ကျွန်တော် Forum Page Writer

(၁၃၇၄ ခုနှစ် ပြာသိုလပြည့်ကျော် ၈ ရက်)

ဒီကနေ့ထုတ်တဲ့ The Sunday Times သတင်းစာကြီး၏ “Think ကဏ္ဍ” စာမျက်နှာ  ၃၇ မှာ ဥပ ဒေသတင်းထောက် K.C.Vijayan ရဲ့  Requiem for an ST Forum Page Writer ဆိုတဲ့ ခေါင်းစဉ် နဲ့ ဆောင်းပါးလေးကို စိတ်ဝင်စားဖွယ် ဖတ်လိုက်ရပါတယ်။ မိမိကိုယ်တိုင်က မြန်မာပြည်က အင်္ဂလိပ်သတင်းစာ ၂ စောင်နဲ့ ဒီက The Straits Times သတင်းစာတို့ရဲ့  Forum Page များမှာ ပါဝင်ရေးခဲ့ဖူးတာဖြစ်လို့ စိတ်ဝင်စားမိတာဖြစ်တယ်။

မစ္စတာ ဗီဂျာရန်က သူနဲ့ Raffles Institution မှာ ကျောင်းနေဖက်ဖြစ်ခဲ့တဲ့သူတစ်ဦးအကြောင်းကို ရေးထားတာပါ။ အဲဒီသူ့သူငယ်ချင်းက စင်ကာပူနိုင်ငံထုတ် The Straits Times နေ့စဉ်သတင်းစာ ကြီး၏ Forum Page (ပေးစာ စာမျက်နှာ) မှာ ၁၀ နှစ်ကျော်ကျော် ရေးခဲ့ကြောင်းနဲ့ စထားပါတယ်။ ပထမတော့ ပေးစာ စာမျက်နှာမှာ ရေးကြတဲ့သူတွေအကြောင်း ဘာများပြောမှာပါလိမ့်ဆိုတဲ့ စူးစမ်း လိုတာနဲ့ ဖတ်မိခဲ့ပေမယ့် နောက်တော့ အဲဒီစာရေးသူရဲ့  အမှန်တရားဖက်ကရပ်တည်ပြီး ရေးရဲပြော ရဲတဲ့သတ္တိနဲ့ သူ့ဘ၀ရဲ့ နောက်ဆုံးနေ၀င်ချိန်အထိ ကလောင်ကို စွဲစွဲမြဲမြဲဆုတ်ကိုင်ပြီး ရေးသွားခဲ့တာ တွေ သိရတော့ စာရေးသူချင်း လေးစားအားကျလို့မဆုံး ခံစားမိပါတယ်။    

သတင်းစာရဲ့  ပေးစာ စာမျက်နှာမှာ ၁၀ နှစ်ကျော်ကြီးများတောင် ရေးသွားတယ်ဆိုတော့ နဲနဲလော လော ရေးခဲ့တဲ့စာတွေမှတ်လို့။ သတင်းစာဆိုတာက နေ့စဉ်ထွက်နေတာ။ တစ်ထောင့် တစ်နေရာ ကနေပြီး သတင်းစာမျက်နှာများပေါ်ကနေ စာဖတ်သူတွေကို အသိပေးခဲ့တာ။ အမြင်မတော်တာ တွေကို ထောက်ပြခဲ့တာ။ မလုပ်သင့် မဖြစ်သင့်တာတွေကို ဖော်ထုတ်လှုံ့ဆော်ခဲ့တာ။ အများကြီး  အများကြီးဖြစ်မှာပါ။ ဥပမာ ၂ ခုကို ကြည့်ကြရအောင်ပါ။

တစ်ပုဒ်က စင်ကာပူမှာလာပြီးအလုပ်လုပ်နေကြတဲ့ နိုင်ငံရပ်ခြားက အိမ်ဖော်တွေအပေါ် စင်ကာပူ နိုင်ငံသားများအနေဖြင့် လူလိုသူလို ကိုယ်ချင်းစာစိတ်ရှိစွာ ပြုမူဆက်ဆံကြဖို့ သူက “အိမ်ဖော်များ အနေနဲ့ ကျွန်တော်တို့ကို ကောင်းစွာမပြုစုကြသေးခင်မှာ ကျွန်တော်တို့ကိုယ်တိုင်က သူတို့အပေါ် အရင်ကောင်းအောင် ပြုစုဆက်ဆံကြရမှာဖြစ်တယ်” လို့ ထောက်ပြဝေဖန်ရေးသားခဲ့ပါတယ်။

