ထိုသုံးရက် သို့မဟုတ် ကန့််ဘလူမြို့ ခရီး

၁၃၇၅ ခုနှစ်၊ နတ်တော်လဆန်း ၅ ရက်။ (7 December, 2013 Saturday)

အာစရိယပူဇော်ပွဲအခန်းအနား။ ဓာတ်ပုံ - ဖိုးတာ၊ ၁ ရက် ဒီဇင်ဘာ ၂၀၁၃။ 

ထိုသုံးရက်ဆိုသည်မှာ ဒီဇင်ဘာလ ၁ ရက်၊ ၂ ရက်နှင့် ၃ ရက်တို့ကို ပြောလိုရင်းဖြစ်ပါ၏။

ဒီဇင်ဘာလ ၁ ရက် တနင်္ဂနွေနေ့

ထိုနေ့ နံနက် ၈ နာရီတွင် ကန့်ဘလူသို့ မိမိတို့ဇနီးမောင်နှံ ရောက်ကြသည်။

နိုဝင်ဘာလ ၃၀ ရက်နေ့ ညနေ ၅ နာရီခွဲက ရန်ကုန် အောင်မင်္ဂလာအဝေးပြေးကား၈ိတ်မှ 'အောင်ရတနာ' ခ ရီးသည်တင် အမြန်ဘတ်စ်ကားကြီးဖြင့် လာခဲ့ကြခြင်းဖြစ်သည်။ မိမိတို့ ၂ ဦးနှင့်အတူ မုဒုံမှာနေသည့် ဇနီး၏ ညီမ ၂ ဦးလည်း အတူလိုက်ပါလာကြ၏။ မနှစ်က မိမိတို့ ကန့်ဘလူကိုလာကြစဉ်ကလည်း သူတို့ပါခဲ့သည်။

ပြီးခဲ့သောနှစ်က မိမိ၏မွေးဇာတိ ကန့််ဘလူသို့အလည်ပြန်လာရင်း ရွှေသိမ်တော်ကျောင်းတိုက်တွင် အကြော အဆစ်ဝေဒနာရှင် ၈၂ ဦးကို ခရီးသွားဟန်လွှဲ ကြည့်ရှုစမ်းသပ်ကာ အကြောအဆစ်ကုသ မှုများ (Physioth-erapy treatment) များ ပေးခဲ့ရသေးသည်။ ယခုနှစ်တွင်မူ မိမိ၏မွေးဇာတိ ကန့််ဘလူသို့ အလည်သက်သက် ပြန်လာခြင်းမဟုတ်ပဲ ရွှေသိမ်တော်ကျောင်းတိုက်ဆရာတော်မှ ပြန်လာနိုင်က ပြန်လာပြီး လူနာများကြည့်ပေး စေချင်သည်ဟု အမိန့်ရှိသဖြင့် မိမိမှာလည်း ခွင့်ရက်ကလေး အနည်းငယ် ကျန်ရှိနေသည်ကတစ်ကြောင်း အ ကြောအဆစ်ဝေဒနာရှင်များအား ကြည့်ရှုစမ်း သပ်လျက် ကုသပေးလိုသောကြောင့်တစ်ကြောင်း ပြန်ဖြစ်သွား ခဲ့ခြင်းဖြစ်ပါလေ၏။

သို့သော် ယခုတစ်ကြိမ်တွင် မနှစ်ကရရှိခဲ့သည့် မိမိ၏ကုသပေးမှုအတွေ့အကြုံများအရ လူနာများအား ဖိဖိစီး စီးနှင့်ထိထိရောက်ရောက် ကုမှုပေးနိုင်စေရေးအတွက် ဆရာအင်အားကိုများစွာတိုးနိုင်စေရန် ကြိုတင်စီစဉ်ခဲ့ ရ၏။ မန္တလေးရှိ တပည့်မလေးဒေါ်ဝေေ၀ညွန့်(အကြောအဆစ်ကုပညာရှင်)၏အကူအညီဖြင့် လုပ်အားပေးဆ ရာ ၁၂ ဦးကို လုပ်အားပေးရရှိခဲ့ပါသည်။

အာစရိယပူဇော်ပွဲမှာ ငယ်ရင်းဆရာများ မိတ်ဆွေဆရာများနှင့်အတူ အမှတ်တရ။ 

 

ယခုနှစ်တွင် ကန့်ဘလူသို့ပြန်လာဖြစ်ခြင်း၏ထူးခြားချက်မှာ ကန့်ဘလူမြို့  အ.ထ.က ကျောင်းဝင်း၌ ပြုလုပ် သော အာစရိယ ပူဇော်ပွဲကို ကြုံကြိုက်ခွင့်ရလိုက်ခြင်းပင် ဖြစ်ပါလေ၏။

မိမိ ကန့််ဘလူမြို့ ကိုရောက်ရှိသည့် ဒီဇင်ဘာလ ၁ ရက်နေ့မနက် ၉ နာရီမှာ ကျောင်းသူကျောင်းသားဟောင်း များက ဦးဆောင်ကျင်းပသော အာစရိယပူဇော်ပွဲရှိရာ အထက်တန်းကျောင်းဝင်းထဲသို့ သွားခဲ့ပါသည်။ 'မိဖ မေတ္တာ'တည်းခိုခန်းတွင် ပစ္စည်းများချပြီးသောအခါ အကြောအဆစ်ကုသိုလ်ဖြစ်ဆေးခန်းကော်မတီမှ ကား ဖြင့်လာခေါ်၍ လိုက်သွားခဲ့ ရသည်။ ကျောင်းဝင်းအထဲသို့ ကားဝင်လိုက်သောအခါ လူအတော်များများ ရောက် နေကြပေပြီ။ အချင်းချင်းလက်ဆွဲနှုတ်ဆက်ပြီး ဟိုနေရာတစ်စု ဒီနေရာတစ်စု ၀ိုင်းဖွဲ့စကားပြောနေကြသည်။

ဆရာဆရာမကြီးများနှင့်တပည့်များ မုန့်တီလက်ဆုံစားကြရင်း စကားစမြည်ပြောနေကြစဉ် .. (ဓာတ်ပုံ - ဖိုးတာ)

