ကျွန်တော် သင်တန်းဆရာ (၅)

သက်ကြီးရွယ်အိုများအား အကြောအဆစ်ဆိုင်ရာပြုစုစောင့်ရှောက်ပေးရေးနှင့်ပတ်သက်ပြီး သင်တန်းးသူများကို မနေ့က သင်ကြားပေးခဲ့ရသည်။

သူတို့သိထားသင့်တာတွေနှင့် စနစ်တကျမှန်မှန်ကန်ကန်လုပ်ပေးသင့်တာတွေ များလွန်းသဖြင့် ၄ နာရီကြာစာသင်ချိန်မှာ တခဏလေးနှင့်ကုန်သွားတတ်သည်။

စာတွေ့လက်တွေ့နှစ်မျိုးလုံးသင်ပေးရသဖြင့် တစ်ခုနှင့်တစ်ခု အချိတ်အဆက်မိစေရန် စာများ ပုံများ သရုပ်ပြဗီဒီယိုများကို PowerPoint သင်ကြားမှုစာမျက်နှာ (slides) တို့တွင် အစီအစဉ်တကျပြင်ဆင်ထားရသည်။

အသက်ကြီးလာခြင်းနှင့်အတူ ကြုံတွေ့ခံစားလာသော ကျန်းမာရေးဆိုင်ရာပြောင်းလဲလာမှုများ (age related changes) အထူးသဖြင့် အကြောအဆစ်ဆိုင်ရာဆုတ်ယုတ်ချွတ်ယွင်းလာရခြင်းအကြောင်းပြောပြသည်။

ဥပမာ၊

- အရိုးသိပ်သည်းမှုလျှော့ကျလာခြင်း (reduced bone density)
- ကြွက်းသားများ ပျော့တွဲအားနည်းလာခြင်း (reduced muscle strength)
- အဆစ်များခိုင်လာခြင်း (stiff joints)
- ဦးနှောက် အာရုံကြောနှင့်ကြွက်သားများအကြား ညှိနှိုင်းလုပ်ဆောင်မှုအားနည်းလာခြင်း (poor coordination)
- ခန္ဓာကိုယ်တွင် အဆီများစုဝေးလာကြခြင်း (increased body fat)

ယင်းပြောင်းလဲမှုတို့၏နောက်ဆက်တွဲအကျိုးဆက်အဖြစ် အသက်ကြီးသူများ၏ကျန်းမာရေးထိခိုက်လာရပုံများကို အကြောအဆစ်ရောဂါနှင့်ဝေဒနာအချို့ တို့ဖြင့် ဥပမာပေးရှင်းလင်းပြောပြသည်။

အရိုးသိပ်သည်းမှုလျှော့ကျလာခြင်းကြောင့် အသက်အရွယ်ကြီးသူများ၏အရိုးများ ပွဆတ်လာရကြောင်း၊ အရိုးများပွဆတ်ခြင်း (osteoporosis/osteopenia) ကြောင့် ချော်လဲကျသောအခါ အလွယ်တကူကျိုးတတ်ကြောင်းတို့ကို နားလည်သဘောပေါက်စေပါသည်။

ထိုကြောင့် အသက်ကြီးသူများ အရိုးပွဆတ်မှုနည်းစေရန် ဆေးဝါးနှင့်ကိုယ်လက်လှုပ်ရှားလေ့ကျင့်မှုများ (weight bearing exercises) ပြုလုပ်ပေးကြရသည်။

တစ်ချိန်တည်းမှာ အသက်အရွယ်ကြီးသူများ ချော်လဲကျခြင်းမှအကာအကွယ်ပေးနိုင်သောလေ့ကျင့်ခန်းများကို သင်ကြားလေ့ကျင့်ပေးရန်လိုအပ်လေသည်။

ပြီးခဲ့သောတစ်နှစ်က ကန့်ဘလူမြို့  ဘိုးဘွားရိပ်သာသို့သွားရောက်ပြီး အဘိုးအဘွားတို့အား ချော်လဲကျခြင်းမှကာကွယ်ပေးနိုင်သည့် ကိုယ်လှုပ်ရှားလေ့ကျင့်နည်းများ (Fall Prevention Exercises) သင်ပေးခဲ့ပါသေးသည်။

ယင်းတို့ကို ဗွီဒီယိုရိုက်ကူးခဲ့၏။


   
                            ကန့်ဘလူဘိုးဘွးရိပ်သာတွင် လေ့ကျင့်သင်ကြားပေးနေစဉ်။


တဖန် ယနေ့သင်ခန်းစာတွင် ချိုင်းထောက် (crutches)၊ လက်ကိုင်တုတ် (walking stick and quad stick)၊ လမ်းလျှောက်အားပြုကရိယာ (walking frame) အစရှိသည်တို့အား အသုံးပြုပုံပြုနည်းများကိုလည်း လက်တွေ့ လေ့ကျင့်စေပါသေးသည်။


            


                              


ယခု မိမိ အလုပ်လုပ်လျက်ရှိသည့်ဆေးရုံတွင် အသက်ကြီးသောလူနာများများသဖြင့် ချော်လဲကျခြင်းမှကာကွယ်ပေးနိုင်သည့် ကိုယ်လှုပ်ရှားလေ့ကျင့်နည်းများကို နေ့စဉ်အမြဲသင်ကြားလေ့ကျင့်ပေးနေရသည်။

အခြားတစ်ဖက်ကလည်း အရိုးများပွဆတ်ခြင်းကို အတိုင်းအတာတစ်ခုအထိ နှေးကွေးစေရေးနှင့် ပိုမိုဆိုးဝါးလာခြင်းမရှိစေရေးတို့အတွက် လေ့ကျင့်ခန်းများ (weight bearing exercises) ကို တပြေးညီတွဲဖက်လုပ်ဆောင်ပေးပါသည်။

အလေးဝန်ထမ်းလေ့ကျင့်ပေးခြင်းကို ခြေထောက်အတွက်သာမဟုတ်ဘဲ လက်များအတွက်ပါ လုပ်ကြရ၏။

ယင်းတာဝန်ကို အကြောအဆစ်ကုပညာရှင်များက အဓိကတာဝန်ယူဆောင်ရွက်ပေးနေခြင်းဖြစ်သည်။

ဆေးရုံမှာတော့ Osteoporosis သင်တန်းဟုခေါ်ပါသည်။