နောက်တစ်ပုဒ်က ဆေးရုံမှာသူကိုယ်တိုင် လူနာတစ်ဦးအဖြစ် ကြုံတွေ့ခဲ့ရတဲ့ အထူးကုဆရာဝန်ကြီး တစ်ဦး၏ ဆေးကုသတာ(medicine)နဲ့ ဘာသာရေး(faith) ရောထွေးကျင့်ကြံမှုကို ဖွင့်ချရေးသား တာဖြစ်တယ်။ သူရဲ့  မူရင်းရေးသားချက်လေးကို ဖတ်ကြည့်ကြပါ။ At that critical moment, I felt that faith and medicine should not have been dispensed in the same prescription . လို့ ဗုဒ္ဓဘာသာဝင်ဖြစ်တဲ့သူ့ကို ကင်ဆာအထူးကုဆရာဝန်ကြီးက သူတို့ဘာသာအတိုင်း ဒူးက လေးထောက်ပြီး ရှိခိုးဆုတောင်း (pray pray) ခိုင်းတာပါတဲ့။ ဘာသဘောလဲ။ မသိလို့လား။ အခွင့်အခါကို အမိအရယူပြီး တမင်သက်သက် လုပ်လေသလား (proselytizing efforts) ဆိုတာ လေး လေးနက်နက် စဉ်းစားရှောင်ရှားကြဖို့ အလွန်ပင် အရေးကြီးလှပါတယ်။  

မြန်မာပြည်မှာတုန်းက စာရေးသူသည် အင်္ဂလိပ်သတင်းစာ ၂ စောင်ဖြစ်တဲ့ The Working People’s Daily နဲ့ The Guardian တွေမှာ ပေးစာများရေးခဲ့တဲ့ အဓိကရည်ရွယ်ချက်တွေကတော့  အင်္ဂလိပ်စာအရေးအသား တတ်ချင်တာရယ် မိမိပြောချင်တာတွေကို ဆောင်းပါးပုံစံမျိုးနဲ့ ရှည်ရှည်ဝေးဝေး မရေးပဲ ပေးစာပုံစံနဲ့ လိုရင်းကို တိုက်ရိုက်ရေးပြောချင်တာတွေရယ်ကြောင့် ဖြစ်ပါတယ်။ 

စာရေးသူ ပထမဆုံးရေးပြီး The Working People’s Daily က ပေးစာကဏ္ဍ (Letter Page)မှာ ဖော်ပြခံရတဲ့ စာလေးကတော့ ခင်ဦးမြို့ ရှိ ရဲအချုပ်ခန်းထဲမှာ အချုပ်သားတွေကို  ငါးပိသိပ် ငါးချဉ်သိပ် ချုပ်နှောင်ထည့်ထားတဲ့အကြောင်းကို Sardines in the Lockup ဆိုတဲ့ခေါင်းစဉ်နဲ့ ရေးထားတဲ့စာပါ။ မြန်မာသတင်းစာထဲက သတင်းကို ဘာသာပြန်ရေးပြီး မိမိရဲ့ ဝေဖန်ချက်လေး ဖြည့်စွက်ထည့်ပေးလိုက်တာဖြစ်တယ်။     

ခန္ဓာဗေဒဆိုင်ရာအမှား

လွန်ခဲ့တဲ့ ၁၉ နှစ်လောက်က စင်ကာပူက The Straits Times ရဲ့  Forum Page မှာ စာရေးသူ ပထမဆုံးရေးလိုက်တဲ့ ပေးစာကတော့ ဒီသတင်းစာထဲက ကာယလေ့ကျင့်နည်းပြဆရာ (physical trainer)တစ်ဦးပြောတဲ့ ခန္ဓာဗေဒဆိုင်ရာအမှားကို ခန္ဓာကိုယ်၏ကြွက်သားများရုပ်ပုံနဲ့တကွ ထောက်ပြရေးသားခဲ့တာဖြစ်တယ်။ အောက်မှာ ၁၉၉၄ ခုနှစ် ဇန်န၀ါရီလ ၂၈ ရက်နေ့က ဖော်ပြပါရှိခဲ့တဲ့ သတင်းစာဖြတ်ပိုင်းလေးကို ဖတ်ကြည့်နိုင်ပါတယ်။

The Straits Times (Life, Mailbag), 28 January 1994.   

