အချိန်က ယခုမျက်မှောက်လက်ငင်းကာလပဲ။
မိဖကိုပေးဖို့(ကျေးဇူးဆပ်ဖို့)ဆိုရင် သေပြီးမှ ကမ္ဘာကြီးလောက်ပေးမယ့်အစား နည်းချင်နည်းပါစေ အခု ချက်ချင်းပဲ ပေးဖြစ်အောင်ကိုပေးလိုက်ပါ။
ကမ္ဘာကြီးမှာက ခင်ဗျားတို့ ကျွန်တော်တို့လို သားတွေသမီးတွေ ဒုနဲ့ဒေးရှိနေကြတာ။
ကျွန်တော့မှာ ကျေးဇူးကြီးမားလှတဲ့ မိခင်တစ်ဦးရှိခဲ့ဖူးပါတယ်။
အမေက ကျွန်တော့ကို သိပ်ချစ်တာ။ အနစ်နာ အနွံနာတွေလည်းပဲ ခံခဲ့တာ။ ကျွန်တော့အတွက်ဆို ဘာ မဆို ဖြစ်နိုင်သ၍ အကုန်လုပ်ပေးလေ့ရှိတယ်။
ငယ်စဉ်တောင်ကျေးကလေးဘ၀ကနေ ကျောင်းနေတဲ့အရွယ်၊ အဲဒီကမှ အိမ်ထောင်ရက်သားကျတဲ့အထိ အမေဟာ ကျွန်တော်နဲ့အတူအမြဲရှိနေခဲ့တာ။ ကလေးတွေကငယ်နေသေးလို့ အမေရဲ့ အကူအညီလိုအပ် လေတော့လည်း အမေက အဆင်သင့်ပဲ။ လုံးဝ မငြူစူခဲ့ဘူးဗျ။
လွန်ခဲ့တဲ့နှစ်အနည်းငယ်က ကျေးဇူးကြီးလှတဲ့အမေကို ကျွန်တော်တို့ သင်္ဂြိုဟ်ခဲ့ကြတယ်။
ခင်ဗျားတို့ စဉ်းစားပဲ ကြည့်ကြစမ်းပါဗျာ။ အမေဆုံးပြီးနောက် အိမ်ကိုပြန်သွားတဲ့အခါ အမေရေးဖွဲ့ထားတဲ့ ကဗျာလေးကို အံဆွဲထဲမှာတွေ့လိုက်ရတော့ ကျွန်တော်ဘယ်လိုခံစားရမလဲဆိုတာ။ အမေ့ကဗျာလေးကို ဖတ်ကြည့်ကြပါဦး။
လက်ငင်း ယခုအချိန်ခါ
သား အမေ့ကိုချစ်တယ်ဆိုရင်..
အခုပဲ ချစ်လိုက်စမ်းပါ သားရယ်။
တကယ့်ချစ်ခြင်းမေတ္တာက စီးဆင်းလာတဲ့
သားလေးရဲ့ ချိုမြိန်တဲ့အကြင်နာလေးတွေကို
အမေ သိနိုင်တုန်းမှာလေ။
အမေ မသေသေးခင်..
ချစ်လိုက်စမ်းပါ သားရယ်။
အမေ သေသွားတဲ့အထိ
မစောင့်နဲ့နော် သား။
အမေ သေသွားတော့မှ
ရေခဲလိုအေးစက်နေတဲ့ကျောက်ပြားပေါ်မှာ
စကားလုံးလှလှလေးတွေ ရေးထိုးမဲ့အစားပေါ့ကွယ်။
သားလေးက အမေ့အပေါ်မှာ
ကြင်ကြင်နာနာရှိတယ်ဆိုရင်..
အမေ အခုသိချင်တယ် သားရယ်။
အမေ မျက်စိမှိတ်သွားချိန်အထိ
သား စောင့်နေမယ်ဆိုရင်ဖြင့်
အမေနဲ့ သားရဲ့ အကြားမှာ
သေခြင်းတရားကြီးက ခြားထားပြီ သားရဲ့ ။
ဒီတော့ ..
