ကိုယ်လက်လှုပ်ရှား ကျန်းမာရေးဆုလာဘ်တစ်ပါး

၁၃၇၅ ခုနှစ်၊ နတ်တော်လဆုတ် ၁ ရက်။ (18 December, 2013 Wednesday)


ပြီးခဲ့သော စက်တင်ဘာလ ၈ ရက်နေ့တွင်ကျရောက်ပြီး တစ်ကမ္ဘာ့လုံးအနှံ့ကျင်းပခဲ့သည့် ကမ္ဘာ့အကြော အဆစ်ကုပညာရပ်နေ့ (World Physical Therapy Day) ၏ ဆောင်ပုဒ်မှာ "ကိုယ်လက်လှုပ်ရှား ကျန်းမာ ရေးဆုလာဘ်တစ်ပါး" (Movement for Health) ဖြစ်သဖြင့် အောက်ပါကျန်းမာရေးပညာပေးဆောင်းပါး ကို ကြေးမုံသတင်းစာသို့ မိမိ ရေးသားပေးပို့ခဲ့ခြင်းဖြစ်ပါသည်။

ဒီဇင်ဘာလ ၄ ရက်နေ့ထုတ် ကြေးမုံသတင်းစာပါ ဆောင်းပါး။

အာရောဂျံ ပရမံလာဘံ - ကျန်းမာခြင်းသည် လာဘ်တစ်ပါးဟူ၍ မိမိတို့အားလုံး ငယ်စဉ်ကပင် ကြားဖူးနား ၀ရှိခဲ့ကြပြီး ပြောဖန်များ ကြားရဖန်များသဖြင့် နားမှာအစွဲလွန်ကာ ရိုးအီသွားလျက် အချို့ က အလေးပင်မ မူတတ်ကြဟု ထင်ပါသည်။ ကျန်းမာရေးသည် အရေးကြီးကြောင်း နားလည်ယုံကြည်လက်ခံထားကြသော် လည်း ယင်းအဆင့်တွင်သာ ရပ်တန့်နေတတ်ပြီး တကယ်တမ်းအားထုတ်ဆောင်ရွက်သည့်အဆင့်သို့ မ ရောက်ကြသည်က များလေသည်။

သို့ပေမယ့် ဆောင်းရာသီ၏ ဒီဇင်္ဘာလတွင်မူ လူအတော်များများ ကိုယ်လက်လှုပ်ရှားလေ့ကျင့်ဖြစ်ကြပါ သည်။ မိမိတို့ငယ်စဉ်ကတည်းက ဒီဇင်္ဘာလသို့ရောက်လေတိုင်း အသံချဲ့ စက်ကြီးမှ "စောစောအိပ်လို့ စောစောထလို့ စောစောလမ်းလျှောက်ကြပါစို့"ဆိုသောကျန်းမာရေးလှုံ့ ဆော်သီချင်းကို နှစ်စဉ်ကြားရလေ့ ရှိပြီး အိပ်ယာထဲက နေ အိပ်ချင်မူးတူး မထချင်ထချင် လူးလဲထကာ လမ်းလျှောက်သွားခဲ့ရသည်မှာ ကျန်း မာရေးအတွက် အမှန် တကယ်အကျိုးရှိခဲ့ပါသည်။ သို့သော် ၁၂ လကာလတွင် ၁ လခန့်သာလမ်းလျှောက် ခြင်း ကိုယ်လက်လှုပ်ရှား လေ့ကျင့်ခြင်းဖြင့် ရေရှည်ကျန်းမာရေးအကျိုးဖြစ်ထွန်းမှုကား မရရှိနိုင်ပါချေ။ တစ်နှစ်ပတ်လုံး အချိန်မှန်မှန် လိုက်စားလေ့ကျင့်ကြရန် လိုလေသည်။