ကျောင်းကြီး၏မျက်နှာစာရှိ ကွင်းပြင်ကြီးအထဲ၌ သက်ကျားအိုဆရာဆရာမကြီးများနှင့် ခေါင်းဖြူပြီး အသက် ၅၀ ကျော် ၆၀ ကျော်အရွယ်ရှိနေကြပြီဖြစ်သော သူတို့၏တပည့်ဖြစ်သူများ နွေးထွေးလှိုက်လှဲသော အပြုံး ကိုယ်စီဖြင့်ရှိနေကြသည်မှာ ထိုနေ့က ကန့််ဘလူမြို့ ၏ အလှအပဆုံးမြင်ကွင်းတစ်ရပ်ပင် ဖြစ်ပါလေ၏။ 

တစ်ချိန်တစ်ခါတုန်းက ဤအ.ထ.က ကျောင်းတော်ကြီးတွင် ပညာသင်ကြားခဲ့ကြသော တပည့်များက ယခု ကန်တော့ခံကြွရောက်လာသော ဆရာဆရာမကြီးများ၏လက်များကို အသာအယာဆွဲယူ ဖေးမကြသလို ဆ ရာဆရာမကြီးများကလည်း တပည့်များ၏ပခုန်းများကို တယုတယပုတ်လျက် ရှေးဟောင်းနှောင်းဖြစ်များ မ မောနိုင်မပန်းနိုင် မေးကြပြောကြပါသည်။ ဆရာဆရာမကြီးအတော် များများသည် အသက် ၇၀ ကျော် ၈၀ ကျော်အရွယ် ရှိနေကြပြီဖြစ်၏။ ဇရာ၏ထုထောင်းမှုကြောင့် ဒူးနာသူ ခါးနာသူ အင်အားချို့ တဲ့ကာ ကောင်းစွာ လမ်းမလျှောက်နိုင်ကြသူများ ပါရှိနေကြ၏။

အ.ထ.က ကျောင်းကြီး၌ တစ်ချိန်က တာဝန်ထမ်းဆောင်ခဲ့ကြသည့်ဆရာဆရာမကြီးများတွင် မြို့ ခံများပါရှိ သကဲ့သို့ အခြားမြို့ များမှ ကန့်ဘလူမြို့ သို့လာရောက်ကာ အလုပ်လုပ်ခဲ့ကြသော ဆရာဆရာမကြီးများလည်း ပါရှိခဲ့ကြ၏။ မိမိ၏ဆရာဆရာမကြီးအချို့ ကိုလည်း မိမိ ပညာရင်နို့သောက်စို့ခဲ့ သော ဤကျောင်းမှာ ပြန်လည် တွေ့ဆုံကာ ယခုကျင်းပသည့် တတိယအကြိမ်မြောက် အာစရိယပူဇော်ပွဲကြီးမှာ ပထမဆုံးအကြိမ် ကိုယ်တိုင် ကိုယ်ကျ ကန်တော့ခွင့်ရခဲ့ပါတော့သည်။ မိမိ၏ဆရာဆ ရာမကြီးအချို့ သည် အရွယ်လွန်ကာ ကျန်းမာရေးမ ကောင်းသဖြင့် အာစရိယပူဇော်ပွဲသို့ ရပ်ဝေးမှ မ လာရောက်နိုင်၍လည်းကောင်း၊ အချို့ မှာ ကွယ်လွန်သွား ကြပြီဖြစ်၍လည်းကောင်း ကန်တော့ခွင့် မကြုံရပေ။

အာစရိယပူဇော်ပွဲသို့လာရောက်ကြသူများအား ကျောင်းသူကျောင်းသားဟောင်းများက ကန့်ဘလူမုန့်တီ(နန်း ကြီးသုတ်)ဖြင့် ဧည့်ခံကျွေးမွေးကြပါသည်။ မိမိ၏စားပွဲဝိုင်းတွင် မိမိ၏ကျောင်းနေဖက်သူငယ်ချင်းများ ဆွေမျိုး မောင်နှမများဖြင့် စားသောက်ရင်း တစ်ဝါးဝါးရယ်မောကာ စကားပြောဖြစ်ကြ၏။ ဟိုသူငယ်ချင်းက လာနှုတ် ဆက် ဒီသူငယ်ချင်းက လာနှုတ်ဆက်ဖြင့် ပျော်စရာကောင်းလှ၏။

နံနက် ၉ နာရီတွင် အာစရိယပူဇော်ပွဲစတင်ကျင်းပတော့မည့်အကြောင်း အသံချဲ့ စက်မှကြေညာသဖြင့် မုန့်တီ ကျွေးသောဓမ္မာရုံပေါ်မှ အာစရိယပူဇော်ပွဲစင်ရှိရာသို့ သွားကြရ၏။  

အာစရိယပူဇော်ပွဲအခန်းအနားကို ဓာတ်ပုံများရိုက်ပြီးသောအခါ မိမိတည်းခိုရာတည်းခိုခန်းသို့ ပြန်သွားခဲ့ပါ သည်။ ခဏကြာသောအခါ ကားလာကြိုသဖြင့် ဇနီး၊ သူ၏ညီမ ၂ ဦးနှင့်အတူ ရွေသိမ်တော် ကျောင်းတိုက်သို့ သွားကြ၏။ လူနာများကို စတင်မကြည့်မီ လိုအပ်သောပြင်ဆင်မှုများ ပြုလုပ်ရန် ဖြစ်သည်။ မန္တလေးမှ လာ ရောက်ကြမည့် အကြောအဆစ်ကုပညာရှင် ၁၂ ဦးမှာ နေ့ခင်း ၂ နာရီခွဲ ခန့်တွင်မှ ရောက်မည်ဖြစ်သဖြင့် မိမိက လူနာများကို စပြီးကြည့်ရှုခဲ့ပါသည်။ 

(ပုံကြီး) ကန့်ဘလူမြို့ ၏ကျက်သရေဆောင် မဟာရွှေစည်ကြီးစေတီတော်တွင် မန္တလေးမှလုပ်အားပေးလာသော အကြောအဆစ်ကုပညာရှင်များ ဘုရားဖူးရောက်ခဲ့ကြစဉ်က စာရေသူတို့ဇနီးမောင်နှံနှင့် အမှတ်တရ။
(ပုံသေး) ၀ဲ - လူနာများအကြောင်း အချင်းချင်း တိုင်ပင်ဆွေးနွေးကြစဉ်။ ယာ - လူနာ စမ်းသပ်ကုသပေးနေစဉ်။

