၁၃၇၇ ခုနှစ်၊ ကဆုန်လဆန်း ၉ ရက်
22 hrs ·
မိမိမှတ်မိသ၍ မိုးဝေမဂ္ဂဇင်းဟာ ၁၉၇၀ခုနဲ့ ၁၉၈၀ ခုနှစ်တွေကြားမှာ ကဗျာဆရာများစွာနဲ့ လူငယ်စာရေး ဆရာကလောင်သစ်အမြောက်အများကို စင်တင်မွေးထုတ်ပေးခဲ့တဲ့အထဲမှာ မာန်မြင့်လည်း တစ်ဦးအပါ အ၀င်ဖြစ်ခဲ့ပါတယ်။
မာန်မြင့်ရဲ့ ဝတ္တုတိုလေးတွေကိုဖတ်ပြီး ရယ်ရတယ်ဆိုတာက စာဖတ်တဲ့သူတွေကို မရယ်ရယ်ရအောင် တမင် ’မဟားတရား’ ကလိထိုးပြီး ရယ်ခိုင်းတာမျိုး မဟုတ်ပါဘူး။ အဲဒီစာအရေးအသားက စာပေအဆင့်ရှိ တဲ့သရော်စာမျိုးမဟုတ်ပါဘူး။ ရယ်ရအောင်သက်သက်ရေးတဲ့ ရယ်စရာဟာသစာမျိုးပဲဖြစ်တယ်။ မာန်မြင့်ရဲ့  ၀တ္တုတိုလေးတွေမှာ တွေ့ရတာက အဲဒီခေတ်အဲဒီအချိန်က လူတွေရဲ့  ဖြစ်ပျက်နေတဲ့ တကယ့်သဘောသ ဘာဝများကို အရှိအတိုင်း အရင်းအတိုင်း ရိုးရိုးရှင်းရှင်းချပြထားတာပဲဖြစ်ပြီး ယင်းသို့ ပြုမူဖြစ်ပျက်နေကြ တာကိုက မြင်ကြရ တွေ့ကြရသူများအဖို့ သူတို့ကိုယ်နဲ့နှိုင်း စာပြီး ‘ဟင့်’ကနဲ့ ‘ခစ်’ကနဲ လွှတ်ကနဲ ရယ်မိသွား တာမျိုး ဒါမှမဟုတ် နောက်မှတစိမ့်စိမ့်တွေးမိပြီး တသိမ့်သိမ့်ရယ်မိရတာမျိုးပါ။
သူကွယ်လွန်သွားခဲ့ပေမယ့် သူ့စာဖတ်ပရိသတ်များကတော့ မြန်မာပြည်မှာလုပ်သည်၊ ခြင်ထောင်၊ နိုင်ငံခြား ပြန်၊ ဆေးလိပ်သမလေး အစရှိတဲ့ သူ့ဝတ္တုတိုတွေထဲမှ ရိတိတိ ထေ့တေ့တေ့ သရော်တော်တော် အရေးအ သားလေးများကို စွဲလမ်းအမှတ်တရ ရှိနေကြဦးမှာပါ။ ///
*****************
သူ ကွယ်လွန်ပြီး ၃ နှစ်ပြည့်ဖြစ်သော ၂၀၁၃ ခုနှစ်က မိမိ ရေးခဲ့သည်များမှ အောက်ပါစာပုိုဒ်လေးများကို ကောက်နှုတ်ဖော်ပြပါရစေ။
/// ဒီနေ့ကို ကောင်းကောင်းမှတ်မိနေသည်။
တိတိကျကျပြောရလျင် ၂၀၁၀ ခုနှစ် မတ်လ ၂၁ ရက်။
ထိုနေ့တွင် မိမိနှင့်အရင်းနှီးဆုံး ငယ်သူငယ်ချင်းဖြစ်သူ ကိုခင်မောင်မြင့် စင်ကာပူနိုင်ငံ အမျိုးသားတက္ကသိုလ် ဆေးရုံကြီး (National University Hospital - NUH) မှာ ကွယ်လွန်သွားခဲ့သည်။
သူ ကွယ်လွန်ချိန်မှာ မိမိနှင့်မိမိ၏ဇနီးဖြစ်သူတို့ နှစ်ဦးစလုံး သူ့အနားမှာ ရှိနေခဲ့ကြ၏။ သူ၏နောက်ဆုံး ထွက် သက်အား ရင်နာစွာ ခံစားသိမြင်လိုက်ကြရသည်။
သိတတ်ပြီး လိမ်မာရေးခြားရှိလှသည့် သားနှစ်ယောက်၏ ပြုစုစောင့်ရှောက်မှုများကို သူ၏ဇနီးဖြစ်သူနှင့် အတူ အေးချမ်းပျော်ရွှင်စွာခံစားရင်း တစ်ချိန်က ရုန်းကန်လှုပ်ရှားခဲ့ကြရသည့် ဘ၀အမောများကို မေ့ပျောက် နိုင်ချိန်တွင် သူ့ကို ယခုထက်ပိုပြီး အသက်ရှင်ရှိနေစေချင်သေးသည်။
မိမိကိုယ်တိုင်ကလည်း သူငယ်ချင်းင်္ကြီးကိုကြည့်ပြီး သူ့အတွက် ၀မ်းသာကြည်နူးချင်ပါသေးသည်။
ငယ်ငယ်တုန်းကလို စကားတွေအများကြီး ပြောချင်ပါသေးသည်။
ယခုတော့ သူမရှိတော့လေပြီ။
မိမိ၏ရှေ့ မှ သွားနှင့်သည်မှာ သုံးနှစ်ကြီးပင် ရှိခဲ့ချေပြီ။
သို့တစေ မိမိက သူ့အား အမှတ်တရရှိနေဆဲ။ NUH သို့ ရောက်လေတိုင်း သူငယ်ချင်းအား သတိမရမိသည့်အခါဟု မရှိလေခဲ့။
မနေ့က မြန်မာ့အလင်းသတင်းစာမှာ မာန်မြင့်၏ဇနီး ဒေါ်ချစ်ကြည်မြင့်ထည့်ထားသော "(၃) နှစ်ပြည့် လွမ်း ဆွတ်သတိရခြင်း" ကို ဖတ်လိုက်ရသည်။
 |
| စာရေးဆရာမာန်မြင့်ကိုရည်စူ |
တောင်မြို့  မဟာဂန္ဓာရုံပရိယတ္တိစာသင်တိုက်တွင် စာသင်သားသံဃာတော်အပါး ၁၀၀၀ ကျော်တို့ အား ဆွမ်းလောင်းကပ်လှူကြောင်းနှင့် ငွေပဒေသာပင်ကိုလည်း စိုက်ထူခဲ့ကြောင်း၊
သူ့ကိုရည်စူးပြီး သူ၏မိသားစုမှပြုလုပ်သော အလှူဒါနနှင့်ကောင်းမှုကုသိုလ်များကို လှိုက်လှဲစွာသာဓုခေါ် လျက် ၀မ်းမြောက်ဝမ်းသာဖြစ်ရသည်။ ///
သူငယ်ချင်း ကောင်းရာသုဂတိသို့ရောက်ပါစေဟု ဆုမွန်ကောင်းတောင်းလျက်။
No comments:
Post a Comment