နိုင်ငံခြားဘာသာသိပ္ပံကျောင်း (Institue of Foreign Languages) တွင် ကျောင်းအုပ်ကြီးအဖြစ်
တာဝန်ထမ်းဆောင်ခဲ့သည့်ဆရာကြီးဦးတင်အောင်စိုးသည် ပြီးခဲ့သောစနေနေ့မနက်ပိုင်းက ကွယ်
လွန်သွားပြီဖြစ်ကြောင်းကို ဧပြီ ၂၄ ရက်နေ့ထုတ်မြန်မာ့အလင်းနှင့်ကြေးမုံသတင်းစာတို့တွင် ဖတ်
လိုက်ရသည်။
ဆရာကြီးသည် ကွယ်လွန်ချိန်တွင် အသက် ၉၃ နှစ်ရှိပြီဖြစ်သည်။
၁၉၇၄ ခုနှစ် ဇန်န၀ါရီ (၁၆) ရက်နေ့က
ကျောင်းအုပ်ဆရာကြီးဦးတင်အောင်စိုးမှ မိမိအား ရုရှားဘာသာဒီပလိုမာချီးမြှင့်နေစဉ်။
နှင့်ပြင်သစ်ဘာသာတို့ကို အချိန်ပိုင်းသင်ယူခဲ့သောကြောင့် ဆရာကြီးနှင့်သိကျွမ်းခဲ့ပါသည်။
ထိုအချိန်က နိုင်ငံခြားဘာသာသိပ္ပံကျောင်းသာရှိခဲ့ပြီး ယခုခေတ်ကာလကဲ့သို့ တက္ကသိုလ်အဆင့်
မရှိသေးပေ။
အချိန်ပြည့် ၂ နှစ်(တနေ့လုံး) နှင့် အချိန်ပိုင်း ၄ နှစ်(ညပိုင်း) ဆိုပြီး ဒီပလိုမာသင်တန်း ၂ မျိုးရှိခဲ့
သည်။
ဆရာကြီးနှင့်ပတ်သက်ပြီး မိမိတွင် ထူးထူးခြားခြားအမှတ်ရစရာလေးတစ်ခုရှိခဲ့သည်ကို သတိရမိ
သေးတော့။
မိမိသည် ရုရှားဘာသာတတိယနှစ်သင်တန်းပြီးစီးသဖြင့် ပုံမှန်အားဖြင့် ရုရှားဘာသာနောက်ဆုံး
နှစ်(စတုတ္ထနှစ်)သင်တန်းကိုလျှောက်ထားရမည်ဖြစ်သော်လည်း ပြင်သစ်ဘာသာသင်တန်းပ
ထမနှစ်ကိုသာ ပြောင်းပြီးလျှောက်လိုက်ပါသည်။
ဒါနှင့်ပတ်သက်ပြီး ကျောင်းအုပ်ဆရာကြီးဦးတင်အောင်စိုးက မိမိအား သူ၏ရုံးခန်းမှာခေါ်တွေ့ပါ
တော့၏။
ရုရှားဘာသာသင်တန်းကိုပြီးစီးအောင် နောက်တစ်နှစ်ဆက်တက်ရန်ပြောပြတိုက်တွန်းခဲ့ပါသည်။
သို့သော် မိမိက လက်ရှိရုရှားဘာသာပါမောက္ခအားသဘောမတွေ့သဖြင့် ယင်းဘာသာကိုဆက်ပြီး
မတက်လိုကြောင်းပြောကာ ပြင်သစ်ဘာသာပထမနှစ်သင်တန်းကိုသာ လျှောက်ထားခဲ့သည်။
ဆရာကြီးဦးတင်အောင်စိုးသည် ပြည်သူ့တပ်မတော်မှတာဝန်ပေးချက်အရ အရပ်ဖက်ကိုပြောင်းပြီး
တာဝန်ယူခဲ့ခြင်းဖြစ်သည်။
ဆရာကြီးက မွန်မွန်ရည်ရည်ရှိပြီး ပြောဆိုဆက်ဆံမှုကောင်းသည်။
