မိမိ၏ သွေးကို ဆူပွက်သွားစေသော ဒီစာအုပ်

(၁၃၇၄ ခုနှစ် ပြာသိုလဆန်း ၁ ရက်၊ ကရင်နှစ်သစ်ကူးနေ့)

ပြီးခဲ့တဲ့နှစ်က စာရေးသူ မြန်မာပြည်သို့ ပြန်ပြီးမလည်ခင် တစ်လလောက်မှာ “လက်ဝှေ့ ဆောင်းပါးစာရေးဆရာ ရွှေဘိုဘာမထီခင်အောင်”ဆိုတဲ့ခေါင်းစဉ်နဲ့ ယခုဘလော့တွင် နိုဝင်ဘာ ၄ ရက် ရက်စွဲ ဖြင့် မိမိ၏ အန္တေ၀ါသိက လက်ဝှေ့ဆရာအကြောင်း ရေးခဲ့ပါ တယ်။

ဆရာ ဘာမထီခင်အောင်၏အိမ်တွင် အမှတ်တရ။

ဒီဇင်ဘာလမှာ မြန်မာပြည်ကိုပြန်လည်ရင်း ရွှေဘိုမြို့ ကိုရောက်တော့ ဆရာ့ကိုသွားတွေ့ ဖြစ်ခဲ့ပါ တယ်။ ဆရာကလည်း သူ့တပည့်လာမယ်ဆိုတာသိလို့ စာရေးသူ၏ညီမအိမ်ကို လာပြီး မေးနေခဲ့ပါ တယ်။ ဆရာက သူရေးသားထာတဲ့ စာအုပ်တစ်အုပ်ကို သူကိုယ်တိုင် လက်မှတ်ရေးထိုးပြီး မိမိအား လက်ဆောင်ပေးလိုက်ပါတယ်။

“မြန်မာနိုင်ငံ ကြေးစားလက်ဝှေ့သမိုင်းနှင့် အခြားဆောင်းပါးများ” ဆိုတဲ့ စာအုပ်ပါ။

ပြီးခဲ့တဲ့နှစ် မတ်လက အားကစားနဲ့ ကာယပညာဦးစီးဌာနအတွက် စွယ်စုံမီဒီယာဂရု(ပ်)မှ တာဝန်ယူပြီး ထုတ်ဝေဖြန့်ချိခဲ့တာဖြစ်ပါတယ်။

မြန်မာ့သတ္တိနှင့်ဇာတိသွေး ဇာတိမာန်ကို ဖော်ကျူးထားသည့်  မြန်မာလက်ဝှေ့သမားများ .....။

ဆရာ့ လက်ရေးနှင့် မှတ်မှတ်ရရ ရေးပေးတဲ့စာ။

ဆရာ့ကို ကန်တော့ခဲ့ကြသည်။

အဲဒီစာအုပ်ကို ဆရာအိမ်မှာ ဆရာနဲ့စကားပြောနေရင်း ခဏတဖြုတ် လှန်ကြည့်မိတာ ကလွဲလို့ မကိုင်ဖြစ် မဖတ်ဖြစ်ခဲ့ပါဘူး။ ဒီကနေ့မှ မြန်မာပြည်က ၀ယ်လာတဲ့စာအုပ်တွေ ထဲက ဘာစာအုပ်ကို ဖတ်ရကောင်းမလဲလို့ကြည့်ရင်း ကိုင်မိ ဖတ်မိပါတော့တယ်။

ယခုစာအုပ်ကိုဖတ်ရတော့ စာရေးသူတို့ လက်ဝှေ့သင်တန်းသားဘ၀က ဆရာပြောခဲ့ တဲ့စကားများနဲ့ ဖတ်ဖူးခဲ့တဲ့ ဆရာ၏ လက်ဝှေ့ဆောင်းပါးများကို ပြန်ပြီးအမှတ်တရဖြစ်ရ တယ်။ ဆရာ မကြာခဏ ပြောပြလေ့ရှိတဲ့ မြန်မာလက်ဝှေ့ကျော်များ၏ ဂုဏ်ယူဖွယ်ရာ အံ့ဖွယ်လက်သီးစွမ်းများနဲ့ ဆရာ၏မျိုးချစ်စိတ်ဓာတ်ထားရှိမှုများကို ကျက်သီးမွေးညင်းထ လောက်အောင် ခံစားမိတယ်။   

