မိမိတို့နှင့်ရင်းနှီးသည့် ဦးကိုလေးမိသားစုက နံနက်စာကို အညာစာမုန့်များဖြင့်
ဧည့်ခံကျွေးမွေးပါသည်။ ဦးကိုလေးမိသားစုနှင့်စကားစမြီပြောပြီးနောက် မိ ဖမေတ္တာ ဧည့်ရိပ်သာသို့
ပို့ပေးသည်။
 |
| ကန့်ဘလူမှာ မိမိတို့တည်းခိုခဲ့သည့် မိဖမေတ္တာဧည့်ရိပ်သာ။ (ဓာတ်ပုံ - ဖိုးတာ) |
 |
| ရန်ကုန်မှ ကန့်ဘလူသို့အသွား ၁၁၅ မိုင် အဝေးပြေးကားရပ်စခန်းက ရွှေခရားကြီးဆိုင်တွင် အနားယူရင်း ညစာ စားခဲ့သည်။ (၈-၁၂-၁၂ ည ၈ နာရီခွဲ။ ဓာတ်ပုံ - ဖိုးတာ)။ |
 |
| ၁၁၅ မိုင် ကားရပ်စခန်း၏ ညဖက်ရှုခင်းအလှ။ |
အံ့သြချီးကျူးရမည့် မာရသွန်ခရီး
စာရေးသူ၏ ယခုခရီးစဉ်တွင် သက်တမ်း မရှည်ကြာလှသေးသော
သမ္မကြီး ဦးသိန်းစိန်အစိုးရလက်ထက် ပြုပြင်ပြောင်းလဲတိုးတက်လာမှုများကို ၀မ်းမြောက်စွာ
မျက်မြင်ကြုံတွေ့ ခံစားခဲ့ရပါသည်။
မိမိ ငယ်စဉ်က(၉ တန်း ၁၀ တန်း)
ဖတ်ခဲ့ဖူးသော “ခေတ်ပြောင်းသည်ကို မသိပါ”ဆိုသည့် ဘာသာ ပြန်စာ အုပ်တစ်အုပ်၏အမည်ကို
အမှတ်ရပြီး “ခေတ်ပြောင်းသည်ကို သိပါသည်” ဟု ပြောလိုက်ချင်ပါတော့သည်။
ယခုတစ်ခေါက် မိမိ၏ခရီးစဉ်မှာ ရန်ကုန်မှ
ကန့်ဘလူသို့ တိုက်ရိုက်ခရီး၊ ကန့်ဘလူမှ ရွှေဘိုခရီး၊ ရွှေဘိုမှ မန္တလေးခရီး၊ မန္တလေးမှ ရန်ကုန်ခရီး စသဖြင့် ခေါင်းစဉ်ပေးထားသည့်အတိုင်း
ခရီးရှည် (မာရသွန်ခရီး) ဖြစ်လေရာ လမ်းများ၊ ကားများ၊ ရပ်နားစခန်းများ၊
စားသောက်ဆိုင်များ၊ ကိုယ်လက်သန့် စင်ခန်းများ၊ ၀န် ဆောင်ပေးမှုများတွင် “ပြောမယုံ ကြုံဖူးမှသိ”
ဖြစ်ခဲ့ရပါသည်။
ယခုလိုပြောင်းလဲတိုးတက်မှုများကို
ယခုလောက် မြန်မြန်ဆန်ဆန်ကြီး ဖြစ်လာ ကြုံတွေ့လာရလိမ့်မည်ဟု မိမိတစ်သက်
မထင်မှတ်ခဲ့ပါချေ။
 |
| တစ်ဖက်တစ်ချက်တွင် စိမ်းစိုစိုသစ်ပင်များနှင့် ဖြောင့်ဖြူးချောမွေ့နေသည့် ရွှေဘို-မန္တလေးလမ်း။ (ဓာတ်ပုံ - ဖိုးတာ) |
 |
| သန့်ရှင်းသပ်ရပ် ကျယ်ဝန်းသည့် ခေတ်မီဘတ်စ်ကားသစ်ကြီးများ။ (ဓာတ်ပုံ - ဖိုးတာ) |
 |
