ကျွန်းသာယာ သတင်းစဉ် (၃)

ကျွန်းသာယာ သတင်းစဉ်

(Kyun Thar Yar News Magazine)

***

ပြန်ကြားရေးဝန်ကြီးဟောင်း ဦးရဲထွဋ်

အင်္ဂလိပ်လိုရေးသည့်စာအုပ် ထွက်မည်

                           
 
                                                    ဓာတ်ပုံ - Wikipedia

ပြန်ကြားရေးဝန်ကြီးဟောင်း ဦးရဲထွဋ်နှင့် The Power News
သတင်းဂျာနယ်တို့  ဇူလိုင်လ ၁၂ ရက်နေ့က ရန်ကုန်မြို့ မှာ
သီးသန့်တွေ့ ဆုံမေးမြန်းရာတွင် ဦးရဲထွဋ်က သူ၏စာအုပ်ကို
အင်္ဂလိပ်ဘာသာဖြင့်ရေးသားခဲ့ကြောင်းပြောခဲ့သည်။




၂၀၁၀ - ၂၀၁၆ မြန်မာ့နိုင်ငံရေးဖြစ်ရပ်များ စာအုပ်


ထိုစာအုပ်သည် ဦးသိန်းစိန်အစိုးရ၏အောင်မြင်မှုများအကြောင်း
ရေးသားထားခြင်းမဟုတ်ကြောင်း၊ စာအုပ်က ၂၀၁၀ နှင့် ၂၀၁၆
 နှစ်များအကြား ဦးသိန်းစိန်အစိုးရ ပြုလုပ်ခဲ့ သောပြုပြင်ပြောင်း
လဲရေးများကို  ၄င်းထက်ပိုပြီးကောင်းအောင်လုပ်နိုင်သည့်အခွင့်
အလမ်းများရှိခဲ့သော်လည်း မလုပ်နိုင်ခဲ့ကြောင်း၊ ယင်းသို့ဘာ့ကြောင့်
မလုပ်နိုင်ခဲ့ကြောင်းသင်ခန်းစာတို့ကို ဖော်ထုတ်ထားတာဖြစ်ကြောင်း၊
ထိုစဉ်က အဓိကဇာတ်ကောင်များဖြစ်သော ဥိးသိန်းစိန်နှင့်ဦးရွှေမန်း၊ အဓိကပါတီဖြစ်သောပြည်ခိုင်ဖြိုးပါတီ၊ အုပ်ချုပ်ရေးပိုင်းက အစိုးရ၀န်ကြီးတွေအကြောင်းဖြစ်ပြီး သူတို့အားလုံး၏သင်ခန်းစာများအား ဖော်ထုတ်ထားသည့်အတွက် ကောင်းသည်ထက် အားနည်းချက်တွေကသာ ပိုများကြောင်း စာရေးသူ ၀န်ကြီးဟောင်း ဦးရဲထွဋ်ကပြောကြောင်းသိရသည်။                                                                                                        

အထက်တန်းကျောင်းများ 

လာမည့်အပတ် ပြန်ဖွင့်မည်

ကျောင်းသူကျောင်းသားများ ပညာရှာရေးနှင့်ဝေးမသွားစေရန် အရေးကြီးကြောင်း၊ ကိုဗစ်-၁၉ ကြောင့်ပိတ်ထားခဲ့ရသောကျောင်းများကို လာမည့်အပတ်မှာပြန်ဖွင့်ရန် စပြီးခြေလှမ်းမှာဖြစ်ကြောင်း၊ ယင်းအစီအစဉ်အဆင်ပြေမှုအပေါ်မူတည်ပြီး အလယ်တန်းနှင့်မူလတန်းကျောင်းများကိုဖွင့်သွားရန် ဆက်လက်စီစဉ်မည့်အကြောင်း၊ မိမိတို့နိုင်ငံတွင် ပညာရေးစနစ်အမှန်တကယ်မြင့်ရန် လုပ်ရမည့်အရာများစွာရှိနေပါသေးကြောင်း၊ ထို ကြောင့် ပညာရေးကို ကျန်းမာရေးနှင့်တန်းတူအလေးထားဆောင်ရွက်နေရခြင်းဖြစ်ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဇူလိုင်လ ၁၃ ရက်နေ့က သူ၏ဖေ့စ်စာမျက်နှာမှ သတင်းစကားပါး ရေးသားထားကြောင်းသိရသည်။

