ဘုန်းတော်ကြီး အရှင်အာနန္ဒာ (ခေါ်) ဖရက်ဒရစ်ခ်ျ လပ်စတစ်

၁၉၆၀ ခုနှစ်က ရန်ကုန်မှာ ဖူးတွေ့ရသည့် အရှင်အာနန္ဒာ။ (ဓာတ်ပုံ - အင်တာနက်)

စိတ်မကောင်းစရာ နာရေးကြော်ငြာတစ်ခုကို ဒီကနေ့ မြန်မာသတင်းစာမှာ ဖတ်လိုက်ရသည်။

မိမိနှင့် တစ်ချိန်က ရန်ကုန်တွင် သိကျွမ်းခဲ့ဖူးသည့် မိတ်ဆွေတစ်ဦး ကွယ်လွန်သွားခဲ့သည်။ သူ နှင့်မိမိတို့ သိ ကျွမ်းခဲ့ကြရသည်မှာ မြန်မာနိုင်ငံ၌ လာရောက်နေထိုင်ကာ သီတင်းသုံးတော်မူသော အက်စတိုးနီးယားလူမျိုး ဗုဒ္ဓဘာသာဝင်ဘုန်းတော်ကြီး အရှင်အာနန္ဒာ (ခေါ်) ဖရက်ဒရစ်ခ်ျ လပ်စတစ်(Friedrich V. Lustig) နှင့် အကြောင်းသက်ဆိုင်၍ ဖြစ်ရလေသည်။  

မိတ်ဆွေ၏အမည်မှာ ဦးအောင်ခင်ဖြစ်ပြီး သူ၏ကလောင်အမည်မှာ အောင်ခင်(ပုပ္ပါး) ဖြစ်သည်။ မိတ်ဆွေဟု ဆိုရပေမင့် သူက မိမိထက် အသက်များစွာကြီးလေသည်။ သို့ဖြစ်ရာ ယခု သူကွယ်လွန်သောအခါ အသက် ၈၁ နှစ် ရှိပြီဖြစ်သည်။

၁၉၇၀-၇၁ ခုနှစ်လောက်က စာရေးသူသည် ရန်ကုန်မြို့  တက္ကသိုလ်ရိပ်သာလမ်းမှာရှိသော နိုင်ငံခြားဘာသာ သိပ္ပံကျောင်းတွင် ရုရှားဘာသာရပ်ကိုသင်ယူနေရင်း အခြားတစ်ဖက်မှလည်း ဘုန်းတော်ကြီးအရှင်အာနန္ဒာ၏ အင်္ဂလိပ်ဘာသာဖြင့် ပြောကြားသည့် ဟောပြောပွဲများကို မလွတ်တန်း သွားရောက်နားထောင်လေ့ရှိရာ ဘုန်း ကြီး၏ တပည့်ရင်းချာဖြစ်သော ကိုအောင်ခင်နှင့် တွေ့ဆုံသိကျွမ်းခဲ့ပါသည်။ 

လူချင်းသိကြပြီးမှ နောက်ထပ်တိုက်ဆိုင်မှုတစ်ခု သိလာခဲ့ရသည်မှာ ကိုအောင်ခင်နှင့်မိမိတို့ နှစ်ဦးလုံးက အစိုး ရထုတ် အင်္ဂလိပ်သတင်းစာ ၂ စောင်ဖြစ်သည့် The Working People’s Daily နှင့် The Guardian မှာ စာတိုလေးများ ရေးနေကြခြင်းဖြစ်၏။ သူနှင့် မသိကြခင်ကတည်းက သူ့က လောင်အမည် အောင်ခင်(ပုပ္ပါး) ကို စာရေးသူက သိထားသလို၊ သူကလည်း တင်မောင်အေး (ကန့်ဘလူ)ကို သိထားပြီးဖြစ်၏။   

ယင်းသတင်းစာ ၂ စောင်တွင် ရေးကြသောလူငယ် များများစားစား မရှိလှသဖြင့် လူချင်းမသိကြသော်လည်း ကလောင်အမည်များကိုမူ တွေ့ဖူး မြင်ဖူးကြသည် ဖြစ်၏။ စာရေးသူ မှတ်ထားမိသ၍ ပြောကြည့်ရသော် ဆေး တက္ကသိုလ်(၁) ကျောင်းသူ ကက်သရင်းဘသိုက် (နောင်တွင် မီးယပ်နှင့် သားဖွားအထူးကုဆရာဝန်မကြီး)နှင့် သွားဆေးကောလိပ်မှ ကျောင်းသား တင်မောင်အောင် (နောင်တွင် တပ်မတော်ဆေးရုံကြီးမှ ဒု-ဗိုလ်မှူးကြီး) တို့  ဖြစ်ကြသည်။

ရန်ကုန်ဆေးရုံကြီး၏ အနောက်ဖက်ရှိ သရက်တောကျောင်းတိုက် (ဗိုလ်ချုပ်အောင်ဆန်းလမ်းဖက်အခြမ်း) တွင်ပြုလုပ်သော ဘုန်းတော်ကြီး၏ ဟောပြောပွဲများသည် ဗုဒ္ဓဘာသာအကြောင်းဖြစ်ပြီး တစ်ခါတစ်ခါ အရှင် အာနန္ဒာက သူကိုယ်တိုင် အင်္ဂလိပ်ဘာသာသို့ ပြန်ဆိုရေးစပ်ထားသော ရှေးမြန်မာကဗျာများကို အသံနေအ သံထားဖြင့် ဌာန်ကရိုဏ်းကျစွာ ရွတ်ပြတတ်ပါသည်။ ယခု ဤစာကို ရေးနေစဉ်မှာပင် ကဗျာများကို စိတ်ဝင် တစား ရွတ်ဆိုနေသည့် အရှင်အာနန္ဒာ၏မျက်နှာအား လေးစားကြည်ညိုစွာ ပြန်လည်အောက်မေ့ မြင်ယောင် မိချေသေးတော့။ 

