ဗြိတိသျှစစ်တပ်က ဗိုလ်မှူးကြီးဂျိမ်းစ်မေ(Colonel James May)ကိုအကြောင်းပြုပြီး May Townလို့ အင်္ဂ လိပ်လိုမှည့်ခေါ်ခဲ့ရာက မြန်မာလို 'မေမြို့'ဖြစ်လာခဲ့ရတာ။ သိပ်ကိုလှတဲ့ မြို့နာမည်လေးပါ။ ၁၈၈၆ ခုနှစ်က ဗြိတိသျှစစ်တပ်ရဲ့ အမှတ် ၅ ဘင်္ဂလားခြေမြန်တပ်ရင်း(5th Bengal Infantry) အခြေစိုက်တဲ့ တောင်ပေါ်စ ခန်းမြို့လေးအဖြစ်ရှိနေခဲ့တာ။ မန္တလေးကနေ ၄၈ မိုင်ဝေးပါတယ်။ ပင်လယ်မျက်နှာပြင်မှ အမြင့်ပေပေါင်း ၃၄၅၀ ပေရှိတယ်။
 |
| မေမြို့က မြင်းလှည်း(ရထားလုံး)။ ဓါတ်ပုံ - အင်တာနက်။ |
 |
| ကိုလိုနီခေတ်ကအိမ်အချို့ကို ယနေ့တိုင်တွေ့နိူင်သေး။ ဓါတ်ပုံ - အင်တာနက်။ |
မေမြို့နဲ့ပတ်သက်ပြီး နာရီစင်ကြီးရယ်၊ ရုက္ခဗေဒဥယျာဉ်(Botanical Garden)ရယ်၊ ပွဲကောက်ရေတံခွန် ('ဘီအီးဖော'လို့လည်း ခေါ်တတ်ကြတယ်)ရယ်နဲ့ မြင်းရထားခေါ်ရထားလုံးတွေကို စာရေးသူတို့ငယ်ငယ် ကတည်းက မှတ်မှတ်ရရရှိထားခဲ့တယ်။ အားလုံးထဲမှာ မေမြို့ကို မြို့လည်ကနာရီစင်ကြီးနဲ့တွဲပြီး အမှတ်သ ညာပြုလေ့ရှိကြတာ။
 |
| မေမြို့က စိန်ရတုသက်တမ်းရှိနာရီစင်။ ဓါတ်ပုံ - Weekly Eleven ဂျာနယ်။ |
၁၉၃၆ ခုနှစ်ကတည်း မားမားမတ်မတ်ရှိခဲ့ပြီး မြို့ရဲ့ကျက်သရေကိုဆောင်ခဲ့တဲ့ နာရီစင်ကြီးဟာ ယခုအခါ မှာ သက်တမ်းအားဖြင့် ၇၅ နှစ်ရှိခဲ့ပြီမို့ စိန်ရတုရောက်ပြီလို့ သိရပါတယ်။ အခုနောက်ပိုင်း ပြင်ဦးလွင်ကို ရောက်ခဲ့တဲ့အခေါက်တွေမှာ နာရီစင်အနားမှကားနဲ့ဖြတ်သွားခဲ့ပေမယ့် အောက်ကိုဆင်းပြီး ဓါတ်ပုံတစ် ခါမှ မရိုက်ဖြစ်ခဲ့ပါ။ ပွဲကောက်ရေတံခွန်နဲ့ အမျိုးသားကန်တော်ကြီးဥယျာဉ်(ရုက္ခဗေဒဥယျာဉ်)တို့မှာပဲ လည်ပတ်ရင်း ဓါတ်ပုံရိုက်ဖြစ်ခဲ့တာများတယ်။
ဒါ့ကြောင့် နောက်တစ်ခေါက်မြန်မာပြည်ကိုပြန်လို့ ပြင်ဦးလွင်ကိုရောက်ရင် စိန်ရတုနာရီစင်ကြီးကို ဓါတ်ပုံ ရိုက်ဖြစ်အောင်ကို ရိုက်ရမယ်လို့ စိတ်ထဲမှာ တေးထားလိုက်မိတယ်။
No comments:
Post a Comment