| လေယာဉ်ပေါ်က လေယာဉ်မယ်တစ်ဦးလို ယဉ်ကျေးပျူငှာစွာ ကူညီဆောင်ရွက်ပေးနေသည့် ဂျေဂျေ(JJ)အမြန်ကားလိုင်းမှ ၀န်ထမ်းမယ်တစ်ဦး။ (ဓာတ်ပုံ - ဖိုးတာ) |
 |
| လှလှပပ ပန်းခြံကလေးများနှင့် ကားရပ်စခန်းမြင်ကွင်း။ (ဓာတ်ပုံ - ဖိုးတာ) |
ရန်ကုန်မှ ညနေ ၅ နာရီခွဲတွင်ထွက်သည့်ဘတ်စ်ကားသည် နောက်တနေ့နံနက်
၇ နာရီတွင် ကန့််ဘလူမြို့ သို့ ရောက်လေသည်။
ကားလမ်းတွေက ကောင်းသည်။
ဘတ်စ်ကားကြီးတွေက ကောင်းသည်။
ဝန်ဆောင်မှုလည်း ကောင်းသည်။
ခြုံပြီးပြောရပါလျှင် ရန်ကုန်မှ ကန့်ဘလူ ခရီးစဉ်ကို ကျေနပ်သည်။
ကန့်ဘလူမှ ရွှေဘိုခရီးစဉ်ကို ကျေနပ် သည်။ နောက်ပြီး ရွှေဘိုမှ မန္တလေးခရီးစဉ်ကို ကျေနပ်သည်။ တစ်ခါ မန္တလေးမှ ရန်ကုန် ခရီးစဉ်ကိုလည်း ကျေနပ်ရပါသည်။
 |
| ကန့်ဘလူမြို့ ၏ ကျက်သရေဆောင် မဟာရွှေစည်ကြီး စေတီတော်။ ဓာတ်င်္ပု - ဖိုးတာ (ဒီဇင်ဘာ ၉ ရက် ၂၀၁၂) |
 |
စင်ကာပူနိုင်ငံရောက်မြန်မာများမှ လှူဒါန်းငွေများကို ရွှေသိမ်တော်ဆရာတော်ထံ ပေးအပ်ပူဇော်ခဲ့သည်။
(ဒီဇင်ဘာ ၉ ရက် ၂၀၁၂) |
စင်ကာပူကနေ မြန်မာပြည်သို့
မပြန်ခင်ကလေးမှာ စင်ကာပူမှာအလုပ်လုပ်နေသော ကိုကြည်ရွှင်က ကန့်ဘလူ မြို့  ရှိ ပရဟိတ မြွေဆိပ်ဖြေဆေးအဖွဲ့အတွက် သူကောက်ခံထားသည့် အလှူငွေများကို ရွှေသိမ်တော်ကျောင်း တိုက်
ဆရာတော် ဘဒ္ဒန္တမာဃိန္ဒထံ အလှူရှင်များကိုယ်စား စာရေးသူမှ
ပေး အပ်လှူဒန်းပေးနိုင်မလားလို့ မေး သဖြင့် မိမိက ပြုလုပ်ပေးနိုင်ကြောင်း ပြောလိုက်ပါသည်။
သို့နှင့် မိမိ မြန်မာပြည်သို့ပို့သည့်ငွေများနှင့်အတူ ကြို ပြီးရန်ကုန်ကို ငွေလွှဲထားရသည်။
ရန်ကုန်မှ
ကန့်ဘလူကိုသွားသောအခါ မိမိတို့နှင့်တပါတည်းယူသွားလျက် ရောက်သည့်နေ့ နံနက်မှာပင် ပရဟိ တမြွေဆိပ်ဖြေဆေးအဖွဲ့ဝင်များ၏ စီစဉ်ပေးမှုဖြင့် စင်ကာပူရောက်ရွှေမြန်မာလူငယ်လေးများက စေတနာ သဒ္ဒါ တရား ထက်သန်စွာ ထည့်ဝင်လှူဒါန်းကြသည့် အလှူ ငွေ ၁၀၈၂၀၂၅ (ဆယ်သိန်း ရှစ်သောင်း နှစ်ထောင့် နှစ် ဆယ့်ငါး) ကျပ်ကို စာရေးသူမှ မြို့ နယ်သံဃာ့နာယက၊(ဒု)အကျိုးတော်ဆောင် ရွှေသိမ်တော်ကျောင်းတိုက် ဆ ရာတော် ဘဒ္ဒန္တမာဃိန္ဒထံ ပေးအပ်လှူဒန်းခဲ့ပါသည်။
