၁၃၇၇ ခုနှစ်၊ ပထမ၀ါဆိုလပြည့်ကျော် ၁၀ ရက်
လိပ်စာစားနေကြစဉ်။ |
ဝရန်တာနဲ့ဧည့်ခန်းကိုခြားထားသော မှန်တခါးအနားကိုရောက်တာနဲ့ လိပ်ကလေးတွေရဲ့  ရေဘောင်ဘက် ခတ်သံတဗျမ်းဗျမ်းကို ကြားရပါတော့တယ်။ လူကိုတွေ့ရတာနဲ့ အချိန်တန်လို့ အစာတောင်းကြတာပါ။ ဆာ ကြပြီပေါ့။
ရေကိုရိုက်တဲ့အသံအပြင် သူတို့ရဲ့ လက်သည့်ချွန်ရှည်ရှည်ကြီးတွေနဲ့လည်း လိပ်ကန်ဘောင်ကို 'တစ်ဂျစ်ဂျစ်' နဲ့နားငြီးတဲ့အထိ ကုတ်ခြစ်တတ်ကြသေးတာကလဲ မပြောပါနဲ့တော့။
ဒါနဲ့ မိမိက 'ဆာနေကြပြီလားဟေ့' လို့ ထုံးစံအတိုင်းမေးရင်း လိပ်အခွံထဲက ပြူထွက်လာတဲ့ ကျိချွဲချွဲခေါင်း လေးတွေကို လက်ချောင်းလေးနဲ့ပွတ်သပ်ပေးလိုက်ပါတယ်။ နောက်တော့ လိပ်အစာဗူးလေးကိုဖွင့်ပြီး စာက လေးချီးနဲ့တူတဲ့ အစိမ်းရောင်အစာချောင်းသေးသေးလေးတွေကို လိပ်ကန်အနှံ့ကြဲချပေးလိုက်ပါတယ်။
ဆာကြပြီလားမေးတော့ အခုလိုခေါင်းကလေးမော့ကြည့်ပြီး ပါးစပ်ကလေးဟ,လို့ တောင်းတတ်ကြတာ။ |
ဒီတော့မှ စောစောက သူတို့လက်ကလေးတွေနဲ့ရိုက်တဲ့ ဘောင်ဘက်ခပ်သံကော လက်သည်းနဲ့ကုတ်ခြစ် တဲ့အသံတွေပါ ရပ်သွားကြတော့တာ။
ရေပေါ်မှာဖော့မျှောပြီး အစာတွေလိုက်ကောက်စားနေကြတဲ့ လိပ်ကလေး ၄ ကောင်ကို ပီတိဖြစ်စွာကြည့်နေ ရင်း 'သံယောဇဉ်'ဆိုတာ ခေါင်းထဲလာမိပါတယ်။
သူတို့လေးတွေ လက်သည်းခွံလောက်အရွယ်ကတည်းက သားက သူ့မုန့်ဖိုးနဲ့ ၁ ကောင်ကို ဆင့် ၅၀ နဲ့ ၄ ကောင် (၂ ဒေါ်လာဖိုး) ဈေးက၀ယ်လာခဲ့လို့ မွေးလာခဲ့ရတာဟာဖြင့် အခု ၁၄ နှစ်အကြာမှာတော့ လက်တစ် ၀ါးကြီးကြီးအရွယ်တောင် ရှိလာခဲ့ကြပါတယ်။
ဒီအရွယ်ကိုရောက်လာပြီးကတည်းက နောက်ထပ်ပိုပြီးကြီးမလာကြတော့ပါဘူး။
တူညီတဲ့အမြင်နဲ့သဘောထားရယ် စိတ်ပါဝင်စားမှုဝါသနာတွေရယ်နဲ့ တစ်ဦးရဲ့ ကောင်းကျိုးကို တစ်ဦးက လိုလားတာတွေရယ်အပေါ်မူတည်ပြီး လူတစ်ဦးနဲ့တစ်ဦးဟာ မရှည်ကြာလှတဲ့ အချိန်အတိုင်းအတာလေး တစ်ခုအတွင်းမှာပင် သံယောဇဉ်ဆိုတာလေးဟာ မသိလိုက်မသိဘာသာ ဖြစ်တည်ရှိလာတတ်ပါသေးတယ်။
မြန်မာစာအဖွဲ့ဦးစီးဌာနမှထုတ်ဝေတဲ့ မြန်မာအဘိဓာန် (ဒုတိယအကြိမ်)က သံယောဇဉ်ရဲ့ အဓိပ္ပာယ်ဆိုတာကို 'နှောင်ဖွဲ့သောသဘော' လို့ ဆိုထားပါတယ်။
တစ်နည်းပြောရရင် လူတစ်ဦးချင်းဖြစ်စေ၊လူနဲ့တိရစ္ဆာန်ဖြစ်စေ တစ်ဦးနဲ့တစ်ဦးကို ခင်မင်မှု၊ ရင်းနှီးမှု၊ ချစ်ခင် စုံမက်မှု၊ မြတ်နိူးတွယ်တာမှု အစရှိတဲ့မမြင်ရတဲ့သံယောဇဉ်ကြိုးအမျိုးမျိုးနဲ့ တွယ်ဖက်ချည်နှောင်ထားတာပါပဲ။
ဒါနဲ့ပတ်သက်ပြီး ဆရာကြီးဦးရွှေအောင်က သူ၏ “ဗုဒ္ဓ -လောကသားတို့၏ အနှိုင်းမဲ့ကျေးဇူးရှုင်”(ကိုယ်ကျင့် ဗုဒ္ဓဝင်) စာအုပ်မှာ “လူဟူ၍ ဖြစ်လာသည်နှင့်တစ်ပြိုင်နက် ဘဝနှင့်ပတ်ဝန်းကျင်ကို သံယောဇဉ်ကြိုးများနှင့် ချည်နှောင်ပြီး ဖြစ်ပါသည်။” လို့ မမြင်ကြိုးအား သတိပြုမြင်နိုင်စေရန်အလို့ငှာ ရေးသားခဲ့တာကို မှတ်သားခဲ့ ရဖူးပါတယ်။
ဟုတ်ပါတယ်။
သိသည်ဖြစ်စေ မသိသည်ဖြစ်စေ မမြင်ကြိုးများက မိမိတို့အားလုံးကို တွယ်ဖက်ချည်နှောင်ထားတတ်ကြ တာပါပဲ။
No comments:
Post a Comment