ဆရာကြီးဦးစိန်ဝင်း ကျန်းမာရေးကောင်းလာ

ယခုတစ်ခါ နေထိုင်မကောင်းဖြစ်တာ အတော်လေးကြာတယ်လို့ ဂျုလိုင်လ ၂၇ ရက် နေ့ထုတ် Weekly Eleven News ဂျာနယ်မှာ ဆရာကြီးရေးတဲ့ဆောင်းပါးအရ သိရပါတယ်။

သုံးလလောက်တောင်ပါပဲတဲ့။ ၀ဲယာစောင်းပြီး ရက်ပေါင်းများစွာအိပ်ခဲ့ရလို့ နံပါးနှစ်ဖက်စလုံးမှာ 'အိပ်ယာ နာ' (bedsore)တွေတောင်ဖြစ်ကုန်တယ် ပြောပါတယ်။ အရင်တုန်းက ဆရာကြီးမှာ 'အိပ်ယာနာ' ရှိတယ် ဆိုတာ မကြားဖူးလို့ အဲဒါနဲ့ပတ်သက်ပြီး ဆရာကြီးရဲ့ကျန်းမာရေးနဲ့ စာရေးသားမှုအတွက် စိုးရိမ်စိတ်ဖြစ် မိရပါတယ်။

အိပ်ယာနာရဲ့သဘာဝက ဖြစ်လာရင်ပျောက်ကင်းဖို့ ကြာတတ် ခက်ခဲတတ်လို့ပါ။ အိပ်ဖို့ လဲလျောင်းနေဖို့ ဒုက္ခပေးတတ်လွန်းလို့ပါ။ စာရေးသူသည် အိပ်ယာနာဖြစ်တဲ့လူနာများကို ခရမ်းလွန်ဓါတ်ရောင်ခြည်(Ul- traviolet Radiation)ပေးပြီး ဆေးရုံတွေမှာ ကုသပေးခဲ့ဖူးတာမို့ ဒီလိုအနာမျိုးဖြစ်ရင် အနာကိုအထူးဂရု စိုက်ပေးရတာ၊ အချိန်မှန်မှန် ဆေးထည့်ပေးရတာ အနာရဲ့အခြေအနေကိုလိုက်ပြီး လိုအပ်ရင် အကြောအ ဆစ်ဆေးကုဋ္ဌာန(Physiotherapy Department)ကိုသွားပြီး ဓါတ်ရောင်ခြည်ကုသမှုခံယူရတာတွေ တွေ့ ခဲ့ရတာမို့ပါ။     

ထုံးစံအတိုင်းပဲ ဆရာကြီးနေထိုင်မကောင်းဘူးဆိုတာ သိကြတဲ့သူတွေ၊ ဆရာကြီးရဲ့စာတွေမဖတ်ရတာ ကြာလှလို့ နေမှကောင်းရဲ့လားဆိုပြီး တစ်ယောက်တစ်ပေါက် လာမေးကြတဲ့သူတွေ၊ ဘုရားလဲဖူး လိပ်ဥ လဲတူးဆိုသလို လူမမာမေးရင်း မြန်မာ့အရေးကမ္ဘာ့အရေးတွေနဲ့ပတ်သက်လို့ ဆရာကြီးရဲ့ထင်မြင်ချက်ကို တစ်လက်စာတည်း တောင်းကြတဲ့သူတွေ မနည်းလှပါဘူး။ အဲဒီလိုတောင်းကြလို့လဲ ယခုလိုမှတ်သားခွင့် ရတာလေးတွေကို တစ်ဆင့်မျှဝေခွင့်ရတာပါ။

ဒေါ်အောင်ဆန်းစုကြည်နဲ့ ပူပူနွေးနွေးအစိုးရသစ်မှ ၀န်ကြီးဦးအောင်ကြည်တို့နှစ်ဦး တွေ့ဆုံကြတာနဲ့ ပတ် သက်လို့  ဆရာကြီးဦးစိန်ဝင်းက အောက်ပါအတိုင်းသုံးသပ်ထားတာ ဖတ်ရပါတယ်။

(၁) ဘန်ကင်ဘွန်းလို ဒါဟာ အမျိုးသားပြန်လည်ရင်ကြားစေ့ရေးအတွက် ကောင်းမွန်တဲ့လမ်းစဖြစ်တယ် ဆိုတဲ့ အကောင်းမြင်ရှုထောင့်က ကြည့်တဲ့သူများ။

(၂) အမေရိကန်နိုင်ငံခြားရေးဝန်ကြီး ဟီလာရီကလင်တန်ပြောသလို မှန်ကန်ကောင်းမွန်တဲ့လမ်းကြောင်း ဖြစ်တယ်။ ဒါပေမဲ့ ဒါလောက်နဲ့ မလုံလောက်သေးဘူး။ လက်တွေ့အလုပ်နဲ့ သက်သေပြဖို့လိုတယ်ဆိုတဲ့ "ထောက်ကွက်"လုပ်သူများ။