ဒီနောက်မှာတော့ မြန်မာနာမည်များ မှည့်ခေါ်ပုံ၊ ဥာဏ်ရည်နိမ့်ကလေးများ (children with intellectual disability) အား ကွန်ပြူတာဖြင့် တွဲဖက်သင်ကြားပေးခြင်း၊ သက်ကြီးရွယ်အိုတွေများလာနေတဲ့ စင်ကာပူမှာ သက်ကြီးရွယ်အိုများရဲ့  ကျန်းမာရေးနဲ့ သွားလာလှုပ်ရှားမှုများ ကုသပေးနိုင်မည့် Geriatric Physiotherapist များ မွေးထုတ်ပေးရေး။ ရခိုင်ပြည်နယ်တွင် ဗုဒ္ဓဘာသာဝင် ရခိုင်တိုင်းရင်းသားများက ဒေသခံအများစုဖြစ်ကြ အစရှိတဲ့ ပေးစာများ ရေးသားခဲ့ပါတယ်။ 


မြန်မာနာမည်များ

စာရေးသူတို့၏ မြန်မာနာမည်များကို နိုင်ငံခြားသားများက မသိနားမလည်တာကြောင့် အမျိုးမျိုးအဖုံဖုံ ပုံပျက် ပန်းပျက် ခေါ်တတ်သလို ခေါ်နေကြတာနဲ့ ပတ်သက် ပြီး  ၁၉၉၄ ခုနှစ် နိုဝင်ဘာလ ၁၂ ရက်နေ့ ထုတ် The Straits Times သတင်း စာရဲ့  Forum Page မှာ စာရေးသူ ရေးလိုက်တဲ့ ပေးစာကို အောက်မှာ ပြန်လည်ကူး ယူ ဖော်ပြပေးလိုက်ပါ တယ်။ 

The Straits Time, Forum, 12 November 1994. 

ဗုဒ္ဓဘာသာဝင် ရခိုင်တိုင်းရင်းသားတို့ ပြည်နယ်


၁၉၉၅ ခုနှစ် ဧပြီလ ၂ ရက်နေ့ထုတ် The Straits Times သတင်းစာထဲက ရိုက်တာသတင်းတစ်ပုဒ်မှာ "ရခိုင်ပြည်နယ်သည် မွတ်စလင်အများစု နေထိုင်ရာပြည်နယ်ဖြစ်သည်" လို့ မှားယွင်းဖော်ပြထားတာကို ဖတ်ရလို့ စာရေးသူက အောက်ပါအတိုင်း ပေးစာရေးပြီး ရိုက်တာသတင်းဌာနနဲ့ နိုင်ငံခြားသားစာဖတ်သူ များကို မပြောမဖြစ် အသိပညာပေးလိုက်ရပြန်ပါတယ်။ 

The Straits Times, Forum, 25 April 1995.

၇ ပုဒ် ၈ ပုဒ် လောက်ရေးပြီး နောက်ထပ် ဆက်မရေးဖြစ်ခဲ့တာကတော့ နောက်ဆုံးရေးတဲ့ပေးစာ လေးက အဖျားခပ်သွားတာကြောင့်ပါ။ အထူးပညာရေးကျောင်း (special education school) တွေမှာ ပညာသင်ကြားနေကြတဲ့ ဥာဏ်ရည်နိမ့်ကလေးများကို အိုင်စီတီ (ICT) လို့ခေါ်တဲ့ သတင်း အချက်အလက်နဲ့ ဆက်သွယ်ရေးနည်းပညာများ (Information and Communications Technologies) ပေါင်းစပ်သင်ကြားပေးသင့်ကြောင်းကို စာရေးသူအလုပ်လုပ်နေတဲ့အဖွဲ့အစည်း အောက်က အထူးပညာရေးကျောင်းများမှ အတွေ့အကြုံရလာဒ်ကောင်းအချို့ ကို ဥပမာပေးပြီး စာရေးသူက ရေးသား အကြံပြုလိုက်တာဖြစ်ပါတယ်။

