VivoCity ရောက် စနေဈေးဝယ်ခရီး

 

ဒီကနေ့မနက် စနေအလုပ်နားရက်မှာ မိမိတို့အဖိုးအဖွားနှစ်ဦး ဗွီဗိုစစ်တီးကုန်တိုက်ကြီးကိုရောက်သွား 

ခဲ့ကြတယ်။ ခရီးရှည်ခြေဆန့်ကြရင်းပေါ့လေ။ 

အဲဒီနေရာကဝေးလို့မို့ မရောက်ဖြစ်တာကြာတာလဲ ပါပါတယ်။

ပုံမှန်ကတော့ စနေမနက်ဆိုရင် ရပ်ကွက်ထဲကဈေးမှာ နံနက်စာစားပြီး အဲဒီကနေမှ ဂျူရောင်းအိ(စ)နဲ့

ဂျူရောင်းပွိုင့်တွေက NTUC ကုန်မျိုးစုံဆိုင်ကြီးတခုခုမှာဖြစ်ဖြစ် ဒါမှမဟုတ် IMM က ဂျိုင်းအန့်ကုန်မျိုး

စုံဆိုင်ကြီးမှာဖြစ်ဖြစ် တပတ်စာဈေးဝယ်ထွက်ကြလေ့ရှိတာ။

IMM က ဂျိုင်းအန့်(Giant Hypermarket)ကိုသွားတဲ့အခါတိုင်းမှာတော့ မြေညီထပ်မှာရှိတဲ့ CAFE O

ပလာတာနဲ့ ဟင်းရည်(fish curry)ကိုကြိုက်လို့ နံနက်စာကို အဲဒီကိုရောက်တော့မှပဲစားကြတယ်။

ဒီကနေ့မှာ ဂျူရောင်းအိ(စ)ကစီးလာတဲ့ အမှတ် ၉၇ ဘတ်စ်ကား ဟားဘားဖရန့်မှတ်တိုင်ကိုရောက်

တော့ မှတ်တိုင်ရဲ့ အနောက်ဖက်က ကုန်းမြင့်မြင့်လေးပေါ်မှာရှိတဲ့ Seah Im Food Centreမှာ ပလာ

တာစားဖြစ်ခဲ့တယ်။ 

နံနက်စာစားသောက်ပြီးတဲ့အခါ လမ်းကျော်ဂုံးတံတားကနေကူးလိုက်တာနဲ့ ဟားဘားဖရန့်ဖက်အခြမ်း

ကိုရောက်ပါတယ်။

ဟားဘားဖရန့်စင်တာကိုသွားဖို့ရာ HarbourFront Tower One နဲ့ HarbourFront Centre ကိုဆက်ထား

ပေးတဲ့ နောက်လမ်းကျော်ဂုံးတံတားတခုကို ထပ်ပြီးကူးရပြန်တယ်။ အဲဒီတံတားပေါ်ရောက်တော့ လေ

နုအေးလေး တဟူးဟူးတိုက်နေတာနဲ့ ခဏရပ်ပြီးနားကြတယ်။ စားသောက်လာပြီးပြီးချင်း တံတားပေါ်

ကိုလမ်းလျောက်တက်လာကြရတာကြောင့် ပူအိုက်နေတာနဲ့အတော်ဖြစ်သွားတယ်။

ဒါနဲ့ တံတားပေါ်ကနေ စင်တိုစာကျွန်းရှိရာဖက်ကိုလှမ်းကြည့်ဖြစ်တယ်။ (အောက်ပုံ)

       

                

ယခင်အခေါက်တွေက တံတားပေါ်ကနေ စင်တိုစာကျွန်းရှိရာဖက်ဆီလှမ်းကြည့်ဖြစ်တိုင်း စင်တိုစာ

ကျွန်းပေါ်ကအဆောက်အဦထိပ်ပိုင်းလေးတွေကို များသောအားဖြင့် မြင်ကြရလေ့မရှိပါဘူး။ 

ဘာကြောင့်လဲဆိုတော့ ဗွီဗိုစစ်တီးကုန်တိုက်ကြီးအနီးမှာရှိတဲ့ အပြည်ပြည်ဆိုင်ရာခရီးသည်ဆိပ်ကမ်း (International Passenger Terminal-IPT)မှာ ဇိမ်ခံသင်္ဘောကြီးတစီးစီးရပ်ထားလို့ အဲဒီအဆောက်အ

ဦထိပ်ပိုင်းလေးတွေကိုကွယ်နေတတ်တာကြောင့်ပါ။ 

ဟားဘားဖရန့်စင်တာအ၀င်ပေါက်ကနေ လှေကား ၄ ထစ်လောက်ဆင်းလိုက်တဲ့အခါ ကုန်တိုက်ကြီး

အထဲကိုရောက်ပါတယ်။ လှေကားရဲ့ လက်ဝဲဖက်မှာရှိတဲ့ ကေအက်ဖ်စီ(KFC)ဆိုင်မှာ မိမိတို့ တခါတ

ရံဝင်ထိုင်ပြီး အာလူးကျော်စား အအေးသောက်တတ်ပါတယ်။

ဒီနေ့မှာ စောစောလေးတင်ကပဲ နံနက်စာစားခဲ့တာဖြစ်လို့ မ၀င်တော့ဘဲ မြေအောက်ထပ်ကိုဆင်းခဲပြီး 

May Bankဘဏ်ကိုရှာပါတယ်။ တထပ်လုံးကို လှည့်ပတ်ရှာလို့မတွေ့တာနဲ့ စုံစမ်းရေးကောင်တာမှာ

မေးကြည့်တော့မှ ငွေထုတ်ပေးတဲ့စက်ပဲရှိပြီး ဘဏ်မရှိကြောင်းသိရတယ်။ ရှိတဲ့ငွေထုတ်စက်ကလဲပဲ

ငွေထုတ်တာတော့ရပြီး ငွေသွင်းတာ(deposit)လုပ်မရတာကြောင့် အလုပ်မဖြစ်ပြန်ဘူး။ 

ဒါနဲ့ NTUC ကုန်တိုက်ကြီးမှာ တပတ်စာချက်ပြုတ်စရာတွေဝယ်ပြီး အမှတ် ၃၀ ဘတ်စ်ကားစီးလို့ ဂျူ

ရောင်းပွိုင့်(Jurong Point)ကုန်တိုက်ကြီးကိုသွားကြပါတယ်။ 

အဲဒီက May Bankဘဏ်မှာ ငွေသွင်းပြီး အိမ်ကိုပြန်ခဲ့ကြတယ်။

***