အလုပ်ပိတ်ရက်အတွက် စာအုပ်အသစ်နှစ်အုပ်

I glanced through some books at our hospital thrift store, "Pick 'n' Choose", and decided to buy two books for weekend reading. 

- The Power of Acceptance
- You'd Better Not Die or I'll Kill You

I will sit curled up on the sofa, reading these interesting books at my cosy home.


ဒီကနေ့မနက်ပိုင်းက လူနာတွေကြည့်အပြီး လူနာဆောင်တွေဆီကပြန်အလာမှာ ပစ္စည်းအဟောင်းလေးတွေရောင်းတဲ့ဆေးရုံကဆိုင် (Thrift shop) မှာ စာအုပ်တွေဝင်ကြည့်ဖြစ်တယ်။

အရင်ကလဲ ၂ ခေါက်လောက် ၀င်ကြည့်ဖြစ်ခဲ့သေးတယ်။

ဒါပေမယ့် မိမိကြိုက်တဲ့စာအုပ်မတွေ့တာနဲ့ တစ်ခါမှ မ၀ယ်ဖြစ်ခဲ့ပါဘူး။

ဒီကနေ့တော့ မိမိစိတ်ဝင်စားတဲ့စာအုပ် ၂ အုပ်တွေ့လို့ ၀ယ်ခဲ့ဖြစ်တာ။

                                ဆေးရုံကပစ္စည်းအဟောင်းဆိုင်   (Photo - Salvation Army)


၂ အုပ်ကိုမှ ၄ ဒေါ်လာနဲ့ ဆင့် ၂၀ ပဲပေးရတာ။

ပထမတစ်အုပ်က Annemarie Postma ရေးတဲ့ The Power of Acceptance ပါ။
စာမျက်နှာ - ၁၉၂။

စာအုပ်ရဲ့ ရှေ့ မျက်နှာဖုန်းမှာပုံနှိပ်ထားတဲ့

A Guide to Ending the Search for Perfection by Surrendering to What is

ဆိုတဲ့ စာသားလေးကို နှစ်သက်မိလို့ စိတ်ဝင်စားပြီးဖတ်ကြည့်ချင်တာ။

နောက်ပြီး စာအုပ်ရဲ့ အနောက်ဘက်အဖုံးမှာလဲ

Inner peace, happiness, health and success တွေအကြောင်းပါလေတော့ မိမိတို့ရဲ့ ဗုဒ္ဓဘာသာအမြင် အတွေး ဒသ၁နတွေနဲ့ ဘယ်လိုများတူလေမလဲ ဘယ်လိုများကွဲပြားလေမလဲဆိုပြီး သိချင်မိတာ။ စူးစမ်းကြည့်ချင်မိတာ။  

စာအုပ်နိဒါန်း (Introduction) က ပထမစာပိုဒ်ရဲ့ ပထမဆုံးစာကြောင်းမှာ စာရေးသူက

         လောကအရှိတရားနဲ့မူလပကတိအခြေအနေတွေကို လက်ခံပေးနိုင်ဖို့နဲ့ပတ်သက်ပြီး 
          ဗုဒ္ဓဘာသာဝင်တွေမှာ လှပလေးနက်တဲ့အဓိပ္ပာယ်ဖွင့်ဆိုမှုရှိနေကြတယ် 

လို့ဆိုထားတာလဲတွေ့ လိုက်ရတယ်လေ။

နောက်စိတ်ဝင်စားစရာတစ်ခုကတော့ ဒီစာအုပ်ရေးသားသူအမျိုးသမီးက မသန်စွမ်းသူတစ်ဦးဆိုတာသိရလို့ပါပဲ။

သူငယ်စဉ်ကလေးဘ၀တုန်းက ခွေးလှေးကောင်အကိုက်ခံရပြီး စနစ်တကျကုသမှုမယူခဲ့တာကြောင့် ကိုယ်အင်္ဂါမသန်စွမ်းမှုတစိတ်တပိုင်းဖြစ်ခဲ့ရပါတယ်။

ဘ၀ရဲ့ တကယ့်အေးငြိမ်းမှု ပျော်ရွှင်မှု ကျန်းမာရေးနဲ့ အောင်မြင်ရေးများဟာ မိမိတို့ရဲ့ လက်ရှိပကတိအခြေအနေတွေကိုပြောင်းလဲပစ်ဖို့ကြိုးပမ်းတာထက် အဲဒီလိုရှိနေတဲ့အတိုင်းပဲ လိုလိုလားလားလက်ခံနိုင်အောင်အားထုတ်တာကပိုကောင်းပါတယ် တဲ့။

ဒါဟာ စာရေးသူကိုယ့်တိုင် တွေ့ကြုံခံစားပြီးမှ ရရှိလာခဲ့တဲ့ဘ၀ဒသနများလေလား။

ဖတ်ကြည့်ပါဦးအံ့။


 



ဒုတိယစာအုပ်က You'd Better Not Die or I'll Kill You (နင် မသေစေရဘူး။ မဟုတ်လို့ကတော့ ငါ နင့်ကိုသတ်ရလိမ့်မယ်) ဖြစ်ပါတယ်။
စာမျက်နှာ - ၂၈၇။

ခေါင်းစဉ်ကိုဖတ်လိုက်တာနဲ့ပဲ ကျောထဲကစိမ့်သွားတော့တယ်။


 


ကိုယ့်အိမ်မှာရှိတဲ့ မိဖဆွေမျိုးလူမမာတွေနဲ့ မသန်စွမ်းဖြစ်နေကြသူတွေကို  စနစ်တကျပြုစုစောင့်ရှောက်ပေးရင်း ပြုစုပေးကြသူများကိုယ်တိုင် ကိုယ်စိတ်ကျန်းမာစွာရှိကြစေဖို့ လက်တွေ့ နည်းပေးလမ်းညွှန် (Survival Guide to Keeping You in Good Health and Good Spirits) ပေးထားတာပါ။

ဒီစာအုပ်ကိုရေးတဲ့ Jane Heller က Crohn's Disease လို့ခေါ်တဲ့ အူသိမ်အူမကြီးရောဂါခံစားနေရတဲ့ခင်ပွန်းဖြစ်သူ 'မိုက်ကယ်' ကို နှစ်ရှည်လများပြုစုနေခဲ့ရပြီး ဆေးရုံကအရေးပေါ်ဌာနဆိုတာကိုလဲ အိမ်ဦးနဲ့ကြမ်းပြင်လို ခဏခဏရောက်နေရသူဖြစ်တယ်။

                 လူမမာတစ်ဦးကို ရေရှည်ပြုစုစောင့်ရှောက်ပေးရတယ်ဆိုတာမျိုးက
                 မိဖနဲ့သားသမီး လင်နဲ့မယား ညီအကိုမောင်နှမ ဆွေမျိုးသားချင်း
                 မိတ်ဆွေများအကြားမှာရှိတဲ့ အလွန်ခိုင်မာလှပါတယ်ဆိုတဲ့ဆက်ဆံေ
                ရေးကိုတောင် အကြီးအကျယ် ထိခိုက်ပွန်းပဲ့ဆုတ်ယုတ်စေနိုင်တာဖြစ်တယ်။
             
               Being a caregiver can strain even the most solid relationships လို့ သူကပြောထားပါတယ်။