စင်ကာပူမှာလေ စိမ်းစိမ်းရယ်စို

မိမိတို့အဖိုးကြီးအဖွားကြီးနှစ်ယောက်သည် ဘတ်စ်ကား သို့မဟုတ် အမ်အာတီရထားစီးကာ အပြင်သို့ မကြခဏဆိုသလို ခရီးသွားလေ့ရှိသည်။

မိမိသည် ဆေးရုံတွင်အလုပ်လုပ်နေသဖြင့် စနေ တနင်္ဂနွေမှအပ နေ့တိုင်းခရီးထွက်ဖြစ်နေသည်။

ထိုအခါ စိမ်းစိမ်းစိုစိုရှိလှသော စင်ကာပူ၏ရှုခင်းများကို ခံစားမိကြစမြဲပင်။

Garden by the Bay

                                          

                                        အော်ချတ်လမ်းဆုံ

စင်ကာပူနိုင်ငံ၏ထင်ရှားသည့်ဝိသေသအချို့ တွင် သစ်ပင် ပန်းပင်များဖြင့်စိမ်းစိမ်းစိုစိုရှိနေခြင်း (Green and Clean City) သည်လည်း တစ်ခုအပါအ၀င်ဖြစ်သည်။

တကယ်က စင်ကာပူသည် ကမ္ဘာအကောင်းဆုံးစိမ်းစိုစိုမြို့  (World’s Greenest City) ဖြစ်ရန် အားထုတ်ခဲ့သကဲ့သို့ ယခုလည်းကြိုးပမ်းနေဆဲဖြစ်သည်။

စင်ကာပူရှိ ပန်းခြံနှင့်ဥယျာဉ်တိုင်းကိုကြည့်ပါက သစ်ပင် ပန်းပင်များ နေရာမလပ်ရှိနေကြသဖြင့် မြင်မြင်ရာရာအားလုံး စိမ်းစိမ်းစိုစိုရှိလှသည်။ 

မျက်စိအေးပါဘိ။

ဥပမာ၊အားဖြင့်

Chinese Garden၊ Garden by the Bay၊ Botanic Gardens၊ MacRitchie Nature Trail & Reservoir Park၊ Fort Canning Park၊ Bukit Timah Nature Reserve? Hot Park အစရှိသည့်ပန်းခြံ၊ ဥယျာဉ်နှင့်သဘာဝတောတန်းများ။

ဘတ်စ်ကားနှင့်ရထားတို့စီးသွားရင်း ဘေးဘက်ဝန်းကျင်ကိုကြည့်က ပျိုးပင်ကလေးများအား မြေပိုမြေလပ်မရှိ အတန်းလိုက် အနိမ့်အမြင့် အကွက်ကျကျ စိုက်ပျိုးထားသည်ကို နေရာအနှံ့တွေ့မြင်နိုင်သေးသည်။ 

လမ်းဆုံတွေလိုနေရာတွေ၊ လမ်းက ကြိဂံကျွန်းတွေ၊ လမ်းလယ်ကျွန်းတွေမှာလည်း စိမ်းလန်းစိုပြည်သော မြက်ခင်းများ၊ ရောင်စုံပန်းအလှပင်များနှင့်ရာသီပန်းပွင့်များကို မျက်စိပသာဒကျကျ အထူးတလည်စိုက်ထားသည်ကိုတွေ့နိုင်သည်။

တစ်ချိန်တည်းမှာ သစ်ပင်များ၊ ပန်းအလှပင်များ၊ အရိပ်ရအပင်များနှင့်ရာသီပန်းများကို ပြုစုပျိုး ထောင်ပေးခြင်းနှင့်မွမ်းမံထိန်းသိမ်းခြင်းများပြုလုပ်ပေးနေကြရသည်။ 

နောက်ပြီး မလိုအပ်သော အန္တရာယ်ရှိနိုင်သောသစ်ပင်အိုများနှင့်သစ်ကိုင်း သစ်ခက်များကိုလည်း ကားကြီးကားငယ် စက်ယန္တရားများဖြင့် တစ်နှစ်ပတ်လုံး ခုတ်လှဲရှင်းပစ်ခြင်းများရှိသည်။ 

ယခင်အခါက လမ်းများ တောတောင်ကုန်းဂမူလေးများနှင့်မြက်ခင်းများသာစိမ်းလန်းခဲ့ရာမှ ယခုအခါတွင် မြို့ အလယ်ရှိ အဆောက်အဦများပင် စိမ်းစိမ်းစိုစိုရှိလာကြပေပြီ။ 

Green buildings ပါတဲ့။