အမေလည်း မကြားနိုင်တော့ဘူးလေ။
ဒါကြောင့် ..
သား အမေ့ကို တကယ်ချစ်တယ်ဆိုရင်
နည်းနည်းလေးချစ်တာပဲ ဖြစ်ဖြစ်ပေါ့
အသက်ထင်ရှားရှိနေတုန်း
အမေသိချင်တယ် သားရယ်။
ဒါမှ ..
သားရဲ့ အချစ်မေတ္တာကို
အမေ့ရင်မှာ ထွေးပိုက်ပြီး
တန်ဖိုးထား ခံစားနိုင်မှာကွယ့်။
အခုတော့ အမေလည်း မရှိတော့ပါဘူးဗျာ။ ကျွန်တော့ကိုယ်ကို ကျွန်တော် အပြစ်တင်မဆုံးအောင်ပါပဲ။ ဘာဖြစ်လို့လဲဆိုတော့ အမေဖြစ်စေချင်တာတွေကို ကျွန်တော် အမေ့ကိုမပြောလိုက်ရဘူး။
ပိုဆိုးတာကတော့ အမေ့ကို ထိုက်ထိုက်တန်တန် မပြုစုလိုက်နိုင်တာပဲဗျ။ တစ်ခြားသူတွေနဲ့ တစ်ခြားကိစ္စ တွေအတွက် ကျွန်တော်က အချိန်တွေပေးနိုင်ခဲ့သလောက် အမေ့အတွက်ဆို တစ်ခါမှ အချိန်မပေးခဲ့မိ ဘူး။
တကယ်က အမေ့ဆီ ခဏတစ်ဖြုတ်လေး ၀င်လည်ပြီး လဖက်ရည်လေး အတူသောက်လို့ .. အမေ့ကို တစ်ချက်ကလေးဖက်လို့ရနိုင်သားလားဗျ။ အဲ .. ဒါပေမယ့် .. သူငယ်ချင်းတွေပဲ အဓိကဖြစ်နေခဲ့တယ် လေ။ ဒီသူငယ်ချင်းတွေထဲက တစ်ယောက်ယောက်က ကျွန်တော့အတွက် အမေလို့ ဘာများ လုပ်ပေး ခဲ့နိုင်ကြတာမို့လဲ။ အဖြေကို ကျွန်တော်သိပြီးသားပါ။
အမေ့ကို ဖုန်းခေါ်တဲ့အခါများဆိုရင် ကျွန်တော်က အမြဲလိုလို လောလောပြာပြာနဲ့ပဲ။ အမေ့အတွက် အချိန် မပေးနိုင်ခဲ့တာကို မိမိကိုယ်ကို ရှက်လို့ကိုမဆုံးဘူး။ အမေ့ကို ဒေါနဲ့မောနဲ့ ပြန်ပြောမိခဲ့တာတွေလည်း ရှက် လို့မဆုံးဘူး။ အမေက ကောင်းတာမှန်တာတွေကို ဆုံးမသွန်သင်တဲ့အခါတိုင်းမှာ မကျေနပ်တဲ့အကြည့်နဲ့ ပြန်ကြည့်ခဲ့မိတာတွေကို ရှက်လို့မဆုံးဘူး။
မှတ်မိတာတစ်ခု ရှိသေးတယ်။ ကျွန်တော်တို့ ခရီးသွားကြတုန်းက အမေ့ကို ခေါ်သွားလို့ရနိုင်ပါရက်နဲ့ မ ခေါ်သွားပဲ ပစ်ထားခဲ့မိတာ။
ကျွန်တော့သားသမီးတွေက သူတို့ရဲ့ အဘွားကို ဟိုဘုစုခရုကလေးဘ၀ကတည်းက ချစ်ခဲ့ကြတာ။အဘွား ထံမှ ကြင်နာနွေးထွေမှုနဲ့အကြံညာဏ်တွေကို မကြာခဏဆိုသလို ရယူတတ်ကြတာ။ အမေက ကျွန်တော့ ကလေးတွေအပေါ် သိပ်ပြီးနားလည်မှုရှိခဲ့တယ်။