(၃) အမေရိကန်နဲ့အာဆီယံနိုင်ငံတွေက ပရက်ရှာ(ဖိအား)ပေးနေတာတွေ လျော့ကျသွားစေဖို့ အာဆီယံ မှာ ဥက္ကဋ္ဌရာထူးရယူဖို့အတွက်လှည့်ကွက်သက်သက်မို့ "အရာကြီးနဲ့ ဘာဘူကြီး"လို ထူးမခြားနားပါပဲလို့ ဆိုသူများ။

(၄) တွေ့ဆုံကြတဲ့နှစ်ဖက်မှာ ကိုယ်စီကိုယ်စီ ဘယ်လိုရည်ရွယ်ချက်တွေ ရှိနေရှိနေ တစ်ဖက်နဲ့တစ်ဖက် ကျောခိုင်းနေတာထက်တော့ မျက်နှာချင်းဆိုင်တွေ့ဆုံတာက ပိုကောင်းတယ်။ ဒါကြောင့် ထောက်ခံသင့် တယ်။ တွေ့ဆုံပွဲကနေ ဆွေးနွေးပွဲဖြစ်အောင် အားလုံးဝိုင်းပြီး တွန်းအားပေးရမယ်လို့ဆိုတဲ့သူများ။

အဲဒီ အမြင်လေးမျိုးအပေါ်အခြေခံပြီး ဆရာကြီးဦးစိန်ဝင်းက သတင်းသမားတစ်ယောက်အနေနဲ့ အခုလို သုံးသပ်ဝေဖန်ထားတာ တွေ့ရပါတယ်။

# ဒေါ်အောင်ဆန်းစုကြည်နဲ့ ၀န်ကြီးဦးအောင်ကြည်တို့ တွေ့ဆုံကြတာဟာ ကောင်းတဲ့ကိစ္စဖြစ်တယ်။ မင်္ဂ လာသတင်းဖြစ်တယ်။ ထပ်ခါထပ်ခါပြုလုပ်ကြဖို့ တိုက်တွန်းနိူးဆော်ရမယ်။ <...> တွေ့ဆုံရာကနေ ဆွေး နွေးတဲ့အဆင့်ကိုရောက်ရင်တောင် ဖြေရှင်းရမယ့်ပြသနာတွေ တောင်လိုပုံနေတယ်လို့ဆိုချင်တယ်။ အဲဒါ ကြောင့် တွေ့ဆုံပွဲကနေ ဆွေးနွေးပွဲဖြစ်လာအောင် အားလုံးဝိုင်းဝန်းကြိုးစားကြဖို့ မြန်နိုင်သမျှအမြန်ဆုံး ဆောင်ရွက်ကြဖို့ နိူးဆော်လိုက်ပါတယ်။  

# အာဇာနည်နေ့ကိစ္စကော ပုဂံဘုရားဖူးကိစ္စပါ မြန်မာနိုင်ငံသားတွေသာမက ကမ္ဘာတစ်ခုလုံးကပါ ရင်တ မမနဲ့စောင့်ကြည့်နေခဲ့ကြပေမယ့် မဖြစ်သင့်ဖြစ်ထိုက်တဲ့ကိစ္စမျိုး တစ်ခုမှဖြစ်ပေါ်မလာခဲ့ပဲ အေးအေးချမ်း ချမ်းနဲ့ပြီးဆုံးသွားခဲ့တယ်။ ဒါဟာ နှစ်ဦးနှစ်ဖက်တွေ့ဆုံညှိနိူင်းမှုကြောင့် ထွက်ပေါ်လာတဲ့ရလဒ်ဖြစ်တယ်။

# ဆန္ဒပြတယ်ဆိုတာ ဒီမိုကရေစီနိုင်ငံတွေမှာ မထူးဆန်းပါဘူး။ <....> ဆန္ဒပြသူကပြ၊ လမ်းသွားလမ်း လာတွေက သွားမြဲလာမြဲ၊ ရုံးသူရုံးသားတွေက ရုံးတက်မြဲပါပဲ။ ဆန္ဒပြသူတွေကလည်း သူတို့ပြစရာရှိတာ ပြ၊ တောင်းဆိုချက်ပေးစရာရှိတာတွေပေးပြီး အေးအေးဆေးဆေး ပြန်သွားကြတာပါပဲ။