အထက်တွင်ဆိုခဲ့သည့်အတိုင်း ကိုယ်လက်လှုပ်ရှားလေ့ကျင့်ခြင်းသည် ကျန်းမာရေးအတွက်ကောင်းမွန် ကြောင်းကို လူတိုင်းလိုလို သိထားကြပြီးဖြစ်သည်။ သို့တစေ ယင်းသို့သိရှိထားကြသူတိုင်း သူတို့၏ကျန်း မာရေးအတွက် ကိုယ်လက်လှုပ်ရှားမှု ပြုလုပ်ကြပါသလော။ အဖြေက ရှင်းနေပါ၏။ လူတိုင်းမပြောနှင့်၊ အ တော်များများပင် အကြောင်းအမျိုးမျိုးကြောင့် မလုပ်ဖြစ်ကြသည်က များလေသည်။ အချို့ က အချိန်မရ ကြောင်း အကြောင်းပြကြ၏။ အချို့  က နေပူလို့ မိုးရွာလို့ အေးလို့ ဗိုက်ဆာလွန်းလို့ ဗိုက်တင်းနေလို့ စသ ဖြင့် ဟိုဟိုသည်သည် ယိုးမယ်ဖွဲ့ကာ အပျင်းထူ၍ မလုပ်ဖြစ်ကြ။ အချို့ ကမူ ကိုယ်လက်လှုပ်ရှားမှုဟူသည် ကို သေချာဂနစွာ မသိသဖြင့်သော်လည်းကောင်း၊ ကိုယ်လက်လှုပ်ရှားမှုလေ့ကျင့်မှုနှင့်ကျန်းမာရေးတို့ မည်သို့မည်ပုံ တိုက်ရိုက်ဆက်စပ်မှုရှိနေကြောင်းကို နားလည်သဘောပေါက်ခြင်း မရှိကြ၍လည်းကောင်း အမှုမဲ့အမှတ်မဲ့ မလုပ်ဖြစ်ကြခြင်းဖြစ်လေသည်။

ကိုယ်လက်လှုပ်ရှားမှုလေ့ကျင့်မှုဆိုသည်မှာ ခြေလက်ခေါင်းခါးအစရှိသည့် ခန္ဓာကိုယ်အစိတ်အပိုင်းများကို စနစ်တကျ လှုပ်ရှားပေးခြင်းပင်ဖြစ်သည်။ လမ်းလျှောက်ခြင်း ပြေးခြင်း ရေကူးခြင်းကဲ့သို့သော အားကစား ပစ္စည်း တစ်စုံတရာမပါဘဲ လေ့ကျင့်နိုင်သကဲ့သို့၊ ခြင်းခတ်ခြင်း ဘောလုံးကန်ခြင်း ကြက်တောင်ရိုက်ခြင်း တို့ကဲ့သို့သော အားကစားပစ္စည်း တစ်မျိုးမျိုးသုံး၍လည်း လေ့ကျင့်နိုင်လေသည်။ အားကစားပစ္စည်း တစ် မျိုးမျိုးကို သုံးသည်ဖြစ်စေ မသုံးသည်ဖြစ်စေ ဦးနှောက်နှင့်အာရုံကြောတို့၏စေ့ဆော်မှု၊ ကြွက်သားများရုန်း ဆန့်မှု၊ အရိုးအဆစ်များ၏လှုပ်ရှားမှုများကြောင့် ကိုယ်လက်လှုပ်ရှားမှုလေ့ကျင့်မှုဖြစ်ရလေသည်။ တစ်ချိန် တည်းမှာ နှလုံး အဆုတ်စသည့် သွေးလှည့်စနစ်နှင့်အသက်ရူလုပ်ငန်းများကိုပါ လေ့ကျင့်မှုဖြစ်စေတော့ ၏။