ရုပ်ရှင်သရုပ်ဆောင်မင်းသားကြီး ကျော်ဟိန်း

သြစတေးလျနိုင်ငံတွင် ကွယ်လွန်သွား

ဓာတ်ပုံ - မြန်မာ့အလင်းသတင်းစာ

သြစတေးလျနိုင်ငံ ကင်ဘာရာမြို့ တွင် နေထိုင်သီတင်းသုံးလျက်ရှိသော ဦးပဉ္စင်းဦးကိတ္ထိသာရ (သက်တော် ၇၃ နှစ်) ဘွဲ့ အမည်ခံ စွယ်စုံရရုပ်ရှင်သရုပ်ဆောင်မင်းသားကြီး ကျော်ဟိန်းသည် ဇူလိုင်လ ၁၁ ရက်နေ့ နံနက် ၉ နာရီ ၂၇ မိနစ်တွင် ပျံလွန်တော်မူသွားသည်။ 

မင်းသားကြီးကျော်ဟိန်းအား ၁၉၄၇ ခုနှစ် ဇူလိုင်လ ၁၄ ရက်က ရန်ကုန်မြို့ တွင် အဖ အငြိမ်းစားခရိုင်ရဲဝန် ဦးဂျွန်မောင်စိန်နှင့်အမိ ဒေါ်ချိုချိုတို့မှမွေးဖွားခဲ့ပြီး မွေးချင်း မောင်နှမ ၆ ယောက်မှာ စတုတ္ထမြောက်ဖြစ်သည်။ 'အကာက အချစ်၊ အနှစ်က မေတ္ထာ'၊ 'မွန်းတည့်ချိန်တွင် နေ၀င်သည်'၊ 'ပန်းမြိုင်လည်က ဥယျာဉ်မှူး'၊ 'ဝေလည်းမွှေး ကြွေလည်းမွှေး'၊ 'နေကမွေးတဲ့လ' ရုပ်ရှင်ဇာတ်ကားများဖြင့် အကယ်ဒမီဆု ၅ ဆုကို ထူးချွန်စွာရရှိခဲ့သည်။ 

မင်းသားကြီးကျော်ဟိန်းသည် ရုပ်ရှင်နှင့်ဗီဒီယိုသရုပ်ဆောင်ခြင်းအပြင် သူကိုယ်တိုင်ဆိုခဲ့သည့်သီချင်းများကို စီးရီးခွေများထုတ်ခြင်းနှင့် ၀တ္တုတို၊ လုံးချင်းဝတ္တုရှည်နှင့်အက်ဆေး အစရှိသည့်စာပေရေးသားပြုစုခဲ့ကြောင်းသိရသည်။
 

ဖားကန့် မြေစာပုံပြိုကျ သေဆုံးသူများကို

လောပန်းများက ခိုင်းစေခဲ့ခြင်းဖြစ်

ကချင်ပြည်နယ် ဖားကန့်မြို့ နယ် ဆိပ်မူကျေးရွာအုပ်စု ဝှေခါကျေးရွာ၌ ဇူလိုင်လ ၂ ရက်နေ့ကဖြစ်ပွားခဲ့သော  မြေစာပုံပြိုကျသဖြင့်  သေးဆုံးသွားကြသူများကို ရေမဆေးကျောက်ရှာဖွေရန် လောပန်းများက နောက်ကွယ်မှစေခိုင်းခဲ့သည်ဟု မသေ၍ဆေးရုံတက်နေရသူများ၏ထွက်ဆိုချက်အရ လောပန်းများအား ရဲတပ်ဖွဲ့က ဖမ်းဆီးထားကြောင်း ဖားကန့်မဲဆန္ဒနယ် ပြည်သူ့လွှတ်တော်ကိုယ်စားလှယ် ဦးတင်စိုးကပြောခဲ့သည်။