ကန့်ဘလူမြို့ မှ အကြောအဆစ်လူနာများကို ကြည့်ရှုကုသပေးခဲ့
ယခုတစ်ခေါက် မိမိ၏မွေးဇာတိဖြစ်သော ကန့်ဘလူမြို
့သို့ရောက်သွားရင်း မိမိတတ်ကျွမ်းသည့်ပညာရပ်ဖြင့် အကြောအဆစ်ဝေဒနာရှင်လူများအား ကြည့်ရှုကုသပေးခွင့်များ
ရရှိခဲ့သဖြင့် အလွန်ပင် ၀မ်းမြောက်ဝမ်းသာ ဖြစ်ရပါသည်။
မူလက အစီအစဉ်မှာ ဆရာတော်ထံ လှူဒါန်းငွေများကပ်လှူရင်း လေဖြတ်လူနာ ၃ ဦး ၄ ဦးခန့်ကို ဘုန်းကြီး ကျောင်းတွင် ကြည့်ရှုစမ်းသပ်ပြီး လေ့ကျင့်ကုသပေးရန် ဖြစ်သည်။ မိမိသည် ကန့်ဘလူမြို့ တွင် တစ်နေ့နှင့် တစ်ညသာနေရန် စီစဉ်ထားခဲ့ပါသည်။
သို့သော် လူနာစကြည့်သည့် ပထမနေ့တစ်ဝက်မှာပင် လူနာအရေအတွက်က ၂၃ ဦးအထိ ရှိသွားသည့်အပြင် နောက်နေ့မှာ လာရောက်ပြသ ကုသမှုယူလိုသည့် လူနာများရှိနေသေးကြောင်း သိရှိရသဖြင့် ကန့်ဘလူ မှာ နောက်တစ်ရက် ထပ်ပြီးနေဖြစ်သွားခဲ့ပါသည်။
ဒုတိယရက်မှာ လာရောက်ပြသသည့် လူနာအရေအတွက်မှာ ၅၉ ဦးရှိလေသည်။
မိမိထံ လာရောက်ပြသကြသည့် လူနာအများစုမှာ
လေဖြတ်လူနာများ ဖြစ်ကြလေသည်။ လာပြကြသည့် လူနာ စုစုပေါင်း(၈၂ ဦး)၏ ထက်ဝက်ခန့် ရှိမည်ထင်၏။
ကန့်ဘလူမြို့ တွင်သာမဟုတ်မူပဲ မြန်မာတစ်နိုင်ငံလုံးအတိုင်း အတာဖြင့်ပင် လေဖြတ်သူ အလွန်များကြောင်းနှင့်
ယခင်ကလို အသက်အရွယ်ကြီးသူများအပြင် အသက် သုံး လေးဆယ် အရွယ်များပင် ဖြစ်လာကြပြီဖြစ်ကြောင်းကို
လွန်ခဲ့သော လေး ငါးနှစ်ကတည်းက စိတ်မကောင်းစွာ ကြားသိခဲ့ရပါသည်။
လေဖြတ်သူတွေ များလာရတာနှင့်ပတ်သက်ပြီး လူတွေက
ပြောကြသည်မှာ …
မလေးရှားက ဆီအုန်းတွေကြောင့်ပါတဲ့
အစားအစာတွေကို အရောင်ဆိုးကြလို့ပါတဲ့
တရုတ်နိုင်ငံကလာသော ကျန်းမာရေးနှင့် မညီညွတ်သော
ရက်လွန်သော အစားအစာတွေ စားကြလို့ပါတဲ့။
မိမိထံ လာရောက်ပြသကြသူတွေအထဲမှာ ဒုတိယအများဆုံးကတော့
