ထီးထမ်းလမ်းလျှောက် စင်ကာပူ (၂)

'ထီးထမ်းလမ်းလျှောက်' ဆိုသောမြန်မာစကား၏ မူရင်းအဓိပ္ပါယ်ကို 'အလုပ်အကိုင် မည်မည်ရရ မလုပ်ဘဲ ဟိုဟိုသည်သည် လျှောက်သွားနေသူ' ဟု ပညာရေးဝန်ကြီးဌာန မြန်မာစာအဖွဲ့ဦးစီးဌာနမှ ထုတ်ဝေသော 'မြန်မာအဘိဓာန်' တွင် အနက်ဖွင့်ထားပါသည်။

သို့ဖြစ်ရာ ထီးထမ်းလမ်းလျှောက် စင်ကာပူ တွင် မိမိသည် အလုပ်တစ်ခု မည်မည်ရရမရှိပါပဲ စင်ကာပူမှာ ဟိုသွားဒီသွားလုပ်ရင်း ဟိုနေရာရောက် ဒီနေရာရောက်ကာ ဟိုတွေ့ဒီတွေ့အကြောင်းအရာကလေးများအပေါ် မိမိ တွေးမိ ရင်တွင်းခံစားမိသည်တို့ကို ပြောပါမည်။ 

၁၃၇၅ ခုနှစ်၊ နတ်တော်လဆန်း ၁၂ ရက်။ (14 December, 2013 Saturday)

အမှတ် ၄၉ ဘတ်စ်ကားလိုင်းအသစ်။ ဓာတ်ပုံ - ဖိုးတာ။

ယန့နံနက်က ဈေးတွင်မနက်စာစားပြီး အိမ်သို့ပြန်ရန် ထုံးစံအတိုင်း ကားမှတ်တိုင်မှာရပ်ပြီး ကားစောင့်ရင်း ဇ နီးနှင့်စကားပြောနေစဉ် ယခင်က ဤမှတ်တိုင်တွင်မတွေ့ရသော ဘတ်စ်ကားနံပတ်အသစ်တစ်စီးကို တွေ့ရသ ဖြင့် ကားအရှေ့ ဘက်ရှိဆိုင်းဘုတ်ကိုဖတ်ကြည့်မိသည်။ သည်တော့မှ လွန် ခဲ့သောလအနည်းငယ်က သတင်းစာ တွင်ပါရှိသော သတင်းတစ်ပုဒ်အား ပြန်ပြီးမှတ်မိရ၏။

ယခုလောလောဆယ် ဘတ်စ်ကား ၁ စီးသာပြေးဆွဲလျက်ရှိသော မိမိတို့ ၄၂ လမ်း (Street 42) တွင် နောက် ထပ်ဘတ်စ်ကားလိုင်း ၁ ခု ထပ်ဆွဲပေးမည့်သတင်းဖြစ်သည်။ သို့သော် ယင်းသတင်း ကို မေ့နေခဲ့ကာ ယခု ဘတ်စ်ကားအမှတ် ၄၉ ကိုတွေ့တော့မှ သတိပြန်ရမိပါသည်။ သို့နှင့် မူလက ဘတ်စ်ကားအမှတ် ၃၃၄ ကို စောင့်နေသည့် မိမိတို့ဇနီးမောင်နှံသည် စိတ်ကူးပြောင်းလျက် ဘတ်စ်ကားအမှတ် ၄၉ ၏ခရီးစဉ်အသစ်ကို စီး စမ်းကြည့်ရန် ဆုံးဖြတ်လိုက်ကြပါသည်။ 

ဘတ်စ်ကားလိုင်းခရီးစဉ် လက်ကမ်းစာစောင်။

ခဏအကြာတွင် မျှော်နေသည့်ဘတ်စ်ကားနံပတ် ၄၉ ရောက်လာသောအခါ အခြားသောခရီးသည်အချို့ နှင့် အတူ မိမိတို့ ကားပေါ်သို့ တက်လိုက်ကြပါသည်။ ကားလက်မှတ်ကို စက်မှာကပ်ရန်လက် လှမ်းသောအခါ ကားဒရိုင်ဘာက "ဒီကားလိုင်းက ဒီကနေ့မှစဆွဲတဲ့လိုင်းအသစ်ပါ။ ဒီကနေ့နဲ့မနက်ဖန် ၂ ရက်အတွက် ကားခ ပေးဖို့မလိုပါဘူး။ အဲဒီ ၂ ရက်အတွက် လိုင်းသစ်ကို မိတ်ဆက်ပေးတဲ့အနေနဲ့ အခမဲ့ စီးနိုင်ကြပါတယ်" ဟု ပြောပါသည်။ အလကားစီးရမည်မှန်းသိရ၍ စီးခြင်းမဟုတ်သော်လည်း အလကားစီးရသဖြင့်တော့ သဘော ခွေ့ မိသည်အမှန်။ 'သဲ့ခ်ယူး'ပါ အက်စ်ဘီအက်စ် (SBS) ရယ်။

