ပြီးခဲ့တဲ့ ၅ ရက်လောက်တုန်းက မန္တလေးမှာရှိသည့် အကြောအဆစ်ကုပညာရှင်(Physiotherapist)
တဦးဖြစ်တဲ့ကိုသန့်ဇော်က သူရဲ့ ဖေ့စ်ဘွတ်စာမျက်နှာကနေ သတင်းပေးလို့ မိမိတို့ဆေးဘက်ပညာ
သိပ္ပံ(Institute of Para-Medical Sciences) မှာ ၄ နှစ်တာ ကျောင်းအတူတက်ခဲ့ကြသည့်အတန်း
ဖော်သူငယ်ချင်း ကိုဟုတ်စောကွယ်လွန်သွားကြောင်း စိတ်မကောင်းစွာ သိခဲ့ရပါတယ်။
ကိုသန့်ဇော်၏ဖေ့စ်ဘွတ်စာမျက်နှာမှာ သူသိထားတဲ့အမည် 'ဦးတင့်လွင်'လို့ရေးထားခဲ့တာ။
မိမိတို့အတန်းတူသူငယ်ချင်း အချင်းချင်းတွေကတော့ ကျောင်းတုန်းက သူ့ကို ကိုဟုတ်စောလို့ပဲ
ခေါ်ခဲ့ကြတာပါ။ မြန်မာတရုတ်အနွယ်ပါ။
အတန်းတူသူငယ်ချင်းဆိုတာ မိမိတို့အကြောအဆစ်ကုဘာသာရပ်(Physiotherapy) က ကျောင်း
သူကျောင်းသားတွေကိုသာပြောချင်တာမဟုတ်ပဲ သူ့ကိုသိကြ ရင်းနှီးကြတဲ့တခြားသောဘာသာရပ်
များက အတန်းတူတွေကလဲ ဒီလိုခေါ်ကြတာပါပဲ။
အဲဒီအချိန်က အာဂျီအိတ်ခ်ျ(RGH - Rangoon General Hospital)လို့လူသိများခဲ့တဲ့ ရန်ကုန်ဆေးရုံ
ကြီးအတွင်းမှာဖွင့်လှစ်ထားသည့် ဆေးဘက်ပညာသိပ္ပံကျောင်းမှာ ဆေးဘက်ပညာရပ် ၄ မျိုး သင်
ကြားပေးခဲ့တာ။
အကြော(Physiotherapy)၊ ဓာတ်မှန်(Radiography)၊ ဓာတ်ခွဲ(Medical Technology)နဲ့ ဆေးဝါး
(Pharmacy)ဆိုပြီး မြန်မာလိုအတိုကောက်ရေးခဲ့ ပြောခဲ့ကြတာ။ အခုနေအခါမှာ အဲဒီအခေါ်အဝေါ်
တွေကို ကြိုက်တာ မကြိုက်တာ၊ မှန်တာ မမှန်တာအပထားလို့ ဒသမတန်း(တက္ကသိုလ်ဝင်တန်း)စာ
မေးပွဲအောင်ပြီး တက္ကသိုလ်လမ်းညွှန်စာအုပ်မှာတရားဝင်ရေးထားတာကိုဖတ်ခဲ့ သိခဲ့ရလို့ ဒီအခေါ်
အဝေါ်လေးတွေကို မိမိအနေနဲ့ပြန်ပြောင်းလွမ်းမိရပါသေးတယ်။
နောင်လာနောင်သားတွေလဲ သိထားရအောင်ပါ။
ကိုဟုတ်စောအကြောင်းကိုပြန်ဆက်ရရင် မိမိတို့ ဆေးဘက်ပညာ 4th Batch မှာ ပုသိမ်သား ၂ ဦးပါ
ပါတယ်။
တဦးက ကိုဟုတ်စောဖြစ်ပြီး နောက်တဦးက (မိမိအမှတ်မမှားခဲ့ရင်) ဓာတ်မှန်က ကိုဗွင်ဟိုဖြစ်ပါတယ်။
သင်ယူနေတဲ့ဘာသာရပ်ချင်းမတူကြပေမယ့် ကိုဗွင်ဟိုက ကိုဟုတ်စောရှိတဲ့မိမိတုိ့ဆီကို မကြာမကြာ
အလည်လာတတ်တာဖြစ်လို့ သူ့ကိုလဲကောင်းကောင်းသိခဲ့ပါတယ်။
ဆက်ပြီးရေးပါဦးမည်။
No comments:
Post a Comment