ဒူးနာသူများနှင့်ခါးနာကြသူများ ဖြစ်ကြပါ သည်။ ဒူးနာလူနာများသည် အသက်အရွယ်ကြီးသူများဖြစ်ကြရာ ကိုယ်အလေးချိန်များခြင်း (၀ခြင်း) နှင့် အ သက် ကြီးလာခြင်းတို့ကြောင့် အဖြစ်များလေသည်။
အသက်ကြီးသူအချို့  ခံစားရတတ်သည့် ပခုံးဆစ်ကပ်လူ နာ (frozen shoulder) များလည်း ပါရှိလေသည်။
အခြားသောလူနာ သုံး လေးဦး၏ ရောဂါဝေဒနာများသည် မိမိ၏အတတ်ပညာနှင့်
တိုက်ရိုက်မသက်ဆိုင် သ ဖြင့် သက်ဆိုင်ရာအထူးကုဆရာဝန်ကြီးများနှင့် ပြသကြရန် ရှင်းပြအကြံပေးခဲ့ရသည်။
တကယ်က ယခုလောက်လူနာအရေအတွက်ကို မိမိတစ်ဦးတည်း
ကြည့်ရှုစမ်းသပ်ပြီး ကုသပေးရန်မှာ အဆင် မပြေပါချေ။ အခြားသောသူများ၏ ကူညီပံ့ပိုးပေးမှုကြောင့်သာ
ပြုလုပ်နိုင်ခဲ့ခြင်း ဖြစ်လေသည်။ ဆရာတော် ကြီး၏ ဦးစီးဦးဆောင်ပေးမှု၊ ပရဟိတမြွေဆိပ်ဖြေဆေးအဖွဲ့ဝင်များ၏
ကြီးကြပ်စီစဉ်ပေးမှုနှင့် ကန့်ဘလူဆေးရုံ ကြီးမှ အကြောအဆစ်ကုပညာရှင် ဒေါ်မိုးမိုးအေး၏ လုပ်အားပေးကူညီမှုများ
ကြောင့်သာ အားလုံးချောချော မောမော ဖြစ်ရလေသည်။
ပရဟိတမြွေဆိပ်ဖြေဆေးအဖွဲ့မှ အမှုဆောင်လူကြီးများသည်
လူနာများ၏စာရင်းများကောက်ယူခြင်း၊ လူနာ
များကို အဖွဲ့မှကားဖြင့် သယ်ယူပို့ဆောင်ပေးခြင်း၊
ဘုန်းကြီးကျောင်းတွင် နေရာတကျ စီစဉ်ပေးခြင်း၊ မသန်
စွမ်းလူနာများအား ကိုယ်တိုင်ကိုယ်ကျ
ဖေးမကူညီပေးခြင်း၊ မိမိနှင့်မိသားစုအား ကျွေးမွေးဧည့်ခံခြင်း အစရှိ
သည့် လုပ်ငန်းဆောင်တာအရပ်ရပ်တို့ကို
လိုလေသေးမရှိရလေအောင် လုပ်ကိုင်ပေးခဲ့ကြပါသည်။ အထူး
ကျေးဇူးတင်ရှိရပါ၏။
နောက်တစ်ဦး ကျေးဇူးတင်ရမည့်သူမှာ ကန့်ဘလူမြို
့ ကုတင် ၁၀၀ ပြည်သူ့ဆေးရုံကြီးမှ ဆေးရုံအုပ်ကြီး
ဒေါက်တာဦးမိုးမြင့်ဝင်း ဖြစ်သည်။
ဒေါက်တာဦးမိုးမြင့်ဝင်းက တနင်္ဂနွေနေ့ နေ့တစ်ဝက်နှင့် တနင်္လာနေ့
တစ်နေ့လုံးကို ဒေါ်မိုးမိုးအေးအား မိမိ၏ကုသမှုလုပ်ငန်းများတွင် ပါဝင်ကူညီဆာင်ရွက်ရန်
ခွင့်ပြုပေးခဲ့ပါ သည်။
