ဒီကနေ့နေ့ခင်းက ဖေ့စ်ဘွတ်မှာ ဗီဒီယိုလေးတစ်ခုကြည့်ပြီး အစက ကိုယ်ဖာသာကိုယ်တစ်ယောက်ထဲ ပြုံးမိတယ်။
နောက်တော့ တီဗွီကြည့်နေတဲ့အိမ်ရှင်မကို လှမ်းပြောပြရင်း နှစ်ဦးသားရယ်လိုက်ကြရတာ။
ဖေ့စ်ဘွတ်မှာ အဲဒီလိုတင်ထားတာလေးတွေကြည့်ရတာ နှစ်သက်စရာပါ။
ဗွီဒီယိုပြကွက်အတိုလေးတွေကြည့်ပြီး စိတ်လက်ပေါ့ပေါ့ပါးပါးလေးနဲ့ အတွေးတစ်ခု နားလည်မှုတစ်မျိုးရတယ်။
အကြောင်းအရာလေးကိုကြည့်ပြီး ဆက်ပြီးစဉ်စားရတာမျိုးလဲရှိတတ်တယ်။
ဒီနေ့ဗွီဒီယိုလေးကြည့်ပြီးတော့ မိမိမှာ အတွေးတစ်ခုရလိုက်ပါတယ်။
အဲဒါက ပစ္စည်းတစ်ခုရဲ့ တန်းဖိုး အပြောင်းအလဲပါ။
မူလဗွီဒီယိုကနေ screenshot လုပ်ထားတဲ့အောက်ကပုံလေးတွေကို ကြည့်ကြရအောင်။
မြင်ကွင်း (၁)
လူငယ်အမျိုးသားတစ်ဦး နောက်လူငယ်အမျိုးသမီးတစ်ဦးရဲ့ လက်ကလေးကိုဆွဲပြီး သူ့ရှေ့ မှာ ဒူးကလေးထောက်လို့ ပန်းစည်းလှလှလေးပေးပါတယ်။
ချစ်ခွင့်တောင်းပါတယ်။
မြင်ကွင်း (၂)
အမျိုးသမီးလေးက ခါးခါးသီးငြင်းကာ ကောင်လေးကိုင်ထားတဲ့လက်ကို ဆောင့်ဆွဲရုန်းလိုက်ပြီး ကျောပေးထွက်သွားတယ်။
မြင်ကွင်း (၃)
ဒီအဖြစ်အပျက်ကို အဲဒီအနီးတ၀ိုက်မှာထိုင်နေတဲ့လူငယ်အမျိုးသားတစ်ဦးက စိတ်ဝင်တစားကြည့်နေတယ်။
မြင်ကွင်း (၄)
အမျိုးသမီးလေးရဲ့ မကျေမနပ်ဖြစ်မှုကို ရင့်ရင့်သီးသီးကြီးခံလိုက်ရရှာတဲ့ လူငယ်လေးခမျာ အကြီးအကျယ်စိတ်ပျက်လက်ပျက်ဖြစ်သွားပြီး သူ့လက်ထဲကပန်းစည်းကို အမှိုက်ပုံးထဲပစ်လိုက်တယ်။
မြင်ကွင်း (၅)
အဖြစ်အပျက်တစ်ခုလုံးကို အစကအဆုံးမြင်ရတဲ့လူငယ်လေး ရုတ်တရက်အကြံရကာ အမှိုက်ပုံးထဲကပန်းစည်းကို သွားပြီးကောက်ယူလိုက်တယ်။
မြင်ကွင်း (၆)
အဲဒီအချိန်မှာ လူငယ်စုံတွဲတစ်တွဲရောက်လာတာကိုတွေ့ရလို့ ပန်းစည်းကောက်လာတဲ့လူငယ်လေးက အမျိုးသားဖြစ်သူကို 'ခင်ဗျားရဲ့ ချစ်ချစ်လေးကို ဒီပန်းစည်းလှလှလေးမပေးချင်ဘူးလား။ ဈေးမကြီးပါဘူးဗျာ။ တစ်ဆယ်ထဲပါ' လို့ပြောလိုက်တယ်။
အမျိုးသမီးရဲ့ ပန်းစည်းလိုချင်နေတဲ့မျက်နှာကိုရိပ်မိတဲ့ အမျိုးသားလေးက ၀ယ်လိုက်ပါတယ်။
မြင်ကွင်း (၇)
ပြီးတဲ့အခါ မျှော်လင့်နေတဲ့သူ့ချစ်ချစ်လေးကို ပေးလိုက်တော့တာ။
မြင်ကွင်း (၈)
အကြံလည်းကာင်း ဖြတ်ထိုးဥာဏ်လဲရှိပြီး အခြေအနေကို ကွက်တိအသုံးချတတ်တဲ့လူငယ်လေးက တန်ဖိုး'သုည'ဖြစ်သွားတဲ့ပန်းစည်းကို အသက်ပြန်သွင်းကာ အလကားနေရင်းပိုက်ဆံရလိုက်တာဖြစ်လို့ ကျေနပ်မဆုံးရှာဘူးပေါ့။
မှတ်ချက်။ ။ မူလဗွီဒီယိုမှာ စကားပြောလုံးဝမပါပေမယ့် ဇာတ်လမ်းပိုပြီးအသက်ဝင်စေဖို့ တစ်နေရာမှာ ဖန်တီးထည့်ထားပေးပါတယ်။
No comments:
Post a Comment