နိုင်ငံခြားဘာသာသိပ္ပံကျောင်းရှိ နိုင်ငံခြားသားဆရာဆရာမျာနှင့်ရော မြန်မာနိုင်ငံသားနိုင်ငံခြားဘာ
သာသင်ဆရာဆရာမများအားလုံးနှင့် အဆင်ပြေကြောင်းသိရသည်။
ယခုလည်း သူ့ကျာင်းမှကျောင်းသားတစ်ဦးအား စေတနာထားလျက် နည်းပေးလမ်းပြပြုပေးခြင်း
ဖြစ်ပါသည်။
အမှန်က ဆရာကြီးပြောပြသည်မှာ တရားနည်းလမ်းကျပြီး တော်တည့်မှန်ကန်မှုရှိလေသည်။
အလုပ်ကအပြန်မှာ လုံးဝအနားမယူနိုင်သေးဘဲ ခက်ခဲသည့်နိုင်ငံခြားဘာသာတရပ်ကို ၃နှစ်တိတိ
ညနေခင်းမှညဦးပိုင်းအထိ နေ့စဉ် ၂ နာရီ(စနေ တနင်္ဂနွေမပါ) သင်ယူလာပြီးမှ နောက်ထပ် ၁ နှစ်
ဆက်တက်ကာ ကျောင်းပြီးလိုက်ရုံသာ။ ဒီပလိုမာဘွဲ့ကို ယူလိုက်ရုံသာ။
သို့ရာတွင် ဆရာကြီးနှင့်စကားပြောအပြီးမှာ လေးစားရသည့်ဆရာကြီး၏စကားကို မလွှဲမရှောင်
သာ (အားနာစိတ်မကောင်းစွာ) ဆန့်ကျင်လျက် ပြင်သစ်ဘာသာ ပထမနှစ်သင်တန်းတက်ရန်
တင်ထားခဲ့သည့်လျှောက်လွှာကို ဆရာကြီးမှာလိုက်သည့်အတိုင်း ပြန်မပြင်တော့ဘဲ ကျောင်းရုံး
ခန်းထဲက ထွက်လာခဲ့ပါသည်။
အကြောင်းမှာ ရုရှားဘာသာပါမောက္ခအား 'ဒီကျောင်းမှာ ခင်ဗျားရှိနေသရွေ့  ရုရှားဘာသာကို ငါ
ဆက်တက်မယ် မဟုတ်ဘူး' လို့ မိမိက ယတိပြတ်ပြောခဲ့သည့်စကားရှိပြီးဖြစ်နေသောကြောင့်ဖြစ်
သည်။
နောက်တခု ဆရာကြီးအားမပြောပြဖြစ်ခဲ့သည်မှာ မိမိသည် မိမိနှင့်သိကျွမ်းခင်မင်သော ရုရှားယဉ်
ကျေးမှုသံရုံးမှသံတမန်ဝန်ထမ်းအချို့ နှင့်တွေ့ဆုံကာ ရုရှားဘာသာပါမောက္ခအပေါ် မြန်မာကျောင်း
သားများ၏မကျေမနပ်ဖြစ်မှုအား ပြောဆိုတိုင်တန်းထားပြီးကြောင်းဖြစ်သည်။
အထူးသဖြင့် စမ်းချောင်း မကြီးကြီးလမ်းထိပ်က ပြည်လမ်းကိုမျက်နှာမူထားသည့် ဆိုဗီယက်ယဉ်
ကျေးမှုရုံး (Soviet Cultural Centre) မှ ပထမအတွင်းဝန် 'စတာရပ်စတင်'နှင့်တတိယအတွင်းဝန်
'ဂရက်ချော့ဗ်'တို့ကို မိမိ ရင်းနှီးမှုရှိခဲ့သည်။
ရာထူးငယ်ပြီး အသက်လည်းသိပ်မကြီးသေးသည့် ဂရက်ချော့ဗ်နှင့်ပိုပြီး ရင်းရင်းနှီးနှီးရှိပါသည်။
ဆက်ပြီးရေးပါဦးမည်။
No comments:
Post a Comment