မြန်မာပြည်မှ သတင်းများ (ဇူလိုင် ၂၀၁၂ - ၂)

● ၁၉ ဇူလိုင် ဒို့မမေ့နိုင်ကြတော့မည်

 

ယခင်အစိုးရအဆက်ဆက်က အာဇာနည်နေ့ နေ့ထူးနေ့မြတ်ကြီးကို တမင်သက်သက် အလေးမထားပဲ မေ့မေ့ လျော့လျော့ရှိအောင်လုပ်ထားခဲ့ရာ ပြီးခဲ့သည့်နှစ်က အရပ်သားအစိုးရ တက်လာသောအခါတွင်မှ (၆၄) ကြိမ် မြောက်အာဇာနည်နေ့အခမ်းအနားသို့ အများပြည်သူများ တက်ရောက်ခွင့်ရခဲ့ခြင်းဖြစ်သည်။ ယခုနှစ် (၆၅) ကြိမ်မြောက် အာဇာနည်နေ့အခမ်းအနားကြီးကို နိုင်ငံတော်အဆင့် အခမ်းအနားကြီးအဖြစ် ကျင်းပမည်ဖြစ်ပြီး လူမှုရေးအသင်းအဖွဲ့များ၊ နိုင်ငံရေးပါတီများနှင့် သံတမန်များအား ဖိတ်ကြားသွားမည်ဖြစ်သည်။   

 

● ခိုးဝင်လာသူ ရိုဟင်ဂျာများကို လုံးဝလက်မခံ 

ပြည်ထောင်စုမြန်မာနိုင်ငံတော်နှင့်မြန်မာပြည်သူပြည်သားများ၏လုံခြုံရေးကို ခြိမ်းခြောက်လာနေသော ခိုးဝင် လာကြသူရိုဟင်ဂျာအမည်ခံများအား လုံးဝလက်ခံမည်မဟုတ်ကြောင်း နိုင်ငံတော်သမ္မကြီးဦးသိန်းစိန်က ကုလ သမဂ္ဂဒုက္ခသည်များဆိုင်ရာ မဟာမင်းကြီး Mr Antonio Guterres အား ပြတ်ပြတ်သားသား ပြောကြား လိုက်သည်။

ထို့နောက် နိုင်ငံတော်သမ္မကြီးက မိမိတို့၏တိုင်းရင်းသားများကို ကာကွယ်စောင့်ရှောက်သွားမည်ဖြစ်ကြောင်း နှင့် ခိုးဝင်လာသည့်ရိုဟင်ဂျာများကို UNHCR (ဒုက္ခသည်များဆိုင်ရာမဟာမင်းကြီးရုံး)သို့အပ်နှံပြီး ဒုက္ခသည်စ ခန်းအဖြစ်ထားရှိကာ တတိယနိုင်ငံများက လက်ခံမည်ဆိုပါကလည်း ပို့ပေးမည်ဖြစ်ကြောင်း ဆက်လက်ပြော ကြားသွားခဲ့သည်။ 

 

● မြန်မာစာပေ မြတ်နိုးသူများအဖွဲ့ တည်ထောင်မည်

မြန်မာစာပေကို ချစ်မြတ်နိုးကြသူများအတွက် မြန်မာစာပေနဲ့ပတ်သက်ပြီး လွတ်လပ်တဲ့အဖွဲ့အ စည်းတစ်ရပ် ဖွဲ့စည်းတည်ထောင်သွားမည့်အကြောင်း မြန်မာစာပေ ချစ်မြတ်နိုးကြသူများအဖွဲ့အစည်းဖြစ်မြောက်ရေးကော် မတီမှ ကြားသိရသည်။

မြန်မာစာပေ ချစ်မြတ်နိုးကြသူများ စုစည်းရေး၊ မြန်မာစာပေ ထိန်းသိမ်းစောင့်ရှောက်ရေး၊ မြန် မာစာပေ ဖွံ့ဖြိုး တိုးတက်ရေးတို့အတွက် အဆိုပါအဖွဲ့အစည်း တည်ထောင်နိုင်ရေးအတွက် တွေ့ ဆုံဆွေးနွေးပွဲတစ်ရပ်ကို ဇူ လိုင်လ ၁၉ ရက် (အာဇာနည်နေ့) မွန်းလွဲ ၁ နာရီတွင် ဆိပ်ကမ်းသာလမ်းရှိ ဂုဏ်ထူးဦးသိန်းနိုင်မြန်မာစာခန်းမ ၌ ကျင်းပမည်ဖြစ်သည်။

 

● ဦးသန့် အထိမ်းအမှတ်စာကြည့်တိုက် ရန်ပုံငွေလိုအပ်နေ

မြန်မာနိုင်ငံသား ကုလသမဂ္ဂအတွင်းရေးမှူးချုပ်ဟောင်း ဦးသန့်၏အထိမ်းအမှတ်စာကြည့်တိုက်ကို တည် ဆောက်လျက်ရှိရာတွင် ပထမအဆင့်သို့ရောက်ရှိနေပြီဖြစ်သည်။

သို့ရာတွင် ဆက်လက်ဆောက်လုပ်ရန်အတွက် ရံပုံငွေ ကျပ်သိန်း ၁၅၀၀ ခန့် လိုအပ်နေကြောင်း စာကြည့် တိုက်ဖြစ်မြောက်ရေးဥက္ကဌ ဦးသိန်းအောင်က The Voice Weekly ဂျာနယ်သို့ ပြောကြားခဲ့သည်။  

သို့ဖြစ်ပေရာ ကမ္ဘာကျော် မြန်မာ့သားကောင်းရတနာကြီး ကုလသမဂ္ဂအတွင်းရေးမှူးချုပ်ဟောင်း ဦးသန့်၏ အထိမ်းအမှတ်စာကြည့်တိုက်ကြီး အောင်မြင်ပြီးစီးစွာ တည်ဆောက်နိုင်ရေးအတွက် မျိုးချစ်မြန်မာအပေါင်း တို့မှ သဒ္ဒါတရားထက်သန်စွာဖြင့် လှူဒါန်းလိုကြပါက ဆရာတော် ဘဒ္ဒန္တကုမာရ ပန်းတနော်မြို့ နယ်အသင်း (ရန်ကုန်) ၀၁-၃၇၈၇၄၅ သို့ ဆက်သွယ်လှူဒါန်းနိုင်ကြပါသည်။  

 

နာရေးသတင်း 

● စတန့်မင်းသားကြီး ဒိုင်ဗင်တင်လှ ကွယ်လွန်

လွတ်လပ်ရေးရပြီးနောက်ပိုင်း မြန်မာရုပ်ရှင်လောကမှာ အသံတိတ် အသံထွက်ခေတ်များတွင် နိုင်ငံကျော် ပြည်သူချစ်မင်းသားကြီးများဖြစ်ကြသော တင်ညွန့် ရွှေဘတို့နှင့်အတူ စတန့်ဇာတ်ကြမ်းမင်းသားအဖြစ် ထင် ရှားခဲ့သည့် ရုပ်ရှင်သရုပ်ဆောင် ဒိုင်ဗင်တင်လှ (၉၈ နှစ်)သည် ၁၂-၇-၂၀၁၂ ရက် နံနက် ၆ နာရီတွင် ကွယ် လွန်သွားခဲ့ပါသည်။ ၁၄-၇-၂၀၁၂ ရက်တွင် ထိန်ပင်သုသာန်သို့ ပို့ဆောင်မီးသင်္ဂြိုဟ်မည်ဖြစ်သည်။