ကျွန်းသာယာ သတင်းစဉ် (၄)

ကျွန်းသာယာ သတင်းစဉ်

(Kyun Thar Yar News Magazine)

***

     




အရေးပေါ်သတင်း

၂၀  ဇူလိုင် (တနင်္လာနေ့)

အမရပူရ ရေထိန်းတံခါးအနီး 

ဂလိုင်ပေါက်ဖြစ်ပြီး မြစ်ရေစီးဝင်

 ဓာတ်ပုံများ - မဇ္ဈိမသတင်း


ဇူလိုင်လ ၁၉  ရက်ညပိုင်းက အမရပူရမြို့ နယ် မန္တလေး-စစ်ကိုင်းကားလမ်းဘေးရှိ ရွှေဂဲရေထိန်းတံခါးအနီးတွင် ဂလိုင်ပေါက်ဖြစ်ပြီး ဧရာဝတီမြစ်ရေစီးဝင်ကာ တာရိုးကျိုးပေါက်သွားသဖြင့် မြိုတော်ဝန်ဒေါက်တာဦးရဲလွင်ဦးဆောင်သော မန္တလေးမြို့ တော်စည်ပင်သာယာရေးကော်မတီ၊ လူမှုရေးအဖွဲ့အစည်းများ၊ အရန်မီးသတ်တပ်ဖွဲ့ဝင်များ၊ ရဲတပ်ဖွဲ့ဝင်များ၊ တပ်မတော်စစ်သည်များက ကျောက်ကြီးများ သဲအိတ်များချလျက် အချိန်မီပိတ်ဆို့နိုင်ရန် အပူတပြင်းလုပ်ဆောင်လျက်ရှိကြောင်းသိရသည်။ 




နောက်ဆက်တွဲသတင်း

၂၁ ဇူလိုင် (အင်္ဂါနေ့)






မြို့ တော်ဝန် ဒေါက်တာရဲလွင်နှင့်အဖွဲ့ 
ကျိုးသွားသည့်တာရိုးကိုပိတ်ထားနိုင်ပြီ
ဖြစ်သော ကျောက်ပုံကြီးအပေါ်မှာ 
ကြည်ကြည်နူးနူး အောင်ပွဲခံနေကြစဉ်။


 

            ဒီကနေ့နံနက် ၈ နာရီမြင်ကွင်း။ (ဓာတ်ပုံ - မီးသတ်တပ်ဖွဲ့ )

***********************

ပြည်သူ့ကျန်းမာရေးဓာတ်ခွဲမှုဌာန 

တောင်ကြီးနှင့်လားရှိုးမြို့ များတွင် ဖွင့်မည်

ကျန်းမာရေးနှင့်အားကစားဝန်ကြီးဌာနသည် ဓာတ်ခွဲစစ်ဆေးမှုစွမ်းရည်နှင့်အရေအတွက်ကိုတိုးမြင့်ဆောင်ရွက်သည့်အနေဖြင့် လက်ရှိ အမျိုးသားကျန်းမာရေးဓာတ်ခွဲခန်း (ရန်ကုန်)၊ ဆေးသုတေသနဦးစီးဌာန (ရန်ကုန်)၊ ပြည်သူ့ကျန်မာရေးဓာတ်ခွဲဆိုင်ရာဌာန မန္တလေးမြို့ နှင့်မော်လမြိုင်မြို့ တို့အပြင် တောင်ကြီးနှင့်လားရှိုးမြို့ များတွင် နောက်ထပ်တိုးချဲ့ ဖွင့်လှစ်ကာ ကိုဗစ်-၁၉  ဓာတ်ခွဲစစ်ဆေးမှုများပြုလုပ်သွားမည်ဖြစ်ကြောင်းသိရသည်။   

အခြေခံလူတန်းစားများအား ထောက်ပံ့မှု
နှစ်ကြိမ်မှာ ကျပ် ၇၁ ဘီလီယံကျော် ကျခံပေးခဲ့

နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုငြိမ်းချမ်းရေးဖော်ဆောင်ရေးဦးစီးဌာန ညွှန်ကြားရေးမှူးချုပ် ဦးဇော်ဌေးကဇူလိုင်လ ၁၇ ရက်နေ့ကပြုလုပ်ခဲ့သော သတင်းစာရှင်လင်းပွဲတွင်  ပုံမှန်ဝင်ငွေမရှိသည့် အခြေခံလူတန်းစားများအားထောက်ပံ့ခြင်နှင့်ပတ်သက်၍ ရှင်လင်းပြောကြားသည်။ 

