ရေစုန်နှင့်ရေဆန်

၁၃၇၅ ခုနှစ်၊ ပြာသိုလပြည့်ကျော် ၄ ရက်။ (19 January, 2014 Sunday)

ပြီးခဲ့သောအပတ်က မိမိအိပ်ရာစောစောဝင်သောတစ်ညတွင် ကန့်ဘလူမှပြန်လာသောကိုကြည်ရွှင်က မိ မိထံဖုန်းဆက်ခဲ့သည်။ မကြာသေးခင်ရက်များကမှ သူ၏မိဘများထံသို့ အလည်သွားရာက ပြန်ရောက်လာ ကြောင်း၊ သူ့ဖခင်ကြီး၏ကျန်းမာရေးအခြေအနေနှင့် မိမိ၏စာပေဟောပြောပွဲ ဗွီဒီယိုအခွေကိုလည်း ယူလာ ပေးကြောင်းများ ပြောပါသည်။  

သူ၏ဖခင်ကြီးမှာ လေဖြတ်ထားပြီး အိပ်ရာတွင်လဲနေရလေရာ သူ၏မိခင်ကြီးနှင့်သားသမီးများက နေ့စဉ်အ ချိန်ပြည့် ပြုစုစောင့်ရှောက်ပေးနေကြရသည်။ "ကျနော်လဲ အဖေ့ကို ပြုစုနေရတာနဲ့ ရွှေသိမ်တော်ကျောင်း တုိုက်က ဆရာတော်ကိုတောင် မဖူးခဲ့ရပါဘူး အန်ကယ်ရာ"ဟု ပြောရှာပါသည်။ ထို့နောက် သူ့ဖခင်ကြီးအ တွက် စင်ကာပူမှမသွားမီ မေးမြန်စုံစမ်းပြီး ဆေးဝါးအချို့ ဝယ်သွားသေးကြောင်းသိရှိရ၏။

မိမိသိသောမြန်မာလူငယ်များထံမှ အလားတူသတင်းစကားလေးများ မကြာခဏ ကြားမိရလေတိုင်း မိမိတွင် ၀မ်းမြောက်ဝမ်းသာဖြင့် သာဓုခေါ်လျက် ပီတိဖြစ်ရသည်မှာ အကြိမ်ကြိမ်ရှိခဲ့ပေပြီ။ မိမိသည် အသက်အရွယ် ကြီးရင့်လာသည့်အလျောက် လူငယ်များ၏ကန်တော့ခြင်းအမှုအား ခံယူရလေ့ရှိရာ သူတို့အားလုံးကို သာဓုခေါ် ပြီးဆုပေးရလေသည်။ 

မိမိပေးလေ့ပေးထရှိသည့်ဆုများတွင် အဓိကအလေးအနက်ပြုပေးသောဆုတစ်ခုမှာ အမိအဖတို့အား အလုပ် အကျွေးပြုကျေးဇူးဆပ်နိုင် ကြသော အမျိုးသားကောင်းသမီးကောင်များဖြစ်ကြရေးပင် ဖြစ်လေသည်။ ဆုပေး ခြင်းနှင့်အတူ အဆုံးအမပေးရာတွင်လည်း မိဘတို့၏တုနှိုင်းမရှိ ကြီးလှပေစွသော မေတ္တာနှင့်ကျေးဇူးတရား တို့အား ထာဝရ သတိတရရှိနေကြရန် သတိပေးရပါသည်။

ယင်းကဲ့သို့ အဆုံးအမပေးရင်း မိမိ၏စိတ်ထဲတွင် တစ်ခါတစ်ရံ အမှတ်ရမိတတ်သော အဆုံးအမတစ်ခုကိုမူ မ လိုအပ်ဟုယူဆကာ မပြောမိပါချေ။ သူတို့တွေအားလုံး မိဘ၏ကျေးဇူးတရားများကို မပေးဆပ်နိုင်ဦးသော်မှ ထိုကျေးဇူးတရားများအား စိတ်ကွက်မှားလျက် မစော်ကားမိကြရလေအောင် အသိတရားရှိရှိဖြင့် ကျင့်ကြံနေ ထိုင် တတ်ကြစေလိုခြင်းဖြစ်လေသည်။ 