အခုမှ ကျွန်တော်နားလည်သဘောပေါက်မိတယ်။
ကျွန်တော်က အမေ့အပေါ် သိပ်ပြီးမှားခဲ့မိတာ။ စိတ်လိုက်မာန်ပါ ရှိခဲ့မိတာ။ အမေ ကောင်းတာတော်တာ ဆိုလို့ ဟုတ်တိပတ်တိ မချီမွမ်းခဲ့ဖူးဘူး။ ကလေးတွေရဲ့ အဘွားဖြစ်တဲ့ ကျွန်တော့အမေကသာ ကျွန်တော့ သားသမီးတွေကို တုနှိူင်းမရှိတဲ့အချစ်မေတ္တာတွေ ပုံအောပြီးပေးခဲ့တာ။
ဒီကမ္ဘာကြီးမှာ သားတွေသမီးတွေနဲ့ ကျွန်တော့လို ကလေးမျိုးတွေ ပြည့်လို့ပဲ။ အဲဒီသားတွေသမီးတွေ အားလုံး ဒီစာထဲကလို သူတို့ကိုယ်ကိုသူတို့ မြင်နိုင်ကြမယ် သဘောပေါက်ကြလိမ့်မယ်လို့ ကျွန်တော်မျှော် လင့်ထားပါတယ်။
တကယ်လို့များ ကျွန်တော်ရေးသားတဲ့ ဒီစာလေးက ခင်ဗျားတို့ရဲ့ ရင်မှာ တစ်စုံတစ်ရာထိရှမှုလေး ဖြစ် တယ်ဆိုလို့ရှိရင် သားတွေအားလုံးနဲ့သမီးတွေအားလုံးဆီ ဒီစာလေးရောက်အောင် ကျေးဇူးပြုပြီးဖြန့်ဝေ ပေးကြပါဗျာ။ သူတို့ ဒီနေ့ဒီအခါမှာ ဒီလိုဖြစ်လာကြရအောင် သူတို့အမေ ကောင်းခဲ့သမျှ လုပ်ကိုင်ပေးခဲ့ သမျှ ချီကျူးသိတတ်ကြစေဖို့ပါ။
၂၄ ရက် အောက်တိုဘာ။
ပြန်လည်တွေးတော အောက်မေ့ခြင်း
အထက်မှာရေးထားတဲ့ အဖြစ်အပျက်လေးရဲ့ အဓိကသင်ခန်းစာကတော့ မိဖတွေ သက်ရှိထင်ရှားရှိနေ တုန်းမှာ သူတို့ရဲ့ ကျေးဇူးတရားတွေကိုသိတတ်တဲ့အနေနဲ့ ကိုယ်လုပ်နိုင်တာတွေကို ဘယ်လောက်ပဲ နည်းနေပါစေ လုပ်ဖြစ်အောင်လုပ်ပေးကြဖို့ပဲ။ အခုတွေ့နေကြရတာက မိဖတွေရဲ့ အသုဘအတွက် တန် ဖိုးကြီးပေ့ဆိုတဲ့အခေါင်းတွေဝယ်ပြီး ခန်းခန်းနားနားပြင်ဆင်ဖို့ သုံးဖြုံးဖို့ သိပ်ပြီးစိတ်အားထက်သန် ကြ တယ်။ နှစ်ပတ်လည်အ ခန်းအနားတွေနဲ့ အလှူအတန်းတွေ နှစ်စဉ်မှန်မှန်ပြုလုပ်ကြဖို့လည်း သိပ်ပြီး လုပ်ချင်ကြတာ။ အဲ .. ဒါပေမယ့်၊ မိဖတွေမဆုံးပါးကြခင် ကိုယ်နဲ့အတူရှိနေတုန်းကတော့ သူတို့အတွက် အချိန်ကလေးနည်းနည်းမှ မပေးနိုင်ခဲ့ ကြဘူးလေ။
ကိုယ့်အလုပ်နဲ့ ကိုယ့်ဘ၀နဲ့ပဲ အမြဲရှုပ်နေခဲ့ကြတာ။