ဘုန်းကြီးကျောင်းထဲရှိ ဓမ္မာရုံရှေ့ တွင်ချထားပေးသော ထိုင်ခုံများ၌ လူနာများထိုင်စောင့်လျက်ရှိကြသည်။ စား ပွဲတစ်ခုမှာ လူကြီး ၃ ဦးက လူနာအမည်စာရင်းကောက်ယူပြီး လူနာမှတ်တမ်းများပေးနေပါသည်။ လူနာများ က လူနာမှတ်တမ်းများနှင့် အကြောအဆစ်ကုသိုလ်ဖြစ်ဆေးခန်းလက်ကမ်း စာစောင်များ ကိုယ်စီ ကိုင်ကာ ခေါ်မည့်အလှည့်ကို စောင့်ဆိုင်းနေကြ၏။

ညနေ ၂ နာရီခွဲခန့်တွင် မန္တလေးမှလုပ်အားပေးလာသော အကြောအဆစ်ကုပညာရှင်များ ရောက်လာကြ သည်။ ဧည့်ခံကြိုဆိုရေးအဖွဲ့က နေ့လည်စာစားရန်ပြောသောအခါ သူတို့က လမ်း၌စားခဲ့ကြပြီးဖြစ်ကြောင်း ပြောသဖြင့် မိမိက ဆေးကုသမှုအစီအစဉ်များကို ရှင်းပြပါသည်။ ထို့နောက် လူနာများ တစ်ဦးချင်းခေါ်ယူပြီး ပဏာမကြည့်ရှုခြင်း (observation)၊ စမ်းသပ်စစ်ဆေးခြင်း (physical examination)နှင့် ကုသမှုပေးခြင်းများ ကို လက်တွေ့ပြသပေးပါသည်။ ခြေလက်လှုပ်ရှားမှုများအတွက် မိမိ ရန်ကုန်မှဝယ်ယူခဲ့သော သိုင်းကြိုးများ (slings)နှင့်သံချိတ်များ တပ်ဆင်ရန် ကုတင်များပေါ်၌ ထုတ်တန်းများ ရိုက်ကြရသည်။

လေဖြတ်သောလူနာများအနေဖြင့် မတ်တတ်ရပ်ခြင်းနှင့် လမ်းလျောက်ခြင်းတို့လေ့ကျင့်နိုင်စေရန် တန်းဘား (parallel bar)ကား ကြိုတင်မှာထားသည့်အတိုင်း ခိုင်ခိုင်ခန့်ခန့် ပြုလုပ်ထားပြီးဖြစ်သည်။ ယခင်နှစ်က လေ့ ကျင့်ပစ္စည်းများမပါရှိသဖြင့် ရေသန့်ဗူးခွံများအတွင်း သဲများထည့်ကာ လူ နာများ အသုံးပြုကြရသည်။ သဲ ထည့်ထားသောရေသန့်ဗူးခွံများကို လက်ဖြင့်ဆုတ်ကိုင်ခြင်း၊ အပေါ် သို့ မ,တင်ခြင်း၊ လှိမ့်ခြင်း၊ ထောင်လျက် အနေအထားဖြင့် ဘေးတိုက်တွန်းရွေ့ ခြင်း စသည့်လှုပ်ရှား လေ့ကျင့်မှုများ လုပ်ခဲ့သည်။

ယခုနှစ်တွင်မူ လက်ကိုအားပြုပြီး လမ်းလျောက်လေ့ကျင့်ရန် တန်းဘား၊ ခြေလက်တို့ကို လှုပ်ရှား ပေးသည့် ကြွက်သားများကို ပြန်လည်လှုံ့ ဆော်နှိုးဆွပေးရင်း သန်စွမ်းမှုဖြစ်လာစေရန် သိုင်းကြိုးများနှင့် လူနာများကို အဆင်ပြေသက်သာစွာ စမ်းသပ်စစ်ဆေးနိုင်ရန် တစ်ယောက်အိပ်ကုတင်များ အားဖြည့်ပြင်ဆင်နိုင်ခဲ့သည်။ ထို့အပြင် အဆစ်လှုပ်ရှားမှုတိုင်းသည့် ကိရိယာလေး ၆ ခု အား မိမိ သည် စင်ကာပူနိုင်ငံမှ ၀ယ်လာခဲ့သည်။ မူလက မန္တလေးမှ အကြောအဆစ်ကုပညာရှင် ၅ ဦး လာ ရောက်လုပ်အားပေးမည်ဟုကြားသိရသဖြင့် သူတို့ကို အမှတ်တရလက်ဆောင်ပေးရန်နှင့်လူနာများ စမ်းသပ်ရာတွင် တပါတည်းအသုံးပြုနိုင်ရန်ဖြစ်သည်။ သို့သော် လုပ်အားပေးသူမှာ ၁၂ ဦးဖြစ်သဖြင့် မဲချ၍ ပေးလိုက်ရတော့၏။ မဲမပေါက်သူများကို နောက်မှ လူကြုံဖြင့်ပို့ပေးလိုက်မည်ဟု အားတုန့် အားနာ ပြောခဲ့ရသည်။

၂၀၁၃ ခုနှစ် ဒီဇင်ဘာလက ဆေးခန်းကိုလာသော လူနာများအားပေးဝေသည့် လက်ကမ်းစာစောင်။ 

မိမိအပါအ၀င် ရပ်ဝေးမှလာသောအကြောအဆစ်ကုပညာရှင် ၁၃ ဦးနှင့် ကန့််ဘလူဆေးရုံမှ ၁ ဦး စုစုပေါင်း ၁၄ ဦးရှိသော်လည်း တစ်ရက်လျှင် လူနာအရေအတွက် ၈၀ နှင့် ၉၀ ကြားရှိသဖြင့် လက်မလည်အောင် အလုပ်များ လှသည်။ ထမင်းစားချိန်မှအပ တစ်နေ့လုံး အနားယူချိန်ဟူ၍ မရလိုက်ပါချေ။ လူနာများကို မေးမြန်းခြင်း၊ကြည့်ရှုစမ်းသပ်ခြင်း၊ ဝေဒနာအကြောင်းရှင်းလင်းပြောပြခြင်း၊ အနေအထိုင်နှင့်ကိုယ်လက်လှုပ်ရှားလေ့ကျင့်မှု များ သင်ကြားပြသပေးခြင်းများကို အားလုံးက ဒေါင်ချာစိုင်းအောင် လုပ်ကြရ၏။ လူနာများကိုစမ်းသပ်ရင်း မိ မိက သင်ကြားပေးရခြင်းများရှိသကဲ့သို့ မျိုးဆက်သစ်ပညာရှင်များက သိလိုသဖြင့် မေးသည်များကို ရှင်းလင်း ပြောပြရသောသောကြောင့် အချိန်ကုန်ရတတ်သေးသည်။

