သင်တန်းသူများသည် ဆေးပညာရပ်၏အခြေခံဖြစ်သော ခန္ဓာဗေဒ(Anatomy)၊ ဇီဝကမ္မဗေဒ (Physiology) ၊ သက်ရှိလှုပ်ရှားမှုစနစ် (Biomechanics)၊ ကိုယ်နေကိုယ်ထား (Posture and alignment) အစရှိသည်တို့အား မသင်ကြားဖူးကြသဖြင့် အကြောင်းအရာတို့ကိုရှင်းလင်းပြောပြရန် အခက်အခဲရှိသည်။
သူတို့နားလည်နိုင်မည့် စကားအသုံးအနှုန်းများဖြင့် သူတို့သိထား တတ်ထားသင့်သည်တို့ကို နားလည်လွယ်အောင်သင်ပေးရသည်။
သဘောပေါက်သိမြင်နိုင်မည့်ရောင်စုံဓာတ်ပုံများနှင့်ရုပ်ပုံများကို များများသုံးဖို့လိုပါသည်။
လေ့ကျင့်လှုပ်ရှားမှုများကိုကား ဗွီဒီယိုအတိုလေးများပြသလျက် ရှင်းလင်းပြောပြပေးပါက သဘောပေါက်သိရှိနိုင်ကြလေသည်။
ထိုကြောင့် လက်တွေ့ သင်ပြမှုများ (Hands on training) နှင့်သရုပ်ဆောင်လေ့ကျင့်ခြင်း (role play) များကို အချိန်ယူထည့်သွင်းလေ့ကျင့်သင်ကြားပေးရသည်။
သဘောမပေါက်မချင်း လက်တွေ့မလုပ်နိုင်မချင်း အထပ်ထပ်ရှင်းပြလျက် မမှန်မချင်း အကြိမ်ကြိမ်လုပ်ဖို့လိုအပ်လေသည်။
လူနာကို အနေအထားမှန်ကန်စွာထားပေးတတ်ရန်လိုအပ်သကဲ့သို့ လုပ်ကိုင်ပေးမည့်သူကလည်း လူနာအား ထိထိရောက်ရောက်အကူညီပေးနိုင်ရန်နှင့် အန္တရာယ်ကင်းရှင်းစွာ သွားလာလှုပ်ရှားနိုင်စေရန်
အနေအထားမှန်ကန်စွာနေတတ်ဖို့လိုပါသည်။
လူနာများကိုပြုစုစောင့်ရှောက်ပေးရင်း သင်ကြားလေ့ကျင့်သင်ကြားပြသပေးရင်း ကိုယ်တိုင်မှာ ခါးနာခြင်း ခြေလက်နာသွားခြင်းများမဖြစ်စေရန် အရေးကြီးသည်။
တကယ်က လူနာကိုပြုစုစောင့်ရှောက်ခြင်းနှင့်လေ့ကျင့်သင်ကြားပေးခြင်းတို့သည် တစ်ကြိမ်တခါသာလုပ်ရသည့်ကိစ္စမဟုတ်။
တစ်နေ့တရက်သာလုပ်ပေးရသည်မဟုတ်။
နာရီများစွာ နေ့ရက်များစွာ လပေါင်းများစွာ လုပ်ပေးကြရလေ့ရှိရာ ကျန်းမာရေးပြုစုစောင့်ရှောက်ပေးသူများအနေဖြင့် ရေရှည်ကျန်းမာကြံ့ ခိုင်မှုရှိနေရမည်ဖြစ်သည်။
ဆက်ရေးပါဦးမည်။
No comments:
Post a Comment