၂ ရက် ဒီဇင်ဘာ ၂၀၁၁။ နတ်တော်လဆန်း ၇ ရက် ၁၃၇၃ ခုနှစ်။
● ကျွန်တော် ပြန်ကချင်ပါတယ်လို့ပြောတဲ့ ဇာဂနာ
လာမည့်လွတ်လပ်ရေးနေ့မှာ ဒေါ်အောင်ဆန်းစုကြည်၊ဇာဂနာနဲ့ ဒါရိုက်တာမင်းထင်ကိုကိုကြီးတို့ အကဲ ဖြတ်ဒိုင်လုပ်ကြမယ့်လွတ်လပ်ခြင်းအနုပညာရုပ်ရှင်ပွဲတော်မှာ သီးလေးသီးတို့နဲ့အတူ စွယ်စုံရအနုပညာ ရှင်လို့နာမည်ရနေတဲ့ဇာဂနာက ပါဝင်ကပြမယ်လို့ ကြားသိရပါတယ်။
၁ ရက် ဒီဇင်ဘာ ၂၀၁၁။
● သောက်တော်ရေခွက်တွင် ဗုဒ္ဓမြတ်စွယ်တော်ပုံရိပ်ပေါ်
ရန်ကုန်တိုင်း မင်္ဂလာဒုံမြိုနယ် မဉ္ဇူသကလမ်းနေ ဦးထွန်းလှ၏နေအိမ်ကဘုရားစင်မှာရှိတဲ့သောက်တော် ရေခွက်တွင် နိုဝင်ဘာလ ၂၂ ရက် ည ၈ နာရီခန့်က တရုတ်ပြည်ကပင့်ဆောင်လာတဲ့ ဗုဒ္ဓမြတ်စွယ်တော် ပုံရိပ်ပေါ်နေသဖြင့် လာရောက်ဖူးမျှော်သူများ စည်ကားလျက်ရှိတယ်ဆိုပါတယ်။
အဲဒီဗုဒ္ဓမြတ်စွယ်တော်ပုံရိပ်ပေါ်ရာသို့ ဒေသအာဏာပိုင်များ၊ ရုပ်မြင်သံကြားနှင့် ဂျာနယ်သတင်းထောက် များ သွားရောက်ကြပြီး သောက်တော်ရေခွက်ကိုသွန်မှေက်စစ်ဆေးကြည့်ရာ ဘာမှမတွေ့ရဟုဆိုပါတယ်။ သောက်တော်ရေပြန်ကပ်တဲ့အခါ မြတ်စွယ်တော်ပုံရိပ်ပေါ်မြဲပေါ်နေကြောင်း သိရှိရပါတယ်။
 |
| မြန်မာ့အလင်းသတင်းစာ။ ၂၆ ရက် နိုဝင်ဘာ ၂၀၁၁။ |
.............
၃၀ ရက် နိုဝင်ဘာ ၂၀၁၁။
● မဲဆောက်မှာ စာပေဟောပြောပွဲ ကျင်းပမယ်
 |
| ဓါတ်ပုံ - မိုးမခ။ |
မြန်မာပြည်က စာရေးဆရာများဖြစ်ကြတဲ့ ဆရာချစ်ဦးညို၊ ဆရာမောင်စိန်ဝင်း(ပုတီးကုန်း)နဲ့ ဆရာမ နုနုရည်(အင်းဝ)တို့က ထိုင်းနိုင်ငံ မဲဆောက်မြို့မှာ ပထမဆုံး လာရောက်ဟောပြောမယ့် စာပေဟော ပြောပွဲကို ဒီဇင်ဘာလ ၄ ရက်(တနင်္ဂနွေ)နေ့ ညနေ ၄ နာရီတွင် တောရကျောင်းထဲမှာကျင်းပမယ်လို့ ကြားသိရပါတယ်။
.............