# မြန်မာပြည်နိုင်ငံရေးအသိုင်းအ၀န်းထဲက ပုဂ္ဂိုလ်အများစုမှားလေ့ရှိတဲ့အမှားမျိုး ထပ်မမှားစေဖို့ သတိ ထားသင့်တယ်။ အမေရိကန်နဲ့အီးယူကဖိအားပေးလို့ အာဆီယံကပရက်ရှာပေးလို့ အစိုးရကလိုက်လျော လာတာဆိုတဲ့အမြင်ဟာ အင်မတန်မှားယွင်းတဲ့အမြင်ဖြစ်တယ်။ နှစ်ပေါင်းငါးဆယ်နီးပါး လက်တွေ့မြင် တွေ့ခဲ့ရတဲ့အချက်ကတော့ မြန်မာအစိုးရဟာ ဘယ်သူ့ဖိအားကိုမှ ဂရုမစိုက်ဘူးဆိုတဲ့အချက်ဖြစ်တယ်။

# လောလောဆယ်မြင်နေရတဲ့ အဖြစ်အပျက်တွေသတင်းတွေက ကြာရှည်လျစ်လျူရှုထားရင် "အပ်နဲ့ ထွင်း"ရုံ နဲ့မရတဲ့အခြေအနေထိ ရောက်လာနိုင်တယ်။ တိုင်းရင်သားဒေသအားလုံးလိုလိုမှာ စစ်ပွဲတွေ အရှိန်ပြင်းပြင်းနဲ့ဖြစ်လာတွေဟာ အင်မတန်အန္တရာယ်ကြီးလှတယ်လို့ သဘောရတယ်။ စိတ်မချမ်းသာ စရာဖြစ်တယ်။ တပ်မတော်သားကျဆုံးလည်း မြန်မာပဲ။ ကေအိုင်အိုက ကျလည်း မြန်မာပဲ။ ဒီကေဘီ အေနဲ့ကေအင်န်ယူကသေလည်း မြန်မာပဲ။ ကိုယ့်အချင်းချင်းတိုက်နေသတ်နေရတာ ဘာကောင်းလို့လဲ။

# ခုချိန်မှာ မြန်မာတစ်မျိုးသားလုံးအတွက် အရေးကြီးဆုံးက သေနပ်သံတွေရပ်စဲပြီး အသေအပျောက် သတင်းတွေ မကြားရဖို့ဖြစ်တယ်။ ဒီကိစ္စကို အားလုံးဝိုင်းဝန်းကြိုးစားကြစေချင်တယ်။

မြန်မာ-မြန်မာချင်းတိုက်နေသတ်နေတာနဲ့ပတ်သက်လို့ ဆရာကြီးက သူ့ဆောင်းပါးတစ်နေရာမှာ အခုလို ရေးထားတာ ဖတ်ရပါတယ်။
"စစ်ဆိုရင် မုန်းလွန်းလို့ ရေတောင်စစ်မသောက်ချင်ဘူး"လို့ ရှေးလူကြီးတွေ ပြောကြသလိုတောင် တစ်ခါ တစ်ခါပြောချင်မိတယ်-လို့။

ဒီနေ့ရာမှာ မိမိရဲ့မုဒုံသူဇနီးပြောပြတဲ့ "၀လုံးပဲ ကြိုက်တယ်"ဆိုတဲ့ တကယ့်အဖြစ်အပျက်ကလေးကို ပြေး ပြီး သတိရမိသေးတော့။ သူ ငယ်ငယ်တုံးက ကြားခဲ့ဖူးတာလေ။

မွန်ပြည်နယ် မုဒုံမြို့နားမှာရှိတဲ့ ရွာတစ်ရွာမှာ စစ်တပ်ရောက်လာတော့ မိဖဖြစ်သူအချို့က သူတို့ရဲ့သမီး တွေ စစ်ဗိုလ်စစ်သားများနဲ့အကြောင်းပါပြီး ရပ်ဝေးကိုပါသွားမှာစိုးတဲ့အတွက် အခုလိုမွန်သံဝဲ၀ဲနဲ့ သတိ ပေးပြောကြပါသတဲ့။

"စစ်ဗိုလ်စစ်သားတော့ တို့ မကြိုက်။ ၀လုံးပဲ ကြိုက်တယ်"လို့။

'၀လုံး'ဆိုတာ ဟိုခေတ်ဟိုအခါက သမီးရှင်များ အထူးမျက်စေ့ကျခဲ့ဖူးတဲ့ '၀တ်လုံ'(ရှေ့နေ)ကို ဆိုလိုတာပါ။

[စကားချပ်။ ။ '၀တ်လုံ'ဆိုတဲ့မြန်မာအသံထွက်ကို မွန်သံဝဲ၀ဲနဲ့ထွက်တဲ့အခါ '၀တ်'မှာ အသံတိမ်ပြီး 'လုံ'မှာ အသံမြှင့်ပြီးဆွဲလိုက်တာကြောင့် '၀တ်'မှ'၀'၊ 'လုံ'မှ'လုံး'ဖြစ်သွားရတာပါ။]