ပထမအကြိမ် သင်္ကြန်ကာလတွင် အိမ်ထောင်စုပေါင်း ၄ သန်းကျော်အား အခြေခံစားနပ်ရိက္ခာ ၅ မျိုးဖြန့်ဝေ ပေးရာတွင် ငွေကျပ်ဘီလီယံ ၅၀ ကျော်ကျခံခဲ့ကြောင်း၊ တစ်ဖန် ပထမအကြိမ်အခြေခံစားနပ်ရိက္ခာ ၅ မျိုးဖြန့်ဝေစဉ်က ကျန်ရစ်ခဲ့သောအိမ်ထောင်စုပေါင်း ၁ ဒသမ ၄ သန်းကျော်ကို  ဒုတိယအကြိမ်အဖြစ် အိမ်ထောင်စုတစ်စုလျှင် ငွေကျပ်တစ်သောင်းခွဲထောက်ပံ့ရာတွင် ငွေကျပ် ၂၁ ဘီလီယံ ကျခံခဲ့ကြောင်း၊ တစ်ခါ တတိယအကြိမ်အဖြစ် ပုံမှန်ဝင်ငွေမရှိသည့်အခြေခံလူတန်းစားအိမ်ထောင်းစု ၅ ဒသမ ၄ သန်းကျော်ကို ငွေကျပ်နှစ်သောင်းစီ ဇူလိုင်လ နောက်ဆုံးအပတ်တွင် ထောက်ပံ့သွားမည်ဖြစ်ကြောင်း၊ စတုတ္ထအကြိမ်ထောက်ပံ့မှုအဖြစ်လည်း အိမ်ထောင်းစု ၅ ဒသမ ၄ သန်းကျော်ကို ငွေကျပ်နှစ်သောင်းစီ သြဂုတ်လနောက်ဆုံးအပတ်တွင် ထပ်မံထောက်ပံ့သွားမည်ဖြစ်ကြောင်းသိရသည်။

အထက်ကျောင်းများဖွင့်လှစ်ရာတွင်

ကျောင်းသားမိဘများ စိုးရိမ်မှုမရှိစေရန် စီစဉ်ဆောင်ရွက်ထား

  ဓာတ်ပုံ - sayar.com.mm


အခြေခံပညာအထက်တန်းအဆင့်ကျောင်းများကို ကျန်းမာရေးနှင့်အားကစားဝန်ကြီးဌာန၏ညွှန်ကြားချက်များနှင့်အညီ ပြန်လည်ဖွင့်လှစ်နိုင်ရေးနှင့်စပ်လျဉ်း၍ ကျန်းမာရေး Guidelines SOP များကို ကိုဗစ်-၁၉ ကာကွယ် ထိန်းချုပ် ကုသရေးကော်မတီမှ မေလ ၂၂ ရက်နေ့ကတည်းကပင် ညွှန်ကြားခဲ့ပြီးဖြစ်ကြောင်း၊ ၄င်းညွှန်ကြားချက်တွင် ကျောင်းသားမိဘနှင့်ကျောင်သားများ ဆောင်ရွက်ရမည့်အပိုင်း၊ ကျောင်းသူကျောင်းသားနှင့်ဆရာဆရာမများ ဆောင်ရွက်ရမည့်အပိုင်း၊ ကျောင်းများမှ တာဝန်ရှိသူများဆောင်ရွက်ရမည့်အပိုင်းတို့အတွက် SOP များ ရေးဆွဲထားသည်။ 

 တနိုင်ငံလုံးပြန်လည်ဖွင့်လှစ်မည့် အခြေခံပညာအထက်တန်းကျောင်း ၆၁၇၁ ကျောင်း၊ ကိုယ်ပိုင်အထက်တန်းကျောင်းပေါင်း ၁၀၀၀ နှင့် ဘုန်းတော်ကြီးသင် အထက်တန်းအဆင့် စာသင်ကျောင်း ၄ ကျောင်းရှိပြီး အထက်တန်းကျောင်းသားကျောင်းသူ စုစုပေါင်း ၁ ဒသမ ၆ သန်းခန့်ရှိရာ ယခုအခါကျောင်းအပ်နှံပြီးသူ ၁ ဒသမ ၀၆ သန်းရှိနေကြောင်းသိရသည်။