အဲဒီပေးစာလေးက သောကြာနေ့ထုတ် The Straits Times (Life) ရဲ့  Forum Page မှာ ပါလာတော့ စာရေးသူ၏အထက်အရာရှိက မိမိကို သူ့ရုံးခန်းမှာ ခေါ်တွေ့ပြီး “မစ္စတာအေးက ရည်ရွယ်ချက် ကောင်းနဲ့ ဒီစာကိုရေးလိုက်တယ်ဆိုတာ သိပါတယ်။ သို့ပေမယ့် လာမည့်တနင်္လာနေ့မှာပြုလုပ်မယ့် အစည်းအဝေးကျရင် ပညာရေးဝန်ကြီးအနေနဲ့က  ဒီကိစ္စကို “နိူး(No)” လို့ပြောဖို့ ခက်သွားတယ်။” လို့ ပြောပါတယ်။ ယုတ်တရက်တော့ နားမလည်လိုက်တာ အမှန်ပါ။

သတင်းစာမှာ မိမိက ဒီလောက်ကလေး ရေးသားအကြံပြုတာနဲ့ ၀န်ကြီးရဲ့  ‘yes’ ‘no’ ဆုံးဖြတ်တာ နဲ့ ဘာဆိုင်လို့လဲလို့ တွေးမိပါတယ်။ စာရေးသူ နားလည်အောင် သူက ဆက်ပြောတာကတော့ .. သူကိုယ်တိုင်ကလည်း အဲဒီအစည်းအဝေးလုပ်မယ့် အိုင်စီတီသင်ကြားရေးကော်မတီမှာ အတွင်း ရေးမှူးဖြစ်နေပြီး မိမိက သူ့လက်အောက်က ၀န်ထမ်းဖြစ်နေတာမို့ တစ်မျိုးတစ်မည် ထင်စရာဖြစ် နေပါတယ်တဲ့။ အထူးပညာရေးကျောင်းတွေမှာ အိုင်စီတီသင်ကြားရေး လောလောဆယ် မလိုအပ် သေးပါဘူးလို့ ၀န်ကြီးက ယူဆထင်မြင်မိရင်တောင် ပြောဖို့ခက်သွားတာကို ပြောတာပါ။

နောက်ပိုင်းမှာ စာရေးသူတို့အဖွဲ့အစည်းက အမိန့်ထွက်လာခဲ့ပါတယ်။ သတင်းမီဒီယာတွေမှုာ ရေးမယ်ဆိုရင် အရင်တင်ပြပြီး ခွင့်ပြုချက်ရယူရပါမယ်တဲ့။ 

ဒါနဲ့ပတ်သက်လို့ အိမ်ရှင်မက ပြောခဲ့သေးတယ်။ အဖေကြီးကတော့ လုပ်လိုက်မှဖြင့် အရာနဲ့ကြောင်းကြောင်းကြီးပါပဲတဲ့။

ဟုတ်တော့လည်း ဟုတ်ပါတယ်။ ဇနီးဖြစ်သူက ပြောမယ်ဆိုလည်း ပြောစရာကြီးပါ။ ပေးစာရေးတာနဲ့ပတ်သက်ပြီး ဒီလိုမျိုး မြန်မာပြည်မှာ ကြုံခဲ့ဖူးပါတယ်။ 

ရန်ကုန် ကျိုက်ဝိုင်းဘုရားလမ်းမှာရှိတဲ့ မသန်မစွမ်းလူနာများဆေးရုံ (Hospital for the Disabled) မှာ စာရေးသူ အလုပ်လုပ်နေတဲ့ ၁၉၇၃-၄ ခုနှစ်လောက်ကဖြစ်တယ်။ The Guardian သတင်းစာထဲမှာ မသန်မစွမ်းလူနာများဆေးရုံအကြောင်း စာရေးသူက ရေးလိုက်ပါတယ်။ သတင်းစာမှာပါလာတော့ ဆေးရုံအုပ်ကြီး ဒေါက်တာဦးလှဖေက စာရေးသူအား သူ့ရုံးခန်းမှာ ခေါ်ပြီးတွေ့ခဲ့ပါတယ်။ “တို့ဆေးရုံအကြောင်း မင်း ရေးတာကတော့ ကောင်းပါတယ်။ ဒါပေမယ့် မင်းက ငါ့တပည့်ဆိုတော့ ၀န်ကြီးက မင်းကို ငါက တမင်ရေးခိုင်းတာလို့ ထင်သွားနိုင်တယ်ကွ” လို့ ပြောပါတယ်။

