ဒီကနေ့မနက် ၁၁ နာရီကျော်လောက်မှာ"Celebrating Healthcare Heroes event"ကျင်းပရာ F1 Pit
Building ကို ဆေးရုံကနေ ဌာနမှူးရဲ့ ကားနဲ့သွားခဲ့ကြပါတယ်။
မိမိတို့အကြောအဆစ်ကုဌာနက Physiotherapist ၄ ဦးနဲ့Therapy Assistant ၂ ဦး စုစုပေါင်း ၆ ဦး ကို
ဗစ်-၁၉ စွမ်းဆောင်ရည်ဆုတံဆိပ်(Covid-19 Resillience Medal) သွားယူကြတာပါ။
စင်ကာပူနိုင်ငံ၏၀န်ကြီးဌာနပေါင်းစုံနဲ့အစိုးရမဟုတ်သောအဖွဲ့အစည်းအသီးသီးက ဆုရရှိတဲ့သူအရေ
အတွက်များပြားပေမယ့် အခမ်းအနားကို စနစ်တကျစီစဉ်ဆောက်ရွက်ထားတဲ့အတွက် အခက်အခဲမ
ရှိပဲ အဆင်ပြေပါတယ်။
ဒါ့အပြင် ဆုရရှိသူများနဲ့သူတို့၏ဧည့်သည်များအတွက်စားသောက်စရာတွေ၊နေထိုင်နားနေစရာတွေ၊
အမှတ်တရဓာတ်ပုံရိုက်စရာတွေနဲ့ကစားပျော်ပါးစရာတွေကို နေရာမလပ်ဆောင်ရွက်ထားရှိပေးတာ
ကလဲ ပြောစရာမရှိအောင်ပင် ကောင်းမွန်ပြည့်စုံလို့ပါပဲ။
ဥပမာ အထက်ပါဓာတ်ပုံ ၂ ပုံ (memorable photoshoot) က ဒီအခန်းအနားကျင်းပရာနေရာမှာရှိ
တဲ့ ဓာတ်ပုံစတူဒီယိုခန်းမှာတာဝန်ကျသူများက အခကြေးငွေမပေးရပဲရိုက်ပေးတာပါ။
ဓာတ်ပုံရိုက်ပြီးတာနဲ့ တခါတည်းချက်ခြင်းပေးလိုက်တာဖြစ်တယ်။ စောင့်ယူရတာမျိုး မရှိပါဘူး။
အောက်ကပုံဆိုလို့ရှိရင် မိမိတို့ ၃ ယောက်က ကင်မရာတပ်ဆင်ထားတဲ့ခြေခုံအ၀ိုင်းပြားကြီးပေါ်မှာ
ရပ်နေပြီး အဲဒီအ၀ိုင်းပြားကြီးလည်ပတ်နေတဲ့အခါ ကင်မရာကဓာတ်ပုံတွေတဖြတ်ဖြတ်ရိုက်တာ။
ပြီးတာနဲ့ ရိုက်ထားတဲ့ဗွီဒီယိုလေးကို မိမိတို့ဌာနမှူးရဲ့ ဖုန်းထဲ ချက်ချင်းတခါထဲပို့ပေးလိုက်ပါတယ်။
သူကနေ မိမိတို့အားလုံးရဲ့ တယ်လီဖုန်းတွေကို တဦးစီပြန်ပို့ပေးတာဖြစ်တယ်။
ဒါကိုလဲ အခကြေးငွေမပေးရပဲရိုက်ပေးတာပါ။
အ၀ိုင်းပြားကြီးလည်ပတ်နေလို့ ဓာတ်ပုံရိုက်နေတုန်း ခြေလက်ခေါင်းခါးကို မြူးမြူးကြွကြွလေးလှုပ်
ရှားကြဖို့ပြောပါတယ်။
အသက်ကြီးသူတွေက ရှက်စနိူးနဲ့ လက်ကလေးကွေးဆန့်ဝှေ့ရမ်းကြလို့။
ငယ်ရွယ်သူတွေကတော့ ဒွန့်ဒွန့်ဒန့်ဒန့်လေးတွေလုပ်ကြလို့ရယ်။
ပျော်စရာလဲ ပျော်စရာ။
အမှတ်တရလဲ အမှတ်တရပေါ့နော်။
***
No comments:
Post a Comment