ငယ်စဉ်အခါများက မိမိတို့သည်  အမိအဖတို့၏မေတ္တာနှင့်ကျေးဇူးတရားတို့နှင့်ပတ်သက်ပြီး အမိ အဖတို့မှ လည်းကောင်း၊ အဘိုးအဘွားတို့နှင့် ဦးကြီးဦးလေး ဒေါ်ကြီးဒေါ်လေးတို့မှလည်းကောင်း၊ အစ်ကိုအစ်မများမှ လည်းကောင်း၊ ရဟန်းသံဃာတော်များ၊ ဆရာဆရာမများနှင့် လူကြီးသူမများမှလည်းကောင်း ကြားနာမှတ် သား ခံယူခဲ့ကြရသည်။ မာဃဒေ၀ကဲ့သို့သော စာပေကျမ်းဂန်များမှ လည်း ဖတ်ရှုသိရှိမှတ်သား ခဲ့ရပါ၏။ 

လူ့ဘုံဌာန 

ဤလောက၌

ဘကို လက်ယာ  

မိမှာ လက်ဝဲ

အမြဲဆောင်ရွက်

ပခုံးထက်တွင်

တင်လျက်လုပ်ကျွေး

မပြတ်မွေးလည်း

ကျေးဇူးဂုဏ်ဆိုင်

မကုန်နိုင်ဘူး။

                         (မာဃဒေ၀)

မြန်မာ့ရာဇ၀င်တွင် အမိအဖတို့၏ကျေးဇူးတရားများကို အထူးသိတတ်သူအဖြစ်ထင်ရှားခဲ့သူတစ်ဦးကား အာ ဇာနည်သူရဲကောင်းစစ်သူကြီး ကျန်စစ်သားမင်းကြီး၏သားတော်ဖြစ်သူ ရာဇကုမာရ်မင်းသားဖြစ်၏။ ရာဇကု မာရ်မင်းသားသည် သားတော်တစ်ဦးအနေဖြင့် ကျန်စစ်သားမင်းကြီး၏ ထီးနန်းအမွေကို ခံယူထိုက် သူဖြစ်ပါ သော်လည်း မြေးဖြစ်သူအလောင်းစည်သူအား ထီးမွေနန်းမွေပေးအပ် ပြီးကာမှ  နောက်ကျရောက်လာခဲ့သ ဖြင့် ထီးနန်းနှင့်ကံခေလွဲချော်ခဲ့ရသော်လည်း ဖခင်ဖြစ်သူအပေါ် မေတ္တာမပျက်ပဲ ဖခမည်းတော်၏ကျေးဇူးတ ရားတို့ကိုသာ အောက်မေ့သတိရတော်မူကာ နာမကျန်းဖြစ်နေသည့် ကျန်စစ်သားမင်းကြီး ဘ၀ကူးကောင်း စေရန်ရည်စူးလျက် မြစေတီဘုရားတည်ခြင်းနှင့်မြစေတီကျောက်စာကို ဘာသာလေးမျိုးဖြင့် ရေးထိုးပူဇော် ခြင်းများပြုလုပ်ပြီး ကုသိုလ်ကောင်းမှုများပင် လုပ်တော်မူခဲ့ပါသေးသည်။

အမိအဖတို့၏ကျေးဇူးတရားများကို မိဘများမကွယ်လွန်မီမှာသာ ဆပ်သင့်ကြကြောင်းကို မင်းကွန်း တိပိဋ ကဓရ ဆရာတော်ဘုရားကြီး ဦးဝိစိတ္တသာရာဘိဝံသ၏ ကိုယ်တွေ့အဆုံးအမမှာ သူလိုငါလို ပုထုဇဉ်လော ကီသားများအဖို့ အထူးပင်သံဝေဂရလျက် ကြောက်ရွံ့ ထိတ်လန့်ခြင်းဖြစ်ဖွယ်လိလိရှိချေသည်။ 

တစ်နေ့တွင် မြင်းခြံမှာရှိသော ဆရာတော်ဘုရား၏မယ်တော်ကြီးကွယ်လွန်သည့်အခါ ညီငယ်ဖြစ်သူ  မောင် ဘသင်က လူးလိမ့်ပြီးငိုလေသည်။ ညီဖြစ်သူသည် ချုံးပွဲချငိုရင်းက ဆရာတော်ကြီး အဘယ့်ကြောင့်လိုက် မငိုရတာလဲဟု အပြစ်တင်သေးသည်။ သည်တွင် ဆရာတော်ဘုရားကြီးက အောက်ပါအတိုင်း မိန့်တော်မူ လေသည်။