ထိုသို့ လောပန်းများ၏ တာဝန်ယူမှု တာဝန်ခံမှု မရှိခြင်းကြောင့် ယခုကဲ့သို့အဖြစ်ဆိုးများဖြစ်ခဲ့ရပြီး သေဆုံးသူအလောင်းများ၏ သုံးပုံတစ်ပုံသည် ပိုင်ရှင်မဲ့ဖြစ်နေကာ ရေမဆေးလောပန်းဆိုသူများအနေဖြင့် တစ်စုံတယောက်မျှပေါ်လာခြင်းမရှိကြောင်း ဦးတင်စိုးကဆက်လက်ပြောခဲ့သည်။ 

သေဆုံးကြရသူများနှင့် ထိခိုက်ဒဏ်ရာရရှိကြသူများကို အစိုးရအနေဖြင့် ထောက်ပံ့မှုများပြုလုပ်ပေးခဲ့ပြီး နိုင်ငံတော်သမ္မတရုံးအနေဖြင့်လည်း မြေပြိုကျခဲ့သည့်ဖြစ်စဉ် ဖြစ်ပွားရသည့်အကြောင်းရင်းအား စုံစမ်းဖော်ထုတ်ရန်၊ သေဆုံးသူများနှင့်ထိခိုက်ဒဏ်ရာရရှိကြသူများ၏မိသားစုများအတွက် လိုအပ်သည့်ထောက်ပံ့ကူညီမှုများ စီစဉ်ဆောင်ရွက်ပေးရန်နှင့် နောင်တွင် အလားတူဖြစ်စဉ်များမဖြစ်ပွားစေရေးတို့အတွက် လုံခြုံရေးအပါအ၀င်အစီအမံများအကြံပြုတင်ပြရန်အတွက် စုံစမ်းစစ်ဆေးရေးအဖွဲ့ကိုဖွဲ့စည်ူဆောင်ရွက်နေကြောင်းသိရှိရသည်။    

 နောက်ဆုံးပေါ် ဆမ်ဆောင်းစမတ်ဖုန်း

မြန်မာပြည်မှာ မိတ်ဆက်

  



ဈေးနှုန်းများမှာ 3GB RAM/32GB ROM version ကို မြန်မာကျပ်ငွေ ၂၆၉ ၀၀၀ ဖြင့်လည်းကောင်း၊ 6GB RAM/32GB ROM version ကို မြန်မာကျပ်ငွေ ၃၂၉ ၀၀၀ ဖြင့်လည်းကောင်း ရောင်းချကြောင်းသိရသည်။



တရားဓမ္မ 
အသိအမြင်

ကမ္မဋ္ဌာန်းလေးဆယ်ထဲမှာ မေတ္တာကမ္မဋ္ဌာန်းနဲ့ မရဏသ၁တိကမ္မဋ္ဌာန်း၊ အဲဒီကမ္မဋ္ဌာန်း နှစ်ပါးကိုသဗ္ဗတ္တကမ္မဋ္ဌာန်းလို့ခေါ်ပါတယ်။

ဘယ်ယောဂီမဆို တရားမထိုင်မီ ရှေးဦးစွာ ဘုရားကိုရှိခိုးပူဇော်ပြီးတဲ့အခါမှာ -

(၁) နတ် လူ သတ္တ၀ါအားလုံး ဘေးရန်ကြောင့်ကြ ဆင်းရဲကင်း၍ ကိုယ်စိတ်နှစ်ဖြာချမ်းသာကြပါစေ (မေတ္တာ ကမ္မဋ္ဌာန်း)