အရှင်အာနန္ဒာ၏ ဟောပြောပွဲများသို့ စာရေးသူ သွားရောက်နားထောင်ရသည့် အဓိကရည်ရွယ်ချက် ၂ ခုအ နက် ပထမတစ်ခုသည် အင်္ဂလိပ်စကားနားထောင်ခြင်း (Listening skill) တိုးတက်လို၍ဖြစ်ပြီး၊ နောက် တစ်ချက်မှာ မိမိသင်ယူနေသော ရုရှားဘာသာစကားပြောကို လေ့ကျင့်လိုသောကြောင့် ဖြစ်ရလေသည်။ ထို စဉ်က အရှင်အာနန္ဒာ၏မွေးဇာတိနိုင်ငံဖြစ်သော အက်စတိုးနီးယားသည် ဆိုဗီယက်ရုရှားနိုင်ငံကြီး၏တစ်စိတ် တစ်ဒေသဖြစ်ခဲ့ပေရာ မူလဘာသာစကားအပြင် ရုရှားဘာသာစကားကိုပါ သင်ယူတတ်မြောက်ကြသည်ဖြစ် ၏။ ဟောပြောပွဲများ သွားရောက်နားထောင်ရင်း အရှင်အာနန္ဒာနှင့် ရုရှားလိုပြောပါသည်။  

အင်္ဂလိပ်လိုဟောပြောသည်ဖြစ်သော်လည်း ဘုန်းတော်ကြီးက မိမိအား ခွင့်ပြုထားသဖြင့် မရှင်းလင်းသည် များကို မေး မြန်းလျောက်ထားရာတွင် စာရေးသူက ရုရှားလိုသာ ကြိုးစားပြောပါသည်။ ဘုန်းတော်ကြီးက စာရေးသူ၏မေးခွန်းကို တက်ရောက်လာကြသူများအား အင်္ဂလိပ်သို့ ဘာ သာပြန်ပြီး ပြန်ပြောပြလေ့ရှိပါ သည်။  

ဘာသာစကားသင်ယူနေသူ လူငယ်တစ်ဦးအပေါ် သည်မျှအထိ စိတ်ရှည်နားလည်မှုရှိစွာဖြင့် အားပေးကူ ညီခဲ့သည့် ဘုန်းတော်ကြီး၏ကျေးဇူးတရားသည်ကား အလွန်တရာပင် ကြီးမားလွန်းလှပေစွ။ သည့်အပြင် မိမိသည် ဗုဒ္ဓဘာသာအကြောင်း အင်္ဂလိပ်လို ကျကျနန နားထောင်ကြားနာခွင့်လည်း ရရှိခဲ့ပါသေး၏။ 

အထက်တစ်နေရာတွင်ဆိုခဲ့သည့်အတိုင်း အရှင်အာနန္ဒာသည် ထေရ၀ါဒဗုဒ္ဓဘာသာကို ထဲထဲဝင်ဝင် လေ့လာ အားထုတ်ပြီး ရဟန်းဘောင်သို့ ၀င်ရောက်ခဲ့သည့်အပြင် မြန်မာစာပေအပေါ်တွင်လည်း များစွာစိတ်ဝင်စား ကာ လေ့လာလိုက်စားတော်မူခဲ့ပါသေးသည်။ ရှေးခေတ်က ကျော်ကြားသည့် မြန်မာကဗျာများကို သူကိုယ် တိုင် စိတ်တိုင်းကျရွေးချယ်ပြီး အင်္ဂလိပ်ဘာသာသို့ လှလှပပ ပြန်ဆိုလျက် Burmese Classical Poems (ရှေးခေတ် မြန်မာကဗျာများ) ဟူသောအမည်ဖြင့် စာအုပ်တစ်အုပ်ထုတ်ခဲ့ရာ ဖတ်ရှုခဲ့ဖူးပါသည်။ 

 

 

ယင်းစာအုပ်၌ စာဆိုရှင် မယ်ခွေ၏ 'ဆေးတံတို၊ ဦးကြော့၏ 'ပိတောက်ရွှေဝါ'၊ လှိုင်ထိပ်ခေါင်တင်၏ 'တောဖွဲ့'၊ ဦးကြင်ဥ၏ 'စစ်ချီ'၊ မြ၀တီမင်းကြီးဦးစ၏ 'မိုးဖွဲ့'၊ ဆားတုံဆရာတော်၏ 'သဲစွဲမှတ်စေချင်'(အဘက သားကို ဆုံး မခန်း)၊ သျှင်မဟာရဌသာရ၏ 'အကျွတ်ဘယ်မှာ ဝေးတော့သည်'၊ ဦးရာကျော်၏ 'လှည်းယဉ်တော် ကြွကြွ' .. စသည်ဖြင့် ပါရှိကြသည်။ 

မြန်မာဘာသာစာပေမှ အင်္ဂလိပ်ဘာသာစာပေသို့ ကျစ်လစ်သိပ်သည်းလှပစွာ ပြန်ဆိုဖွဲ့နွဲ့ထားသော အရှင် အာနန္ဒာ၏ စာပေလက်ရာကို ဖတ်ရှုမြည်းစမ်းနိုင်ကြစေရန် အထက်တွင် မြန်မာ-အင်္ဂလိပ်ယှဉ်တွဲဖော်ပြ ထားသည့် ကဗျာ ၂ ပုဒ်အား ရှာဖွေဖော်ပြပေးလိုက်ပါသည်။