“မောင်ဘသင် .. မင်းကို ငါ အစကတည်းက မပြောခဲ့ဘူးလား။ အမေ့ကို ပြုစုပါ ထောက်ပံ့ပါ ဆိုခဲ့တုန်းက တော့ မင်း နားမထောင်ခဲ့ဘူး။ အခုမှ ငိုနေလို့ ဘာလုပ်မှာလဲ။ ဘာအကျိုးရှိဦးမှာမို့လဲ။ ငါက အမေ့ကို ကျေနပ် အောင်ပြုစုထားပြီးပြီ။ ဒါ့ကြောင့် ငါ မငိုဘူးကွ။ ငါက ငိုဖို့ မလိုပါဘူး။ မင်းကတော့ အမေ့ကိုမပြုစု မ ကျွေးမွေး ဘဲ ပစ်ထားခဲ့တဲ့သူဆိုတော့ ငိုရပေမပေါ့ကွာ။ ငိုဟေ့ မောင်ဘသင်။ ငိုကွ။ မင်း မှတ်ထား။ မိဘကို မသေခင် မှာ လုပ်ကျွေးပါ။ သေတော့မှ ငိုမနေပါနဲ့”

ဒါနဲ့ပတ်သက်ပြီး ကိုးဘွဲ့ရဆရာတော်ကလည်း ..

“လူတွေမှာ မိဘကျေးဇူးကို ပြန်ဆပ်ချင်တဲ့စိတ်ဟာ၊ ဘယ်တော့မှ ဖြစ်တတ်ကြပါသလဲဆိုလို့ရှိရင် မိဘတွေ မရှိကြတော့ပြီဆိုတော့မှ၊ သေကွဲ ရှင်ကွဲ ကွဲကြရပြီဆိုတော့မှ ဖြစ်လာတတ်ကြတာပါ။ ငိုဖို့ မလို၊ ကျွေးဖို့သာ လိုတယ်” ဟု ဆုံးမတော်မူခဲ့ပါသည်။ 

အမိအဖတို့သည် သားသမီးတို့ကို ငယ်စဉ်တောင်ကျေး ကလေးဘ၀မှ လူလားမြောက်သည်အထိ တယုတယ ပြုစုပျိုးထောင်ကာ မကောင်းမြစ်တား ကောင်းရာညွှန်လျက် ဆုံးမသွန်သင် ပညာသင်ပေး ကြသည်မှန်သော် လည်း ထိုထိုသောကျေးဇူးအဖုံဖုံတို့ကို အကြောင်းပြုလျက် မိမိတို့၏သားသမီးများထံမှ တစ်စုံတစ်ရာ ပြန်လည် ရရကောင်းစေဆိုသော မျှော်ကိုးခြင်းမျိုး မရှိတတ်ကြပါချေ။ 

သို့ဖြစ်ပေရာ မိဘတို့၏အလွန်တရာဖြူစင်လှသောအချစ်သည်ကား ကိုယ်ကသာပေးလိုပြီး မိမိ၏သားသမီးများ ထံမှ ပြန်လည်ရယူရန် ရည်ရွယ်မထားသည့် တစ်နည်းဆိုရသော် မြစ်များကဲ့သို့ စုန်ရေသာစီးဆင်းပေးကာ ရေ ဆန်တက်လေ့မရှိသောမေတ္တာဟု ဆိုစမှတ်ပြုကြခြင်းဖြစ်သည်။ 

***

မိမိတို့သည်လည်း အရွယ်ရောက်သောသားသမီးများရှိသည့် မိဘဖြစ်လေရာ အသက်ကြီးသူတို့ကြုံတွေ့ရ တတ် မြဲ အမှီအခိုအထောက်အပံ့ကိစ္စကို လင်နှင့်မယားနှစ်ကိုယ်ကြား ကြိုကြိုတင်တင် ဆွေးနွေးတိုင်ပင်ထား ခဲ့ကြ၏။ မိမိတို့သည် ချမ်းသာကြွယ်ဝသူများ မဟုတ်ကြသော်လည်း အိုမင်းမစွမ်းရှိလာသောအခါ မိမိတို့အ တွက် သားသမီးများတွင် ၀န်ထုပ်ဝန်ပိုးမဖြစ်စေရန် အစီအစဉ်များကို ဆုံးဖြတ်ချမှတ်ခဲ့ကြ၏။ 

သားသမီးများကို မိမိတို့ကသာ အပေးရှိပြီး သူတို့ထံမှ အယူမရှိသော ပိုပြီးအရေးကြီးသည်မှာ အတောင်းအ ရမ်းမရှိသော ရေစုန်မိဘများသာ ဖြစ်ရပါလို၏။