တစ်ချိန်တည်းတွင် သူတို့ကိုခေါ်မည့်အလှည့်အား လည်တဆန့်ဆန့်ဖြင့် စောင့်ကြည့်နေကြသော လူနာများကို မအားမလပ်သည့်ကြားက မိမိတို့ အားနာနေမိသေး၏။ လူနာအချို့ သည် ကန့်ဘလူမြို့ ပေါ်မှ မဟုတ်ပဲ မိုင်အ နည်းငယ်ဝေးသော ရွာနီးချုပ်စပ်မှ လာခဲ့ကြခြင်းဖြစ်သည်။

မည်သို့ဆိုစေ ရွှေသိမ်တော်ကျောင်းတိုက်ဆရာတော်ကြီး၏ဦးဆောင်မှုနှင့် အကြောအဆစ်ကုသိုလ် ဖြစ်ဆေး ခန်းဖြစ်မြောက်ရေးကေယ်မတီမှ ဦးဌေး၊ ဦးကပ်ကျော်၊ ဦးကျောက်ခဲ အစရှိသည့်လူကြီး များ၏ လိုလေသေး မရှိ ဘက်ပေါင်းစုံ စီစဉ်လုပ်ကိုင်ပေးမှုများကြောင့် လူနာများနှင့်မိမိတို့အားလုံး အစစ အဆင်ပြေခဲ့ပါသည်။ ကျေးဇူးလည်း အထူးတင်ရှိရပါသည်။

ထိုညက ကန့်ဘလူဆောင်း၏အေးချမ်းမှုအရသာကို သိသိသာသာလေး ခံစားကြည့်မိရင်း နှစ်နှစ်ခြိုက်ခြိုက် ကြီး အိပ်ပျော်သွားခဲ့ပါတော့၏။

ဒီဇင်ဘာလ ၂ ရက် တနင်္လာနေ့

(၀ဲဘက်စားပွဲထိပ်မှ လက်ယာရစ် .. အားလုံးထိုင်ကြလျက်) ဆရာကြီးဦးရွှေဘော်၊ ဆရာကြီးဦးခင်ထွန်း(ညွှန်ကြားရေးမှူး - ငြိမ်း)၊ စာရေးသူ၊ ဆရာကြီးဦးမြင့်ဆွေ (ဘာသာပြန်စာရေးဆရာ ကောင်းထက်ဝင်း-ရန်ကုန်တက္ကသိုလ်)၊ ဆရာကြီးဦးကျော်စန်း(ကဗျာဆရာ ကျော်စန်း-မန်းတက္ကသိုလ်)၊ ဦးခင်မောင်ရည် (သတင်းထောက်/စာရေးဆရာ၊ ကျောပေးထိုင်နေသူ)။

မနေ့က မတွေ့လိုက်ရသော မိမိ၏ဆရာဆရာမများနှင့် မိတ်ဆွေကျောင်းဆရာများကို တွေ့ဆုံနှုတ်ဆက်နိုင် စေရန် ဒီကနေ့ အိပ်ယာမှစောစောထခဲ့ပါသည်။

သူတို့အားလုံးတည်းခိုကြသော ဆရာဦးတင်ဦး၏အိမ်မှာ မိမိ၏တည်းခိုခန်းမှ ၃-၄ အိမ်သာဝေးပါသည်။ မ နေ့ညနေပိုင်းက သွားရောက်တွေ့ဆုံရန်ရည်ရွယ်ထားခဲ့သော်လည်း အလုပ်ပြီး၍ ညစာစားသောက်ပြီးနောက် မိုးအနည်းငယ်ချုပ်နေပြီဖြစ်သဖြင့်မသွားလိုက်ဖြစ်တော့ပေ။ မိမိ၏တည်းခိုခန်းတွင် မန္တလေးမှလာသော မိမိ ၏ဆရာမကြီး ဒေါ်ထိုက်ထိုက်ရှိနေပြီး မနေ့နံနက်ကတည်းက ဆရာကန်တော့ပွဲတွင် ဆရာမကြီးကို တွေ့ဆုံ နှုတ်ဆက်ခဲ့ပြီးဖြစ်၏။

ဒီကနေ့တွင် ဆရာဆရာမကြီးများအားလုံး ကန့်ဘလူမှပြန်ကြမည်ဖြစ်သည်။ မိမိ၏ငယ်ဆရာကြီး မန္တလေးမှ ဦးရွှေဘော် (စိုက်ပျိုးရေးဘာသာရပ်)နှင့် ရင်းနှီးသောမိတ်ဆွေကျောင်းဆရာများဖြစ်ကြသည့် မော်လမြိုင်မှ ဦး ခင်ထွန်း၊ ရန်ကုန်မှ ဦးမြင့်ဆွေ၊ မုံရွာမှ ဦးကျော်စန်းတို့နှင့် အချိန်အတန်ကြာ စကားပြောဆိုနှုတ်ဆက်နိုင်ခဲ့ ၍ မိမိအနေဖြင့် အလွန်ပင်ဝမ်းမြောက်ဝမ်းသာဖြစ်မိပါသည်။

