ဒီကနေ့မနက်က မိမိတို့အဖိုးကြီးအဖွားကြီးနှစ်ဦး ဂျူရောင်းဒေသဆိုင်ရာစာကြည့်တိုက်ကိုရောက်
သွားခဲ့ကြပါတယ်။
ရောက်သွားရသည့်အကြောင်းကတော့ စာကြည့်တိုက်ကို 'ရက်လွန်ကြေးအကြွေး' သွားဆပ်တာ
ရယ်ပါ။
အကြွေးသွားဆပ်ရင်း စာအုပ် ၂ အုပ်ပါထပ်ပြီးငှားခဲ့ဖြစ်ပါသေးတယ်။
ပထမတအုပ်က Neuropedia ပါ။
စာအုပ်အမည်လေးက တိုတိုတုတ်တုတ်နဲ့ချစ်စရာလေးဖြစ်လို့ ကောက်ပြီးကိုင်ကြည့်မိရာကနေဖတ်
ချင်တာနဲ့ ငှားခဲ့ဖြစ်သွားတယ်။
Neuro နဲ့ပတ်သက်လာရင် Neurology တို့ Neurological တို့ဆိုသည့်စကားလုံးများသာ မိမိအတွေ့
များခဲ့ပြီး အခုတခါမှာတော့ Neuropedia တဲ့။
စာအုပ်အမည်လေးက ခပ်ဆန်းဆန်းရယ်။
Pedia(paedia) ဆိုတာ သင်ယူခြင်း၊ လေ့လာဆည်းပူးခြင်း၊ ပညာ စသဖြင့်အနက်အဓိပ္ပာယ်ကောက်
ယူနိုင်မယ်ထင်ပါတယ်။
ဒီစကားလုံးနဲ့ဆုံးထားသည့်ဝေါဟာရ(စကားလုံး)ကို မိမိတသက်မှာ ပထမဦးဆုံးတွေ့ဖူးမြင်ဖူးခဲ့တာက
မြန်မာ့စွယ်စုံကျမ်း(Encyclopaedia) စာအုပ်မှာလို့ပြောရမှာပါ။
Encyclopaedia တလုံးထဲဆိုရင် 'ပညာစွယ်စုံကျမ်း'လို့ မြန်မာအဘိဓာန်စာအုပ်များတွင် အနက်ဖွင့်ရေး
ထားကြပါတယ်။
နောက်တအုပ်က The Feeling Good Handbook ပါ။
ဒီစာအုပ်ကို အဓိကစိတ်ဝင်စားမိတာက စာအုပ်ဝေဖန်သူတဦးပြောပြထားသည့် စာအုပ်နဲ့ပတ်သက်
တဲ့သူရဲ့ ကိုယ်တွေ့ခံစားမှုပါ။
လိုရင်းကိုချုပ်ပြီးပြောရရင် "ဒီစာအုပ်က ကိုယ့်အားကိုယ်ကိုးပြီး ကိုယ့်ကြမ္မာကို ကိုယ်ဖန်တီးနိုင်တဲ့
နည်းလမ်းတွေကို တဆင့်ပြီးတဆင့်ကိုယ်တိုင်ကိုယ်ကျပြောပြ(သင်ပြ)ပေးနေသလိုပါပဲ"ဆိုထားလို့
ဖြစ်တယ်။
"ငါ ဘာဖြစ်လို့ အခု့လိုတွေးမိနေတာလဲ။ ဒီလိုမျိုးကြီးဖြစ်နေရတာပါလဲ။
ဒါတွေကို ဘယ်လိုနည်းနဲ့ကျော်လွှားပြီး ငါ့ကိုယ်ကိုကောင်းအောင်နေနိုင်လဲဆိုတွေကို နားလည်သ
ဘောပေါက်ခဲ့ရပါတယ်" တဲ့။
No comments:
Post a Comment