 |
| ဓါတ်ပုံ - မြန်မာသတင်းရပ်ဝန်း။ |
အမေရိကန်နိူင်ငံ နယူးဂျာစီပြည်နယ် မနာလပန်မြို့ တွင် အမေရိကန်-မြန်မာဗုဒ္ဓဘာသာအသင်းက အဲဒီ မှာရှိကြတဲ့ဗုဒ္ဓဘာသာဝင်မြန်မာများအတွက် ဘုရားစေတီနှင့် ယောဂီဓမ္မာရုံအစရှိတဲ့သာသနာ့အဆောက် အဦများ ဆောက်လုပ်ကြတဲ့သတင်းလေးတစ်ပုဒ်ကို "မြန်မာသတင်းရပ်ဝန်း"မှာ ဖတ်လိုက်ရတယ်။ တော အုပ်ကလေးအနားကမြက်ခင်းစိမ်းစိမ်းကုန်းပေါ်မှာတည်ထားတဲ့စေတီကြီးရယ်၊ စေတီရင်ပြင်ကိုသွားတဲ့ အုတ်လှေကားအောက်ခြေက ခြင်္သေ့နှစ်ကောင်ရယ်၊ ရင်ပြင်ပေါ်က စေတီအရံလေးတွေရယ်ကို မြင်တွေ့ ရတော့ မြန်မာပြည်မှာမြင်တွေ့နေကျ စေတီပုထိုးတွေကို သွားပြီးအမှတ်ရကြည်ညိုမိပါတယ်။
 |
| ဓါတ်ပုံ - မြန်မာသတင်းရပ်ဝန်း။ |
ယောဂီကျောင်းဆောင်ကတော့ အကြမ်းထည်ပဲပြီးသေးတယ်ပြောပါတယ်။ စာရေးသူသည် စင်ကာပူနိူင် ငံ တိုပါးယိုးအရပ်မှာရှိတဲ့ "မြန်မာဗုဒ္ဓဘာသာကျောင်းတော်ကြီး"(Burmese Buddhist Temple) တည် ဆောက်စဉ်က ကော်မတီတွင်ပါဝင်ဆောင်ရွက်ခဲ့ဖူးတာကြောင့် နိူင်ငံရပ်ခြားတွင် သာသနာ့အဆောက်အ ဦများဆောက်လုပ်ရတာ မည်မျှခက်ခဲတယ်၊ အလှူငွေကောက်ခံရေးနဲ့ သက်ဆိုင်ရာများမှခွင့်ပြုချက်အ ဆင့်ဆင့်ကို မည်သို့ရယူခဲ့ရတယ်ဆိုတာတွေ ကြုံတွေ့ခဲ့ရတာဖြစ်လို့ နယူးဂျာစီမှာယခုကဲ့သို့ဘုရားစေတီ နဲ့ယောဂီကျောင်းဆောင်များတည်ထားဆောက်လုပ်နိူင်ခြင်းကို များစွာဝမ်းမြောက်ဝမ်းသာဖြစ်စွာသတင်း ကောင်းပါးလိုက်ရပါတယ်။
No comments:
Post a Comment