မိမိက ဆရာများနှင့်တွေ့ဆုံစကားပြောနေသဖြင့် မန္တလေးမှလုပ်အားပေးလာသောအကြောအဆစ် ကုပညာ ရှင်များအား မိမိကိုစောင့်မနေပဲ ဘုန်းကြီးကျောင်းသို့သွားပြီး နံနက်စာစားနှင့်ရန်ပြောထား ခဲ့ပါသည်။ တည်းခို ခန်းသို့ပြန်ရောက်၍ မိမိ၏အခန်းရှိရာ ၃ ထပ်တွင် ဘုန်းကြီးကျောင်းသို့သွားရန်ပစ္စည်းများယူနေစဉ် ဧည့်သည် တစ်ဦးရောက်နေကြောင်း အကြောင်းကြားလာသဖြင့် အောက်ထပ်သို့ဆင်းသွားသောအခါ ဦးစိုးမြင့်အား တွေ့ ရ၏။ ဦးစိုးမြင့်နှင့်ခေတ္တမျှစကားပြောပြီး မိမိတို့ဇနီးမောင်နှံကို ကားလာကြိုသောကြောင့် ဘုန်းကြီးကျောင်းသို့ လိုက်သွားကြရ၏။ ကျောင်းတွင် အရင် ရောက်နေသော လုပ်အားပေးအကြောအဆစ်ကုပညာရှင်လူငယ်များ နှင့်အတူ နံနက်စာစားကြပြီးနောက် မိမိတို့အားလုံး ဘုန်းကြီးကျောင်းအတွင်းရှိ စေတီအနီးတွင် အမှတ်တရစု ပေါင်းဓာတ်ပုံရိုက်ကြပါသည်။

မိဖမေတ္တာတည်းခိုခန်းတွင် မိတ်ဆွေဦးစိုးမြင့်နှင့် အမှတ်တရ။ ၂ ရက် ဒီဇင်ဘာ ၂၀၁၃။

(အောက်ပုံ ၁ မြိန်မြိန်ရှက်ရှက်စားခဲ့ရသော ဘုန်းကြီးကျောင်းက နံနက်စာ။ အောက်ပုံ ၂ ဘုန်းကြီးကျောင်းမှ အချက်အပြုတ် လုပ်အား အလှူရှင်များ)

ရွှေသိမ်တော်ကျောင်းတိုက်။ ၂ ရက် ဒီဇင်ဘာ ၂၀၁၃။

ဓာတ်ပုံရိုက်ပြီးနောက် လူနာများကို စကြည့်ကြပါသည်။ လာရောက်ပြသကြသော အကြောအဆစ်လူနာအ များစုသည် လေဖြတ်လူနာ၊ ခါးနာသူ၊ ဒူးနာသူနှင့် လက်မောင်းဆစ်ကပ်သူများဖြစ်ကြ၏။ အချို့ သောလူနာ များသည် ဆရာဝန်နှင့် တစ်ခါမှမပြသဘူးပေ။ ဆရာဝန်နှင့်ပြဖူးသူအချို့ မှာလည်း ကြွက်သားများပြန်လည် သန်စွမ်းရန်နှင့် အဆစ်လှုပ်ရှားမှုလေ့ကျင့်ခန်းများ ပြုလုပ်ရကောင်းမှန်းမ သိကြပါချေ။ အကြောအဆစ်လူ နာများ တကယ်တမ်းလိုအပ်နေသည်မှာ စနစ်တကျလှုပ်ရှားလေ့ ကျင့်နည်းများ၊ ဝေဒနာနှင့်သင့်အောင် နေ တတ်ထိုင်တတ်မှုများနှင့် ယင်းတို့ကို သေသေချာချာ ရှင်းလင်းပြောပြသင်ကြားပေးရခြင်းများ ပင်ဖြစ်လေ သည်။ သို့အတွက် မိမိတို့သည် လိုအပ်သောကြည့် ရှုစမ်းသပ်မှုများပြုလုပ်ပြီးနောက် လူနာများနှင့်လူနာအ ဖော်များကို လှုပ်ရှားလေ့ကျင့်နည်းများနှင့် ရှောင်ရန်ဆောင်ရန်များကို လက်ထပ်သင်ကြားပြသပေးကြရ၏။

နေ့ခင်းထမင်းစားရန် လူနာကြည့်ခြင်းကို တစ်ခဏနားသောအချိန်တွင် မိမိနှင့်ဇနီးတို့သည် ထမင်းကတိုက်က ရိုက်စားပြီး ဆွေမျိုးအိမ်တစ်အိမ်သို့ အသော့လေးသွားခဲ့ကြ၏။ ကန်တော့ခံမည့် အဒေါ် ၂ ဦး၊ အမ ၂ ဦးနှင့် အကို ၁ ဦးတို့က မိမိတို့အား စောင့်နေကြမည်ဖြစ်သည်။

မိမိသည် မြန်မာပြည်သို့အလည်ပြန်ရင်း မိခင်ကြီးရှိရာ ကန့်ဘလူကိုရောက်တိုင်း မိခင်ကြီးနှင့်အတူ အဒေါ်များ နှင့်ဦးလေးတော်သူတို့အား မိမိတတ်အားသ၍ ငွေနှင့်လက်ဆောင်ပစ္စည်းများ ကန်တော့ လေ့ရှိပါ သည်။ မိခင် ကြီး၏မောင်နှမများအားလုံး ကန့်ဘလူမြို့ မှာနေကြသဖြင့် အမြဲတမ်းစုံစုံညီညီ ကန်တော့ခွင့်ရလေသည်။ မိမိ စင်ကာပူကိုရောက်ပြီးနောက်ပိုင်းတွင် မိခင်ကြီးဘက်မှ ညီအစ်ကို မောင်နှမအရင်းအချာ ၁၁ ဦးရှိသည့်အနက် ၈ ဦးသာ သက်ရှိထင်ရှားရှိပါတော့၏။ ယင်းအဒေါ်များ နှင့်ဦးလေး ၈ ဦးတို့ကို နှစ်အတန်ကြာသည်အထိ ကန် တော့နိုင်ခဲ့ပါသည်။ နောက်ပိုင်းတွင် မိမိ၏မိခင်ကြီးအပါအ၀င် တစ်ဦးပြီးတစ်ဦးကွယ်လွန်သွားပေရာ ယမန်နှစ် နှင့်ယခုနှစ်တွင် အဒေါ် ၂ ဦးသာ ကျန်ရှိပါသည်။ သို့နှင့် ယခုနှစ်ကစပြီး ၀မ်းကွဲအမ ၂ ဦးနှင့်အစ်ကို ၁ ဦးတို့ ကို အဒေါ်နှစ်ဦးနှင့်အတူ ကန်တော့ခဲ့ပါသည်။

