ဒီလိုနေ့မျိုးရယ်လို့ရှိလာအောင်နဲ့ ဒီလို'မိဘကျေးဇူးဆပ်ပူဇော်ပွဲများ'ဖြစ်လာအောင် စည်းရုံးလုပ်ဆောင်ခဲ့ ကြသူများအားလုံးအား မိဘများကိုချစ်တတ်ကြသူများနဲ့ မိဘများကို ချစ်ရကောင်းမှန်းသိကြသူများကိုယ် စား လေးစားစွာကျေးဇူးတင်မိပါတယ်။ ယခုကဲ့သို့ မိဘများရဲ့ ဂုဏ်ကျေးဇူးများကို သားသမီးတိုင်းက ထာဝရအမှတ်ရတန်ဖိုးထားကြပြီး မိမိတို့တတ်အားသ၍ ကျေးဇူးပြန်ဆပ်ကြစေဖို့ အနုပညာပုံစံအမျိုးမျိုး ဖြင့် မမောနိုင်မပမ်းနိုင် တင်ပြဆော်သြဆုံးမခဲ့သူကတော့ စာရေးဆရာလည်းဖြစ် ဒါရိုက်တာလည်းဖြစ်တဲ့ ဆရာကြီးဦးသုခ ဖြစ်ပါတယ်။
 |
| မိဘမေတ္တာ ဆရာကြီးဦးသုခ။ |
သို့ပေမယ့် ဆရာကြီးဦးသုခရဲ့ အဆုံးအမများနဲ့ ဖြောင့်ဖြောင့်ကြီးဆန့်ကျင်ဖီဆန်တဲ့သတင်းတစ်ပုဒ်ကို ဖတ်ရှုကြားသိရတော့ စာလုံးတွေကိုမြင်နေတဲ့ မိမိရဲ့ မျက်စိနဲ့ ဖတ်နေတဲ့မိမိရဲ့ အသိတွေက ဟုတ်များမှ ဟုတ်ရဲ့ လားလို့ ထင်ယောင်ထင်မှားပင် ဖြစ်မိရတယ်။
 |
| စွန့်ပစ်ခံ အမေတစ်ဦး။ (ဓါတ်ပုံ - Eleven Media Group၊ ၅ ရက်၊ အောက်တိုဘာ ၂၀၁၁) |
အတော်လေးကို မယုံကြည်နိုင်စရာကောင်းတဲ့သတင်း၊
အတော်လေးကို စက်ဆုတ်ယုတ်ညံ့တဲ့သတင်း၊
အတော်လေးကို ရင်နာကြေကွဲစရာကောင်းတဲ့သတင်းပါ။
"သမီးအရင်းဖြစ်သူနှင့် သားမက်တို့က မိခင်ဖြစ်သူအဘွားအိုတစ်ဦးအား ဘုရားတန်ဆောင်းတစ်ခု၌ လာ ရောက်စွန့်ပစ်သွားခဲ့"တဲ့။ သတင်းခေါင်းစဉ်ကို ဖတ်ရတာနဲ့ပဲ ရင်ထဲမှာ နက်နက်ရှိုင်းရှိုင်းလှိုက်လှိုက်လှဲလှဲ ကြီးကို ဆို့နင့်သွားရပါပြီ။
အမှိုက်သရိုက်သဖွယ် အစွန့်ပစ်ခံရသူက အသက် (၈၀) အရွယ် အဘွားအိုမိခင်အရင်းခေါက်ခေါက်ကြီး။
အသက် (၈၀) အရွယ် မိခင်အဘွားအိုကြီးကို ရက်ရက်စက်စက် စွန့်ပစ်သွားကြသူများက သူရဲ့ သမီးအ ရင်းဖြစ်သူနှင့် သားမက်တို့။
စွန့်ပစ်သွားခဲ့တဲ့နေရာကတော့ ကြည့်မြင်တိုင်မြို့နယ်က ကျောင်းကြီးတိုက်မှာရှိတဲ့ မဟာသကျမုနိရုပ်ပွား တော်မြတ်ကြီးရဲ့  ဂန္ဓကုဋိတန်ဆောင်းကြီးတစ်ခုမှာ။
"မကောင်း ကျောင်းပို့"ဆိုတာများလေလား။
သတင်းကိုဆက်ဖတ်တဲ့အခါ သားမက်ဖြစ်သူက ယောက္ခမအဘွားအိုကြီးကို အိမ်မှာကတည်းက ခြိမ်း ခြောက်ခဲ့တယ်ဆိုပါတယ်။ အိမ်ပေါ်က ဆင်းရင်ဆင်း၊ မဆင်းရင် မြစ်ထဲပစ်ချမယ်တဲ့။ ဒါနဲ့ အဘွားက ရေကြောက်လို့ အဲဒီလိုမလုပ်ရန်တောင်းပန်တဲ့အခါ အငှားကားနဲ့ကျောင်းကြီးတိုက်ထဲခေါ်လာခါ သမီး ဖြစ်သူက"ဒီမှာ ဘုရားရှိခိုး ဥပုသ်စောင့်"ဆိုပြီးတော့ ထားသွားခဲ့တာ။
အဘွားကပြောရှာတယ်တဲ့ "အခု အဘွားမှာ သား သမီးလည်း မရှိတော့ဘူး။ နေဖို့လည်း မရှိတော့ဘူး။ သားသမီးတွေဆီ ပြန်မသွားရဲ တော့ဘူး"လို့။
ယခုလောလောဆယ်မှာတော့ အဘွားအိုအား ကျောင်းကြီးတိုက်အတွင်းရှိ ဘုံပျံကျောင်း စားဖိုဆောင် တွင် အမျိုးသမီးအဖော်တစ်ဦးနှင့်အတူ ယာယီစောင့်ရှောက်ထားတယ်ဆိုပါတယ်။
ဆက်ရေးပါဦးမယ်။
No comments:
Post a Comment