ဖစ်ဘစ်နာရီလေးက ဘာတွေလုပ်ပေးလဲဆိုတာနမူနာပြထားတာ
သားက သူ့အမေကို စမတ်တီဗွီဝယ်ပေးပြီးတဲ့နောက်မှာ သူ့အဖေအတွက်လဲ မမေ့ရှာပါဘူး။
ကျန်းမာရေးကိစ္စတွေကို မိမိက အထူးသဖြင့်စိတ်ဝင်စားတတ်တာရယ် ကိုယ်တိုင်လဲ အမြဲလိုလိုကျင့်ကြံနေထိုင်လေ့ရှိတတ်တာတွေရယ်ကို သိထားတဲ့သားက မိမိအတွက် ကျန်းမာရေးနဲ့ကြံ့ ခိုင်ရေးအတွက် သတင်းအချက်အလက်ပေးတဲ့ fitbit versa 2 ဆိုတဲ့ နောက်ဆုံးပေါ်နာရီလေးကို ၀ယ်ပေးပါတယ်။
အရင်အလုပ်ကအနားမယူခင်တုန်းကတော့ အခုလို fitbit နာရီ ၂ လုံးကို ၀ယ်သုံးခဲ့ဖူးပါတယ်။
အဲဒီတုန်းက စင်ကာပူဒေါ်လာ ၁၀၀ ကျော်လေးလောက်ပဲပေးရပါတယ်။
နှစ်တွေကြာလာတဲ့အခါ တစ်လုံးပြီးတစ်လုံးပျက်သွားတာကြောင့် မိမိကလဲ အလုပ်မလုပ်တော့တာဖြစ်လို့ ထပ်ပြီးဝယ်မသုံးဖြစ်ပါဘူး။
မေ့တေ့တေ့တောင်ရှိနေခဲ့ပါပြီ။
ဒါကလဲ မိမိ အခုသုံးနေတဲ့ samsung smartphone မှာ ကိုယ်လက်လှုပ်ရှားမှုတွေကိုအချိန်တိုင်းသူ့ဖာသာ တိုင်းတာမှတ်သားပေးနေတဲ့ Samaung Health ဆိုတာလေးပါတာကြောင့် အခြေခံအားဖြင့်လုံလောက်နေပါတယ်။
ဒါကြောင့် ငွေကုန်ကြေးကျများမယ့် fitbit health and fitness watch ကို မေ့ကိုထားလိုက်တော့တာ။
သို့ပေမယ့် မိမိအတွက် လိုအပ်မယ် အသုံးပိုကျမယ်ထင်လို့ သားက တကူးတက၀ယ်ပေးပြန်တော့လဲ ၀တ်ရချေသေး သုံးရချေသေးတော့ပေါ့ဗျာ။
နာရီဗူးလေးနဲ့နာရီ ကိုယ့်လက်မှာဝတ်ပြီးတဲ့အခါ
အလိုက်တသိ ၀ယ်ပေးတဲ့သားကို ကျေးဇူးတင်မဆုံးပါ။
မိဖတစ်ဦးအနေဖြင့် ၀မ်းမြောက်ဝမ်းသာလဲဖြစ်မိရပါတယ်။
No comments:
Post a Comment