အကြောအဆစ်ကုသိုလ်ဖြစ်ဆေးကုသမှု ဒုတိယနေ့ဖြစ်သော ယနေ့တွင် လူနာအတော်လေးများ လေသည်။ ကိုကြည်ရွှင်က ကန့်ဘလူရှိသူတို့အိမ်တွင်ညစာစားရန် စင်ကာပူမှာကတည်းက ကြိုကြိုတင်တင်ဖိတ်ထားခဲ့ သည်ကိုသွားဖို့ အတော်လေးအခက်အခဲကြုံရ၏။ မူလက ညနေ ၄ နာရီမှာ ညစာသွားစားရန် စီစဉ်ထားသော် လည်း ည ၆ နာရီထိုးပြီးခါမှ ဘုန်းကြီးကျောင်းက ထွက်နိုင်ခဲ့၏။ ညစာကျွေးမည့်သူများက ညစာပြင်ထားပြီး ကာမှ မိမိတို့မရောက်လာသေးသဖြင့် ထမင်းဟင်းများကို ဘယ်နှစ်ကြိမ်ပြန်ပြန်ပြီးနွေးနေရသည်မသိ။ အားနာ စရာ အလွန်ကောင်းလှပါ၏။ ထိုညက ညစာစားပြီးနောက် မန္တလေးမှလုပ်အားပေးလာသောအကြောအဆစ် ကုပညာရှင်လူငယ်များနှင့် ကန့်ဘလူမြို့ ၏ကျက်သရေဆောင် မဟာရွှေစည်ကြီးစေတီတော်မြတ်သို့ သွားဖြစ် ခဲ့ကြပါသည်။

  

အပေါ်ပုံ- အဒေါ် ဒေါ်ထွေးရီနှင့်ဒေါ်ငယ်၊ အမ ဒေါ်အမာနှင့်ဒေါ်နွဲ့၊ အစ်ကို ဦးမြင့်သိန်းတို့ကို ကန်တော့ကြသည်။
အောက်ပုံ - မန္တလေး(မြို့ ဟောင်း)မှ တရားဟောဆရာတော် ဦးသြသဓထံ အိတ်ဆောင်နာရီ ကပ်လှူစဉ်။ ၂ ရက် ဒီဇင်ဘာ။

၁၃၇၅ ခုနှစ်၊ နတ်တော်လဆုတ် ၁၁ ရက်။ (28 December, 2013 Saturday)

ဒီဇင်ဘာလ ၃ ရက် အင်္ဂါနေ့

ယနေ့သည် ကန့်ဘလူမြို့  ရွှေသိမ်တော်ကျောင်းတိုက်တွင်ပြုလုပ်သော အကြောအဆစ်ကုသမှုဆိုင်ရာ ကု သိုလ်ဖြစ်ဆေးခန်း (Physiotherapy Community Outreach Programme)၏ တတိယနှင့်နောက်ဆုံးနေ့ ဖြစ်သည်။

ဘုန်းကြီးကျောင်း၌ နံနက်ပိုင်းတွင် သံဃာအပါး ၂၀၀ ကျော်အား ဆွမ်းကြီးလောင်းပွဲရှိသဖြင့် မိမိတို့၏ ဆေး ကုသမှုအစီအစဉ်ကို ထိုနေ့က နောက်ကျပြီးစခဲ့သည်။ သို့အတွက် ရွှေသိမ်တော်လူမှုရေးကူညီစောင့် ရှောက် ရေးအသင်းက မန္တလေးမှလုပ်အားပေးလာကြသောအကြောအဆစ်ကုပညာရှင်များကို သဖန်းဆိပ်ဆည်ကြီး သို့ ကား ၂ စီးဖြင့် လိုက်ပို့ပေးရန် စီစဉ်နိုင်ခဲ့ခြင်းဖြစ်သည်။ ၂ ရက်လုံးလုံး လူနာများဖြင့် ခြေချင်းလိမ်အောင် ပျားပန်းခတ်အလုပ်များနေခဲ့သော သူတို့အဖို့ မြန်မာနိုင်ငံ၏အကြီးဆုံးရေလှောင်တမံကြီးဖြစ်သည့်သဖန်းဆိပ် ဆည်သို့ လေ့လာရေးခရီးသွားရ၍ စိတ်လက်ရွှင်လန်းအပန်းဖြေကာ ပျော်ရွှင်မှုရကြလေသည်။

လုပ်အားပေးအကြောအဆစ်ကုပညာရှင်များ၏ သဖန်းဆိပ်ဆည်ကြီးသို့ ကား ၂ စီးဖြင့် လေ့လာရေးအပန်းဖြေခရီး။

(ပုံကြီး) ရွှေသိမ်တော်ဆုတောင်းပြည့်စေတီတော်မြတ်တွင် အမှတ်တရ။
(ပုံသေး) ပုံ ၂၊ ၃ နှင့် ၄ - မျိုးဆက်သစ်အကြောအဆစ်ကုပညာရှင်များကို လက်တွေ့သင်ကြားပြသပေးနေစဉ်။




စာပေဟောပြောပွဲ

ဒီဇင်ဘာလ ၃ ရက်နေ့ညက ပြုလုပ်ခဲ့သော စာပေဟောပြောပွဲ။
အပေါ်ပုံ (ရှေ့ တန်း၊ ၀ဲမှ) - ဦးညွန့်သောင်၊ ဦးစန်းအောင်၊ ဦးစိုးမြင့်၊ ဦးသောင်းထိန်၊ ဦးကျော်မြင့်။  