(၂) ငါသည် မုချသေရမည်၊ အချိန်ပိုင်းသာလိုတော့သည်လို့ သေခြင်းတရားကို အောက်မေ့ဆင်ခြင်ရခြင်း (မရဏသ၁တိကမ္မဋ္ဌာန်း)၊ အဲဒီကမ္မဋ္ဌာန်း နှစ်ပါးကိုတော့ ဘယ်သောအခါမှ လက်မလွှတ် ချန်မထားရဘူး။ 

ဘယ်တရားကိုပဲ အားထုတ် အားထုတ်၊ သည်နှစ်ပါးကိုတော့ ရှေးဦးအရင် ပြုလုပ်ကြရမှာချည်းပဲ။ ဒါကြောင့် သူ့ကို သဗ္ဗတ္တကမ္မဋ္ဌာန်းလို့ခေါ်တယ်။

အလုံးစုံသော ကမ္မဋ္ဌာန်းတို့ရဲ့ အကျိုးကို သယ်ပိုးဆောင်ရွက်ထိန်းသိမ်းပေးနိုင်တဲ့ ပွဲဦးထွက်ကမ္မဋ္ဌာန်းပါပဲ။

ဒေါက်တာဘဒ္ဒန္တဝဏ္ဏသာရ (Ph.D)   

   


အားကစားသတင်း

ပြည်တွင်းဘောလုံးပြိုင်ပွဲများ

ပြန်လည်ကျင်းပရန်ပြင်ဆင်

ကျန်းမာရေးနှင့်အားကစားဝန်ကြီးဌာနမှ တာဝန်ရှိသူများသည် ပြည်တွင်းဘောလုံးပြိုင်ပွဲများပြန်လည်ကျင်းပရန် ကျန်းမာရေးနှင့်အညီ ပြင်ဆင်ဆောင်ရွက်ထားမှုများ၊ ပြိုင်ပွဲကျင်းပမည့်ကွင်း၊ အ၀တ်လဲခန်း၊ လေ့ကျင့် (Gym) ခန်းမ၊ ထမင်းစားခန်း၊ အားကစားသမားများ၏အိပ်ဆောင်များကို သွားရောက်စစ်ဆေးခဲ့သည်။ 

ပြိုင်ပွဲကျင်းပခွင့် ရ မရအား ယခုရက်ပိုင်းအတွင်း သိရမည်ဟုယုံကြည်ကြောင်း မြန်မာနေရှင်နယ်လိဂ် အမှုဆောင်အရာရှိချုပ် ဦးစိုးမိုးကျော်ကပြောကြောင်းသိရသည်။ 

အာဆီယံသတင်း

စင်ကာပူနိုင်ငံ အထွေထွေရွေးကောက်ပွဲ

နောက်ဆက်တွဲ

Photo - The Sunday Times

စင်ကာပူနိုင်ငံ ၁၃ ကြိမ်မြောက်အထွေထွေရွေးကောင်ပွဲတွင် အနိုင်ရရှိခဲ့သော လက်ရှိအာဏာရပါတီမှဝန်ကြီးချုပ် လီရှန်လွန်းက ဆန့်ကျင်ဘက်ပါတီဖြစ်သော ဒဗလျှူပီ (WP - Workers' Party) ခေါင်းဆောင် ပရစ်တမ်ကို ရွေးကောက်ပွဲတွင် သိသိသာသာတိုးတက်လာသည့်အတွက်လည်းကောင်း၊ ပါတီများနှင့်နိုင်ငံရေးသမားများအကြားမှာရှိနေသော ကွာဟချက်များထက် စင်ကာပူနိုင်ငံ၏ကောင်းကျိုးအတွက် အတူတကွပူးပေါင်းဆောင်ရွက်ကြရန်အတွက်လည်းကောင်း  မနေ့က ဂုဏ်ပြုချီးကျူးလိုက်သည်။ 

