ရဲမှူးကြီး၏ ရာဇသံ

၁၃၇၄ ခုနှစ် တပို့တွဲလဆန်း ၁၁ ရက်

အညာသားဖြစ်တဲ့ စာရေးသူဟာ ရန်ကုန်မှာနေခဲ့တဲ့ ၁၇ နှစ်တာ ကာလများမှာ ကမာရွတ်မြို့ နယ်က “၀ဂ္ဂီ” ဆိုတဲ့ အရပ်တွင် နေခဲ့တာ များပါတယ်။

ဆေးဘက်ပညာသင်တန်းရဲ့  ပထမ ၂ နှစ်မှာ ရန်ကုန်ဝိဇ္ဇာနှင့်သိပ္ပံတက္ကသိုလ် (RASU)က ရွှေဘိုဆောင်မှာ နေခဲ့ပြီး၊ တတိယနှစ်နဲ့ စတုတ္ထနှစ် တွေမှာ ဆေးတက္ကသိုလ်-၁ (လိပ်ခုံး) နဲ့ ရန်ကုန်ဆေးရုံကြီးဝင်းထဲက ဆေးဘက်ပညာသိပ္ပံတွေမှာ ပညာသင်ရတော့လည်း အလုပ်သင်ဆရာဝန်များအဆောင်မှာ နေရာရပေမယ့် စာရေးသူက  ကမာရွတ်မြို့ နယ်က ၀ဂ္ဂီအရပ်မှာပဲ မိမိဖာသာ သီးသန့်အခန်းငှားပြီး နေခဲ့ပါတယ်။ 

ကျောင်းပြီးလို့ ရန်ကုန်ဆေးရုံကြီးနဲ့ သမိုင်းမသန်မစွမ်းလူနာများဆေးရုံမှာ အလုပ်တာဝန်ကျတဲ့အခါ ၀ဂ္ဂီ အရပ်ကို တစ်ကြော့ပြန်ရောက်လာကာ အခန်းငှားနေဖြစ်ပြန်ပါတယ်။  

ဒါကြောင့် ကမာရွတ် လှည်းတန်းတစ်ဝိုက်သည် မိမိ နှစ်ပေါင်းများစွာ သွားလာ ကျင်လည်ခဲ့တဲ့နေရာ ဖြစ်ခဲ့ ပါတယ်။

လှည်းတန်းက လက်ဖက်ရည်ဆိုင်တွေ စာအုပ်ဆိုင်တွေ စာအုပ်အငှားဆိုင်တွေနဲ့ ထမင်းဆိုင်တွေဟာ စာရေး သူ အရောက်အပေါက် အများဆုံး နေရာများပါ။

အဲဒီနေရာတွေအပြင် စာရေးသူ မကြာမကြာ နှုတ်ဆက်ရင်း ခဏတဖြုတ်ဝင်လည်တတ်တဲ့ လှည်းတန်းဈေး နားက အိမ်ကတော့ ရဲမှူးကြီးဦးထွန်းရွှေ၏အိမ် ဖြစ်ပါတယ်။ တကူးတက သွားလည်တာမျိုးတော့ မဟုတ်ပါ ဘူး။ မိမိ၏ဖခင်ကြီးက မိတ်ဆက်ပေးထားပြီး အပ်ထားတာဖြစ်လို့ လှည်းတန်း ဖက်ရောက်တဲ့အခါ ကြုံသလို ၀င်ပြီးနှုတ်ဆက်တာမျိုးပါ။  

  

တစ်ရက်မှာတော့ လှည်းတန်းလမ်းဖက်ကို မျက်နှာမူထားတဲ့ သူရဲ့ အိမ်ရှေ့ ထိုင်ခုံလေးမှာ ထိုင်ပြီး စကားပြော နေကြရင်း ဦးထွန်းရွှေက “မင်း သတင်းစာတွေမှာ ဘာတွေ ရှောက်ရေးနေတာလဲ။ မင်းကို ဖမ်းချုပ်လို့ရတယ် ဆိုတာ မင်း သိရဲ့ လား။” လို့ စာရေးသူအား ကောက်ခါငင်ခါ ပြောလိုက်ပါတယ်။  

စာရေးသူက ဘာမှပြန်မပြောပဲ ရေငုံနှုတ်ပိတ် ဆိတ်ဆိတ်နေပြီး နားထောင်လိုက်ပါတယ်။ ဘာ့ ကြောင့်လဲဆို တော့ လူကြီးက ကောင်းစေချင်လို့ ဆုံးမတာဖြစ်သလို မိမိကလည်း ဆက်ပြီးမရေးပဲ နေမှာ မဟုတ်လို့ပါ။