ရွာသူရွာသားများအား ကယ်တင်ရန်

အကြမ်းဖက်နှိမ်နှင်းမှုစစ်ဆင်ရေးပြုလုပ်

ရခိုင်ပြည်နယ်၊ ရသေ့တောင်မြို့ နယ်၊ ထီးစွဲ၊ အောင်သာဇေနှင့်ကျောက်တန်းကျေးရွာများရှိ ရွာသူရွာသားများကို လူသားတံတိုင်းအဖြစ်အသုံးချအခြေပြုလျက်ရှိသည့် AA အကြမ်းဖက်သောင်းကျန်းသူများကို တပ်မတော်စစ်ကြောင်းများက ဇူလိုင်လ ၁၇ ရက်နေ့မှစပြီး အကြမ်းဖက်နှိမ်နှင်းမှုစစ်ဆင်ရေးပြုလုပ်လျက်ရှိကြောင်း တပ်မတော်သတင်းမှန်ပြန်ကြားရေးအဖွဲ့ က သတင်းထုတ်ပြန်ထားသည်ဟုသိရသည်။

စစ်ကိုင်းတိုင်းတွင် သွေးလွန်တုတ်ကွေးရောဂါ

ဖြစ်ပွားသူ ၅၅၈ ဦးရှိပြီး ၅ ဦး သေဆုံး

စစ်ကိုင်တိုင်းဒေသကြီး ပြည်သူ့ကျန်းမာရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာစန္ဒာလွင်က ယခုနှစ် ဇွန်လလယ်အထိ သွေးလွန်တုတ်ကွေးဖြစ်ပွားမှုမှာ ၅၅၈ ဦးရှိခဲ့ပြီး ဖြစ်ပွားသည့်နေရာများသို့ သွားကာ ခြင်ဆေးဖြန်းခြင်းနှင့်ပညာပေးခြင်းများပြုလုပ်ကြောင်း၊  ပြည်သူလူထုအနေဖြင့် ကျန်းမာရေးဝန်ထမ်းများကိုသာ အားကိုးမနေကြဘဲ ကျန်းမာရေးနှင့်အားကစားဝန်ကြီးဌာနက ထုတ်ပြန်ချက်များအတိုင်း မိမိတို့ကိုယ်တိုင်သန့်ရှင်းရေးနှင့်သွေးလွန်တုတ်ကွေးကာကွယ်နှိမ်နှင်းရေးများပြုလုပ်ကြမှသာ သွေးလွန်တုတ်ကွေးဖြစ်ပွားမှုနှင့်သေဆုံးမှုများ ကျဆင်းလာကြမည်ဟုပြောကြောင်းသိရသည်။  

တရားဓမ္မ 
အသိအမြင်

ဗုဒ္ဓဘာသာဆိုတာ (Mental Cultivation) စိတ်ကိုပျိုးထောင်ရေးအတွက် လက်တွေ့ကျင့်ကြံအားထုတ်ရတဲ့ ပညာပေးစနစ်ပါ။ 

ပြီးတော့ အလယ်အလတ်ကျင့်စဉ် မဇ္ဈိမပဋိပဒါလမ်းလို့လဲခေါ်ပါတယ်။ 

ကိုယ်ကျင့်ပညာနဲ့ အတွေးအခေါ်ပညာနှစ်ရပ် 

ပေါင်းစပ်ထားတဲ့စနစ်ဖြစ်ပါတယ်။

အဲဒီစနစ်ဟာ ဘာသာရေးနဲ့ သိပ္ပံပညာရပ်ကိုလည်း ထင်ဟပ်ပါတယ်။

ပြီးတော့ အကြောင်းအကျိုးနဲ့လွတ်မြောက်ခြင်းစနစ်လည်း ဖြစ်နေပြန်ပါတယ်။

ဘုန်းကြီးဦးပညာနန္ဒ - အမည်ရင်း မစ္စတာရပ်(ပ)မစ်ရှဲ(လ)စတီ(လ) 

နယူးမက္ကဆီကို၊ အမေရိကန်နိုင်ငံ။

  

****

အာဆီယံသတင်း

စင်ကာပူနိုင်ငံတော်အလံ 
ပျံသန်းလေ့ကျင့်ပြီ

ဓာတ်ပုံ - ကျွန်းသာယာ (၁၈၊၇၊၂၀၂၀)