ထို့အပြင် ပြည်သူလူထုက သူ၏ပါတီအား ပြတ်ပြတ်သားသားထောက်ခံလျက် နိုင်ငံ့တာဝန်ကိုဆက်လက်ထမ်းဆောင်ရန်ထပ်မံတာဝန်ပေးအပ်မှုကို တာဝန်သိသိဖြင့်လုပ်ကိုင်ဆောင်ရွက်သွားမည်ဖြစ်ကြောင်းနှင့် ပါလီမန်တွင် ဆန့်ကျင်ဖက်ပါတီမှ အမတ်အရေအတွက် ပိုမိုရှိလာစေလိုသည့်မဲဆန္ဒရှင်များ၏လိုလားမှုကိုလည်း အသိအမှတ်ပြုကြောင်း ၀န်ကြီးချုပ်လီရှန်လွန်းက ပြောကြားခဲ့သည်။  (သတင်းဘာသာပြန် ကျွန်းသာယာ)

စင်ကာပူ-မလေးရှား နယ်စပ်ဖြတ်ကျော်

ခွင့် သြဂုတ်လဖွင့်မည်

  TNP Photo

စင်ကာပူ-မလေးရှား နယ်စပ်ဖြတ်ကျော်တံတား (Causeway)

ကာလတာရှည်နေထိုင်ခွင့်ရထားသူများ၊ အဓိကစီးပွားရေးလုပ်ငန်းလုပ်ကိုင်ကြသူများနှင့် အစိုးရအလုပ်ဖြင့်လာကြသူများကို စင်ကာပူနိုင်ငံနှင့်မလေးရှားနိုင်ငံတို့က နယ်စပ်ဖြတ်ကျော်သွားလာခွင့်ပြုခြင်းကို သြဂုတ်လ ၁၀ နေ့တွင်စတင်မည်ဖြစ်သည်။ 

၎င်းခရီးသွားများသည် ကိုဗစ်-၁၉ ပိုး ရှိ မရှိ အစစ်ဆေးခံခြင်းနှင့် သွားမည့်ခရီးစဉ်အသေးစိတ်တင်ပြခြင်းတို့ကို ပြုလုပ်ကြရမည်ဖြစ်ကြောင်း သိရသည်။ (သတင်းဘာသာပြန် ကျွန်းသာယာ)

***

ဂျပန်နိုင်ငံတွင် မိုးသည်းထန် ရေကြီး မြေပြိုသဖြင့်
လူ ၅၈ ဦးသေဆုံး

 (ဓာတ်ပုံ-အင်န်အိတ်ခ်ျကေ)

ဂျပန်နိုင်ငံ၏တောင်ဖက်အစွန်ဆုံးကျွန်းကြီးဖြစ်သော ကျူရှူးကျွန်းနေရာအတော်များများတွင် ရက်သတ္တတစ်ပတ်ကျော်စွာ မိုးသည်းထန်စွာရွာသွန်မှုများဆက်လက်ဖြစ်ပွားလျက်ရှိရာ ကူမာမိုတို၊ ဆာဂါ၊ အိုအီတာ၊ မီယာဇာကီ၊ တိုကူရှီးမား၊ ဂီဖုနှင့် အကီတာခရိုင်များအတွက် မြေပြိုကျမှုသတိပေးချက်များနှင့် ရေကြီးရေလျှံခြင်းအတွက် ပြင်ဆင်ထားကြရန် ထုတ်ပြန်ထားသည်။ ထောင်ပေါင်းများစွာသော စစ်တပ်နှင့်ရဲအဖွဲ့ဝင်များ၊ ကယ်ဆယ်ရေးအဖွဲ့ဝင်များသည် ကူမမြစ်တလျှောက်ရှိ ထိခိုက်မှုအများဆုံးမြို့ ရွာများသို့ ရွံ့ ဗွက်များ အပျက်အစီးအမှိုက်ဒိုက်သရောများကိုကျော်ဖြတ်သွားနေကြရသည်။ လွန်ခဲ့သည့် ဆယ်စုနှစ်များတွင် အဆိုးဆုံးမိုးသည်းထန်မှုဖြစ်သဖြင့် ပြီးခဲ့သောဗုဒ္ဓဟူးနေ့အထိ သေဆုံးသူအနည်းဆုံး ၅၈ ဦးရှိကြောင်းသိရသည်။ 
(သတင်းဘာသာပြန် ကျွန်းသာယာ)

