လေ့ကျင့်ခန်းပြုလုပ်စဉ် သေဆုံးမှုများ

Sudden Death During Exercise (17 June 2021)

ဒီကနေ့ထုတ် Sunday Times သတင်းစာ စာမျက်နှာ ၂ မှာ SAF Regular dies after collapsing during IPPT ဆိုတဲ့ ခေါင်စဉ်နဲ့ ကာယကြံ့ခိုင်မှုလေ့ကျင့်စမ်းသပ်နေစဉ်မှာ အသက် ၄၉ နှစ်အရွယ်ရှိ ဗိုလ်မှူးတစ်ဦး လဲကျသတိလစ်ပြီး သေဆုံးသွားကြောင်း ဖတ်လိုက်မိတယ်။  

တစ်ခါ စိတ်ဝင်စားစရာ ကောင်းတာက "အသက် ၄၀ ကျော်၊ ၅၀ ကျော်တွေ ကာယလေ့ကျင့်မှုပြုလုပ်ရင်း ဒါမှမဟုတ် ပြုလုပ်ပြီးစမှာ ယုတ်တရက်လဲကျသတိလစ်ပြီး သေဆုံးကြတာတွေ တခုတလောဖြစ်နေတယ်"ဆိုတဲ့ မှတ်ချက်ပဲ ဖြစ်တယ်။ ပြီးခဲ့တဲ့လကပဲ အသက် ၅၅နှစ်ရှိပြီဖြစ်တဲ့အမျိုးသားတစ်ဦး 100PLUS Passion Run ပြိုင်ပွဲပန်း ၀င်ခါနီးမှာ ယုတ်တရက်လဲကျ သေဆုံးခဲ့ပါသေးတယ်။ 

၂၀၀၆ ခုနှစ်ကနေ ၂၀၀၉ ခုနှစ်အထိ အဲဒီလို သေဆုံးတာ စင်ကာပူမှာ တစ်နှစ်တစ်ယောက်အနည်းဆုံးရှိတယ်လို့ သိရတယ်။ 

ဟုတ်ပါတယ်။ ဒီအဖြစ်အပျက်တွေကို စင်ကာပူနိုင်ငံမှာသာမဟုတ်ပဲ အခြားအခြားသောနိုင်ငံများမှာပါ ဖြစ်နေတာ ကြားသိနေရပါတယ်။ စာရေးသူဟာ မိမိကိုယ်တိုင်က ကျန်းမာရေးလေ့ကျင့်လိုက်စားမှုကို ငယ်စဉ်ကတည်းက ယခုအသက် ၆၀ ကျော်လာတဲ့တိုင် စွဲစွဲမြဲမြဲလုပ်လေ့ရှိတာဖြစ်လို့ ကျန်းကျန်းမာမာရှိကြပြီး ကျန်းမာရေးလဲမှန်မှန်လုပ်နေကြသူများ အခုလို ယုတ်တရက်လဲကျ သတိလစ်ပြီး သေဆုံးကြ တဲ့သတင်းတွေ ဖတ်ရတိုင်း စိတ်အလိုမကျဖြစ်ရပါတယ်။ 

ကနေ့တိုးတက်လှပါတယ်ဆိုတဲ့ ဆေးပညာက ဒီအဖြစ်အပျက်တွေကို ကြိုတင်မသိနိုင်ရကောင်းလား၊ ကြိုတင်ပြီးမကာကွယ်နိုင်ရကောင်းလားဆိုပြီး အာမလိုအားမရဖြစ်မိပါတယ်။ 

ယုတ်တရက်လဲကျသေဆုံးကြသူတွေထဲမှာ ကျန်းကျန်းမာမာရှိပြီး ကျန်းမာရေးမှန်မှန်လုပ်တဲ့ ကျန်းမာရေးဝန်ထမ်းဆရာဝန်လဲပါရှိပါသေးတယ်။  ၂၀၀၈ ခုနှစ် ဒီဇင်ဘာ ၁၅ ရက်နေ့က The New Yorker ကဖော်ပြခဲ့တဲ့သတင်းတစ်ပုဒ်မှာ အသက် ၃၈ နှစ်ရှိ ကလေးအထူးကုဆရာဝန်မတစ်ဦး အပြေးလေ့ကျင့်တဲ့စက်(Treadmill)ပေါ်မှာ အပြေးလေ့ကျင့်နေစဉ်မှာ ယုတ်တရက်လဲကျသတိလစ်သွားခဲ့တယ်။ ခင်ပွန်း ဖြစ်သူ လက်ပိုင်းခွဲစိတ်အထူးကုဆရာဝန်က စက္ကန့်ပိုင်းအတွင်းမှာရောက်ရှိပြီး အသက်ကယ်ရှေးဦးပြုစု ပေးတာ(CPR)တောင် မရတောပဲ သေဆုံးသွားခဲ့ပါတယ်။ သေဆုံးရတဲ့အကြောင်းကတော့ နှလုံးရဲ့ယာဖက်သွေးလွှတ်ကြောမကြီး (right coronary artery)က မွေးရာပါချွတ်ယွင်းနေလို့ပါတဲ့။ ဒါကို သူမကိုယ်တိုင်ကော ခင်ပွန်းဖြစ်သူကော ဆရာဝန်တွေဖြစ်ကြပေမယ့် သိမထားခဲ့ကြဘူး။လေ့ကျင့်ခန်းပြုလုပ်စဉ်မှာ ဒီသွေးကြောကို အေအောတာသွေးလွှတ်ကြောကြီး(aorta)နဲ့ နှလုံးမှအဆုတ်ကိုသွေးပို့ပေးတဲ့သွေလွှတ်ကြောကြီး(pulmonary artery)တို့ကြားဖိညှပ်ပြီး သွေးအသွားအလာ

ကို ပြတ်တောက်စေတာကြောင့်ဖြစ်တယ်။  

ဒီကနေ့ဆေးသိပ္ပံပညာက စမ်းသပ်ထောက်လှမ်းပြီး မသိနိုင်သေးတာတွေ (သိနိုင်တယ်ထားဦး၊ လွယ်လွယ်ကူ

ကူနဲ့ မသိနိုင်သေးတာတွေ) အများကြီးရှိနေသေးတယ်ဆိုတာ ဘယ်သူမှ ငြင်းနိုင်မယ်မဟုတ်ပါဘူး။

ပိုဆိုးတာက ကျန်းမာရေးမှန်မှန်လုပ်ပြီး ဒေါင်ဒေါင်မြည်ကျန်းမာရေးကောင်းတဲ့ အသက်ငယ်ငယ်ရွယ်ရွယ် အားကစားသမားလေးတွေပါ ယုတ်တရက်လဲကျသေဆုံး(sudden death)ကြရတာဖြစ်တယ်။  

Individual Physical Proficiency Test (IPPT) ဆိုတာ စင်ကာပူနိုင်ငံက လက်နက်ကိုင်စစ်တပ် Singapore Armed Forces (SAF)၊ ရဲတပ်ဖွဲ့  Singapore Police Force (SPF) နှင့်ပြည်ထဲရေးဝန်ကြီးအောက်မှာရှိသည့်

မီးသတ်၊ အရေးပေါ်ဆေးကုသမှု၊ ကယ်ဆယ်ရေးအစရှိသောယူနီဖောင်းဝတ်အဖွဲ့ Singapore Civil Defence Force (SCDF) တို့၏ကိုယ်ကာယကြံ့ခိုင်မှုစစ်ဆေးသည့်စံနှုန်းစနစ်တခုပါ။ 

နောက်မှ ဆက်ရေးပါဦးမယ်။