ဘတ်စ်ကားက Jurong West ဈေးမှတ်တိုင်ကနေ ၄၂ လမ်းထဲကို ကွေ့ဝင်ပြီးနောက် Jurong West Ave 1 သို့ရောက်သောအခါ ဘတ်စ် ၃၃၄ ကဲ့သို့ ယင်းလမ်းထဲသို့ ကွေ့မ၀င်ပဲ ၄၁ လမ်းအထဲသို့ တည့် တည့်မောင်း ၀င်လိုက်ပါသည်။ ၄၁ လမ်းဆုံးတော့ ၅၁ လမ်း၏၀ဲဘက်သို့ကွေ့ဝင်ကာ လိတ်ဆိုက် ဘူတာတွင်ရပ်ပါသည်။ စုစုပေါင်း ၁၂ မိနစ်ကြာ၏။ မိမိ၏အိမ်မှ လိတ်ဆိုက်ဘူတာသို့ သွားမည်ဆို က ၁၀ မိနစ်ခန့်သာ ကြာပါမည်။ ယ ခု ဘတ်စ်လိုင်းအသစ် ၄၉ ဖြင့် ယခင်က တိုက်ရိုက်သွားမရသည့် လိတ်ဆိုက်ဘူတာနှင့် တာမန်ဂျူရောင်းအ ရပ် (Taman Jurong) တို့သို့ ရောက်နိုင်သဖြင့် များစွာမှ အဆင်ပြေသည်ကို တွေ့ရ၏။

လိတ်ဆိုက်ဘူတာမှ Corporation Road၊ ထိုမှ Yuan Ching Road တို့သို့ မောင်းသွားသောအခါ တိုက်အသစ် များဖြင့် ပြောင်းလဲသွားသည့်မြင်ကွင်းအသစ်များကို တွေ့ခဲ့ရသည်။ ယခင် လိတ်ဆိုက် ဘူတာနှင့်မျက်နှာချင်း ဆိုင်ရှိ တိုက် ၅၁၈ တွင်နေခဲ့စဉ်က ဤအရပ်ဒေသသို့ မကြာမကြာ အရောက် အပေါက်ရှိခဲ့သဖြင့် ထိုစဉ်က တွေ့ခဲ့ရသောမြင်ကွင်းများဖြင့် များစွာကွာခြားသွားပြီဖြစ်သည်။ လူဦး ရေလည်း အတော်ထူထပ်လာ၏။ ၁၉၉၂ ခုနှစ်က မိမိ၏မိဘနှစ်ပါး စင်ကာပူသို့ ၃ လကြာ အလည် အပတ်ရောက်နေစဉ်က ဘခင်ကြီးသည် နံနက်ဝေ လီဝေလင်းအချိန်တိုင်း တာမန်ဂျူရောင်းအရပ် သို့ နေ့စဉ် တစ်နာရီခန့်လမ်းလျှောက်လေ့ရှိ၏။ 

မိမိ စင်ကာပူသို့ရောက်စက ကန်ချင်းလမ်း(Kang Ching Street)ရှိ တိုက်တန်းလျားတစ်ခုတွင် တစ်ပတ်ကျော် ခန့် နေခဲ့ဖူးသည်။ မိတ်ဆွေ ဦးအောင်အောင်၏အိမ်မှာဖြစ်သည်။ သူသည် ယခုအခါ အမေရိကန်နိုင်ငံတွင် ရောက်နေပါသည်။ ဘတ်စ်ကားက ကန်ချင်းလမ်းအထဲသို့ မ၀င်သော်လည်း Corporation Drive လမ်းမှ ကန် ချင်းလမ်းကိုလှမ်းမြင်နေရသဖြင့် "ဟောဟို အုတ်ခုံဖြူဖြူလေးရဲ့  အနောက်ဖက်နားမှာပေါ့ POSB ရှိတယ်၊ နောက်ပြီး KFC ဆိုင်လေးလည်းရှိသေးတယ်။ အခုတော့ ရှိမရှိ မသိရတော့ဘူး" ဟု မိမိက ဇနီးအား သတိတရ ပြောမိပါသည်။

ကန်ချင်းတိုက်တန်းမှ လိတ်ဆိုက်ဘူတာသို့အသွား ကားလမ်းဘေး၌တွေ့ရသော မာလီမောမူလတန်းကျောင်း (Merlimau Primary School) မှာ ၁၉၉၀ ခုနှစ်အလွန်ကာလများက မြန်မာကလေးများ စင်ကာပူနိုင်ငံမှာ စ တက်ခဲ့သောကျာင်းတစ်ကျောင်းဖြစ်ခဲ့ပြီး ယခုအခါ ကျောင်းပျောက်သွားကာ ဘေးချင်းကပ်မှ Yuan Ching Secondary School နှင့် ဇာတ်ပေါင်းသွားတော့၏။ 

သဘောခွေ့ = ကြည်နူးနှစ်သက်သည်။ သဘောတွေ့သည်။

ဆက်ပြီးရေးပါဦးမည်။