ရဲမှူးကြီးဦးထွန်းရွှေသည် ထိုစဉ်က ၀န်ကြီးများရုံးမှာရှိတဲ့ ရဲအထူးထောက်လှမ်းရေးဌာန (Special Branch – SB) မှာ တာဝန်ကျနေပြီး သူ့အလုပ်က နေ့စဉ်သတင်းစာတွေထဲက သတင်းတို့ ဆောင်းပါးတို့ ပေးစာတို့ကို ရွေးညှပ်ပြီး ၀န်ကြီး (ပြည်ထဲရေးဝန်ကြီးကို ဆိုလိုတာပါ) ကို တင်ပြရတာဖြစ်တယ်။ ဒါကြောင့် စာရေးသူ ဘာ တွေ ရေးနေတယ်ဆိုတာ သူ အားလုံးသိနေတာ။

၁၉၆၂ ခုနှစ် မတ်လမှာ ဗိုလ်ချုပ်ကြီးနေ၀င်းဦးဆောင်တဲ့ စစ်တပ်က အာဏာသိမ်းခဲ့ပြီးနောက် တော်လှန်ရေး ကောင်စီအုပ်ချုပ်တဲ့ခေတ်နဲ့ မြန်မာဆိုရှယ်လစ်လမ်းစဉ်ပါတီခေတ်များမှာ အရွယ် ရောက် ကြီးပြင်းလာခဲ့ရတဲ့ စာရေးသူတို့ဟာ ပါတီနဲ့အစိုးရကိုဆန့်ကျင်တဲ့ နိုင်ငံရေးလုပ်ရင် စာရေးတာလုပ်ရင် အချိန်မရွေး အဖမ်းခံရ နိုင်တယ် ‘ရေကြည်အိုင်’စစ်ကြောရေးစခန်းကို ရောက်သွားနိုင်တယ် အင်းစိန်တောရမှာ အရိပ်ခိုရတတ်တယ် နှိပ်စက်ညှင်းပန်းခံရတတ်တယ် ဆိုတာတွေကို ကံ သေကံမ သိကြပြီးဖြစ်ပါတယ်။

ဒါပေမယ့် မိမိသာမက မိမိရဲ့ မိသားစုများပါ ဘ၀ပျက်သွားစေနိုင်တဲ့ အန္တရာယ်ရှိမှန်းသိလျက်နဲ့ နိုင်ငံရေး လုပ်တဲ့သူက လုပ်မြဲလုပ်တာပါပဲ။ စာရေးတဲ့သူတွေကလည်း ရေးမြဲရေးခဲ့ကြတာပါပဲ။    

မိမိကိုယ်တိုင်လည်း မဂ္ဂဇင်းနဲ့သတင်းစာများမှာ ကျန်းမာရေးဆောင်ပါးတွေရေးရင်း တစ်ခါတစ်ခါ မဂ္ဂဇင်းမှာ ကျန်းမာရေးနဲ့ မသက်ဆိုင်တဲ့ ကိုယ်ရေးတဲ့ဆောင်းပါးများက စာပိုဒ်အချို့ ကို စာပေစိစစ်ရေးက ငွေမင်အတား ခံ(အပိတ်ခံ)ရတာတို့ အဖြုတ်ခံရတာတို့ ဆောင်းပါတစ်ပုဒ်လုံး အစမှအ ဆုံး အဆုတ်ခံရတာတို့ ကြုံခဲ့ရဖူးပါ တယ်။

ဗိုလ်ချုပ်ကြီးနေ၀င်းဦးဆောင်တဲ့ စစ်တပ်က နိုင်ငံတော်ရဲ့ အာဏာသိမ်းခဲ့ပြီး ၂ နှစ်အကြာဖြစ်တဲ့ ၁၉၆၄ ခုနှစ် က ညွန်ကြားချက် ၁ နဲ့အတူထွက်လာတဲ့ စာပေစိစစ်ရေးစနစ်ဆိုးကြီးအောက်မှာ စောစာကပြောခဲ့သလို ငွေ မင်တားခံရ စာအဆုတ်ခံရတာတွေအပြင် ထောင်သွင်း အကျဉ်းကျခံကြရ တဲ့ စာရေးဆရာ သတင်းစာဆရာ များ၏ ကြေကွဲရင်နာစရာအဖြစ်တွေဟာ မြန်မာ့စာပေသမိုင်း လမ်းကြောင်းမှာ အရုပ်ဆိုး အကြည့်တန်စွာ ဒုနဲ့ ဒေးရှိခဲ့ပါတယ်။

မိမိကိုယ်တိုင်က ကံသီလို့ စောစောကပြောတဲ့နေရာတွေကို မရောက်ခဲ့ရပေမယ့် မိမိနဲ့သိတဲ့ စာပေရောင်းရင်း အချို့  အဖမ်းအဆီးခံရ အညှင်းပန်းအနှိပ်စက်ခံရပြီး ထောင်ကထွက်လာတော့ ကြောင်တောင်တောင်ဖြစ်ပြီး မိသားစုလိုက် ဘ၀ပျက်ခဲ့ကြရပါတယ်။  

ဆက်ပြီးရေးပါဦးမယ်။