ဒုတိယအကြိမ်ကာကွယ်ဆေးထိုးနှံစဉ် (၂၉ -၁-၂၁)
ပြီးခဲ့သော ဇန်န၀ါရီလ ၈ ရက် (သောကြာနေ့) နံနက်က ကာကွယ်ဆေးကို ပထမအကြိမ်ထိုးခဲ့သည်။
ထိုနေ့မှစပြီး ၂၁ ရက်မြောက်နေ့ဖြစ်သည့် ယနေ့တွင် ကိုဗစ်-၁၉ ရောဂါပိုးကာကွယ်ဆေးကို ဒုတိယအကြိမ်ထိုးရ သည်။
ဆေးထိုးမည့်ရက်မတိုင်မီတစ်ရက်က COVID Vaccination - 2nd Dose ထိုးရန် သတိပေးသည့်အီးမေးကို ရရှိခဲ့၏။ အီးမေးတွင်
- မိမိ၏ချိန်းဆိုချိန်ထက် ၁၅ မိနစ်စောပြီးအရောက်လာရန်၊
- ပထမအကြိမ်ဆေးထိုးနှံစဉ်ကပေးလိုက်သည့် ဆေးမှတ်တမ်းကတ်ကို တပါတည်းယူလာခဲ့ရန်၊
- ဆေးထိုးရလွယ်ကူစေရန်အတွက် လက်မောင်းမကျပ်သောအင်္ကျီကိုသာ ၀တ်လာရန်တို့ မှာကြားထား၏။
ထိုနေ့မတိုင်မီကလည်း လူနာဆောင်နားတွင် မိမိ၏ဌာနမှူးနှင့်တွေ့သဖြင့် ယခုလာမည့်သောကြာနေ့တွင် ဒုတိယအ ကြိမ်ကာကွယ်ဆေးထိုးရမည့်အကြောင်းပြောဖြစ်ခဲ့ကြသေးသည်။
သူလည်း ပထမအကြိမ်ကို မိမိနှင့်တစ်နေ့တည်း ထိုးနှံခဲ့သဖြင့် ဒုတိယအကြိမ်ထိုးနှံမည့်ရက်ချင်းတူနေပါသည်။
ပထမအကြိမ်ဆေးထိုးပြီးစဉ်အခါက မိမိတို့အား ကာကွယ်ဆေးထိုးမှတ်တမ်းကတ်လေး (COVID-19 Vaccination Card) ထုတ်ပေးပါသည်။
ယင်းဆေးထိုးမှတ်တမ်းကတ်၏ကျောဘက်တွင် နောက်တစ်ကြိမ်ကာကွယ်ဆေးထိုးရမည့်ရက်ကို တစ်ခါတည်း ရေးပေးလိုက်၏။
ထိုကြောင့် မိမိသည် ဒုတိယအကြိမ်ကာကွယ်ဆေးထိုးခြင်းကို ယခုလ ၂၉ ရက်နေ့ နံနက် ၉ နာရီ ၁၅ မိနစ်တွင်ထိုးရမည်ဖြစ်ကြောင်းသိထားပြီးဖြစ်သည်။
ဆက်ရေးပါဦးမည်။
No comments:
Post a Comment