ယခုအခါ တစ်နေ့တစ်ခြားတိုးတက်ရှာဖွေတွေ့ရှိနေသည့် ဆေးသုတေသနလုပ်ငန်းရပ်များသည် ကိုယ် လက်လှုပ်ရှားမှုလေ့ကျင့်မှုကြောင့်ရရှိလာသည့် ကျန်းမာရေးကောင်းကျိုးများကို အသက်အရွယ်မရွေး လူတိုင်းခံစားရရှိနိုင်ကြောင်း ယခင်ထက်ပို၍ခိုင်ခိုင်မာမာ သိရှိလာကြပြီးဖြစ်သည်။ သန်စွမ်းသူများကော မသန်စွမ်းသူများကိုပါ ကျန်းမာကြံ့ ခိုင်မှုဖြစ်စေသည်။ ကိုယ်ဝန်ဆောင်မိခင်လောင်းများနှင့် သွေးတိုး ဆီး ချိုအစရှိသည့် ရောဂါဝေဒနာခံစားနေကြရသူများပင် ကိုယ်လက်လှုပ်ရှားမှုလေ့ကျင့်ပေးခြင်းဖြင့် ကျန်းမာ ရေး ပိုမိုကောင်းမွန်လာကြသည်။

ယခုအပတ်တွင်ဖတ်လိုက်ရသော ပြင်သစ်သတင်းဌာနနှင့်နယူးယောက်တိုင်းမ်တို့မှ ကျန်းမာရေးသတင်း ၂ ပုဒ်ကို ဥပမာပေး တင်ပြလိုပါသည်။

အသက်အရွယ်ကြီးသူများအနေဖြင့် ယခင်က ကိုယ်လက်လှုပ်ရှားမှုလေ့ကျင့်မှုများ မလုပ်ဖြစ်ခဲ့စေဦး ယခု အချိန်မှစပြီး လုပ်ကြမည်ဆိုပါက များစွာနောက်မကျလှသေးဟုဆိုပါသည်။ ယခုကဲ့သို့ အသက်အရွယ် ကြီးမှလုပ်ပါလျှင် ကျန်းမာရေး၏ကောင်းကျိုးများကို အသေအချာရရှိနိုင်သေးကြောင်း ဗြိတိသျှအားကစား ဆိုင်ရာဂျာနယ်တွင် ဖော်ပြထားလေသည်။ အသက် ၆၄ နှစ်အထက်ရှိသူ ၃၅၀၀ ဦးတို့၏ ကျန်းမာရေး မှတ်တမ်းများကို ၈ နှစ်ကျော်ကြာလေ့လာပြီး ရေးသားထားခြင်းဖြစ်သည်။ တစ်ပတ်လျှင်တစ်ရက် ပုံမှန် လေ့ကျင့်ကြသူ အသက်ကြီးသူများသည် ကိုယ်လက်လှုပ်ရှားမှုလေ့ကျင့်မှုမရှိသူ အသက်ကြီးသူများထက် ကျန်းကျန်းမာမာဖြင့် အသက်ကြီးရန် (Healthy ageing) အခွင့်အလမ်း ခုနှစ်

ဆ ပိုရှိကြောင်း တွေ့ရှိရသည် ဆို၏။

လန်ဒန်တက္ကသိုလ်မှ သုတေသနလေ့လာမှုခေါင်းဆောင် 'မတ်ခ်ဟန်းမား' က "အရေးကြီးတဲ့ အဓိကအ ချက်ကတော့ဗျာ အသက်ကြီးလာတဲ့အခါ လှုပ်လှုပ်ရှားရှားရှိနေကြဖို့ လိုတာပါပဲ။ လေ့ကျင့်လှုပ်ရှားတယ် ဆိုရာမှာလည်း အားကစားရုံကိုသွားပြီး လေ့ကျင့်ဖို့ မဟုတ်ပါဘူး။ သစ်ပင်ပန်းပင် စိုက်တာတို့ ဈေးကို လမ်းလျှောက်ပြီးသွားတာတို့လောက် ပြောချင်တာရယ်ပါ" ဟု ရှင်းလင်းပြောကြားခဲ့လေသည်။ သည်တွင်

