၁၉၆၇ ခုနှစ် ဇွန်လကဖြစ်ပွားခဲ့သည့် တရုတ်-ဗမာ အရေးအခင်းကြီးကာလတွင် မိမိသည် ရန်ကုန်မြို့ 
တွင် ရှိနေခဲ့ပါသည်။
ထိုစဉ်က တက္ကသိုလ်များ၊ အတတ်သင်သိပ္ပံများ၊ အသက်မွေးဝမ်းကြောင်းပညာသင်ကျောင်းများနှင့်
အထက်တန်းကျောင်းများအားလုံးကို အရေးအခင်းကြောင့် ယာယီပိတ်ထားခဲ့သည်။
ရန်ကုန်ဝိဇ္ဇာနှင့်သိပ္ပံတက္ကသိုလ်တွင် ဆေးဘက်ပညာရပ်ကို ပထမနှစ်မှာသင်ကြားနေသည့် မိမိသည်
ကျောင်းပိတ်ထားသဖြင့် ဖခင်၏မိတ်ဆွေ ရဲမှူးဦးထွန်းရွှေက နေရာပေးထားသောကြောင့် ကုက္ကိုင်းရဲ
စခန်းအတွင်းရှိ အခန်းလွတ်တခန်းတွင် နေနေပါသည်။
နေ့စဉ်နေ့တိုင်း သတင်းစာနှင့်ရေဒီယိုများမှကြားနေရသည့် တရုတ်သံရုံးဝန်ထမ်းများနှင့်မြန်မာတရုတ်
ကျောင်းသားများ၏စော်ကားမော်ကားပြုမူပြောဆိုနေမှုများကို ကြားသိနေရသဖြင့် မိမိသည်လည်း ဒီ
တရုတ်-ဗမာအရေးအခင်းတွင် ကိုယ်တိုင်ကိုယ်ကျ တစ်ကိုယ်တော်ပါဝင်ခဲ့ကာ အခြားသောဆန္ဒပြသူ
များနှင့်အတူ တရုတ်ဆိုင် ၂ ဆိုင်ကို လက်တုန့်ပြန်ဖျက်ဆီးခဲ့ပါသည်။
တကယ်က ဒီလူအုပ်ကြီးထဲမှာ မိမိသိတဲ့သူရယ်လို့ တယောက်မှမပါပါဘူး။
ဆိုင်ထဲကိုရောက်တာနဲ့ မှန်ဘီရိုတွေ အရက်ပုလင်းတွေ ပန်းကန်ခွက်ယောက်နဲ့စားပွဲ ကုလားထိုင်
အစရှိတာတွေကို မိမိတို့အားလုံး ထုနှက်ရိုက်ချိုးပြီး ဖျက်ဆီးကြပါတော့တယ်။
မိမိဖျက်ဆီးခဲ့တာတွေထဲက မှတ်မှတ်ရရအရှိဆုံးကတော့ အာဂျီနိူမိုတိုအချိုမှုန့်ထုပ်ကြီးတွေကို ဆွဲ
ဖြဲပြီး ဆိုင်ရဲ့ အရှေ့ ဖက်မှာရှိတဲ့မြေကွက်လပ်ဆီကို ပစ်ထုတ်ခဲ့တာပဲဖြစ်တယ်။
အဲဒီတစ်နေ့ထဲမှာပဲ မိမိတို့နိုင်ငံရဲ့ အချုပ်အခြာအာဏာနဲ့လူမျိုးကို လူပါးဝစော်ကားနေတဲ့တရုတ်နီ
အစိုးရရယ် တရုတ်သံတမန်တွေရယ်နဲ့ မြန်မာပြည်တွင်းက တရုတ်ကွန်မြူနစ်ပါတီလိုလားကြသူ
တရုတ်နွယ်ဖွားတွေရယ်ကို လက်တုန့်ပြန်တဲ့အနေနဲ့ မိမိဒုတိယဖျက်ဆီးခဲ့တဲ့တရုတ်ဆိုင်ကတော့
လှည်းတန်း(ကမာရွတ်အ၀ိုင်းဖက်ခြမ်း)က လက်ဘက်ရည်ဆိုင်(အောက်ပုံ)ဖြစ်ပါတယ်။
ဆက်ပြီးရေးပါဦးမည်။
No comments:
Post a Comment