ဒီစာအုပ်ကို ရေးသားပြုစုထားသူ စာရေးဆရာ ရွှေဘိုဘာမထီခင်အောင်သည် ၁၉၅၁ ခု နှစ်မှ ၁၉၆၅ ခုနှစ်အတွင်း လက်ဝှေ့ပွဲပေါင်း ၇၄ ပွဲကို ယှဉ်ပြိုင်ထိုးသတ်ခဲ့ပြီး ၆၃ ပွဲ အနိုင် ရခဲ့တဲ့ လက်ဝှေ့ချန်ပီယံတစ်ဦး ဖြစ်ပါတယ်။ ဒါ့အပ်ြင် ဆောင်းပါးပေါင်း ၈၆၀ ကျော်၊၀တ္တုတို ၂၅၀ ခန့်၊ လုံးချင်းဝတ္တု ၈ အုပ်နှင့် ရေဒီယိုဇာတ်လမ်းပမာ ၁၁ ပုဒ်တို့ကို သူ၏စာ ပေသက် ၄၉နှစ်အတွင်း ရေးသားခဲ့ပြီး စာပေဗိမာန်စာမူဆု ၃ ဆု ရရှိထားသူလည်း ဖြစ်ပါ တယ်။

ဆရာ၏စာအုပ်ကို အားကစားဝန်ကြီးဌာန၀န်ကြီး သူရဦးအေးမြင့်ကိုယ်တိုင်မှ ဥယျောဇဉ်ရေးပြီး ချီး မြှင့်ပေးထားတာ တွေ့ရပါတယ်။

ဝန်ကြီး၏ဥယျောဇဉ်တွင် “မွေးဗီဇကတည်းက အတိုက်အခိုက၊် အထိုးအသတ်ကို ၀ါသနာပါလာခဲ့ ကြသည့် မြန်မာလူငယ်လူရွယ်တို့၏ စိတ်ဓာတ်နှင့် အထူးကိုက်ညီလှပေသည်” ဟု ဆရာ၏စာအုပ် ကို ညွှန်းဆိုထားကာ၊ “သို့ဖြစ်၍ မြန်မာ့ဇာတိသွေးနှင့် မြန်မာ့သတ္တိစွမ်းရည်ကို ကမ္ဘာက သိရလေ အောင် နိုင်ငံတော်၏ဂုဏ်ကို လက်ဝှေ့ကြိုးဝိုင်းမှ မြှင့်တင်ပေးနိုင်ရန်အတွက် သတ္တိအပြည့်ရှိသော မြန်မာလူငယ်လူရွယ်များ ကြိုးစားကြရန် တိုက်တွန်းမှာကြားလိုပါသည်” ဟုလည်း ရေးသားထားပါ သေးတယ်။ 

   

ဒီနေရာမှာ “မြန်မာ့ဇာတိသွေးနှင့် မြန်မာ့သတ္တိစွမ်းရည်ကို ကမ္ဘာက သိရလေအောင်” ဆိုတဲ့စကား နဲ့ “နိုင်ငံတော်၏ဂုဏ်ကို လက်ဝှေ့ကြိုးဝိုင်းမှ မြှင့်တင်ပေးနိုင်ရန်အတွက်” ဆိုတဲ့ စကားများနဲ့ ပတ် သက်ပြီး ကမ္ဘာကို မဆိုထားနဲ့ အရှေ့ တောင်အာရှအဆင့်မှာပင် နှစ်အတန်ကြာမြင့်စွာ နိမ့်ကျနေ ခဲ့တဲ့ မြန်မာ့အားကစားကိုပဲ သိထားကြတဲ့သူများ (အထူးသဖြင့် လူငယ်များ) အနေဖြင့် အထူးအ ဆန်းလို ဖြစ်နေကောင်း ဖြစ်နေမှာပါ။ မတန်မရာ ပြောတယ်၊ မဖြစ်ညစ်ကျယ် ပြောတယ်လို့ ထင် ကြကောင်း ထင်မိကြမှာပါ။

လက်ဝှေ့ကြိုးဝိုင်းအတွင်းမှာ မြန်မာ့သတ္တိနဲ့ မြန်မာ့လက်သီးစွမ်းကို ကမ္ဘာကသိခဲ့တဲ့ သာဓကတွေ တစ်ခုမက ရှိခဲ့ပါတယ်။ ဆရာ့စာအုပ်ထဲက တစ်ခုကိုပဲ ဥပမာအဖြစ် ပေးပါ့မယ်။ 

ကောင်းကောင်း မှတ်သားထားပြီး ဂုဏ်ယူကြစေချင်ပါတယ်။

လက်ဝှေ့ကြိုးဝိုင်းအတွင်းမှ အင်္ဂလိပ်ဂျက်အလံကို လှဲချနိုင်ခဲ့တဲ့ တင်ထွန်း(မြန်မာ)။

