ဖတ်ရတဲ့သတင်းကဖြင့် ငိုအားထက်ရယ်အားသန်ကြီးပါလားဗျ။
ဘယ့်နှယ်ဗျာ၊ လူတစ်ယောက် ရင်ဝတည့်တည့်ကြီးမှာ ဓားနဲ့အထိုးခံရတာကို ရယ်ရတယ်လို့များ။
အဲ...ဒါပေမယ့်၊
ဒီသတင်းကိုဖတ်ပြီး ပထမတော့ မြုံ့မြုံ့လေးပြုံးမိပြီး၊ နောက်တော့ ရယ်မိတာ အမှန်ပဲဗျ။
ရယ်တဲ့သူကို လွန်တယ်လို့ မယိုးစွပ်လိုက်ပါနဲ့ဦး။
ဒီလိုရှိပါတယ်။ ပြောပြပါ့မယ်။ မယိုးစွပ်ခင် အရင်နားထောင်လိုက်ပါဦးဗျာ။
တကယ့်အဖြစ်အပျက်နော်။ ရယ်စရာ လန်ကျုပ်လုပ်ပြောတာ မဟုတ်ရပါဘူး။
ရုရှားနိုင်ငံရဲ့ မြို့ တော် မော်စကိုမှာ မကြာလေးခင်ကမှ တကယ်ဖြစ်သွားခဲ့တာ။ ၁၉၉၁ ခုနှစ်အထိ ဆိုဗီ ယက်ကွန်မြူနစ်ပါတီရဲ့ အာဘော်သတင်းစာကြီးဖြစ်ခဲ့တဲ့ 'ပရားဗဒါး'သတင်းစာ(အွန်လိုင်း)မှာကို ဖော်ပြခဲ့ တာ။
 |
| ဓားထိုးခံရသည့် ရင်သားအတုကြီးအား ခွဲစိတ်ထုတ်ကြည့်စဉ်၊ (ဓါတ်ပုံ - ပရားဗဒါးသတင်း၊ ၃ ရက် အောက်တိုဘာ ၂၀၁၁)။ |
"စီလီကွန်ရင်သားအတုကြီး(huge silicone breast)က ခင်ပွန်းဖြစ်သူရဲ့ဓားမှ ဇနီးသည်ရဲ့အသက်ကို ကယ်တင်" လို့ သတင်းခေါင်းစဉ်က တပ်ထားခဲ့တယ်။ အဖြစ်အပျက်ကဒီလိုပါ။ အစကတော့ လင်မယား နှစ်ယောက် စကားများရန်ဖြစ်ကြတာတဲ့။ စကားများနေကြရင်းက ယောကျာင်္းဖြစ်သူက ဒေါသတကြီနဲ့ ဓားဆွဲပြီး မိန်းမဖြစ်သူရဲ့ရင်ဝကို ထိုးလိုက်မိကော။ ထိုးလိုက်တာမှ အသေကိုထိုးတာ။ ၀ဲဖက်ရင်အုံက နှ လုံးရှိတဲ့နေရာကိုမှ ရွေးပြီးထိုးလိုက်တာ။ အလှပြုပြင်ခွဲစိတ်ဆရာဝန်ကြီး(Plastic Surgeon) 'ဆီ(ရ်)ဂဲဘ လိုခင်'က - "လင်မယားရန်ဖြစ်ကြရာက ဒီစီလီကွန်ရင်သားအတုကြီးသာမရှိခဲ့ရင် မိန်းမသေဖို့ပါပဲ။"လို့ ရှင်းလင်းပြောပြခဲ့တယ်ဆိုပါတယ်။ ဘာ့ကြောင့်လဲဆိုတော့ ဓားသွားက ရင်ခေါင်းထဲမရောက်ပဲ အရွယ်အ စား နံပတ်(၄)ရှိတဲ့ ရင်သားတုမှာပဲ သွားပြီးစိုက်နေလို့ပါတဲ့။
ဒီအသက်(၄၀)အရွယ်အမျိုးသမီးရဲ့ သေကံမရောက် သက်မပျောက်တဲ့အဖြစ်အပျက်ကြောင့် ရင်သားအ တုမှာ အမျိုးသမီများရဲ့ ရင်သားလှပရေးအပြင် နောက်ထပ်အသုံးဝင်မှုတစ်ခု(a new function of silicone breasts) ဖြစ်သွားရတယ် ဆိုပါတယ်။
ကျည်ကာအ၀တ်အစားလိုမျိုး ဓားကာပစ္စည်း(body armor) ဟူသတတ်။
No comments:
Post a Comment