လူကြုံနဲ့ တကူးတကပို့ပေးလို့ ဖတ်ခဲ့ရတာ ကျေးဇူးတင်မဆုံးပါဘူး။ နောက်ပြီး သူက စာရေးသူထံမှ စာမူများတောင်းရင်း သူ့မဂ္ဂဇင်းတွေနဲ့ပတ်သက်တဲ့ အကြံပြုချက်များလည်း တောင်းလိုက်သေးတယ်။
မြန်မာပြည်မှာ အထွေထွေကျန်းမာရေးနဲ့သက်ဆိုင်တဲ့ လစဉ်ထုတ်မဂ္ဂဇင်းဂျာနယ်တွေရှိပေမယ့် မသန်စွမ်းမှု နဲ့ ပြန်လည်ထူထောင်ရေးဆိုင်ရာ (Disability and Rehabilitation) စာအုပ်တွေကတော့ မရှိသလောက်ကို နည်းပါးလှတာ ဖြစ်ပါတယ်။
ဟော အခုတော့၊ "အလင်းသစ်"မဂ္ဂဇင်းက အဲဒီကွက်လပ်ကလေးကို တစ်ခန်းတစ်ကဏ္ဍ ဖြည့်ဆည်း ပေးလိုက်ပါပြီ။ အားလုံးသိကြပြီးဖြစ်တဲ့အတိုင်းပါပဲ၊ မသန်စွမ်းမှုကို ယေဘုယျအားဖြင့် နှစ်မျိုးနှစ်စား ခွဲခြားပြောနိုင်ပါတယ်။ ပထမတစ်မျိုးက ရုပ်ပိုင်းမသန်စွမ်းမှု(Physical disability)ဖြစ်ပြီး ဒုတိယ
အမျိုးအစားကတော့ စိတ်ပိုင်း(Mental) သို့မဟုတ် ဉာဏ်ရည်ပိုင်း(Intellectual) ချွတ်ယွင်းမှု (မသန်စွမ်းမှု) ဖြစ်ကြတယ်။
မြန်မာစာဖတ်ပရိသတ်များဟာ များသောအားဖြင့် ရုပ်ပိုင်းမသန်စွမ်းမှုများကိုသာ သိရှိမှုများပြီး၊ စိတ်ပိုင်း (Mental) သို့မဟုတ် ဉာဏ်ရည်ပိုင်း(Intellectual) ချွတ်ယွင်းမှု (မသန်စွမ်းမှု)များအကြောင်းကိုမူ
နားလည်သိရှိမှု နည်းပါးကြတာဖြစ်တယ်။ သို့အတွက် စာရေးသူက မိမိရဲ့အနှစ်(၂၀)ကျော် ဉာဏ်ရည်နိမ့်မသန်စွမ်းကုသမှု အတွေ့အကြုံများအပေါ် အခြေခံလျက် အလင်းသစ်မဂ္ဂဇင်းတွင် ဉာဏ်ရည်နိမ့်မသန်စွမ်းမှုဆိုင်ရာဆောင်းပါးများ ရေးသားပေးပို့သွားမှာဖြစ်တယ်။
No comments:
Post a Comment