၁၃၇၇ ခုနှစ်၊ ကဆုန်လဆန်း ၇ ရက်
18 hrs ·
စာကြည့်တိုက်ရယ် သုတေသနလုပ်ငန်းရယ်
စင်ကာပူအမျိုးသားတက္ကသိုလ် (National University of Singapore - NUS) ၀င်းထဲက Kent Ridge Guild House မှာ လူမှုဝန်ဆောင်ရေးဆိုင်ရာသုတေသနဌာန(Social Service Research Centre) ဖွင့်ပွဲရှိတာကြောင့် မရောက်တာကြာပြီဖြစ်တဲ့ အဲဒီတက္ကသိုလ်ကို ဒီကနေ့ ရောက်သွားခဲ့ပါတော့တယ်။
ဖွင့်ပွဲဆိုပေမယ့် သုတေသနနဲ့ပတ်သက်တဲ့ ဟောပြောပိုချမှုတွေပါလုပ်တာဖြစ်လို့ နံနက် ၉ နာရီကနေ ညနေ ၅ နာရီခွဲအထိ ထုိုင်ပြီးနားထောင်ခဲ့ရတာ။ ဒါပေမယ့် လက်ဘက်ရည်၊ မုန့်၊ နေ့လည်စာ စသဖြင့် အကျွေးအမွေးကောင်းလို့သာ တော်ပေသေးတော့။ ကောင်းတာလဲ မပြောနဲ့လေ၊ အရင်က စင်ကာပူ နိုင်ငံဝန်ကြီးချုပ်ဖြစ်ခဲ့ပြီး ယခုအခါမှာ ဂုဏ်ထူးဆောင်အကြီးတန်းဝန်ကြီးတာဝန်ယူထားတဲ့ မစ္စတာ ဂိုချောက်တောင်ကိုယ်တိုင်လာပြီး မိန့်ခွန်းမြွက်ကြားဖွင့်လှစ်ပေးတဲ့အပြင် နိုင်ငံခြားမှ သုတေသန ပညာရှင်ကြီးများက လာရောက်ပို့ချကြတာကိုး။
အဲဒီမနက်က ဖွင့်ပွဲအသွားမှာ တက္ကသိုလ်ဗဟိုစာကြည့်တိုက်အနားကဖြတ်သွားတော့ စင်ကာပူကို မိမိရောက်ခါစက မကြာခဏရောက်ခဲ့တာကို သတိရမိတယ်။ မိမိ၏သုတေသနစာတမ်းများအတွက် ဒီစာကြည့်တိုက်မှာ စာအုပ်တွေငှားရင်း အချက်အလက်အကိုးအကားတွေ လာရှာခဲ့ရတာ။ ၂၀၀၇ က တောင်အာဖရိကနိုင်ငံ ကိတ်ပ်တောင်းမြို့ မှာ စာတမ်းဖတ်ကြားပြီးတဲ့နောက် နောက်ထပ်မလုပ်ဖြစ် တော့တာကြောင့် မရောက်တော့တာဖြစ်တယ်။
မနှစ်ကပြုလုပ်ခဲ့တဲ့သုတေသနစာတမ်းအတွက်ကတော့ ဒီကိုလာဖို့ မလိုတာကြောင့် မရောက်ခဲ့တာပါ။
ဒါပေမယ့် ဒီကနေ့ဖွင့်လှစ်တဲ့ လူမှုဝန်ဆောင်ရေးဆိုင်ရာသုတေသနဌာနက မိမိတို့ကို သုတေသနလုပ်ကြ ရန် လက်ကမ်းဖိတ်ခေါ်ထားတာကြောင့် တက္ကသိုလ်ဗဟိုစာကြည့်တိုက်ကို ပြန်လာဖြစ်နိုင်သလို ယခုဌာန အသစ်ကြီးကိုလည်း လာပြီးအသုံးချဖြစ်မယ်ထင်ပါတယ်။
Chocho Winmyint, Myo Gyi, Precious WinChell and 14 others like this.
No comments:
Post a Comment