“ဂျပန်နိုင်ငံ၊ တိုကျိုမြို့ တွင်ဖြစ်သည်။ လက်ဝှေ့ပွဲမတိုင်မီ တစ်ရက်က နံနက်ခင်းဝယ်      ညဆေးစစ်ခြင်း၊ ကိုယ်အလေးချိန်ခြင်း ပြုလုပ်အပြီး မဲချရာ၌ ဖယ်သာဝိတ်တန်းမှ တင် ထွန်း (မြန်မာ)နှင့် ရွန်စမစ် (အင်္ဂလန်နိုင်ငံ)တို့ ပထမရက်ပွဲစဉ်ထိုးရန် မဲကျတော့၏။ ရွန်စမစ်သည် များမကြာမီ နှစ်လနီးပါးက ဥရောပတိုက် ၂၅ နိုင်ငံပေါင်းစုံ လက်ဝှေ့ဗိုလ် လုပွဲကြီးမှာ လက်ဝှေ့သတ်ရာတွင် အလွန်တော်ကောင်းလှလေသော ဆိုဗီယက်ရုရှား  နိုင်ငံ၊ ပိုလန်နိုင်ငံ၊ ဂျာမဏီနိုင်ငံနှင့် ချက်ကိုစလိုဘက်ကီးယားနိုင်ငံမှ တကယ့်အမာခံ လက်သီးကျော် လေးဦးအား အလဲ၊ အကွဲ၊ ဒိုင်ပွဲရပ်ဖြင့် အနိုင်ကြဲထားသော နိုင်ငံတ ကာပွဲပေါင်း ၅၀၀ ကျော် သတ်ပြိုင်ဖူးသူဖြစ်သည်။

ကမ္ဘာ့လက်ဝှေ့ပါရဂူ အားလုံးလိုလိုကလည်း ဖယ်သာဝိတ်တန်းတွင်တော့ အင်္ဂလန်      နိုင်ငံက ရွန်စမစ်သည်ပင် ရွှေတံဆိပ်ရယူမည်မှာ ဧကန်အမှန်ဟု ဟောကိန်းထုတ်ထား ပြီးဖြစ်၏။ ကမ္ဘာ့နိုင်ငံအသီးသီးမှ လက်ဝှေ့အဖွဲ့တွေကလည်း ရွန်စမစ် ချံပီယံဖြစ်မည်     ဟု ယူဆယုံကြည်နေကြသည်။

သို့သော် ယင်းသို့မယုံကြည်သူ နှစ်ဦးပဲရှိနေသည်။ ထိုပုဂ္ဂိုလ်နှစ်ဦးမှာ မြန်မာနိုင်ငံလက် ဝှေ့အဖွဲ့ချုပ်မှ အုပ်ချုပ်/နည်းပြဆရာအဖြစ် တာဝန်နှစ်ရပ်ကိုထမ်းရွက်သူ ဗိုလ်မှူးထွန်း  ငြိမ်း (ဗဟိုအားကစားနှင့် ကာယပညာကော်မတီ ညွှန်ကြားရေးမှူး) နှင့် တပ်ကြပ်ကြီး   တင်ထွန်းပင်ဖြစ်တော့သည်။


မကြောက်တတ်တာ မြန်မာ

ဗြိတိန်နိုင်ငံ လက်ဝှေ့အဖွဲ့ချုပ် ဥက္ကဌက “ခင်ဗျားတို့ရဲ့  ဗမာလက်ဝှေ့သမားကလေး    တော့ ကံဆိုးရှာပြီ။ ရွန်စမစ်နဲ့မှ မဲလာကျလေရဲ့ ” ဟု ရိ၏။ ဤသည်တွင် ဗိုလ်မှူးထွန်း ငြိမ်းက ချက်ချင်းပဲ တုံ့ပြန်ကာ “ကျုပ်တို့ ဗမာတွေက ဘယ်သူ့ကိုမှ မကြောက်တတ်    ဘူး။ ဘယ်လိုချန်ပီယံကိုမှလည်း မမှုဘူး။ ခင်ဗျားတို့ရဲ့  လက်ဝှေ့ကျော် ရွန်စမစ်ကို ကျုပ်တို့ရဲ့ လက်ဝှေ့ချန်ပီယံ တင်ထွန်းက မြန်မာပီပီ ရဲရဲတောက် ယှဉ်သတ်ပြီး အနိုင်  ယူမှာ သေချာတယ်” ရဲဝံ့ပြတ်သားစွာ ချေပလိုက်သည်။

အားလုံးလိုလိုက ပြက်ရယ်ပြုသည့်ဟန်အမူအရာဖြင့် လက်ခုတ်လကိဝါးတီး၍ ရယ်     မောခဲ့ကြလေသည်။

နောက်ရက်ညတွင် …..