ဆေးရုံအုပ်ကြီး ဘာ့ကြောင့် ဒီလိုမျိုးပြောရသလဲဆိုတာ စာရေးသူက သဘောပေါက်လိုက်ပါတယ်။ နောက်ခံအကြောင်းခြင်းရာကို နည်းနည်းလေးရှင်းပြပါ့ မယ်။

တစ်နေ့ညနေပိုင်းမှာ ဆေးရုံရဲ့ အကြောအဆစ်ကုဌာနမှာ မြောက်ဥက္ကလာပဆေးရုံမှ အရိုးခွဲစိတ် ကုဆရာဝန်ကြီး ဒေါ်က်တာဦးမင်းအောင်(နောက်ပိုင်းတွင် နယ်စပ်မှ နိုင်ငံခြားသို့ ခိုးထွက်သွားခဲ့) ရယ်၊ အမေရိကန်နိုင်ငံက ခြေတုလက်တုကျွမ်းကျင်သူ (Prosthetist/Orthotist) မစ္စတာ ဂလိဖ် ရယ်၊ ဆရာကြီး ဒေါက်တာဦးလှဖေတို့ ၃ ဦး လူနာအကြောင်း ဆွေးနွေးနေကြစဉ်မှာ ကျန်းမာရေး ၀န်ကြီး ဗိုလ်မှူးကြီးကြည်မောင်၏ကားအနက်ကြီးက ဆေးရုံဘေးမှ ဖြတ်မောင်းသွားပါတယ်။ ၀န်ကြီးရဲ့ ကားကိုတွေ့လိုက်ရတော့ ဆရာကြီး ဒေါက်တာဦးလှဖေက ”၀န်ကြီး တို့ဆေးရုံနားက နေ့တိုင်းဖြတ်သွားနေပေမယ့် တို့ဆေးရုံကိုတော့ တစ်ခါမှလာမကြည့်ဘူး” လို့ မကျေမနပ် (အား ငယ်စွာ) ပြောလိုက်ပါတယ်။   

ကျန်းမာရေးဝန်ကြီး ဗိုလ်မှူးကြီးကြည်မောင်၏အိမ်က မရမ်းကုန်းမြို့ နယ်မှာရှိတာကြောင့် သူ့ကား က စာရေးသူတို့ဆေးရုံနားမှ မနက်တစ်ခေါက် ညနေတစ်ခေါက်ဖြတ်သွားလေ့ရှိပါတယ်။ ၀န်ကြီး အနေနဲ့ ရန်ကုန်ဆေးရုံကြီးတို့ ကလေးဆေးရုံတို့ကို သွားကြည့်ပေမယ့် စာရေးသူတို့ဆေးရုံကိုတော့ မရောက်လာဖြစ်ခဲ့ပါဘူး။ ဒါကြောင့် ဆရာကြီးဒေါက်တာဦးလှဖေက ၀န်ကြီးကို မျှော်နေပုံရပါတယ်။ ၀န်ကြီးလာမှ လိုအပ်တာတွေ တင်ပြပြီး လိုအပ်တာတွေတောင်းခံနိုင်မှာမို့ပါ။

အဲ တိုက်တိုက်ဆိုင်ဆိုင်ပါပဲ။ စာရေးသူရဲ့ ပေးစာလေး သတင်းစာမှာပါလာပြီး ၁၀ ရက် မပြည့်ခင် လောက်မှာ ၀န်ကြီး ဆေးရုံကိုရောက်လာပြီး ကြည့်ရှုစစ်ဆေးသွားပါတယ်။ 

ဆရာကြီး ဒေါက်တာ ဦးလှဖေကိုလည်း ၀န်ကြီးအား ပြုံးပြုံးရွှင်ရွှင်နဲ့ ပြောပြနေတာ တွေ့ခဲ့ရပါတယ်။