စာပေဟောပြောပွဲ

မိမိ၏မူလအစီအစဉ်မှာ စာပေဟောပြောပွဲလုပ်ရန် မဟုတ်ပါချေ။ လူနာများကိုယ်တိုင်ကိုလည်းကောင်း၊ သူတို့ နှင့်အတူပါလာသည့် လူနာဖော်များကိုလည်းကောင်း ဘုန်းကြီးကျောင်း၌ အကြောအဆစ်ဆိုင်ရာပညာပေး ဟောပြောရန်သာ ရည်ရွယ်ထားပါသည်။ သို့သော် စင်ကာပူမှမထွက်ခွာမီ ၂ ရက်၊ ၃ ရက် ခန့်အလိုတွင် “အန် ကယ်၊ စာပေဟောပြောပွဲလဲ စီစဉ်ထားတယ်ပြောတယ်။ ပြင်ဆင်ထားနိုင်အောင်လို့ အကြောင်းကြားတာပါခင် ဗျာ”ဟု စင်ကာပူနှင်ကန့်ဘလူတိုက်ရိုက်ဆက်သွယ်ဆောင်ရွက်ပေးနေသူ ကိုကြည်ရွှင်ကပြောခဲ့ပါသည်။ တစ် ဆက်တည်းမှာ သူက“အန်ကယ်ဟောပြောတဲ့အခါ အန်ကယ်တို့ခေတ်က ကန့်ဘလူမြို့ အကြောင်းကို လူငယ် တွေသိရအောင် ပြောပြပေးပါ။ နောက်ပြီး သစ်ပင်တို့ သစ်တောတို့ကို ဂရုစိုက်တန်ဖိုးထားတတ်အောင်ပါ သတိပေး ပေးပါ ခင်ဗျာ” ဟု ပြောပါသေးသည်။ 

တစ်ခါ ဟောပြောမည့်နေ့ညနေကလည်း လူမှုရေးအသင်းမှဦးဌေးက “ကျောင်းသားလူငယ်တွေ အ တော်များများ ဖိတ်ထားပါတယ်။ လူငယ်တွေကို ဦးစားပေးပြီးပြောပေးပါ ဆရာကြီး” ဟု ပြောပါ သည်။ ထိုနေ့က ညနေပိုင်းတွင် လူနာများကြည့်ပြီးသောအခါ မိတ်ဆွေဦးခင်မောင်ရည်အိမ်သို့ မိမိ တို့ဇနီးမောင်နှံ ညစာ သွားစားကြ၏။ ဦးခင်မောင်ရည်၏သားဖြစ်သူ ကိုဇေယျာက ယခုညစာပေ ဟောပြောပွဲတွင် အခမ်းအနားမှူးအဖြစ် ကူညီဆောင်ရွက်ပေးခဲ့ပါသည်။ ညစာစားပြီးသောအခါ ဟောပြောပွဲကျင်းပမည့် ပိတောက်သိင်္ဂီခန်းမသို့ သွားကြသည်။

ယခင်အခါများက ညနေပိုင်းအချိန်ကစပြီး လူများဖြင့် စည်ကားလေ့ရှိသော ပိတောက်သိင်္ဂီခန်းမကား ယခုအခါ ခြောက်သွေ့သွေ့ကြီးဖြစ်လို့နေပါသည်။ ကြားနေကျ ဈေးသည်များနှင့်ဈေး ၀ယ်များ၏အသံဗလံ များကို မကြားရလေတော့။ စားသောက်စရာများရောင်းသည့် ပွဲဈေးတန်းလည်း နတ္တိ။ အသံချဲ့ စက်မှ ကြား နေကျ ကျယ်ကျယ်လောင်လောင်သီချင်းသံများကိုလည်း မကြားနိုင်လေတော့။ မြင်နေကျ လှုပ်လှုပ်ရွရွ လူ ပရိသတ်ကြီးကိုလည်း မတွေ့ရလေတော့။ ၀ါးကပ်ထရံကြားမှ ရုံ၏အပြင်ဘက်သို့ အတိုင်းသားကြားရတတ် သော ရုပ်ရှင်ဇာတ်ကားအသံများလည်း ဆိတ်သုဉ်းခဲ့ချေပြီ။  တကယ်က ရုံနှင့်နာမည်သာ ကျန်ခဲ့ကာ ဘာမှ အသက်ဝင်လှုပ်ရှားမှုဟူ၍ မရှိကြလေတော့။ ၀ိညာဉ်ချုပ်သွားသော ရုပ်ခန္ဓာ။ 

 

စာပေဟောပြောပွဲမစမီ ပိတောက်သိင်္ဂီခန်းမရုံးခန်းတွင် ကိုညွန့်သောင်၊ ကိုစန်းအောင်အစရှိသည့် သူငယ်ချင်း များ မိတ်ဟောင်းဆွေဟောင်းများနှင့် စကားပြောဖြစ်သည်။ သာကြောင်းမာကြောင်းနှင့် မိမိတို့မြို့ အကြောင်း အလ္လာပ သလ္လာပ တောရောက်တောင်ရောက် ပြောဖြစ်ကြပါ၏။ 

ပိတောက်သိင်္ဂီခန်းမရုံးခန်း - (၀ဲမှ) ဒေါ်စိုးစိုးအေး၊ စာရေးသူ၊ ဦးညွန့်သောင် (မြို့ မိမြို့ ဖ ဥက္ကဌ၊ မြို့ နယ်ရွေးကောက်ပွဲကော်မရှင် အဖွဲ့ခွဲ ဥက္ကဌ)၊ ဦးစန်းအောင် (သတင်းထောက်/စာရေးဆရာ မောင်လူဒေါင်း-ကန့်ဘလူ)၊ ဦးစန်းဦး။

ရုံးခန်းထဲမှာ စကားစမြည်ပြောနေကြစဉ် ခန်းမကြီးအတွင်းမှ ဟောပြောပွဲနှင့်ပတ်သက်သော ကြေ ညာသံကို တစ်ခါတစ်ခါ ကြားနေရသည်။ အမှတ်တရဓာတ်ပုံများလည်း ရိုက်ဖြစ်ကြ၏။ နောက်ဆုံး မိမိတို့အဖွဲ့ ခန်းမကြီး အထဲသို့ဝင်လာတော့မည့်အကြောင်း ကြေညာသောအခါ မိမိတို့သည် ရုံးခန်းမှ ဟောပြောခန်းမဆီသို့သွားကြ ရပါသည်။ မိမိတို့အားနေရာထိုင်ခင်းပေးပြီးနောက် အခမ်းအနားမှူးကိုဇေယျာက အခန်းအနားစတင်ကြောင်း ကြေညာပြီး မိမိ၏အထုပ္ပတ္တိအကျဉ်းကို မိတ်ဆက်ပြောကြားပေး၏။

