ရေချိုးခန်းထဲက ဗုဒ္ဓဆင်းတုတော်

၁၃၇၄ ခုနှစ် တပို့တွဲလဆန်း ၅ ရက်

The Straits Times - 7 July 1995.

ပေးစာများရေးခဲ့တဲ့ စာရေးသူ၏ အတွေ့အကြုံအရ သတင်းစာရဲ့  စာမျက်နှာများပေါ်က မိမိ၏ ရေးသား တင် ပြမှုများနဲ့ပတ်သက်လို့ တုန့်ပြန်ချက်အချို့ ကို တွေ့ရတတ်ပါတယ်။

မိမိရေးလိုက်တဲ့ ပေးစာလေးကြောင့်ပဲဖြစ်ဖြစ် တိုက်ဆိုင်သွားလို့ပဲဖြစ်ဖြစ် ဖြစ်သင့်ဖြစ်ထိုက်တာ တစ်ခုခု ဖြစ် သွားတယ်ဆိုရင် ရေးသူအနေနဲ့ ၀မ်းသာပီတိဖြစ်ရပါတယ်။ အချိန်ကုန်ရကျိုး အားထုတ်ရကျိုး နပ်ပါတယ်။ 

ဥပမာတစ်ခု ပေးရရင် …

ပုံမှန်အားဖြင့် အချုပ်သား ၁၀ ဦးလောက်ပဲ ထည့်ထားလေ့ရှိတဲ့ ရဲအချုပ်ခန်းမှာ အချုပ်သား ၁၅ ဦးကျော် ၂၀ ဦးခန့်ကို ပြွတ်သိပ်ကျပ်ညပ်အောင်ထည့်ထားတဲ့ ခင်ဦးရဲစခန်းမှာ အချုပ်သားတွေက ထိုင်အိပ်ရသူအိပ်၊ စောင် ကို ပုခက်လို တစ်ဖက်တစ်ချက်ကြိုးချီပြီး ဆင်းဆင်းရဲရဲ အိပ်ကြရပါတယ်။ 

ဒီသတင်းကို မြန် မာသတင်းစာမှာ ဖတ်ရတော့ စာရေးသူ အတော်လေး စိတ်မကောင်းဖြစ်မိတာနဲ့ မူလမြန်မာ သတင်းကို အင်္ဂလိပ်လိုပြန်ပြီး ဥပဒေအရ အချုပ်ကျခံနေရပေမယ့် အချုပ်သားတွေကို ကျန်းမာရေး နဲ့ညီညွတ် တဲ့ အလင်းရောင်၊ လေကောင်းလေသန့်၊ နေထိုင်မှု၊ အကျယ်အ၀န်းစတဲ့ အခြေခံလူ့အခွင်းအရေးတွေပေးသင့် ကြောင်း ဖြည့်စွက်ဝေဖန်ရေးသားပြီး အင်္ဂလိပ်သတင်းစာကို ပို့လိုက်ပါတယ်။

ပေးစာပါလာပြီး နောက်တစ်ပတ် ၁၀ ရက်လောက်ကြာတဲ့အခါ ခင်ဦးရဲစခန်းမှ အချုပ်သားတွေကို ရွှေဘို ထောင်ကြီးသို့ ပို့ဆောင်လိုက်တဲ့အကြောင်း မြန်မာသတင်းစာထဲမှာ ဖတ်လိုက်ရပါတော့တယ်။  

ဒီလိုမျိုး တစ်ကြိမ်မက ကြုံဖူးခဲ့ပါတယ်။

ဖြစ်လေ့ဖြစ်ထရှိတာက သတင်းစာထဲမှာ ပေးစာဖော်ပြပါရှိတာကြောင့် သက်ဆိုင်သူ ဒါမှမဟုတ် သက်ဆိုင်ရာ မှ တုန့်ပြန်အရေးယူတာ။

ဒါပေမယ့် ထူးထူးခြားခြားတစ်ခုတော့ ကြုံဖူးခဲ့ပါတယ်။ အဲဒါကတော့ မိမိရေးတဲ့စာကို သတင်းစာမှာ မဖော်ပြ ခဲ့ပေမယ့် မိမိဖြစ်စေချင်တာ (တောင်းဆိုတာ) ဖြစ်လာခဲ့တာ။

အဖြစ်က ဒီလိုပါ။

၁၉၉၅ ခု ဂျူလိုင် ၇ ရက်နေ့ထုတ် The Straits Times သတင်းစာမှာ ကြော်ငြာတစ်ခု တွေ့လိုက်မိတယ်။ 

