မဂ္ဂဇင်း ၀တ္တု ဂျာနယ်များစွာမှာ သရုပ်ဖော်ပုံတွေ မျက်နှာဖုံးပုံတွေ မရေမတွက်နိုင်လောက်အောင်ထိ ရေး ဆွဲခဲ့တဲ့ ပန်းချီမောင်မောင်သိုက်သည် မနေ့နေ့လည် ၁၂ နာရီကျော်မှာ ကွယ်လွန်သွားကြောင်း ကြားသိ ရပါတယ်။ အသည်းရောဂါနဲ့ ဆုံးသွားတယ် ပြောပါတယ်။ သူ ကွယ်လွန်ချိန်မှာ အသက် ၆၆ နှစ်ရှိပါပြီ။
ပန်းချီမောင်မောင်သိုက်ရေးဆွဲတဲ့ ကိုယ်လုံးသွယ်သွယ်နွဲ့နွဲ့နဲ့မိန်းမလှပုံလေးများကို ၁၉၇၀ခုနှစ်များက စာ ရေးသူတို့လူငယ်အတော်များများ စွဲလမ်းနှစ်ခြိုက်ခဲ့ကြပါတယ်။ အထူးသဖြင့်ကတော့ လုံးချင်းဝတ္တုတွေရဲ့ မျက်နှာဖုံးပုံတွေပဲ ဖြစ်ကြတယ်။ အဲဒီမိန်းမလှပုံလေးများဟာ အသက်ဝင်လှတာနဲ့အမျှ အတော်လေးကို ထူးထူးခြားခြား ဆွဲဆောင်မှုရှိကြတာဖြစ်တယ်။ ၁၉၈၀ခုနှစ်များမှာ စာရေးသူဟာ မဂ္ဂဇင်းအတော်များများ မှာ လစဉ်ရေးနေတာမို့ စန္ဒာ မိုးဝေ မြ၀တီ ကလျာ ပေဖူးလွှာ စစ်ပြန် သိပ္ပံအစရှိတဲ့ မဂ္ဂဇင်းတိုက်တွေကို လဲ အရောက်အပေါက်များခဲ့ပြီး ဆရာမောင်မောင်သိုက်ကို လူချင်းမရင်းနှီးခဲ့ပေမယ့် တစ်ခါတစ်ခါ တွေ့ရ တတ်ပါတယ်။
ဆရာမောင်မောင်သိုက်ရဲ့ဇနီးကတော့ သူ မကွယ်လွန်မီကတည်းက ဆုံးသွားခဲ့တာဖြစ်လို့ ယခုအခါမှာ သားတစ်ယောက်နဲ့ သမီးတစ်ယောက်ပဲ ကျန်ခဲ့ကြောင်း သိရှိရပါတယ်။
No comments:
Post a Comment