သြဂုတ်လ ၉  ရက်နေ့တွင် နှစ်စဉ်နှစ်တိုင်းကျင်းပလေ့ရှိသော စင်ကာပူနိုင်ငံအမျိုးသားနေ့အခန်းအနား (National Day Parade - NDP) မှာ နိုင်ငံတော်လံကို လေတပ်မှ ချင်းနု(ခ)ဟယ်လီကော်ပတာကြီးဖြင့်ချိတ်ဆွဲလျက် ဝေဟင်မှပျံသန်းပြသခြင်းကို ၁၉၇၀ ခုနှစ်ကစပြီး Aerial Flypast Segment အဖြစ် ဂုဏ်ယူဝံ့ကြွားစွာ ပြုလုပ်ခဲ့သည်။

စင်ကာပူနိုင်ငံ၏အလံကို ချင်းနု(ခ)ဟယ်လီကော်ပတာကြီးဖြင့်ချိတ်ဆွဲလျက် ဝေဟင်မှပျံသန်းလေ့ကျင့်လျက်ရှိသည်ကို စင်ကာပူနိုင်ငံသူနိုင်ငံသားများ ယနေ့နံနက်ပိုင်းက တွေ့ရှိကြရသည်။

ဗီယက်နမ်နိုင်ငံတွင်

သတင်းမီဒီယာပြတိုက်ဖွင့်လှစ်

   ဓာတ်ပုံ - AFP/Nhac Nguyen

အစိုးရနှင့်ပနံမသင့်သောသတင်းစာသမားများအား ထောင်ချပစ်လေ့ရှိသည်ဟု ဂုဏ်သတင်းညှိုးနွမ်းလျက်ရှိသည့်ဗီယက်နမ်နိုင်ငံသည် သတင်းစာလွတ်လပ်ခွင့်အဆင့်အတန်းအောက်ဆုံးနားရောက်နေသော်လည်း သူတို့နိုင်ငံ၏သတင်းမီဒီယာပွင့်လင်းမှုကို ပြသသည့်အနေဖြင့် သတင်းမီဒီယာပြတိုက်တစ်ခုကို လွန်ခဲ့သောလက ဖွင့်လှစ်ခဲ့သည်။

အဆိုပါပြတိုက်တွင် ပူလစ်ဇာဆုရထားသော ဗီယက်နမ်စစ်ပွဲကြီးအတွင်းကဓာတ်ပုံများနှင့် ပြင်သစ်ကိုလိုနီကာလအတွင်း သတင်းစာလွတ်လပ်ခွင့်အတွက် ဗီယက်နမ်သတင်းသမားတို့၏လှုပ်ရှားရုန်းကန်ခဲ့ရမှုများအကြောင်းကို စနစ်တကျရွေးခြယ်ပြသထားရာ ကွန်မြူနစ်နိုင်ငံတစ်နိုင်ငံ၏သတင်းစာပညာသမိုင်းကို အဆင့်မြင့်မြင့်ဖော်ပြထားခြင်းဖြစ်သည်။

ဗီယက်နမ်နိုင်ငံတွင် သတင်းစာများနှင့်ရုပ်သံထုတ်လွှင့်မှုအားလုံးမှာ အစိုးရ၏ထိန်းချုပ်မှုအောက်တွင်ရှိနေကြပြီး နယ်စည်းမခြား သတင်းစာဆရာများအဖွဲ့က ကမ္ဘာ့နိုင်ငံပေါင်း ၁၈၀ တို့၏သတင်းမီဒီယာလွတ်လပ်ခွင့်အဆင့်တွင် ဗီယက်နမ်နိုင်ငံသည် အဆင့် ၁၇၅ နေရာတွင်ရှိနေသည်သိရသည်။
(သတင်းဘာသာပြန် ကျွန်းသာယာ)

****

အမေရိကန်လယာဉ်တင်သင်္ဘောနှစ်စီး

တောင်တရုတ်ပင်လယ်တွင် ထပ်မံပူးတွဲလေ့ကျင့်ကြပြန်

                                  U.S. Navy photo by Mass Communication Specialist 3rd Class Cody Beam

အမေရိကန်ရေတပ်မှ လေယာဉ်တင်သင်္ဘောနှစ်စီးဖြစ်သည့် နီးမစ်(ဇ)နှင့်ရော်နယ်ရီဂင်တို့သည် ရက်သတ္တပတ်၂ ပတ်အတွင်းမှာ တောင်တရုတ်ပင်လယ်တွင် မဟာဗျူဟာမြောက်စစ်ရေးပူးတွဲလေ့ကျင့်ခြင်းကို ဒုတိယအကြိမ် ထပ်မံပြုလုပ်ခဲ့ကြသည်။ 