ကျန်းကျန်းမာမာဖြင့် အသက်ကြီးခြင်းဟူသည် အဘယ်နည်း။ လိုရင်းကို အနှစ်ချုပ်ပြောရသော် အဓိက ရောဂါကြီးများကင်းရှင်းလျက် မသန်စွမ်းမှုမဖြစ်ပဲ စိတ်ဓာတ်ကျဝေဒနာနှင့် မှတ်ဥာဏ်သိသိသာသာကျ ဆင်းခြင်းများမရှိခြင်းကို ဆိုလိုလေသည်။

ကိုယ်ဝန်ဆောင်မိခင်လောင်းများသည်ပင် ကိုယ်လက်လှုပ်ရှားမှုလေ့ကျင့်မှုများကို ဆရာဝန်နှင့်အကြော အဆစ်ကုပညာရှင်များ (physiotherapist) ညွန်ကြားသည့်အတိုင်း တိတိကျကျ လိုက်နာလုပ်ဆောင်ပါ က မိခင်ကိုယ်တိုင် ကျန်းမာရေးကောင်းမွန်ခြင်းနှင့်မွေးဖွားရလွယ်ကူချောမွေ့ခြင်းဖြစ်ရုံမက ၀မ်းထဲရှိသန္ဓေ သား၏ ဦးနှောက်ဖွံ့ဖြိုးမှုအား ပိုမိုကောင်းမွန်လာစေပြီး မွေးဖွားလာပြီးနောက်တွင်လည်း ကလေး၏နှလုံး သွေးကြောများ ပိုမိုသန်စွမ်းလာကြောင်းကို သုတေသီများက လေ့လာတွေ့ရှိခဲ့ကြသည်။

ွှဤစာရေးသူကိုယ်တိုင်သည်လည်း ဥာဏ်ရည်နိမ့်ကလေးများအား ကိုယ်လက်လှုပ်ရှားမှုလေ့ကျင့်မှုများ ပြုလုပ်စေလျက် ကျန်းမာရေးတိုးတက်မှုရှိလာကြောင်းနှင့်ခံနိုင်ရည်မြင့်မားလာကြကြောင်း လေ့လာသိရှိခဲ့ ရပါသည်။ မိမိသည် အသက် ၆၀ ကျော်လာပြီဖြစ်သော်လည်း ငယ်စဉ်မှစပြီး ကိုယ်လက် လှုပ်ရှားမှုလေ့ ကျင့်မှုများကိုမပြတ်ပြုလုပ်လာခဲ့ရာ ယခုအခါကျန်းကျန်းမာမာဖြင့် လူငယ်များနှင့်မခြား လှုပ် ရှားသွားလာ နိုင်ကာ ၀န်ထမ်းတစ်ဦးအဖြစ် အချိန်ပြည့် အလုပ်လုပ်ကိုင်လျက် ရှိနေပါသေးသည်။

ကိုယ်လက်လှုပ်ရှားမှုလေ့ကျင့်မှု ပြုလုပ်ခြင်းကြောင့်ရရှိလာသည့် ကျန်းမာရေးဆိုင်ရာ အကျိုးကျေးဇူးများ ကား အံ့ဖွယ်လိလိပင် ရှိပါဘိ၏။ အဖိုအခ ပေးရန်မလိုပဲ ဘေးထွက်အန္တရာယ်ကင်းရှင်းစွာဖြင့် မိမိစိတ် တိုင်းကျ ရွေးချယ်စီစဉ်ပြုလုပ်နိုင်သော ကိုယ်လက်လှုပ်ရှားမှုများဖြင့် ကျန်းမာရေးဆုလာဘ်ကြီးအား လူ တိုင်းလူတိုင်း ရယူခံစားနိုင်စေကြောင်း ဆန္ဒပြုတိုက်တွန်းနှိုးဆော်လိုက်ရပါသည်။