နိုင်ငံခြားဘာသာတက္ကသိုလ် နှစ်(၆၀)ပြည့်ပြီ (၁)

 

၁၉၇၀ မှ ၁၉၇၅ နှစ်ကုန်အထိ မိမိပညာသင်ကြားခဲ့ဖူးသည့် ယခင်အခေါ်နိုင်ငံခြားဘာသာသိပ္ပံ

(ယခု ရန်ကုန်နိုင်ငံခြားဘာသာတက္ကသိုလ်- University of Foreign Languages, Yangon)သည် 

ယခုနှစ်တွင် သက်တမ်းအားဖြင့် အနှစ်(၆၀) ကြာမြင့်ခဲ့ပြီဖြစ်သည်။

ဒီနေရာတွင် အခေါ်အဝေါ်နှစ်မျိုးအား သတိပြုမိကြမည်ထင်ပါသည်။   

ပထမအခေါ်အဝေါ်မှာ နိုင်ငံခြားဘာသာသိပ္ပံ (Institute of Foreign Languages) ဖြစ်ပြီး အ

မည်၏ရှေ့ တွင်'ရန်ကုန်'မပါရှိပါချေ။ အဘယ်ကြောင့်ဆိုသော် ထိုအချိန်ကမြန်မာတနိုင်ငံလုံးတွင်

တကျောင်းတည်းသာရှိ၍ဖြစ်သည်။  

တက္ကသိုလ်အဆင့်မရှိသေးသဖြင့်'သိပ္ပံ'ဟုခေါ်ခဲ့ကြသည်။ အချိန်ပြည့် ၂ နှစ် သို့မဟုတ် အချိန်ပိုင်း

၎ နှစ်တက်ရပြီး ဒီပလိုမာဘွဲ့ ချီးမြှင့်ပါသည်။

ယခုအခါ နိုင်ငံခြားဘာသာတက္ကသိုလ်သည် ရန်ကုန်မြို့ အပြင် အခြားသောမြို့ (ဥပမာ၊မန္တလေး)

တွင်ပါရှိသဖြင့် ကွဲကွဲပြားပြားရှိစေရန် ကျောင်း၏အမည်ရှေ့ မှာ'မြို့ 'အမည်ထည့်သွင်းဖော်ပြရခြင်း

ဖြစ်သည်။ 

ထိုကဲ့သို့ ကျောင်းအမည်၊ ဘွဲ့နှင့်သင်တန်းကာလပြောင်းလဲမှုများအပြင် သင်ကြားပေးသည့်နိုင်ငံ

ခြားဘာသာအရေအတွက်လည်း တိုးလာသည်ကိုတွေ့ရသည်။

၁၉၆၄ ခုနှစ် ဇန်န၀ါရီလက နိုင်ငံခြားဘာသာသိပ္ပံအဖြစ် စတင်တည်ထောင်ဖွင့်လှစ်ခဲ့စဉ်အခါက

ဂျပန်၊ ပြင်သစ်၊ ဂျာမန်နှင့်ရုရှားဘာသာ (၄)မျိုးသာ သင်ကြားပေးခဲ့ပြီး မိမိတက်ရောက်သင်ယူခဲ့

သည့် ၁၉၇၀ ခုနှစ်တွင် တရုတ်ဘာသာကိုသင်ကြားပေးနေပြီဖြစ်သည်။ မိမိတို့ရုရှားဘာသာနှင့်

အတန်းချင်းကပ်ဖြစ်သည်။ 

ထိုအချိန်က အီတာလျံ၊ စပိန်နှင့်ကိုရီးယားဘာသာများကို သင်ကြားပေးခြင်းမရှိသေးပါချေ။

ညနေပိုင်းအလုပ်ပြီးသည်နှင့် တက်သုတ်ရိုက်အိမ်ပြန်၊ ကမန်းကတန်းရေမိုးချိုး၊ ကသုတ်ကရက်

ညနေစာစား၊ ည ၇ နာရီအမီ အပြေးအလွှားကျောင်းကိုသွားပြီး ရုရှားဘာသာကို ၄ နှစ်တာအချိန်

ပိုင်းသင်ယူခဲ့ရသည်များကို ကျောင်းကြီးအနှစ်(၆၀)ပြည့်မှာ အမှတ်တရဖြစ် လွမ်းမိချေသေးတော့။