ဗြိတိန် လက်ဝှေ့ချန်ပီယံ နာမည်ကြီး ရွန်စမစ်ကို                  မြန်မာတင်ထွန်းက နောက်ကောက်ထိုးလိုက်ခြင်း …
ကမ္ဘာ့လက်ဝှေ့ပါရဂူများ အတွက်မှားသည့်ပွဲ …

လန်ဒန်မြို့ မှ ထုတ်ဝေသော သတင်းစာမှ အင်္ဂလန်နိုင်ငံ အားကစားသီးသန့် သတင်းထောက် က အောက်ပါအတိုင်း သတင်းရေးခဲ့သည်။

“မြန်မာ့တပ်မတော် စစ်သေနာပတိ ဗိုလ်ချုပ် မဟာဗန္ဓုလဦးစီးသော တပ်မကြီး သည် ပန်းဝါတိုက်ပွဲတွင် အင်္ဂလိပ်တပ်မကို အပြတ်အသတ် အနိုင်တိုက် နိုင်ခဲ့သည် ပြီးနောက် တိုကျိုမြို့ တော်တွင်ကျင်းပနေပြီဖြစ်သော ကမ္ဘာ့အိုလံပစ် လက်သီးတိုက် ပွဲ၌ ဗမာလက်ဝှေ့သမား “တင်ထွန်း” ဆိုသူက ဗြိတိန်ချန်ပီယံ ရွန်စမစ်အား ပထမအချီ ၁ မိနစ်နှင့် ၇ စက္ကန့်အတွင်း နောက်ကောက်ထိုးချ၍ အောင်ပွဲခံလိုက်ခြင်းသည် ဒုတိယအကြိမ် အကြီးမားဆုံးသော အောင်ပွဲခံလိုက်ခြင်းပင် ဖြစ်တော့သည်” ဟု တင်စားကာ သတင်းအဖြစ် အတိအလင်း ရေးခဲ့သည်။

တိုကျိုထုတ် တိုကျိုသတင်းစာတွင်လည်း …

ဗြိတိန်ဂျက်အလံကို လှဲချကာ မြန်မာအလံလွှင့်ထူနိုင်လိုက်ခြင်း ..

ခေါင်းစီးနှင့် ဝေေ၀ဆာဆာ ပြည့်ပြည့်စုံစုံ အမွှမ်းတင် ရေးသားထား၏။ 

ဗမာ့လက်ဝှေ့သူရဲကောင်း တင်ထွန်းက ကမ္ဘာကျော်ခဲ့သူပေတည်း။"

ဆရာ၏စာအုပ်သည် အကြောင်းအရာဖြစ်ရပ်များအရကော အရေးအသားများအရပါ မိမိအား စွဲ ဆောင်နိုင်ခဲ့ရုံမက ဖတ်ရင်းဖတ်ရင်း မိမိ၏နှလုံးသွေးများကိုပါ လှိုက်ဖိုဆူပွက်စေခဲ့ပါတယ်။ ကိုယ် တိုင်က လက်ဝှေ့ထိုးသတ်ကစားခဲ့ဖူးသူဖြစ်လို့ မြန်မာ့လက်ဝှေ့ကျော်များ၏ ရဲသတ္တိ ဇွဲနဘဲနှင့်လက် သီးစွမ်းတွေကို မချီးကျူးပဲ မနေနိုင်၊ မလေးစားပဲ မနေနိုင်၊ ဂုဏ်မယူပဲ မနေနိုင်၊ ပြန်မပြောပြပဲ မနေ နိုင် ဖြစ်ရပါတယ်။   

ဖတ်ရင်းဖတ်ရင်း မိမိကိုယ်တိုင် လက်ဝှေ့ပြိုင်ပွဲကွင်းထဲကို ရောက်သွားပြီး မြန်မာ့လက်ဝှေ့ကျော်များ ၏ မဆုတ်မရွံ့  နောက်မတွန့်တဲ့ ယောကျာင်္းဇာနည်ဘာမထီ ထိုးနှက်တိုက်ခိုက်မှုများကို သည်းဖို ထိပ်မျှ ကြည့်ရှုအားပေးနေရသကဲ့သို့ ပူပူနွေးနွေးကြီး ခံစားရပါတယ်။