စာပေဟောပြောပွဲလာပရိသတ်နှင့် အခမ်းအနာမှူးကိုဇေယျာ။

ထို့နောက်တွင် မိမိ၏ဟောပြောပွဲအစီအစဉ်ကို စပါသည်။

မိမိ၏ဟောပြောပွဲကို မိမိတို့ခေတ်က ကန့်ဘလူမြို့ အကြောင်း၊ မီးရထားလမ်းအ၀င်က ကျွန်းတောကြီးအ
ကြောင်း၊ ကန့််ဘလူမှ ညောင်အိုင်ရွာသို့သွားသောလမ်းဘေးတစ်ဖက်တစ်ချက်ရှိ ၀ါးရုံတောများနှင့်လယ် ကွက်များပေါ်မှ သစ်သားတံတားရှည်အကြောင်း၊သစ်ပင်များအုတ်မိုးထားသည့် လျှိုနှင့်ဆည်ကြီးအကြောင်း၊ မြို့ ပြဖွံ့ဖြိုးမှုနှင့်အတူ ယင်းတို့ပျောက်ကွယ်သွားရကြောင်း၊ မိမိ၏စာရေးသားမှုအတွေ့အကြုံအချို့ ၊ ဆရာများ ၏အဆုံးအမများနှင့်အကျိုးကျေးဇူးများကို ဂုဏ်ပြုဖော်ညွှန်းခြင်း၊ အင်္ဂလိပ်စာလေ့လာမှုအတွေ့အကြုံနှင့်နည်း ပေးလမ်းပြမှုများ၊ မြန်မာရိုးရာယဉ်ကျေးမှုထိန်းသိမ်းရေး၊အကြောအဆစ်ရောဂါအချို့ ၏သိကောင်းစရာများ စ သည်တို့ကို ရောမွှေလျက် ခံစားမျှဝေဟန်ဖြင့်ပြောခဲ့ပါသည်။ ဆေးပညာပေးသက်သက်အနေဖြင့် မပြောဟော ဖြစ်ခဲ့ပါ။

လာရောက်နားထောင်ကြသူအများစုမှာ ကျောင်းသူကျောင်းသားလူငယ်လူရွယ်များဖြစ်ကြသဖြင့် မူလကရည် ရွယ်ထားသော အကြောအဆစ်ပညာပေးဟောပြောခြင်းထက် ကိုကြည်ရွှင်နှင့်ဦးဌေးတို့ အကြံပြုသည့်အတိုင်း လူငယ်များကို ဦးစားပေးပြောဖြစ်ခဲ့ပါသည်။ သို့ဖြစ်ရာ အကြောအဆစ်ဝေဒနာများအကြောင်းကိုပိုမိုနားထောင် လိုသဖြင့် လာရောက်ခဲ့ကြသောပရိသတ်အား မျှော်လင့်ထားကြသည့်အတိုင်း မဟောပြောဖြစ်ခဲ့သည့်အတွက် တောင်းပန်လိုပါသည်။ နောက်တစ်ကြိမ်မှာ အကြောအဆစ်ရောဂါဝေဒနာများအကြောင်းကိုသာ သီးသန့်အ ထူး ဟောပြောပေးရန် မိမိ အားထုတ်ပါဦးမည်။  

၁၃၇၅ ခုနှစ်၊ တပို့တွဲလဆန်း ၃ ရက်။ (2 February, 2014 Sunday)

လွန်ခဲ့သော ၂ ပတ်ခန့်က ကန့်ဘလူကိုအလည်သွားပြီး ပြန်လာသော ကိုကြည်ရွှင်က မိမိထံ ဖုန်းဆက်ခဲ့ သည်။ ကန့်ဘလူမြို့ တွင် ပြုလုပ်ခဲ့သည့် မိမိ၏စာပေဟောပြောပွဲစီဒီအခွေယူလာပေးကြောင်း သတင်းပေး ပါသည်။

နောက်တစ်ခါ တမြန်နေ့နံနက်ကလည်း မိမိထံ ဖုန်းဆက်ပြီး စနေနေ့နံနက်ပိုင်းတွင် မိမိအိမ်သို့ အလယ်လာ ကြမည့်အကြောင်း၊ သူတို့အတွက်စားစရာများ လုပ်မထားရန်နှင့် မုန့်ဟင်းခါးချက်ပြီး ယူလာမည်ဟုပြောပါ သည်။ မနေ့က ကိုကြည်ရွှင်တို့ဇနီးမောင်နှံ သူတို့၏လသားအရွယ် သမီးလေးနှင့်အတူရောက်လာပြီး စာပေ ဟောပြောပွဲစီဒီအခွေပါယူလာပေးသဖြင့်မိမိနှင့်ဇနီးဖြစ်သူတို့ ကြည်ရင်း မြန်မာပြည်နှင့်ကန့်ဘလူကိုအလွမ်း ဖြေကြရသည်။ 

ဒေါင်ချာစိုင်း (ဒေါင်ဂျာစိုင်း) - ချာချာလည်သည်။

ရွာနီးချုပ်စပ် - ရွာအနီးဝန်းကျင်ရှိကျေးရွာများ

ခြေချင်းလိမ် (အသံထွက် - ချေဂျင်းလိန်၊ ချီဂျင်းလိမ်) - ကိစ္စတစ်စုံတစ်ခုအတွက် ရှုပ်ယှက်ခတ်အောင် လှုပ်ရှားသွားလာသည်။

ပျားပန်းခတ် - အခေါက်ခေါက် အပြန်ပြန်။

အာလာပ သလ္လာပ (အသံထွက် - အာလာပါ့ သန်လာပါ့ ) - အပြန်အလှန် ဖွယ်ဖွယ်ရာရာ ပြော သောစကား။ အလ္လာပ သလ္လာပ(အသံထွက် - အန်လာပါ့ သန်လာပါ့ ) နှင့်အဓိပ္ပာယ်အတူတူ။

တမြန်နေ့ - မနေ့က အလျင်ဖြစ်သောနေ့

ဆက်ပြီးရေးပါဦးမည်။