အမျိုးသား အမျိုးသမီးအ၀တ်အထည်တွေရောင်းတဲ့ InWear Matinique ကုမ္ပဏီကြီး၏ ကြော်ငြာမှာ ဘုရား ဆင်းတုတော်က ရေချိုးခန်းထဲမှာ။ ဒါ့အပြင် အဲဒီဆင်းတုတော်အနီးမှာက အမျိုးသားနဲ့အမျိုးသမီးနှစ်ဦး ဖက် လှဲတကင်းလုပ်နေကြသေးတယ်။ စာရေးသူတို့ ဗုဒ္ဓဘာသာဝင်များအဖို့ ကြော်ငြာကို မြင်တွေ့ရတာ အတော် လေး စိတ်မချမ်းသာစရာကြီးပါ။

ဒါကြောင့် The Straits Times သတင်းစာက Forum Page အယ်ဒီတာထံ အောက်ပါအကြောင်း ပြချက်များ ရှင်းပြပြီး ပေးစာကို ရေးပို့လိုက်ပါတယ်။

၁) ကြော်ငြာထဲမှာ ဘုရားဆင်းတုတော်ပုံတော်ကို မြင်တွေ့ရလို့ စိတ်မသက်မသာဖြစ်ရကြောင်း၊

၂)  ဗုဒ္ဓဘာသာဝင်များသည် မည်သည့်အခါမှ ဘုရားဆင်းတုတော်အား ရေချိုးခန်းထဲမှာ ထားလေ့ မရှိကြကြောင်း၊

၃) ဘုရားစင် သို့မဟုတ် မြင့်သောနေရာများမှာသာ တလေးတစား ထားရှိကြလေ့ရှိကြောင်း၊

၎) ဗုဒ္ဓဆင်းတုတော်ရှေ့ တွင် ယောကျာင်္းနှင့်မိန်းမ ဖက်လှဲတကင်းပြုနေခြင်းမှာ ဘာသာရေးအရ လုံးဝ မသင့်တော် မလျော်ကန်ကြောင်း၊

၅) ဗုဒ္ဓဘာသာဝင်များအဖို့ ဗုဒ္ဓဆင်းတုတော်သည် ကြီးမားသောဥာဏ်ပညာနဲ့ မေတ္တာ ဂရုဏာတို့ရဲ့  သင်္ကေတဖြစ်ကြောင်း၊

၆) သို့ပါ၍ ဗုဒ္ဓဘာသာနှင့်ပတ်သက်သော စေတီ၊ ဘုရား၊ ဆင်းတုတော် အစရှိသည်များကို ကြော်ငြာများတွင် ထည့်သွင်းဖော်ပြလိုပါက လေးလေးစားစားဖြင့် မှန်မှန်ကန်ကန်ရှိကြရန် အထူးပင် သတိပြုကြရမှာဖြစ် ကြောင်း၊

အဲဒီပေးစာလေးပို့ပြီး တစ်ပတ်ကျော်ကျော် ၁၀ ရက်လောက် စောင့်ကြည့်ပေမယ့် သတင်းစာမှာ စာရေးသူ ၏စာကို ပုံနှိပ်ဖော်ပြခြင်း မရှိခဲ့ပါဘူး။

သို့ပေမယ့် တစ်ချိန်ထဲမှာပဲ အခုပြောခဲ့တဲ့ကြော်ငြာလည်း နောက်ထပ်မပါလာတော့ပဲ နောက်ထပ်ပုံစံ တစ်မျိုး ပြောင်းပြီး ကြော်ငြာတာကို တွေ့ရပါတယ်။ ဒီအခါမှာတော့ ရေထဲက လှေကလေးပေါ်မှာ ပထမကြော်ငြာထဲက မော်ဒယ်အမျိုးသားနဲ့အမျိုးသမီးတို့ အတူတွဲထိုင်နေကြတဲ့ပုံပါ။

ဘာသာရေးနဲ့ ပတ်သက်နေတာမို့ သတင်းစာတိုက်က မိမိရဲ့ ပေးစာကို မဖော်ပြခဲ့ပေမယ့် ကြော်ငြာ ထည့်တဲ့ ကုမ္ပဏီကိုတော့ အသိပေးလိုက်တယ်လို့ ထင်မြင်ယူဆရပါတယ်။