စကားစမြည် ပြောတဲ့အရသာ

၁၃၇၄ ခုနှစ်  တပေါင်းလဆန်း ၅ ရက်  

The Voice Weekly ဂျာနယ် အယ်ဒီတာချုပ် ကိုကျော်မင်းဆွေရဲ့ ဖခင် ဦးမြင့်ဆွေ(၀ဲ) နှင့် ထိုင်းစားသောက်ဆိုင်မှာ ....။

ကျနော်တို့ စာသမား ကဗျာသမားတွေဆိုတာ များသောအားဖြင့် စကားအတော်လေးပြောတတ်ကြပါတယ်။

တွေးနေတာ တွေးထားတာတွေရှိလို့ ပြောချင်တာ၊

ဖတ်ထားတာ ဖတ်ချင်တာလေးတွေရှိလို့ပြောချင်တာ၊

တပိုင်းတစ ရေးထားတာ ဒါမှမဟုတ် ရေးဖို့စဉ်းစားနေတာရှိလို့ ပြောပြတိုင်ပင်ချင်တာ၊

ကဗျာစာပေလောကနဲ့ ပတ်သက်ပြီး ငြင်းကြ ခုံကြ ထေ့ကြ စောင်းကြ ဆော်ကြ ကလော်ကြတာတွေကို ထင်မြင်ချက်ပေးလို့ ဝေဖန်ပြောဆိုချင်တာ အစရှိလို့ အကြောင်းအမျိုးမျိုးနဲ့ ပြောနေဖြစ်ကြတာပါပဲ။

ထင်မြင်ချက်ပေးတာ ဝေဖန်တာဆိုလို့ ကိုယ်တွေ့အတွေ့အကြုံလေးတစ်ခု ငယ်ငယ်က ကြုံခဲ့ရဖူးပါတယ်။

သရော်စာ ၀တ္တုတိုများနဲ့ နာမည်ကျော်ခဲ့ပြီး လွန်ခဲ့တဲ့ ၂ နှစ်က ကွယ်လွန်သွားတဲ့ စာရေးဆရာ မာန်မြင့်နဲ့ စာရေးသူတို့ ၂ ဦး အဝေဖန်ကောင်းလို့ အားတောင့်အားနာ ဂွကျခဲ့ရတာလေး ပြောပြပါ့မယ်။

ပုတ်ပုတ်ခပ်ခပ် ရှုတ်ချဝေဖန်သူများက တက္ကသိုလ်ဝင်တန်း(၁၀ တန်း)ကျောင်းသား၂ယောက် ဖြစ်ကြတဲ့ မာန်မြင့်နှင့်မိမိ။

အဝေဖန်ခံရတဲ့ စာရေးဆရာက ဗဟိုအားကစားနှင့်ကာယပညာကော်မတီမှာ ညွှန်ကြားရေးမှူးချုပ်တာဝန် ထမ်းဆောင်သွားခဲ့တဲ့ ဗိုလ်မှူးထွန်းငြိမ်း (ကလောင်အမည် တက္ကသိုလ်မောင်နေဒွန်း)။

သူဘာသာပြန်တဲ့ စာအုပ်က ကမ္ဘာကျော်ရုရှားစာရေးဆရာကြီး လီအိုတော်လ်စတွိုင်းရေးသားတဲ့ “စစ်နှင့် ငြိမ်းချမ်းရေး” (War and Peace)စာအုပ် အကျဉ်းချုပ်။ တစ်အုပ်ထဲ အစအဆုံး။

နေရာက ကန့်ဘလူမြို့  အစိုးရအထက်တန်းကျောင်းရဲ့  တစ်ခုတည်းသော တက္ကသိုလ်ဝင်တန်း စာသင်ခန်း လေးထဲမှာ။

စာသင်နေသောဆရာမသည် ကန့်ဘလူသူ အထက်တန်းပြဆရာမ ဒေါ်ထိုက်ထိုက်။

စာရေးဆရာ မြသန်းတင့်၏ ဘာသာပြန်လက်ရာ "စစ်နှင့်ငြိမ်းချမ်းရေး" စာအုပ်။ (အင်တာနက်)

စာရေးသူတို့နှစ်ယောက် ဝေဖန်ပြောလိုက်တာက လီအိုတော်လ်စတွိုင်းရေးသားတဲ့ “စစ်နှင့် ငြိမ်းချမ်းရေး” (War and Peace)စာအုပ်ကြီးကို စာရေးဆရာ မြသန်းတင့်က မူရင်းလက်ရာမပျက် ဘာသာပြန်ပြီး အတွဲ ၁၂ တွဲကို ပုဂံစာအုပ်တိုက်မှ တစ်လတစ်အုပ်ချင်းထုတ်နေစဉ်မှာ (၁၂ တွဲလုံး မပြီးခင်မှာ) တက္ကသိုလ်မောင် နေဒွန်းက ကြားဖြတ်ပြီး အကျဉ်းချုပ်စာအုပ်ကို ဘာသာပြန်ထုတ်ဝေလိုက်ခြင်းသည် စာပေသစ္စာကို ဖောက် ဖျက်ရာ ရောက်ကြောင်း၊ စာရေးဆရာကျင့်ဝတ်ကို မစောင့်ထိန်းတာဖြစ်ကြောင်း၊ စာရေးဆရာတစ်ဦးအနေ ဖြင့် အဲဒီလို မလုပ်သင့်ကြောင်း စသဖြင့် လူတတ်ကြီးတွေလုပ်ပြီး ဆရာမကို ပြောလိုက်ကြပါတယ်။   