တောင်တရုတ်ပင်လယ်ကိစ္စ

တရုတ်နိုင်ငံကို အမေရိကန်ကန့်ကွက် 

  
တရုတ်နိုင်ငံ၏အငြင်းပွားဖွယ်ဖြစ်သော တောင်တရုတ်ပင်လယ်ရှိအရင်းအမြစ်များပိုင်ဆိုင်မှုကျေညာချက်ကို အမေရိကန်နိုင်ငံက တနင်္လာနေ့ (ဇူလိုင် ၁၃ ရက်)က ရှုတ်ချကန့်ကွက်ပြီး ဒေသတွင်းမငြိမ်မသက်ဖြစ်အောင်လုပ်ခြင်းနှင့် အမေရိကန်-တရုတ်ဆက်ဆံရေးအား တိုးမြင့်အားစမ်းနေခြင်းသာဖြစ်ကြောင်း ဝေဖန်ပြောဆိုသည်။

တရုတ်၏တောင်တရုတ်ပင်လယ်ရှိအရင်းအမြစ်ပိုင်ဆိုင်မှုကျေညာချက်သည် တရားမ၀င်သည့်အပြင် အရှေ့ တောင်အာရှက ကမ်းရိုးတန်းနိုင်ငံများကို သက်သက်ခြိမ်းခြောက်အနိုင်ကျင့်ခြင်းသာဖြစ်ကြောင်း၊ ၄င်းကို ကမ္ဘာက လုံးဝခွင့်ပြုလိမ့်မည်မဟုတ်ကြောင်း အမေရိကန်နိုင်ငံခြားရေးဝန်ကြီး မိုက်ပေါ(မ)ပီယိုကပြောခဲ့ကြောင်းသိရသည်။ (သတင်းဘာသာပြန် ကျွန်းသာယာ)



ဆေးပညာနှင့်ကျန်းမာရေးသတင်း

ကိုဗစ်-၁၉ က အဆုတ်အပြင်

 အခြားအင်္ဂါအစိတ်အပိုင်းများ ထိခိုက်စေနိုင်

ကိုဗစ်-၁၉ လူနာများအား ကုသမှုပေးခဲ့သည့်
သမားတော်များက ၄င်းတို့၏ကုသမှုအတွေ့အကြုံများ
အပေါ်အခြေခံပြီး ကိုရိုနာဗိုင်းရပ်ပိုးသည် အဆုတ်အပြင်
 နှလုံး၊ ကျောက်ကပ်၊ ဦးနှောက် အစရှိသောကိုယ်အင်္ဂါ
အစိတ်အပိုင်းများနှင့် လုပ်ငန်းစနစ်တို့ကိုပါ ထိခိုက်ပျက်စီး
စေကြောင်း  ဇူလိုင်လ ၁၀ ရက်နေ့ထုတ် Nature Medicine
လစဉ်ထုတ်ဂျာနယ်တွင် သုံးသပ်ရေးသားခဲ့ကြသည်။


ထိုကြောင့် ကိုဗစ်-၁၉ လူနာများအားကုသပေးနေကြသေည့်
သမားတော်များအနေဖြင့် ဒီရောဂါကို ခန္ဓာကိုယ်စနစ်အားလုံးတိုက်ခိုက်သည့်ရောဂါ (multisystem disease) အဖြစ် သဘောထားကြရန်လိုအပ်ကြောင်း ကိုလန်ဘီယာတက္ကသိုလ် အားဗင်းဆေးသိပ္ပံပညာဌာနမှ နှလုံးအထူးကုအမားတော်ကြီး ဒေါက်တာအာ ကရစ်တီဂွပ်တားက ပြောဆိုခဲ့သည်ဟုသိရသည်။
(သတင်းဘာသာပြန် ကျွန်းသာယာ)