ဗိုလ်ချုပ်အောင်ဆန်းနဲ့ပတ်သက်တဲ့ဆောင်းပါးများ ဖြစ်ကြတယ်။ "ဗိုလ်ချုပ်အောင်ဆန်း"အထူးထုတ်
စာစောင်ပေါ့။
ထူးခြားတာက ဒီအထူးထုတ်စာစောင်ထုတ်တာ (၂)လရှိပြီဖြစ်ပေမယ့် ယနေ့တိုင်ရောင်းကောင်းနေတာ
ပဲဖြစ်တယ်။ ဗိုလ်ချုပ်အောင်ဆန်းလမ်းပေါ်မှာ ဂျာနယ်လက်ပွေ့ရောင်းတဲ့သူတစ်ဦးကပြောတာကတော့
စထွက်တဲ့နေ့ကတည်းက ယနေ့အချိန်ထိ တစ်ပတ်မှာစောင်ရေ ၅၀ မှန်မှန်ရောင်းနေရဆဲဖြစ်ပါသတဲ့။
"ဗိုလ်ချုပ်အောင်ဆန်း"အထူးထုတ်စာစောင်ကို ၀ယ်ကြဖတ်ကြသူတွေထဲမှာ အသက်ငယ်သူ လတ်သူ ကြီးသူ အတော်လေးစုံတယ်ဆိုပါတယ်။ တော်တော်များများက သူတို့မိသားစုတွေကို ဒို့ရဲ့အမျိုးသား ခေါင်းဆောင်ကြီး ဗိုလ်ချုပ်အောင်ဆန်းဆိုတာ ဘယ်လိုပုဂ္ဂိုလ်မျိုးလဲဆိုတာ ပုံလဲပြချင်လို့ ပြောလဲပြချင် လို့ဖြစ်ကြတယ်။
ဘာ့ကြောင့်လဲဆိုရင် ဗိုလ်ချုပ်နဲ့သက်ဆိုင်တဲ့အကြောင်းအရာတွေက ပျောက်နေတာကြာလှလို့ပါတဲ့။ စာ စောင်ထဲမှာ သူတို့မသိမမီလိုက်တာတွေ အများကြီးပါလို့ပါတဲ့။ တစ်ချို့ကလေးတွေဆိုရင် ဗိုလ်ချုပ်ကို သိဖို့ မီဖို့ နေနေသာသာ ကြားရုံလေးပဲကြားဖူးတာ။ ဓါတ်ပုံကိုတောင် ဟုတ်တိပတ်တိမြင်ဖူးကြတာ မဟုတ်ဘူး။ ဒီအထူးထုတ်စာစောင်မှာ ဗိုလ်ချုပ်အောင်ဆန်းအကြောင်း အတော်လေးကို စုံစုံလင်လင် ပါရှိတယ်ဆိုပါတယ်။ ဂျာနယ်လက်ပွေ့ရောင်းတဲ့သူတစ်ဦးကတော့ "ကျနော်ကိုယ်တိုင်ကိုက စာစောင်ကို အရမ်းကြိုက်တာ။ ဗိုလ်ချုပ်အောင်ဆန်းဆိုတာ ကျနော်တို့ရဲ့အမျိုးသားခေါင်းဆောင်ကြီးပဲလေ"လို့ ပြောခဲ့ ပါတယ်။
မန္တလေးက ထွန်းဦးစာပေဖြန့်ချိရေးပိုင်ရှင်ဦးထွန်းဦးကတော့ "လူတွေက ဗိုလ်ချုပ်အောင်ဆန်းကို ချစ်ကြခင်ကြတော့ ဗိုလ်ချုပ်ရဲ့ရှားပါးဓါတ်ပုံတွေကို သိမ်းထားချင်ကြတယ်"လို့ မှတ်ချက်ပြုခဲ့ပါတယ်။
စာညွှန်း။ ။ မြန်မာတိုင်း(မ်)ဂျာနယ်၊ အတွဲ ၂၆၊ အမှတ် ၅၂၀ (၃ - ၉၊၆၊၂၀၁၁)
No comments:
Post a Comment