မိဖတွေကို ကျွန်တော်တို့ ဘယ်လောက်များတန်ဖိုးထားပြီး မြတ်နိူးးနိုင်ခဲ့ကြသလဲ။
မိဖတိုင်းက ခြောက်ပြစ်ကင်းသဲလဲစင် မဟုတ်ကြပေမယ့် သေချာတာတစ်ခုကတော့ မိဖတိုင်းဟာ ကျွန် တော် တို့အခုလုပ်ကိုင်ပေးနေတာထက် ပိုပြီးထိုက်တန်တယ်ဆိုတာပါပဲ။ ကျွန်တော်တို့က သူတို့အပေါ် ရက်စက်ကောင်းရက်စက်ကြမယ် ဒါမှမဟုတ် ရာဇ၀တ်ကောင်တွေဖြစ်နေကောင်းဖြစ်နေကြမယ်။ ဒါ ပေမယ့် မိဖတွေ ရဲ့ မျက်စေ့ထဲမှာတော့ ကျွန်တော်တို့ဟာ သားကောင်းသမီးကောင်းလေးတွေပဲဗျ။ တ ကယ်လို့ ကျွန်တော်တို့ က မှားတယ်ဆိုးတယ်ပဲထားဦး အဲဒီလိုဘာ့ကြောင့်ဖြစ်ရတာလဲဆိုတာ သူတို့မှာ ဖြေစရာ ဆင်ခြေဆင်လက် ပေးစရာ ရှိတတ်ကြတာ။ ဒီအတွက် တစ်ခြားသူတစ်ယောက်ယောက်ကို အ ပြစ်တင်ကြတယ်။ သူတို့သားသမီး တွေက သူတို့ဖာသာဆိုရင် အခုလိုလုပ်မှာ ဆိုးမှာ မဟုတ်ဖူးလို့ပေါ့။
ဒီကမ္ဘာမှာ မိဖကလွဲပြီး အဲဒီလိုမျိုး ဘယ်သူမှ မလုပ်ကြဘူး။ ကျွန်တော်တို့မှာ ဓနဥစ္စာရှိလို့ အောင်မြင်မှုရှိ လို့ကတော့ လာကပ်စားမယ့် ကပ်ဖားမယ့်သူတွေ များလှပေါ့။ ဆင်းရဲနေပြီ ကျဆုံးနေပြီဆိုလို့ကတော့ ဘယ်သူမှဆေးဖော်ကြောဖော်မလုပ်ကြပဲ ကြက်ပျောက်ငှက်ပျောက် ပျောက်သွားကြပါလေကော။
အမေတို့ အဖေတို့သာ ကျွန်တော်တို့ ကောင်းကောင်းဆိုးဆိုး မြင့်မြင့်နိမ့်နိမ့် ကျွန်တော်တို့နဲ့အတူ သေ တစ်ပန်သက်ဆုံးရှိနေတတ်ကြတာ။
ဒါကြောင့် မိဖတွေကို ကျွန်တော်တို့ရဲ့ နှလုံးသားထဲမှာ ထားမထားလဲဆိုတာ စဉ်းစားကြည့်ကြရအောင် ပါ။ တကယ်လို့များ မထားရသေးဘူးဆိုရင် အချိန်ဆွဲမထားပဲ အခုချက်ချင်းထားလိုက်ကြစမ်းပါဗျာ။ ထား ပြီး ရှိပြီးဖြစ်နေရင်လည်း အခုတစ်ခါ နည်းနည်းလေးပိုပြီးထားရှိကြဖို့ လိုပါတယ်။
မလုပ်လိုက်ရလို့ ဒါမှမဟုတ် လုပ်ဖို့သိပ်နောက်ကျသွားခဲ့လို့ နောက်နောင်ကို တစ်သက်လုံးနောင်တရမ ဆုံးခံစားနေရမဲ့အဖြစ်မျိုး မကြုံကြရလေအောင် အခုချက်ခြင်းပဲ လုပ်လိုက်ကြပါစို့ဗျာ။
ဒေါက်တာခရစ်(စ)အင်သွန်
No comments:
Post a Comment