၂၆ ရက် နိုဝင်ဘာ ၂၀၁၁။
● ပြည်သူနှင့်တပ်မတော် လက်တွဲကြည်ဖြူ
ပြည်သူပြည်သားအားလုံးက ပြည်သူတွေဖြစ်ကြသလို တပ်မတော်ကလည်း ပြည်သူထဲကပြည်သူပဲဖြစ် တယ်ဆိုတာကို အမျိုးသားဒီမိုကရေစီအဖွဲ့ချုပ်ရဲ့  အထွေထွေအတွင်းရေးမှူးဖြစ်သူ ဒေါ်အောင်ဆန်းစု ကြည်က ယခုလိုပြောကြားသွားကြောင်း ဖတ်ရှုသိရှိရပါတယ်။
“တပ်မတော်ဆိုတာလည်း ပြည်သူတွေပါပဲ။ ကျွန်မတို့အားလုံးကလည်း ပြည်သူတွေပဲ။ အားလုံးက ပြည် သူအချင်းချင်း ဒီနိုင်ငံရဲ့ ကောင်းကျိုးအတွက် ဘာလို့လက်တွဲမလုပ်နိုင်ရမှာလဲ။ လုပ်နိုင်ရမယ်။”
● ရန်ကုန်မြို့ တော် ဖွံ့ဖြိုးရေးစီမံကိန်း
အစိုးရရုံးစိုက်ရာနိုင်ငံတော်ရဲ့ မြို့ တော်မဟုတ်တော့တဲ့ စီးပွားရေးမြို့ တော်ရန်ကုန်ကို များပြားလာတဲ့လူ ဦးရေနဲ့လျော်ညီစေပြီး မြို့ အင်္ဂါရပ်များဖြင့် ပြည့်စုံစေဖို့အတွက် အစိုးရ၀န်ကြီးဋ္ဌာနများ၊ NGO များနဲ့လက် တွဲကာ ရန်ကုန်မြို့ တော်ဖွံ့ဖြိုးရေးစီမံကိန်း (Yangon City Development Plan)ကို နှစ်(၃၀)ပြင်ဆင်လုပ် ကိုင်သွားမယ်လို့ သိရပါတယ်။
● ရထားလက်မှတ်ခများ ၃ ဆမှ ၁၀ ဆအထိ တက်ပြီ
ရန်ကုန်မြို့ ပတ်ရထားလက်မှတ်ခနဲ့ ခရီးဝေးသွားရထားလက်မှတ်ခများကို ယခုနှစ်နိုဝင်ဘာလ ၁၅ ရက် နေ့ကစပြီး တစ်နိုင်ငံလုံးအတိုင်းအတာဖြင့် ၃ ဆမှ ၁၀ ဆအထိ တက်သွားပြီဖြစ်ကြောင်းကို မီးရထားပို့ ဆောင်ရေးဝန်ကြီးဋ္ဌာနမှ သတင်းထုတ်ပြန်ခဲ့ပါတယ်။
● ကြော်ငြာမှာ ဘွဲ့ဖော်ပြချင်သူများ သတိပြုရန်
မင်္ဂလာဆောင်တို့ မွေးနေ့တို့ ဆုမွန်ကောင်းတောင်းပေးတာတို့မှာ မိမိတို့ရဲ့ အမည်နောက်က ဘွဲ့ ထည့် ပြီး ဖော်ပြလေ့ရှိသူများ သတိပြုကြရဖို့ လိုအပ်လာပါတယ်။ အထူးသဖြင့်တော့ နိုင်ငံခြားကို အလည်အ ပတ်ပဲဖြစ်ဖြစ် အလုပ်လုပ်ဖို့ပဲဖြစ်ဖြစ် သွားရန်အစီအစဉ်ရှိသူများဖြစ်ကြပါတယ်။ ဘာ့ကြောင့်လဲဆိုရင် မြန်မာနိုင်ငံကူးလက်မှတ်ထုတ်ပေးရေးအဖွဲ့ က အဲဒီကြော်ငြာတွေမှာပါတဲ့ဘွဲ့ စာရင်းတွေကို နာမည်တို့ လိပ်စာတို့နဲ့တကွ စာရင်းပြုစုမှတ်တမ်းတင်ထားတာကြောင့်လို့ဆိုပါတယ်။
နိုင်ငံကူးလက်မှတ်လျောက်တဲ့အခါမှာ ယခင်လို ၉ တန်းအောင် ၁၀ တန်းအောင်ဆိုပြီး လိမ်လို့မရနိုင် တော့လို့ပါ။
နိုင်ငံကူးလက်မှတ်လျောက်တဲ့အခါမှာ ယခင်လို ၉ တန်းအောင် ၁၀ တန်းအောင်ဆိုပြီး လိမ်လို့မရနိုင် တော့လို့ပါ။
No comments:
Post a Comment