အမေရိကန်ရေတပ်မှ လေယာဉ်တင်သင်္ဘောနှစ်စီး ဤနေရာ၌ စစ်ရေးပူးတွဲလေ့ကျင့်မှုလုပ်ခဲ့သည်မှာ လွန်ခဲ့သော ၆ နှစ်ကနောက်ဆုံးဖြစ်သည်။ ယခုအပတ်တွင် အမေရိကန်နိုင်ငံခြာရေးဝန်ကြီး မိုက်ပေါ(မ)ပီယိုက တောင်တရုတ်ပင်လယ်ကို တရုတ်နိုင်ငံက သူတို့၏ပင်လယ်ရေကြောင်းအင်ပါယာအဖြစ် လုပ်ကြံဖန်တီးယူခြင်းကို ကမ္ဘာနိုင်ငံများအနေဖြင့် ခွင့်ပြုကြလိမ့်မည်မဟုတ်ကြောင်းပြောခဲ့သည်။  

နီးမစ်(ဇ)လေယာဉ်တင်သင်္ဘော၏ရေတပ်တပ်မှူးကြီး ဂျင်မ်ကတ်က တောင်တရုတ်ပင်လယ်အတွင်း စစ်ရေးလေ့ကျင့်မှုများကို အပြည်ပြည်ဆိုင်ရာဥပဒေဘောင်အတွင်းမှ ပြုလုပ်သွားမှာဖြစ်ကြောင်း၊ ပွင့်လင်းလွတ်လပ်မှုရှိသည့် အင်ဒိုပစိဖစ်ဒေသဖြစ်ရေးနှင့် ဒေသတွင်းရှိမဟာမိတ်များ လုပ်ဖော်ကိုင်ဖက်များအပေါ်ထားသောကတိက၀တ်များအတိုင်း အားဖြည့်ဆောင်ရွက်သွားမည်ဟုပြောကြောင်းသိရသည်။
(သတင်းဘာသာပြန် ကျွန်းသာယာ)

ကိုဗစ်-၁၉ ရောဂါကာကွယ်ဆေး

ရုရှာနိုင်ငံက ဖော်စပ်ထုတ်လုပ်နိုင်ပြီ

(Photo: REUTERS/Anton Vaganov)

ကိုဗစ်-၁၉  ကာကွယ်ဆေးအား လူ ၃၈ ဦးနှင့် ပထမအကြိမ် တစ်လကြာစမ်းသပ်ခဲ့ပြီးနောက် အသုံးပြုရန်စိတ်ချရကြောင်း၊ ခုခံစွမ်းအားတုန့်ပြန်မှုလည်းရှိကြောင်း၊ သို့သော် ခုခံစွမ်းအားတုန့်ပြန်မှု၏ပမာဏကိုမူ တိတိကျကျမသိရသေးကြောင်း၊ လူထောင်ပေါင်းများစွာပါဝင်မည့် တတိယအဆင့်စမ်သပ်မှုအား သြဂုတ်လတွင်ပြုမည်ဖြစ်ကြောင်း ရုရှားတိုက်ရိုက်ရင်းနှီးမှုရံပုံငွေအဖွဲ့ဥက္ကဋ္ဌ ကီရီးဒီမီထရီးအက်က ပြောခဲ့သည်။

ရုရှားနိုင်ငံသည် စမ်းသပ်ဆဲ ကိုဗစ်-၁၉ ကာကွယ်ဆေး ၃၀ သန်းကို နိုင်ငံအတွင်းတွင် ယခုနှစ်မှာ ထုတ်လုပ်ရန်နှင့် နောက်ထပ်ကိုဗစ်-၁၉ ကာကွယ်ဆေး ၁၇၀ သန်းကို နိုင်ငံခြားတိုင်းပြည်အချို့ တွင်ထုတ်လုပ်သွားရန် ရည်ရွယ်ထားကြောင်းသိရသည်။  (သတင်းဘာသာပြန် ကျွန်းသာယာ)