ဆရာမက သူတပည့်တွေရဲ့ စကားကို အပြုံးမပျက်နားထောင်နေပြီးမှ “မင်းတို့  တက္ကသိုလ်မောင်နေဒွန်းဆို တာ ဘယ်သူလဲလို့ သိကြရဲ့ လား” လို့ ပြုံးပြုံးလေးပဲ မေးလိုက်ပါတယ်။ စာရေးသူတို့က မသိကြောင်း ဖြေတဲ့ အခါ “အဲဒါ ဆရာမရဲ့  ခဲအိုပေါ့။ ဆရာမရဲ့ အမအရင်းဖြစ်တဲ့ မမခင်ရဲ့ ခင်ပွန်း ဗိုလ်မှူးထွန်းငြိမ်းဆိုတာလေ” လို့ ဆရာမက ရှင်းပြတော့ စာရေးသူတို့ အတော်ကြီးကို အာနာသွားခဲ့ရပါတော့တယ်။

တစ်ခါ ကဗျာစာပေတို့အပြင် အယူဝါဒတစ်ခုခု ဒါမှမဟုတ် ဒသနတစ်ရပ်ရပ်ကိုများ တိမ်းညွှတ်ဖက်တွယ်မိ ပြီဆိုလို့ကတော့ ဘာပြောကောင်းပါ့မလဲ။ တိုးတိုးပြောတစ်လှည့် ကျယ်ကျယ်ပြောတစ်ခါနဲ့ “ပြောမဆုံးပေါင် တောသုံးတောင်” ဆိုတဲ့အထဲကပါပဲ။  

စာရေးသူတို့ ငယ်ငယ်က စာပေကဗျာကို အလွန်ဝါသနာထုံခဲ့တဲ့အပြင် နိုင်ငံရေးအယူအဆတစ်မျိုးကိုပါ သက်ဝင်နှစ်ခြိုက်ခဲ့မိတာကြောင့် စိတ်တူသဘောတူ သူငယ်ချင်းများနဲ့ စာအုပ်တွေဖတ်ကြ၊ ဖတ်ပြီးတာတွေ ကို ဆွေးနွေးငြင်းခုံကြနဲ့ သူများတွေအမြင်မှာ တမျိုးတမည်အထင်ခံရတာ အပြောခံရတာ ကြုံခဲ့ရဖူးပါတယ်။

၁၃၇၄ ခုနှစ်  တပေါင်းလဆန်း ၆ ရက် တနင်္ဂနွေနေ့။ (17 March 2013 Sunday)

စာရေးဆရာ လူမျိုးနော်နှင့် Jurong Point မှာ အမှတ်တရ။ (၁၁ ရက်ဖေဖော်ဝါရီ ၂၀၁၃)

မိမိတို့ စာဖတ်ကြသူတွေအချင်းချင်း စာရေးကြသူတွေအချင်းချင်း ဒါမှမဟုတ် စာပေကို စိတ်ဝင်စားကြတဲ့ သူများနဲ့ စကားစမြည်ပြောကြတဲ့အကြောင်း ရေးနေတုန်း ဒီနေ့မနက် ၈ နာရီလောက်က အမေရိကန်နိုင်ငံမှာ ရောက်နေတဲ့ စာရေးဆရာလူမျိုးနော် (ဒေါက်တာကိုသောင်းတင်)ထံက ဖုန်းဝင်လာခဲ့ပါတယ်။ သူက မိမိနဲ့ အလွန်ပင်ရင်းနှီးသူဖြစ်လို့ မကြာမကြာ ယခုလို ဖုန်းဆက်တတ်တာကြောင့် မိသားစုအကြောင်း မြန်မာပြည်အ ကြောင်းနဲ့ စာပေအကြောင်း အစရှိသဖြင့် နာရီဝက်ကျော်ကျော် အမြဲ စကားပြောကြလေ့ရှိပါတယ်။

သူက လော့(စ)အင်ဂျလိ(စ)မြို့ မှာရှိသော ကင်ဆာရောဂါသုတေသနလုပ်ငန်းများနဲ့ ကုသရေးများကို ကျယ် ကျယ်ပြန့်ပြန့်ပြုလုပ်နေတဲ့ City of Hope National Medical Centre မှာ အလုပ်လုပ်နေတာဖြစ်တယ်။

ပြီးခဲ့တဲ့လ ၉ ရက်နေ့က ဆရာလူမျိုးနော် မြန်မာပြည်မှအလည်ပြန်လာပြီး အမေရိကန်သို့ မပြန်မီ စင်ကာပူကို ၀င်လာခဲ့ပါသေးတယ်။ စာရေးသူ၏အိမ်မှာတည်းသွားတာမို့ စကားတွေအများကြီး ပြောဖြစ်ခဲ့ကြပါတယ်။