ကမ္ဘာ့အကြောအဆစ်ကုပညာရပ်နေ့ဆောင်ပုဒ်
ဒီကနေ့ မိမိအလုပ်လုပ်နေတဲ့ဆေးရုံက အကြောအဆစ်ကုဌာနမှာ ကမ္ဘာ့အကြောအဆစ်ကုပညာရပ်နေ့ (World Physical Therapy Day) အထိမ်းအမှတ်ပွဲလေးလုပ်ဖြစ်ပါတယ်။
အကြောအဆစ်ကုဌာနမှာပဲ လုပ်ခဲ့ကြတာပါ။
"ကျမရဲ့ လူနာအသစ် ၃ ဦးကို ကျေးဇူးပြုပြီးကြည့်ပေးနိုင်မလား။ ကျမမှာလူနာတွေ ဒီနေ့များလွန်းနေလို့ပါ"
မနက် ၈ နာရီခွဲ အလုပ်ကိုရောက်လို့ မိမိတာဝန်ကျတဲ့လူနာဆောင်တွေဆီက လူနာလွဲအပ်ဇယားကို ကွန်ပြူတာမှာကြည့်နေတုန်း လုပ်ဖော်ကိုင်ဖက်တစ်ဦးက အထက်ကအတိုင်း အကူအညီတောင်းလာပါတယ်။
ဒီနေ့အဖို့ မိမိမှာ လူနာအသစ်မရှိသေးတာကတစ်ကြောင်း၊ သူ့မှာ လူနာအသစ်တွေ အများကြီးရှိနေတာကိုလူနာလွဲအပ်ဇယားမှာ တွေ့နေရတာကတစ်ကြောင်းတို့ကြောင့် "ရပါတယ်။ ငါ့မှာလူနာအသစ် တစ်ယောက်မှမရှိသေးပဲဟာ" လို့ပြောလိုက်ပါတယ်။
ဒါနဲ့သူက စာရွက်ကလေးပေါ်မှာ လူနာအမည်နဲ့လူနာဆောင်အမည်တွေရေးပေးပြီး ကျေးဇူးတင်ကြောင်းပြောပါတယ်။
နောက်ပြီး ဒီမနက် ဌာနမှာ World PT Day လုပ်မှာဖြစ်လို့ ၁၁ နာရီခွဲလောက် ခဏပြန်လာခဲ့ဖို့ သူက မိမိကိုမှာပါသေးတယ်။
ဒါနဲ့ လူနာဆောင်တစ်ခုက လူနာအသစ် ၂ ဦးနဲ့ နေက်တစ်ဆောင်က လူနာ ၁ ဦးတို့ကိုကြည့်ပြီး ဌာနကို ၁၁ နာရီမထိုးမီ အရောက်ပြန်လာခဲ့ပါတယ်။
ခဏနေတော့ ဆေးရုံက Allied Health Profession ညွှန်ကြားရေးမှူးရောက်လာပြီး သူနဲ့အတူ HR ဌာနက အရာရှိနှစ်ဦးလဲပါလာခဲ့ပါတယ်။
နောက်ပြီး ကမ္ဘာ့အကြောအဆစ်ကုပညာရပ်နေ့အထိမ်းအမှတ်ပွဲလေးကို မွေးနေ့ကိတ်လှီးပြီးစလိုက်ကြပါတယ်။
အကြောအဆစ်ကုပညာရှင်များ (Physiotherapists) နဲ့ အကြောအဆစ်ကုလက်ထောက်များ (Therapist Assistants, Multi-Skilled Therapist Assistants) များကို စုပေါင်းမတ်တတ်ရပ်စေပြီး HR ဌာနက အရာရှိအမျိုးသမီးက အမှတ်တရဓာတ်ပုံနဲ့ဗွီဒီယိုပုံများရိုက်ပေးပါတယ်။
ဆက်ရေးပါဦးမယ်။
No comments:
Post a Comment